MedNews mn

MedNews mn МЭДЛЭГЭЭР ХОЛБОГДЪЁ...

“Өөрийн хүсэлтээр…” гэх дөрвөн үгийн цаана юу нуугдаж байна вэ?2024 онд эрүүл мэндийн салбарт 16,974 хүн шинээр ажилд ор...
29/07/2026

“Өөрийн хүсэлтээр…” гэх дөрвөн үгийн цаана юу нуугдаж байна вэ?

2024 онд эрүүл мэндийн салбарт 16,974 хүн шинээр ажилд орж, 13,538 хүн ажлаасаа гарчээ. Нийт 69,700 ажлын байртай энэ салбарт нэг жилийн дотор 30 мянга гаруй удаагийн хүний нөөцийн шилжилт хөдөлгөөн бүртгэгдсэн байна.

Ажлаас гарсан ажилтнуудын 57.2 хувь нь өөрийн хүсэлтээр, 14.6 хувь нь жирэмсний болон хүүхэд асрах чөлөөгөөр, 13.5 хувь нь байгууллага хооронд шилжиж, 8.1 хувь нь өндөр насны тэтгэвэрт гарсан гэсэн мэдээлэл бий.
Тоон мэдээлэл нэг зүйлийг хэлж байна. Харин тэр тоонуудын цаана юу өрнөж байгааг статистик хэлдэггүй.

“Өөрийн хүсэлтээр ажлаас гарсан.” Тайланд ингэж л бичигддэг нь харамсалтай...

Гэхдээ өөрийн хүсэлтээр ажлаасаа гарна гэдэг үнэхээр зөвхөн хувь хүний сонголт байсан гэж үү?
Үгүй дээ ... Үнэндээ ажлын ачаалал, хөдөлмөрийн үнэлэмж, ажлын орчин, мэргэжлээс халшрах байдал зэрэг олон асуудлын төгсгөл нь энэ дөрвөн үг болж үлддэг...

Яахав зөвхөн Эрүүл мэндийн байгууллага гэхгүй бүхий л салбарт хүний нөөцийн дутагдал шинэ асуудал биш. Сул орон тоог шинэ төгсөгчөөр нөхөх, дотооддоо шилжүүлэх, илүү цаг ажиллах, нэг хүн хэд хэдэн үүрэг хавсрах зэрэг нь олон байгууллагын өдөр тутмын бодит байдал болсон.

Ажил зогсдоггүй.

Үйлчилгээ тасалддаггүй. #Харамсалтай нь энэ нь хүний нөөцийн асуудал шийдэгдсэн гэсэн үг биш.

Нэг эмч, нэг сувилагчийн оронд өөр хүн авч болно. Харин олон жил хуримтлуулсан туршлага, эмнэлзүйн ур чадвар, багийн уялдаа холбоо, залуу ажилтанд мэдлэгээ өвлүүлдэг чадамжийг хамтад нь орлуулах боломжгүй.

Тиймээс энэ статистикаас хамгийн түрүүнд асуух ёстой зүйл нь “хэдэн хүн ажилд орсон бэ?” биш. Нөхөгдөж байгаа бол асуудал биш гэж харж болохгүй юм.

Яагаад ийм олон хүн ажлаасаа гарсан бэ?

Хэрэв жил бүр ийм хэмжээний шилжилт хөдөлгөөн үргэлжилбэл хамгийн түрүүнд ажлын ачаалал үлдсэн ажилтнууд дээр нэмэгдэнэ. Дараа нь туршлагатай боловсон хүчний эзлэх хувь буурна. Цаашлаад шинэ ажилтныг сургаж дадлагажуулах боломж хумигдаж, мэдлэгийн залгамж чанар алдагдах эрсдэл үүснэ.

Энэ бүхний үр дагаврыг зөвхөн эрүүл мэндийн байгууллага биш, эмнэлгийн тусламж авч буй иргэд ч мэдэрнэ.

Эмнэлгийн барилгыг шинэчилж болно. Орчин үеийн тоног төхөөрөмж авч болно. Харин туршлагатай эмч, сувилагч, эх баригч, лабораторийн мэргэжилтнийг хэдхэн сарын дотор бэлтгэх боломжгүй.
#өнөөдөр тайланд “өөрийн хүсэлтээр” гэсэн дөрвөн үгээр тэмдэглэгдсэн энэ үзүүлэлт, маргааш эрүүл мэндийн салбарын хамгийн том сорилтын нэг болж хувирахыг үгүйсгэх аргагүй.
.Энхжаргал

Тулгар төрийн 2235, Их Монгол Улс байгуулагдсаны 820, үндэсний эрх чөлөө, тусгаар тогтнолоо сэргээн мандуулсны 115, Арды...
14/07/2026

Тулгар төрийн 2235, Их Монгол Улс байгуулагдсаны 820, үндэсний эрх чөлөө, тусгаар тогтнолоо сэргээн мандуулсны 115, Ардын хувьсгалын 105 жилийн ойн Үндэсний их баяр наадмын 1024 бөхийн барилдаанд түрүүлж даян аварга цол хүртсэндээ баяртай байна.

Энэ хүртэл намайг дэмжиж ирсэн багш нар хамтарч ажилладаг аж ахуйн нэгжүүд, үргэлж дэмжиж байдаг Монголынхоо ахан дүүс Та бүхэнд маш их баярлалаа.

Миний гэр бүлтэй холбоотой асуудалд хүндэтгэлтэй хандахыг Та бүхнээсээ хүсч байна. Хамааралгүй хүмүүсийн зураг эвлүүлж, илт худал гүтгэлэгийн чанартай мэдээлэл түгээж буйд гүнээ харамсаж байна.

Учир нь манай гэр бүл шинэ хүнээ хүлээн аваад удаагүй байгаа бөгөөд миний эхнэр нярай биетэй байгаа тул сэтгэл зүйг нь тайван байлгахыг зарим нөхдөөс хүсч бас гуйж байна.

Бусдын хувийн амьдралд хүндэтгэлтэй хандахыг залуус бид хүсч буйг эерэгээр хүлээн авна уу?

Намайг үргэлж дэмждэг Монголынхоо нийт ард түмэнд талархаж буйгаа дахин илэрхийлье ээ🙏🤗

Д.БАТБОЛД ХӨДӨЛМӨРИЙН ГАВЬЯАНЫ УЛААН ТУГИЙН ОДОНГООР ШАГНАГДЛААМонгол Улсын Ерөнхийлөгчийн зарлигаар геологи, уул уурхай...
08/07/2026

Д.БАТБОЛД ХӨДӨЛМӨРИЙН ГАВЬЯАНЫ УЛААН ТУГИЙН ОДОНГООР ШАГНАГДЛАА

Монгол Улсын Ерөнхийлөгчийн зарлигаар геологи, уул уурхайн салбарт олон жил үр бүтээлтэй ажиллаж, салбарын хөгжилд үнэтэй хувь нэмэр оруулсан Дорлиг овогтой Батболд Хөдөлмөрийн гавьяаны улаан тугийн одон хүртлээ.

Тэрээр геологи, уул уурхайн салбарт тасралтгүй 29 жил ажиллахдаа геологийн судалгаа, ашигт малтмалын эрэл хайгуул, үйлдвэрлэлийн үйл ажиллагааг хөгжүүлэх, салбарын мэргэжлийн боловсон хүчнийг бэхжүүлэхэд бодит хувь нэмэр оруулж, олон хариуцлагатай албан тушаалыг нэр төртэй хашсан туршлагатай инженер, геологич юм.

Энэхүү эрхэм хүндтэй төрийн дээд шагналыг хүртсэн Д.Батболд танд халуун баяр хүргэж, эрүүл энх, аз жаргал, ажлын өндөр амжилтыг хүсэн ерөөе.

Монгол Улсын Хүний гавьяат эмч, УИХ-ын гишүүн Т.Мөнхсайхан: Аав, ээж хоёр маань бурханы орноос хүүгээ хараад баярлаж суу...
08/07/2026

Монгол Улсын Хүний гавьяат эмч, УИХ-ын гишүүн Т.Мөнхсайхан: Аав, ээж хоёр маань бурханы орноос хүүгээ хараад баярлаж суугаа гэдэгт итгэдэг. Хүү нь цаашид бүр илүү их хичээж, ард иргэдийнхээ эрүүл мэндийн төлөө үнэнчээр ажиллах болно.

ЭХ, УРГИЙН АНАГААХ УХААНЫ САЛБАРЫН ХӨГЖИЛД ОРУУЛСАН ХУВЬ НЭМРИЙГ ҮНЭЛЖ, ХАДААГИЙН ЦОЛМОНД ХҮНИЙ ГАВЬЯАТ ЭМЧ ЦОЛ ХҮРТЭЭНЭ...
07/07/2026

ЭХ, УРГИЙН АНАГААХ УХААНЫ САЛБАРЫН ХӨГЖИЛД ОРУУЛСАН ХУВЬ НЭМРИЙГ ҮНЭЛЖ, ХАДААГИЙН ЦОЛМОНД ХҮНИЙ ГАВЬЯАТ ЭМЧ ЦОЛ ХҮРТЭЭНЭ

Монгол Улсын Ерөнхийлөгчийн зарлигаар эх барих, эмэгтэйчүүдийн эмч Хадаагийн Цолмон эх, ургийн анагаах ухааны салбарын хөгжилд оруулсан олон жилийн хөдөлмөр, хувь нэмрийг нь үнэлж, Монгол Улсын Хүний гавьяат эмч цолоор шагнана.

Тэрээр эх барих, эмэгтэйчүүдийн салбарт 25 жилийн турш ажиллахдаа 5000 гаруй эхийг эсэн мэнд амаржуулж, эх, ургийн анагаах ухааны тусламж үйлчилгээний чанар, хүртээмжийг дээшлүүлэх, эх, нярайн эрүүл мэндийг хамгаалах үйлсэд үнэтэй хувь нэмэр оруулсан юм.

Мөн 2021–2024 онд Эх, хүүхдийн эрүүл мэндийн үндэсний төвийн Дэд захирлаар ажиллах хугацаандаа эх, хүүхдийн тусламж үйлчилгээний чанар, хүртээмжийг сайжруулах, 100,000 амьд төрөлтөд ногдох эхийн эндэгдлийн үзүүлэлтийг 94.9-өөс 22.5 болгон бууруулахад бодит хувь нэмэр оруулжээ.

Энэхүү төрийн дээд шагнал нь түүний эх, ургийн анагаах ухааны салбарын хөгжил, эх, хүүхдийн эрүүл мэндийн төлөө зориулсан олон жилийн хөдөлмөр, зүтгэлийг төрөөс өндрөөр үнэлж буй хүндэтгэл юм.

Монгол Улсын Ерөнхийлөгчийн зарлигаар мэс заслын эмч Тогтмолын Мөнхсайханд Монгол Улсын Хүний гавьяат эмч цол хүртээлээ....
07/07/2026

Монгол Улсын Ерөнхийлөгчийн зарлигаар мэс заслын эмч Тогтмолын Мөнхсайханд Монгол Улсын Хүний гавьяат эмч цол хүртээлээ.

Тэрээр эрүүл мэндийн салбарт 20 жилийн турш тасралтгүй ажиллахдаа 15,000 гаруй мэс заслыг амжилттай хийж, үе, ясны мэс заслын тусламж, үйлчилгээг шинэ шатанд гаргах, орчин үеийн оношилгоо, эмчилгээний арга технологийг нутагшуулах үйлсэд үнэтэй хувь нэмэр оруулсан юм.

Т.Мөнхсайхан нь 2023 онд “Монгол Улсад өвдөг, мөрний үений дурангийн мэс заслыг нэвтрүүлэн нутагшуулсан нь” бүтээлээрээ хамтран ажилласан багийнхаа хамт Монгол Улсын Төрийн соёрхол хүртсэн.

Түүний олон жилийн хөдөлмөр, мэргэжлийн ур чадвар, эмч мэргэжилтнүүдийг бэлтгэн хөгжүүлсэн бодит хувь нэмрийг төр өндрөөр үнэлж, Монгол Улсын Хүний гавьяат эмч хэмээх эрхэм хүндэт цолоор шагналаа.
Тогтмолын Мөнхсайхан Munkhsaikhan Togtmol

МУ-ын Ерөнхийлөгч У.Хүрэлсүх Гавьяат тамирчин Э.Цэндбаатарын гэр бүлд хоёр өрөө байр өглөө.. 👏👏
07/07/2026

МУ-ын Ерөнхийлөгч У.Хүрэлсүх Гавьяат тамирчин Э.Цэндбаатарын гэр бүлд хоёр өрөө байр өглөө.. 👏👏

ЭХЭМҮТ-ийн Мэс заслын зөвлөх эмч, Төрийн соёрхолт Дашжамцын Авирмэд Монгол Улсын Ардын эмч цол хүртлээЭх, хүүхдийн эрүүл...
06/07/2026

ЭХЭМҮТ-ийн Мэс заслын зөвлөх эмч, Төрийн соёрхолт Дашжамцын Авирмэд Монгол Улсын Ардын эмч цол хүртлээ

Эх, хүүхдийн эрүүл мэндийн үндэсний төвийн Мэс заслын зөвлөх эмч, Төрийн соёрхолт Дашжамцын Авирмэд Монгол Улсын Ерөнхийлөгчийн зарлигаар “Монгол Улсын Ардын эмч” хэмээх эрхэм дээд цолоор шагнагдлаа.

Энэхүү эрхэм хүндтэй шагналыг Монгол Улсад Хүүхдийн мэс заслын алба үүсэж хөгжсөний түүхт 70 жилийн ойтой давхцуулан хүртэж буй нь хүүхдийн мэс заслын салбарын хөгжил, үе үеийн эмч нарын хөдөлмөр зүтгэлийг төрөөс өндрөөр үнэлсэн онцгой үйл явдал болж байна.

Дашжамцын Авирмэд эмч нь Монголын хүүхдийн мэс заслын албаны үүсэл, хөгжилтэй салшгүй холбоотой бөгөөд тус салбарын хөгжлийн суурийг тавьж, бэхжүүлэх үйлсийг манлайлан ажилласан эрхэм эмч, эрдэмтэн, багш юм. Тэрээр хүүхдийн мэс заслын тусламж, үйлчилгээг хөгжүүлэх, шинэ арга технологийг нэвтрүүлэх, үндэсний боловсон хүчнийг бэлтгэхэд үнэтэй хувь нэмэр оруулж, олон мянган хүүхдийн амь нас, эрүүл мэндийн төлөө мэдлэг, ур чадвар, сэтгэл зүтгэлээ зориулсан билээ.

Мөн олон үеийн хүүхдийн мэс засалч, эмч мэргэжилтнүүдийг сурган хүмүүжүүлж, өөрийн мэдлэг, туршлага, ёс зүйн үнэт өвийг өвлүүлэн үлдээсэн нэр хүндтэй багш бөгөөд түүний шавь нар өнөөдөр эх орны өнцөг булан бүрт хүүхдийн эрүүл мэндийн төлөө нэр төртэй ажиллаж байна.

“Монгол Улсын Ардын эмч” хэмээх эрхэм дээд цолоор шагнагдсан Дашжамцын Авирмэд эмчийг өнөөдөр Эх, хүүхдийн эрүүл мэндийн үндэсний төвийн хамт олон төрөлх эмнэлэгт нь хүндэтгэлтэйгээр угтан авч, энэхүү бахархалт мөчийг хамтдаа тэмдэглэлээ.

Эрхэм Авирмэд эмч танд эрүүл энх, урт удаан насалж, арвин их мэдлэг, үнэт туршлагаараа залуу үеийн эмч, мэргэжилтнүүдийг үргэлжлүүлэн сурган чиглүүлж, эх үрсийн эрүүл мэндийн төлөөх эрхэм үйлс тань улам бүр өргөжин хөгжинө гэдэгт итгэлтэй байгаагаа илэрхийлье.

ЭРҮҮЛ МЭНДИЙН САЛБАРЫН ЗАЛУУЧУУДЫН ХОЛБОО БАЙГУУЛАГДЛААМонголын эрүүл мэндийн салбарт анх удаа залуу үеийн эмч, сувилагч...
02/07/2026

ЭРҮҮЛ МЭНДИЙН САЛБАРЫН ЗАЛУУЧУУДЫН ХОЛБОО БАЙГУУЛАГДЛАА

Монголын эрүүл мэндийн салбарт анх удаа залуу үеийн эмч, сувилагч, эрүүл мэндийн байгууллагын ажилтан, судлаач, салбарын залуу мэргэжилтнүүдийг нэгтгэсэн “Эрүүл мэндийн салбарын залуучуудын холбоо” байгуулагдлаа. Энэхүү холбоо нь эрүүл мэндийн салбарын залуучуудын манлайлал, оролцоог нэмэгдүүлэх, хамтын ажиллагааг бэхжүүлэх, мэргэжлийн хөгжил, шинэ санаачилгыг дэмжих, залуу үеийн дуу хоолойг салбарын бодлого, шийдвэр гаргах түвшинд хүргэх хэрэгцээ, шаардлагад үндэслэн байгуулагдаж буйгаараа онцлог юм.

Тус холбоо нь эрүүл мэндийн салбарт ажиллаж буй залуу мэргэжилтнүүдийг нэгтгэж, мэдлэг, туршлага солилцох, манлайлах ур чадварыг хөгжүүлэх, судалгаа, инновац, сайн дурын үйл ажиллагааг дэмжих, үндэсний болон олон улсын байгууллагуудтай хамтын ажиллагааг өргөжүүлэх чиглэлээр үйл ажиллагаагаа явуулах юм. Мөн салбарын залуу боловсон хүчний санал санаачилгыг бодит ажил хэрэг болгон хэрэгжүүлэх, хамтын ажиллагааны нэгдсэн тогтолцоог бүрдүүлэх, ирээдүйн манлайлагчдыг бэлтгэхэд чиглэсэн төсөл, хөтөлбөрүүдийг хэрэгжүүлэхээр зорин ажиллана.

Өнөөдөр эрүүл мэндийн салбарын тогтвортой хөгжил нь зөвхөн эмчилгээ, үйлчилгээний чанараас гадна хүний нөөцийн чадавх, залгамж халаа, шинэ үеийн манлайлагчдыг төлөвшүүлэхтэй салшгүй холбоотой болсон. Иймээс салбарын залуучуудыг нэгтгэсэн энэхүү холбоо нь тэдний оролцоог нэмэгдүүлэх, хамтын ажиллагааг өргөжүүлэх, шинэ санаа, инновацыг бодит ажил хэрэг болгох чухал гүүр болох юм.

“Эрүүл мэндийн салбарын залуучуудын холбоо” байгуулагдсанаар салбарын залуу мэргэжилтнүүд нэгдсэн зорилго, үнэт зүйлтэйгээр хамтран хөгжих, туршлага солилцох, мэргэжлийн болон манлайллын ур чадвараа дээшлүүлэх шинэ боломж бүрдэхээс гадна эрүүл мэндийн салбарын хүний нөөцийн тогтвортой хөгжлийг дэмжих, ирээдүйн манлайлагчдыг бэлтгэхэд бодит хувь нэмэр оруулах ач холбогдолтой юм.

УНТЭ-ийн удирдлагуудыг гэрээтэй холбоотой асуудлаар шалгаж эхэлжээЭх сурвалжийн мэдээлснээр, Улсын нэгдүгээр төв эмнэлги...
01/07/2026

УНТЭ-ийн удирдлагуудыг гэрээтэй холбоотой асуудлаар шалгаж эхэлжээ

Эх сурвалжийн мэдээлснээр, Улсын нэгдүгээр төв эмнэлгийн удирдлагатай холбоотой шалгалтын ажиллагаа эхэлсэн байна.

Тодруулбал, өчигдөр тус эмнэлгийн ерөнхий захирлын үүргийг гүйцэтгэгч П.Анхтуяагийн албан өрөөнд Авлигатай тэмцэх газрын алба хаагчид нэгжлэг хийж, мөрдөн шалгах ажиллагааны хүрээнд саатуулсан гэх мэдээлэл байна.

Мөн энэ хэрэгтэй холбоотойгоор Захирлын ажлын албаны дарга Ц.Амаржаргал, мэс заслын эмч С.Отгонбаяр нарыг ч шалгаж байгаа аж.

Эх сурвалжийн мэдээлснээр, Авлигатай тэмцэх газрын арав орчим хүний бүрэлдэхүүнтэй ажлын хэсэг Улсын нэгдүгээр төв эмнэлэгт ажилласан бөгөөд мөрдөн шалгах ажиллагаа нь гэрээ, худалдан авалттай холбоотой асуудлын хүрээнд үргэлжилж байгаа гэх мэдээлэл байна.

Албаныхан энэ талаар одоогоор албан ёсны тайлбар мэдээлэл өгөөгүй бөгөөд мөрдөн шалгах ажиллагаа үргэлжилж байгаа тул дээрх мэдээллийг албан ёсоор баталгаажуулах боломжгүй байна.
Эх сурвалжийн мэдээллээр, зөвхөн Улсын нэгдүгээр төв эмнэлэг бус, гуравдугаар шатлалын зарим эмнэлгийн удирдлагуудтай холбоотой шалгалтын ажиллагаа мөн байга гэх мэдээлэл байнө. Эдгээр асуудлын талаар бид албан ёсны эх сурвалжаас тодруулан, баримтад тулгуурласан мэдээллийг цувралаар хүргэх болно.

Address

Ulaanbaatar

Website

Alerts

Be the first to know and let us send you an email when MedNews mn posts news and promotions. Your email address will not be used for any other purpose, and you can unsubscribe at any time.

Shortcuts

Share

Category