Эрүүл мэндийн хөгжлийн төв

17/09/2026

📢 ҮНДСЭН МЭРГЭШЛИЙН ЭЛСЭЛТИЙН ШАЛГАЛТЫН ЗОХИОН БАЙГУУЛАЛТ, ЦАХИМ СИСТЕМИЙН АЮУЛГҮЙ БАЙДАЛ

Үндсэн мэргэшлийн элсэлтийн шалгалтыг зохион байгуулахтай холбоотой шалгалтын үйл явц, зохион байгуулалт болон шалгалт авах цахим системийн аюулгүй байдлын талаар мэдээлэл хүргэж байна.

ЭМХТ-ийн Хүний нөөцийн хөгжлийн алба, Цахим хөгжлийн албанаас шалгалтын явцын ил тод байдал болон системийн аюулгүй ажиллагааг анхаарч ажиллаж байна.

📌 Шалгалтад оролцогч та бүхэн шалгалтын зохион байгуулалт болон цахим системтэй холбоотой мэдээлэлтэй сайтар танилцаж, шалгалтын өмнө шаардлагатай бэлтгэлээ хангана уу.

Эрүүл мэндийн хөгжлийн төв

17/09/2026

17/09/2026

🔈2026 ОНЫ ҮНДСЭН МЭРГЭШЛИЙН ЭЛСЭЛТИЙН ШАЛГАЛТАД ХАМРАГДАГСДЫН ШАЛГАЛТ ӨГӨХ ӨДӨР, ӨРӨӨ, ЦАГИЙН ХУВААРЬ

✅Та өөрийн hr.hdc.gov.mn-ийн бүртгэлийн кодоороо reel time-р дүнгээ харах боломжтой.

Хуваарь харах холбоос:

Та өөрийн hr.hdc.gov.mn-ийн бүртгэлийн кодоороо reel time-р дүнгээ харах боломжтой.

17/09/2026

“ЕРӨНХИЙ МЭРГЭШИЛ СУДЛАЛ” ҮНДСЭН МЭРГЭШЛИЙН СУРГАЛТ ЭРХЛЭХ БАЙГУУЛЛАГЫН ГЭРЧИЛГЭЭ ГАРДУУЛЛАА

✅Эмнэлгийн мэргэжилтний төгсөлтийн дараах “Ерөнхий мэргэшил судлал” үндсэн мэргэшлийн сургалтыг 2018 оноос зохион байгуулж эхэлсэн. Энэхүү сургалт нь 1 жилийн хугацаатай үндсэн мэргэшлийн сургалтын суурь сургалт бөгөөд сургалт эрхлэх байгууллагыг үе шаттай бэлтгэж ирсэн.

✅Эрүүл мэндийн сайдын 2017 оны А/337 дугаар тушаалаар батлагдсан мэргэшүүлэх болон тасралтгүй сургалт зохион байгуулах журмын дагуу төгсөлтийн дараах сургалтын тогтолцооны шинэчлэлийн хүрээнд 2026-2027 оны хичээлийн жилээс эхлэн шинэ төгсөгч хүний их эмч нь үндсэн мэргэшлийн суурь сургалтад заавал суралцахаар төлөвлөн, сургалт эрхлэх байгууллагын тоог орон нутагт нэмэгдүүлэх, сургалтын чанар, тогтвортой байдлыг хадгалах, эмнэл зүйн сургагч багш нарыг чадавхжуулах чиглэлийн арга хэмжээг авч ажиллаж байна.

✅Энэ хүрээнд сургалт эрхлэх байгууллагын шаардлагыг хангаж, Эрүүл мэндийн яамны дэргэдэх Эмнэлгийн мэргэжилтний хөгжлийн зөвлөлийн 2026 оны 02,03 дугаар тогтоолоор "Ерөнхий мэргэшил судлал" үндсэн мэргэшлийн сургалт эрхлэх зөвшөөрөл олгогдсон Хан-Уул дүүргийн Нэгдсэн эмнэлэг, Төв аймгийн Нэгдсэн эмнэлэг, Дархан-Уул аймгийн Нэгдсэн эмнэлэгт “Сургалт эрхлэх байгууллагын гэрчилгээ”-г гардуулж өглөө.

📌Улмаар энэхүү сургалтыг зохион байгуулах байгууллага 3-аар нэмэгдэж, нийт 19 үүнээс 15 аймаг, дүүргийн нэгдсэн эмнэлэг, эрүүл мэндийн төвд сургалт явагдах боломжтой боллоо.
https://hdc.gov.mn/post/1960/

17/09/2026

ДЭЛХИЙН ҮЙЛЧЛҮҮЛЭГЧИЙН АЮУЛГҮЙ БАЙДЛЫН ӨДӨР – 2026

✅Дэлхий дахинд жил бүрийн 9 дүгээр сарын 17-ны өдрийг "Дэлхийн үйлчлүүлэгчийн аюулгүй байдлын өдөр" болгон тэмдэглэн өнгөрүүлдэг билээ.
2026 оны хувьд энэхүү өдрийг “Халдварт бус өвчний үеийн аюулгүй тусламж, үйлчилгээ” сэдвийн дор “Амьдралын турш аюулгүй тусламж, үйлчилгээ!” (Safe care for life!) хэмээх уриатайгаар тэмдэглэж байна.
✅Эрүүл мэндийн хөгжлийн төвөөс өрнүүлж буй 30 хоногийн аян
Энэхүү өдрийг угтан манай төвөөс Анхан шатны эрүүл мэндийн байгууллагуудтай хамтран 09 сарын 10-ны өдрөөс эхлэн “АМЬДРАЛЫН ТУРШ АЮУЛГҮЙ ТУСЛАМЖ – ИЛРҮҮЛСНЭЭС ХЯНАЛТ ХҮРТЭЛ ИРГЭН БҮР ТАСРАЛТГҮЙ ХЯНАЛТАД” сэдэвт 30 хоногийн аяныг амжилттай эхлүүлээд байна.
✅Аяны хүрээнд хийгдэх гол ажлууд:
•2026 онд Артерийн даралт ихсэх болон Чихрийн шижин шинээр илэрсэн иргэдийн хяналтын бодит байдлыг цэгцтэй үнэлэх.
•Өмнө нь оношлогдсон боловч хяналтаас тасарсан иргэдийг дахин илрүүлж, эргэн хяналтад оруулах.
•Артерийн даралт ихсэх, чихрийн шижинтэй иргэдийг тогтмол, тасралтгүй хяналтад бүрэн хамруулах тогтолцоог сайжруулах.
Гүн талархал илэрхийлье!

✅Энэхүү өдрийг тохиолдуулан нийслэл, орон нутгийн бүх шатлалын, улс болон хувийн хэвшлийн эрүүл мэндийн байгууллагууд нэгдэн, өөр өөрийн онцлогт тохирсон өдөрлөг, үйл ажиллагааг идэвхтэй зохион байгуулж байгаад ЭМХТ-ийн зүгээс гүн талархал илэрхийлье!

✅Эрүүл мэндийн байгууллагууд иргэддээ хүрч, хэрхэн идэвх санаачилгатай ажиллаж буйг тэдний зохион байгуулж буй үйл ажиллагаа, цахим хуудсаараа дамжуулан хүргэж буй зураг, мэдээллүүдээс тодхон харж болно. Иргэдийнхээ эрүүл мэндийн төлөө тасралтгүй хөдөлмөрлөж буй нийт эмч, сувилагч, эмнэлгийн мэргэжилтнүүддээ баярлалаа!

17/09/2026

📍ДЭЛХИЙН ҮЙЛЧЛҮҮЛЭГЧИЙН АЮУЛГҮЙ БАЙДЛЫН ӨДӨР 9 ДҮГЭЭР САРЫН 17-НЫ ӨДӨР ТОХИОЖ БАЙНА

✅2026 онд энэхүү өдрийг “Халдварт бус өвчний үеийн аюулгүй тусламж, үйлчилгээ” сэдвийн хүрээнд “Амьдралын турш аюулгүй тусламж, үйлчилгээ!” уриан дор зохион байгуулна.

Дэлхийн үйлчлүүлэгчийн аюулгүй байдлын өдөрт зориулсан дэлгэрэнгүй мэдээллийг дараах холбоосноос авна уу?
https://www.who.int/campaigns/world-patient-safety-day/2026

16/09/2026

Үндсэн мэргэшлийн элсэлтийн шалгалт 2026 оны 9-р сарын 19-20-ны өдрүүдэд явагдана.

‼️Энэхүү шалгалттай холбоотойгоор төвийн болон хэн нэгэн албан хаагчийн нэрийг барин шалгалтад тэнцүүлнэ, бэлтгүүлнэ гэх мэт худал мэдээлэл түгээж, мөнгө, эд материал авах зэргээр шалгуулагчдыг залилах гэмт хэргийн хохирогч болох эрсдэл үүсдэг.

✅ Иймд та худал мэдээлэлд авталгүй төвийн сайт дээр байршуулсан зөвшөөрлийн шалгалтын жишиг сорилоос шалгалтдаа бэлтгээрэй.

16/09/2026

АШИГ СОНИРХЛЫН ЗӨРЧЛӨӨС УРЬДЧИЛАН СЭРГИЙЛЭХ ЧИГЛЭЛЭЭР СУРГАЛТ ЗОХИОН БАЙГУУЛЛАА

✅Эрүүл мэндийн хөгжлийн төвөөс Үндсэн мэргэшлийн сургалтын элсэлтийн шалгалттай холбогдуулан шалгалтын комисс болон албан хаагчдын хууль, эрх зүйн мэдлэгийг дээшлүүлэх, ашиг сонирхлын зөрчлөөс урьдчилан сэргийлэх, авлигын эрсдэлийг бууруулах зорилгоор сургалт зохион байгууллаа.

✅Сургалтыг Авлигатай тэмцэх газрын Урьдчилан сэргийлэх, соён гэгээрүүлэх хэлтсийн комиссар С.Янжинлхам удирдан явуулж, Эрүүл мэндийн хөгжлийн төвийн мэргэжилтнүүд болон шалгалтын комисс хамрагдлаа.

✅Сургалтын үеэр ашиг сонирхлын зөрчил гэж юу болох, түүнийг хэрхэн таньж, урьдчилан сэргийлэх, нийтийн албан тушаалтан болон албан хаагчийн баримтлах хууль, эрх зүйн зохицуулалт, албан үүргээ хэрэгжүүлэх явцад үүсэж болзошгүй ашиг сонирхлын зөрчлийг зохицуулахтай холбоотой асуудлаар мэдээлэл өглөө.

✅Мөн ашиг сонирхлын зөрчлөөс урьдчилан сэргийлэх нь төрийн байгууллагын үйл ажиллагааны ил тод, шударга байдлыг хангах, иргэдэд үзүүлэх төрийн үйлчилгээнд итгэх итгэлийг нэмэгдүүлэхэд чухал ач холбогдолтой талаар онцлон тэмдэглэлээ.

15/09/2026

ҮНДСЭН МЭРГЭШЛИЙН ЭЛСЭЛТИЙН ШАЛГАЛТЫН ЖИШИГ СОРИЛ БЭЛДЭЭРЭЙ
📢 Эрүүл мэндийн ажилтны нэгдсэн бүртгэлийн систем
**https://hr.hdc.gov.mn/**-д “Жишиг сорил” цэс нэмэгдлээ.
📚 ЖИШИГ СОРИЛЫН ЧИГЛЭЛ
2026 оны хичээлийн жилд Үндсэн мэргэшил /Резидент/-ийн элсэлтийн шалгалтад бүртгүүлсэн танд зориулан “Жишиг сорил” цэсэнд дараах чиглэлийн жишиг сорилыг байршууллаа.
👨‍⚕️ ХҮНИЙ ИХ ЭМЧ
🦷 ШҮДНИЙ ИХ ЭМЧ
🌿 УЛАМЖЛАЛТ АНАГААХ УХААН
💻 ХЭРХЭН АШИГЛАХ ВЭ?
hr.hdc.gov.mn системд нэвтэрч,
“Жишиг сорил” цэсээр орж шалгалтад бэлтгэлээ хангана уу.
🔗 ЖИШИГ СОРИЛ БЭЛДЭХ
https://hr.hdc.gov.mn/

15/09/2026

СЭЛЭНГЭ АЙМГИЙН НЭГДСЭН ЭМНЭЛЭГТ СУРГАЛТ ЭРХЛЭХ ЗӨВШӨӨРЛИЙН ҮНЭЛГЭЭ ХИЙЛЭЭ

✅Эмнэлгийн мэргэжилтний төгсөлтийн дараах сургалтын тогтолцооны шинэчлэлийн хүрээнд шинэ төгсөгч эмчийг чадавхижуулах, орон нутгийн хүний нөөцийн хангалтыг нэмэгдүүлэх, ажлын байранд нь мэргэшүүлэх зорилгоор “Ерөнхий мэргэшил судлал” үндсэн мэргэшлийн суурь сургалтыг 2018 оноос эхлэн орон нутагт үе шаттай зохион байгуулж, эмнэл зүйн сургагч багш нарыг бэлтгэж эхэлсэн.

✅Одоогоор энэхүү сургалтыг нийт 19 эрүүл мэндийн байгууллага, үүнээс орон нутагт 10 аймаг, 5 дүүргийн нэгдсэн эмнэлэг зохион байгуулж, 200 гаруй мэргэшсэн эмч бэлтгэсэн байна.
Энэ хүрээнд Сэлэнгэ аймгийн Нэгдсэн эмнэлгийн хүсэлтийн дагуу тус төвөөс 9 сарын 10-12 ны хооронд орон нутагт ажиллаж, Эмнэлзүйн сургалт удирдах их эмчийн 65 дахь удаагийн сургалтыг зохион байгуулж, нэгдсэн эмнэлэг, сум, өрх, тосгоны эрүүл мэндийн төвийн нийт 24 эмч сургагч багшаар бэлтгэгдлээ.

✅Мөн энэ үеэр сургалт эрхлэх байгууллагад тавигдах шаардлагын дагуу үнэлгээ хийж, сургалтын төлөвлөлт, хэрэгжилтийн чиглэлээр арга зүйн зөвлөгөө өгч ажиллаа.
https://hdc.gov.mn/post/1957/