Энх-Уламжлал Эмнэлэг

17/09/2026

ДАРХАН-УУЛ АЙМАГТ “УЛАМЖЛАЛТ АНАГААХ УХААНЫ ЭМЧ, СУВИЛАГЧ НАРЫН ЭМНЭЛЗҮЙН УР ЧАДВАРЫН УРАЛДААН” БОЛЛОО

Дархан-Уул аймагт уламжлалт анагаах ухааны эмч, сувилагч нарын мэргэжлийн мэдлэг, эмнэлзүйн ур чадвар, багаар ажиллах чадварыг хөгжүүлэх, харилцан туршлага солилцох, тусламж үйлчилгээний чанар, аюулгүй байдлыг сайжруулах зорилготой эмнэлзүйн ур чадварын уралдаан амжилттай зохион байгуулагдлаа. 🩺🌿

Тус уралдааныг Энх-Уламжлал эмнэлэг ерөнхий зохион байгуулагчаар, Дархан-Уул аймгийн Эрүүл мэндийн газар, Дархан-Уул аймгийн Уламжлалт анагаах ухааны эмч нарын холбоо, Монголын нэгдмэл анагаах ухааны нийгэмлэгийн Дархан нөлөөллийн багтай хамтран зохион байгуулсан юм. 🤝

Уралдаанд уламжлалт анагаах ухааны эмч, сувилагч нар мэдлэг, ур чадвараа сорин өрсөлдөж, мэргэжлийн туршлага, сайн туршлагаа харилцан хуваалцлаа.

🥈 МАНАЙ ЭМНЭЛГИЙН СУВИЛАГЧИД II БАЙР ЭЗЭЛЛЭЭ

Энх-Уламжлал эмнэлгийн сувилагч Т.Одгэрэл, З.Ариунзаяа нар уламжлалт анагаах ухааны сувилагч нарын багийн төрөлд II байр эзэлж, амжилттай оролцлоо. 👏👏

Мэргэжлийн ур чадвар, мэдлэгээ сорин оролцож, амжилт гаргасан Т.Одгэрэл, З.Ариунзаяа нартаа халуун баяр хүргэе! 🎉

Мөн уралдаанд оролцсон нийт эмч, сувилагч, эмнэлгийн мэргэжилтнүүддээ талархал илэрхийлье.

Уламжлалт анагаах ухаан арван зүгтээ дэлгэрэх болтугай.

14/09/2026

📚 “ХУВИЙН ХЭВШЛИЙН ЭРҮҮЛ МЭНДИЙН БАЙГУУЛЛАГЫН ТУСЛАМЖ, ҮЙЛЧИЛГЭЭНИЙ ЧАНАРЫН УДИРДЛАГА, ЧАНАРЫН ҮЗҮҮЛЭЛТ БОЛОВСРУУЛАХ АРГА ЗҮЙ” СУРГАЛТАД ХАМРАГДЛАА

📅 2026 оны 07 дугаар сарын 06–07-ны өдрүүдэд Эрүүл мэндийн газрын санаачилгаар зохион байгуулагдсан арга зүйн сургалтад “Энх-Уламжлал” эмнэлгийн УАУ-ны их эмч, халдвар судлагч их эмч, ахлах сувилагч, эм зүйч нар хамрагдлаа.

🔖Хамтран зохион байгуулагч байгууллага:
“Эрүүл мэндийн удирдлага, чанарын хөгжлийн нийгэмлэг” ТББ

✅Сургалтаар эрүүл мэндийн тусламж, үйлчилгээний чанар, аюулгүй байдлыг тасралтгүй сайжруулах арга хэрэгсэл
✅Чанарын үзүүлэлтийг боловсруулах, хэмжих, үнэлэх арга зүй
✅Чанар сайжруулах үйл ажиллагааг төлөвлөх, хэрэгжүүлэх
✅Байгууллагын онцлогт нийцсэн чанарын өвөрмөц үзүүлэлт боловсруулах талаар мэдлэг, арга зүйн мэдээлэл авлаа.

🔆Сургалтаар олж авсан мэдлэг, арга зүйгээ байгууллагын чанарын удирдлага, тусламж үйлчилгээний чанар, аюулгүй байдлыг тасралтгүй сайжруулах үйл ажиллагаанд хэрэгжүүлэн ажиллах юм.

05/09/2026

🔵 “BLUE CODE БУЮУ ХӨХ КОД” АЖИЛЛАХ ДАДЛАГА СУРГАЛТ

Эмнэлгийн эмч, сувилагч, ажилтнуудад “Code Blue” яаралтай тусламжийн үеийн багийн ажиллагаа сэдвээр онол, дадлага хосолсон сургалтыг зохион байгууллаа.

Тус сургалтыг МЭЭ-ний их эмч Д.Өлзийбаяр удирдан явуулж, эмнэлгийн ажилтнууд яаралтай үед өвчтөний байдлыг үнэлэх, багийн зохион байгуулалттай ажиллах, сэхээн амьдруулах тусламжийг шуурхай үзүүлэх чиглэлээр мэдлэг, ур чадвараа бататгалаа.

🩺 Онол + дадлага = Бэлэн байдал + Ур чадвар

Яаралтай тусламжийн чанар, аюулгүй байдлыг сайжруулах, эмнэлгийн мэргэжилтнүүдийн багаар ажиллах ур чадварыг дээшлүүлэхэд чиглэсэн сургалтыг тогтмол зохион байгуулж байна.

#ДадлагаСургалт #ЯаралтайТусламж #ЭмнэлгийнБаг #ЭнхУламжлалЭмнэлэг

21/06/2026

Зүүн Хойд Азийн Нутгийн Захиргаадын Холбооны (NEAR) Уламжлалт анагаах ухааны III дэд хорооны хуралдаан 2026 оны 6 дугаар сарын 17–19-ний өдрүүдэд ОХУ-ын Бүгд Найрамдах Буриад Улсын Улан-Үдэ хотноо амжилттай зохион байгуулагдаж өндөрлөлөө.

Хуралдаанд 🇨🇳 БНХАУ, 🇯🇵 Япон, 🇰🇷 БНСУ, 🇲🇳 Монгол Улс, 🇷🇺 ОХУ, 🇰🇿 Казахстан, 🇲🇲 Мьянмар улсын төлөөлөгчид оролцож, уламжлалт анагаах ухааны салбарын хамтын ажиллагаа, туршлага солилцоо, цаашдын хөгжлийн чиг хандлагын талаар санал солилцлоо.

Монгол Улсаас 16 аймгийн төрийн захиргааны байгууллагын 27 төлөөлөгч, улсын болон хувийн хэвшлийн эрүүл мэндийн байгууллагын 31 эмч, мэргэжилтэн оролцсон бөгөөд Энх-Уламжлал эмнэлгийг төлөөлөн Эмчилгээ эрхэлсэн орлогч дарга, Уламжлалт анагаах ухааны их эмч Б.Түвшинжаргал оролцож, олон улсын түвшинд туршлага солилцон хамтын ажиллагааг өргөжүүлэхэд хувь нэмрээ орууллаа.

Энэхүү хуралдаан нь гишүүн орнуудын уламжлалт анагаах ухааны салбарын хамтын ажиллагааг бэхжүүлэх, харилцан туршлага судлах, бүс нутгийн хэмжээнд хамтын хөгжлийг дэмжих чухал ач холбогдолтой арга хэмжээ боллоо.

#УламжлалтАнагаахУхаан #ЭнхУламжлалЭмнэлэг 🇲🇳

12/06/2026

📢 "Хахалтын үеийн анхны тусламж үзүүлэх" сургалт зохион байгуулагдлаа

Эмнэлгийн ажилтнуудын яаралтай үед ажиллах мэдлэг, ур чадварыг дээшлүүлэх зорилгоор "Хахалтын үеийн анхны тусламж үзүүлэх" сэдэвт сургалтыг байгууллагынхаа эмч, сувилагч, ажилтнуудын дунд зохион байгууллаа.

📍Сургалтаар хахалтын үед илрэх шинж тэмдгийг таних, амьсгалын замыг чөлөөлөх арга техник, яаралтай тусламж үзүүлэх дараалал зэрэг онолын болон практик мэдлэгийг олгож, дадлага сургуулилт хийв.

⛑️ Зөв мэдлэг, шуурхай үйлдэл нь хүний амь насыг аврах чухал хүчин зүйл болдог.

#АнхныТусламж #ХахалтынҮеийнТусламж #АжилтныСургалт #ЧанартайТусламж #ЭнхУламжлал

12/06/2026

📣"Амилуулах, лавшруулах тусламж" сэдэвт сургалт зохион байгуулагдлаа

📌Эмнэлгийн тусламж үйлчилгээний чанар, аюулгүй байдлыг сайжруулах, яаралтай тусламжийн үед ажилтнуудын мэдлэг, ур чадварыг нэмэгдүүлэх зорилгоор "Амилуулах, лавшруулах тусламж" сэдэвт сургалтыг зохион байгууллаа.

Сургалтаар амь тэнссэн үеийн анхны тусламж, зүрх уушгины сэхээн амьдруулалт, амьсгалын замыг чөлөөлөх арга техник, яаралтай үеийн багийн ажиллагаа зэрэг онол, практик мэдлэгийг олгож, оролцогчид дадлага ажил гүйцэтгэн ур чадвараа бататгав.
2026.05.20

06/06/2026

🇲🇳 Монгол Улсын Ерөнхий сайдын ивээл дор зохион байгуулагдсан “Монголын уламжлалт анагаах ухааны удирдах ажилтны чуулган”-д оролцлоо.

Тус чуулган Төрийн ордонд зохион байгуулагдаж, уламжлалт анагаах ухааны салбарын өнөөгийн нөхцөл байдал, тулгамдаж буй асуудал, цаашдын хөгжлийн бодлого, эрх зүйн орчны шинэчлэлийн чиглэлээр өргөн хүрээтэй хэлэлцүүлэг өрнүүлэв.

Чуулганы үеэр салбарын хөгжилд төр, хувийн хэвшил, мэргэжлийн байгууллагуудын хамтын ажиллагааг бэхжүүлэх, уламжлалт анагаах ухааны тусламж үйлчилгээний чанар, хүртээмжийг сайжруулах талаар санал солилцож, цаашид хэрэгжүүлэх арга хэмжээний талаар зөвлөлдлөө.

05/06/2026