23/11/2025
СЭРЭМЖЛҮҮЛЭГ: Нийслэлд дэгдээд буй H2N3 вирус ханиаж халуураагүй хэрнээ унтаарах, халууны хордлогод орох, богино хугацаанд хатгаа болох онцлогтой…
🏥 Нийслэл даяар хүүхдийн эмнэлгүүд хүнд байдалтай, ачаалал ихтэй, иргэд 3-7 цаг дугаарлаж байж хүүхдүүдээ үзүүлж буйгаа нийгмийн сүлжээнд бичсээр байна аа. ХӨСҮТ-ийн мэдээлснээр яг одоо дэгдээд буй ханиад нь томууны А хүрээний H2N3 вирус аж. Энэ ханиадны үед хэрхэх ёстойг өөрийн багахан туршлагаас, бас эмч нарын зөвлөснийг сийрүүлье гэж бодлоо. Хэрэгтэй нэгэнд нь тус болж магад.
🆘Томууны вирус, тэр дундаа А хүрээнийх нь ☝️ хоруу чанар маш өндөртэй. Шууд 38-41, 42 хүртэл халуурах шинж тэмдгээр эхэлж, удалгүй гүйлгэж, бөөлжүүлэх зэрэг хордлогын шинж тэмдгээр үргэлжлэн, богино хугацаанд уушгины хатгалгаа болгож байгааг эмч нар анхаарууллаа. Бага насныхан байтугай том хүн ч давж гарахад хэцүү вирус дэгдээд буй энэ үед эцэг, эхчүүд минь хүүхдүүддээ тавих анхаарал халамжаа сайжруулж, эмнэлгийн тусламж, үйлчилгээг цаг алдалгүй авах нь чухал шүү.
Ямар тохиолдолд эмнэлэгт яаралтай хандах вэ❓
1️⃣ Хүүхэд ханиагаагүй, халуураагүй мөртлөө хоол ундандаа дургүй болох, орчны харилцаагүй болж унтаарах, уйлагнах, гүйлгэж, бөөлжих, ээж аавыгаа "ороогоод" эхлэх үед яаралтай эмнэлэгт хандана. Энэ нь томууны вирусээр өвчилсний шинж тэмдэг бөгөөд удалгүй хүндрэх эрсдэлтэйг анхааруулах дохио гэнэ.
2️⃣ ЦАГААН ХАЛУУРАЛТ гэж юу вэ❓ Эмч нар энэ талаар их ярьдаг даа. Хүүхдийн хөл, гар цэв хүйтэн мөртлөө толгой, хүзүү, суга гэх мэт нимгэн арьсны хэсгээр маш халуун байх, улмаар арьс нь эрээнтэн, чичирч, өндөр халуурахыг хэлнэ. Энэ тохиолдолд гэрийн нөхцөлд халууныг нь бага ч болтугай буулгаад яаралтай эмнэлэгт хандана. Хэт өндөр халуунтай үед гадаа хүйтэнд авч гарах аюултайг анхаараарай.
3️⃣ УЛААН ХАЛУУРАЛТ гэж юу вэ❓
Хүүхэд 38 хүртэл, түүнээс дээш халуурч байгаа мөртлөө хөл, гар нь дулаахан, нүүр, хацар нь улаан, ягаан туяатай байхыг хэлнэ. Ийм тохиолдолд яаран эмнэлэг авч явж, нэмж халдвар авахаас сэргийлээрэй. Улаан халууралтын үед хүүхэд өөрийн дархлаагаар вирустэй тэмцэж, гадагшлуулах гэж хичээж буйн нэг хэлбэр гэж үздэг. Байгалийн зүй тогтол гэх юм уу. Хэсэг ажиглана, хэрэв халуурах шинж тэмдэг өөрчлөгдвөл эмнэлэгт хандаарай.
4️⃣ ХАЛУУНЫ ХОРДЛОГО‼️ Ямар ч тохиолдолд 38.5-аас дээш өндөр халуурсан л бол буулгана. Биеийн хэм хэт өндөр болох үед хүүхэд халуунаа даахгүй татах эрсдэлтэй. Нэмээд, халуурч байгаа үед хоросол буюу давс, чихрийн уусмалыг 5мл-ээр ойр ойрхон өгөөд үзээрэй. Ингэснээр хүүхдийг халууны хордлогод оруулахаас сэргийлдэг. Хүүхэд заавал гүйлгэж, бөөлжиж байж хордлогод ордоггүй. Халуурах үед ч эрдэс бодисоо их хэмжээгээр алддаг тул энэ аргыг хэрэглээд үзээрэй. Үр дүнтэй шүү, би өөрөө хэрэглэдэг. Хажуугаар нь С аминдэм ойр ойрхон бага багаар уулгана. Бусад хоол, хүнсээр дархлааг нь дэмжинэ.
5️⃣ Манай улс энэ жил харьцангуй эрт буюу өнгөрсөн есдүгээр сард томууны вирусний эсрэг 4 цэнт вакцинаар зорилтот бүлгийнхнийг дархлаажуулсан. 4 цэнт гэдэг нь томууны А, В хүрээний зонхилон тохиолддог 4 төрлийн вирусний эсрэг үүсгэгчийг агуулсан вакциныг хэлнэ. Өдгөө тархаад буй вирус ч үүнд багтсан. Тиймээс намар хүүхдүүдээ томууны дархлаажуулалтад заавал хамруулж байгаарай. Ирээдүйд гарах олон эрсдэлээс сэргийлдэг юм шүү. Томууны вакциныг "Ковид-19"-ийнхтэй харьцуулж, үл тоож хийлгэхгүй өнгөрүүлж болохгүй гэсэн үг. Адаглаад томууны халдвар авсан ч хөнгөн тусаад эдгэрдэг юм билээ.
🔊 За тэгээд олон хүнд түгээгээд өгөөрэй. Өөрсдөө "Энэ ханиад нэг л биш ээ. Шинэ төрлийн ковид байх" гэх мэтээр муйхраар "оношилж", бусдын зөвлөсөн эмийг дур мэдэн уулгүй, судлаад уншчихдаг байгаарай. Найдвартай эх сурвалжаас мэдээ, мэдээллээ авдаг байгаарай гэж хүсье.
