Тэнгэр үзэлтний Мөнх Тэнгэр Хороо

30/08/2026

БУРХАН ХАЛДУН ХАЙРХАНЫ ТӨРИЙН ТАХИЛГА
ЭМХЭТГЭН ОРУУЛЖ МЭДЭЭЛЭЛ ДАМЖУУЛЖ ӨГСӨН ЭРГЭЦҮҮЛЛИЙН ХАМТ ОЛОНД ТАЛАРХАЖ БАЙНА

Enjoy the videos and music you love, upload original content, and share it all with friends, family, and the world on YouTube.

23/08/2026

МОНГОЛЫН БӨӨ НЭРИЙН ТӨЛӨӨЛӨЛ ХАР ЗҮРХ ХАЙРХАНЫ ТӨРИЙН ТАХИЛГАД АМЖИЛТТАЙ ОРОЛЦОВ

Хэнтий аймгийн Цэнхэрмандал сумын Согоот багийн нутагт орших Хар Зүрх хайрхан нь Их монголын эзэнт гүрэн, Монголын төрт ёс, Их хаадын түүхтэй салшгүй холбоотой, түүхэн газар. Уг хайрханыг XVII жарны “Сүрээр дарагч” хэмээх Гал морин жилийн босгон дээр Их Монгол Улс байгуулагдсаны 820 жилийн түүхт ойг тохиолдуулан Монгол Улсын Ерөнхийлөгчийн зарлигаар төрийн тахилгат хайрхан болгон өргөмжилсөн. Тус хайрхны дэргэдэх “Хар Зүрхний хөх нуур” хэмээх түүхэн газар нь 1189 оны шаргачин тахиа жил Тэмүүжинг Хамаг Монголын ханд өргөмжилж “Чингис хаан” хэмээх цолыг хүртээсэн хэмээн “Монголын нууц товчоо”-нд үгүйлсэн, түүхэнд тэмдэглэгдэн үлдсэн онцгой түүхэн газар юм.
2026 оны 8 дугаар сарын 20-оос 21- ны өдрүүдэд Хар зүрх хайрханы төрийн тахилга шинж төгөлдөр сайхан боллоо. Энэхүү тахилгын шашны ёслолын бөөгийн зан үйлийг Тэнгэр шүтлэгтний “Мөнх Тэнгэр” нэгдсэн хороо хариуцан зохион байгуулж монгол бөөгийн уул усаа тахиж ирсэн эртний ёсоор Хар зүрх хайрханыг аргадан тахих энэ удаагийн зан үйлийг 33 жилээс дээш бөөлсөн удган зайран нар ахалсан бөгөөд үүнд: Дархадын алдарт зайран Жамбын Дамдины төрсөн охин, их удган Д.Батчулуун Нарны тахилга, 10 гарагийн тахилга, Лусын тахилгыг тэргүүлэн, мөн Хишигжаргал удганы зайгаар амьлсан Хөх ямаан сэтэрийг лусдаа өргөж, Туул удганы даатгалаар лусын тахилга дүүрлээ.
Монгол бөөгийн “Цагаадай төв”-ийн тэргүүн зайран Л.Цагаанхүү, халх зайран С.Алтангадас, буриад зайран Н.Батхуяг, зайран П.Батжаргал, зайран “Бүргэд бөөгийн төв”-ийн тэргүүн зайран Ч.Дангаасүрэн нар Хайрханы тахилгыг тэргүүлэн,
Монгол бөөгийн “Цагаадай төв”-ийн тэргүүн зайран Л.Цагаанхүү, буриад удган Л.Амгаланням, Буриад бөөгийн “Чанар академи”-ийн тэргүүн удган Д.Жавзмаа, “Дагшин тэнгэр бөөгийн төв”-ийн тэргүүн буриад удган Ц.Отгонсүрэн нар Галын тахилгыг тэргүүлэн нийт 87 бөө амжилттай үйлдлээ.
Төрийн тахилгын ёслолын хүндэтгэлийн суудалд Д.Батчулуун удган, П.Батжаргал зайран, Ч.Дангаасүрэн зайран, Л.Цагаанхүү зайран, Л.Амгаланням удган, Д.Жавзмаа удган, Ц.Отгонсүрэн удган нар бөө нараа төлөөлөн суулаа.

ТЭНГЭР ҮЗЭЛТНИЙ МӨНХ ТЭНГЭР НЭГДСЭН ХОРОО
2026.08.22

16/08/2026

ХАР ЗҮРХ ХАЙРХАНЫ ТАХИЛГА

Хар Зүрх хайрханы тахилгад оролцох удган, зайран нар 2026 оны 8 дугаар сарын 16–19-ний өдрүүдэд бүртгүүлнэ үү.

📞 Холбогдох утас:
91012380, 99227002

14/08/2026

ХАР ЗҮРХ ХАЙРХАНЫ ТАХИЛГА

Хэнтий аймгийн Цэнхэрмандал сумын Согоот багийн нутагт орших Хар Зүрх хайрхан нь Их Монголын эзэнт гүрэн, Монголын төрт ёс, их хаадын түүхтэй салшгүй холбоотой түүхэн газар юм.

XVII жарны “Сүрээр дарагч” хэмээх Гал морин жилийн босгон дээр Их Монгол Улс байгуулагдсаны 820 жилийн түүхт ойг тохиолдуулан Монгол Улсын Ерөнхийлөгчийн зарлигаар Хар Зүрх хайрхныг төрийн тахилгат хайрхан болгон өргөмжилсөн билээ.

Тус хайрхны дэргэдэх “Хар Зүрхний Хөх нуур” хэмээх түүхэн газар нь 1189 оны шаргачин тахиа жил Тэмүүжинг Хамаг Монголын хаанд өргөмжилж, “Чингис хаан” хэмээх цол хүртээсэн хэмээн “Монголын нууц товчоо”-нд тэмдэглэгдэн үлдсэн онцгой түүхэн газар юм.

Ийнхүү Монголын төрт ёсны түүх, Их Монгол Улсын эхлэлтэй холбогдох энэхүү түүхэн хайрхан нь төрийн тахилгат 14 дэх хайрхан болон өргөмжлөгдөж, монголчуудын өв соёл, түүхэн уламжлал, байгаль дэлхийгээ дээдлэн шүтэх ёс заншлыг хойч үед өвлүүлэхийн бэлгэ тэмдэг болж байна.

Иймд удган, зайран та бүхнийг хуралд хүрэлцэн ирж мэдээлэл аваарай хэмээн урьж байна.

Хурал:
2026 оны 08 дугаар сарын 16-ны өдөр, 12:00 цагт
Байршил:
“ТЭНГЭР ҮЗЭЛТНИЙ МӨНХ ТЭНГЭР НЭГДСЭН ХОРОО”-ны хурлын зааланд болно.
Утас:99227002

14/08/2026

03/08/2026

МОНГОЛЫН БӨӨ НЭРИЙН ТӨЛӨӨЛӨЛ ТӨРИЙН ТАХИЛГАД АМЖИЛТТАЙ ОРОЛЦОВ
Монгол Улсын Ерөнхийлөгч У.Хүрэлсүхийн зарлигаар Хөвсгөл далайн лусыг тахих төрийн анхны тахилга гал морин жилийн зуны адаг сарын шинийн 19-ний билигт сайн өдөр буюу 2026 оны наймдугаар сарын 2-нд шинж төгөлдөр сайхан боллоо. Энэхүү тахилгын шашны ёслолын бөөгийн зан үйлийг Тэнгэр шүтлэгтний “Мөнх Тэнгэр” нэгдсэн хороо хариуцан зохион байгуулав. Монгол бөөгийн уул усаа тахиж ирсэн эртний ёсоор Далай ээжээ аргадан тахих энэ удаагийн зан үйлийг дархадын алдарт зайран Жамбын Дамдины төрсөн охин, их удган Д.Батчулуун тэргүүлэн, нийт 99 бөө амжилттай үйлдлээ. Төрийн зарлигаар олон бөө нийлж уул ус тахих болон бусад зан үйл үйлдэх ёс язгуур монголчуудын эртний уламжлалын нэг гэдгийг түүхэн сурвалжууд дахь мэдээ занги нотолдог. Тэнгэр шүтлэгтний “Мөнх Тэнгэр” хороо үүний өмнө Бурхан Халдун хайрхны уулын тэнгэрийг тайх төрийн их тахилгад монголын бөө нэрийг төлөөлөл 99 удган, зайрангууд оролцож бөөгийн тахилгын зан үйл үйлдэх ажлыг бас удирдан зохион байгуулсан юм.