20/07/2026
Төрөөд 1 сар гарантай болж байгаа ээж дээрх дасгалуудыг хийж болох уу гэсэн байна.
Төрсөн ээжүүд аарцаг ёроолын булчин болон корын гүн булчингуудыг чангалах дасгалыг төрөлтийн явц болон дасгалын ачааллаас хамааран өөр өөр хугацаанд, үе шаттайгаар эхлүүлэх шаардлагатай байдаг.
1. Төрсний дараах эхний 1–2 долоо хоног (Идэвхжүүлэх зөөлөн үе)
Хэрэв ердийн төрөлтөөр, элдэв хүндрэл, хүнд урагдал үүсээгүй бол төрөөд 2-3 хоногийн дараагаас маш зөөлөн хумиж, суллах дасгал (Кегель) хийж болно. Энэ нь цусны эргэлтийг дэмжиж, хавангийг буулган, эдгэрэлтийг түргэсгэдэг.
Хэвлийн булчинг хүчтэй шахах биш, зөвхөн өрцний амьсгал ашиглан хэвлийн гүн дэх хөндлөн булчинг маш зөөлөн идэвхжүүлж эхэлнэ.
2. Төрсний дараах 6-8 дахь долоо хоногоос (Ердийн төрөлтийн дараах үндсэн үе) ийм охид маань дээр дасгалыг цөөн тоогоор хийж эхлэж болно.
Төрсний дараах 6 долоо хоногийн эмчийн үзлэгээр орж, умай хэвэндээ орсон, дотуур шарх бүрэн эдгэрсэн гэсэн зөвшөөрөл авсны дараа үндсэн Пилатес болон хэвлийн дасгалуудыг албан ёсоор эхлүүлж болно.
Энэ үеэс хэвлийн гүн булчин болон аарцагны тогтворжуулагч дасгалуудыг системтэйгээр, аажмаар ачааллыг нь нэмж хийх нь хамгийн аюулгүй.
3. Кесар хагалгаагаар төрсөэ ээжүүдэд
Кесар хагалгаа нь хэвлийн олон үе давхарга булчин, эдийг зүсдэг томоохон мэс засал тул дотоод сорви бүрэн эдгэртэл хугацаа хэрэгтэй.
Анхан шатны амьсгалын дасгалыг эрт эхэлж болох ч, хэвлийд шууд ачаалал өгөх Пилатес болон бусад дасгалуудыг ихэвчлэн 8-12 долоо хоногийн дараагаас эмчийн хяналт, зөвшөөрлөөр эхлүүлдэг.
⚠️ Дасгал эхлүүлэхэд анхаарах чухал хүчин зүйлс:
Хэвлийн булчингийн салцалт (Diastasis Recti): Дасгал идэвхтэй хийж эхлэхээс өмнө хэвлийн шулуун булчингийн салцалтын зайг заавал шалгах шаардлагатай. Хэрэв салцалт их байвал уламжлалт хэвлийн таталт , эсвэл шууд планк хийх нь хэвлийн цагаан шугамын ачааллыг ихэсгэж, салцалтыг улам даамжруулдаг.
Тиймээс зөвхөн гүн булчингийн тусгай нөхөн сэргээх хөдөлгөөнүүдийг сонгоно.
Төрсний дараах шавхраг бүрэн зогссон байх ёстой. Хэрэв дасгал хийж эхэлсний дараа цус алдах эсвэл шавхраг дахин гарч эхэлбэл ачаалал ихэссэний дохио тул дасгалыг шууд зогсоож, амрах хэрэгтэй.
Аарцагны ёроол хэсгээр доошоо тунах, хүндүүрлэх мэдрэмж төрж байвал хүндрүүлэгтэй дасгал болон үсрэлттэй хөдөлгөөнөөс бүрэн татгалзаж, зөвхөн хэвтээ болон дөрвөн хөллөсөн байрлалаас дасгалуудыг гүйцэтгэнэ.
Төрсний дараах нөхөн сэргээх дасгал нь "булчин чангалах"-аас илүүтэйгээр "булчингийн үйл ажиллагааг зөв эргэн сэргээх, идэвхжүүлэх зарчмаар, бага ачааллаас алхам алхмаар явагдах нь хамгийн үр дүнтэй байдаг.
Тэгэхээр өөрийн биеийн байдал, төрөх явцаасаа шалтгаалаад дасгалаа сонгож хийгээрэй.
Өөрөөрөө төрөөд 3 сараас дээш ээжүүд дээрх оруулсан хэвлийн дасгалуудыг хийж болно. Аан харин тусад нь доод сууриасаа эхэлж аажим аажимаар чангалах дасгалууд 1,1р оруулахыг хичээнээ.
