À tes côtés

19/03/2026

14/03/2026

13/03/2026

Bonjour à tous,

J’ai eu l’opportunité de donner un premier entretien au magazine Mag, autour d’un sujet particulièrement sensible : l’abandon des nouveau-nés, un fléau qui, malheureusement, gagne de plus en plus de terrain à Maurice.

À travers cet échange, nous abordons les réalités sociales derrière ces situations et l’importance de l’écoute, du soutien et de l’accompagnement des femmes.

Un grand merci à Nicolas Joël Marie-Jeanne et bravo pour cette nouvelle édition.
- https://heyzine.com/flip-book/b5f27c7bfe.html
- https://espmru.wixsite.com/esperance

Je vous souhaite une bonne lecture.

02/02/2026

Bonzour bann MAMA e bann PAPA.
Mo ena enn gran plezir pou invit zot a latelye Koze Karol ki pou abord enn tematik spesialman dedie a bann paran.

Li pou baze lor kouma pou abord la sexialite avek nou zanfan.

Answit pou ena LIVIO ki pou abord bann size lor devlopman imin.

Li pou osi enn lokazion pou mo prezant zot À Tes Côtés so mision e so bann lobzektif.
Mo pou abord bane size lor lemosion, bienet fas a ban boulverseman lavi

Pa ezite mark to prezans.

Inskrir twa lor +230 5805 0203
Lieu : ICJM
Dat : 14 mars 12.30 ziska 16h
Fre : Rs 400 par personn

19/01/2026

Mo apel Axelle.

Mo fi’nn etidie ‘sciences sociales’ ek mo enn ‘life coach/counsellor’ ou enn ‘accompagnatrice’.

Lavi li kouma enn montagn riss.
Kan to fatige fizikman, to al kot dokter.
Me kan to fatige mantaleman, bien souvan… to fer enn sourir, to fer sanblan, to kontinie.

Ziska to lekor reazir britalman e li avoy enn bann sign bien brital.

Fatig extrem, kriz langwas, debalansman dan to pwa… enn bann sign tousala.

To pa feb. To zis imin.

Mo rol aster li sinp, mo akonpagn twa, mo ed twa pou retrouv twa ek avans a to ritm🤍

⚠️ Mo pa enn psikolog, mo pa dokter : mo enn soutien, enn ekout ek enn gid.

Si to’nn retrouv twa dan sa post-la avoy enn mesaz.

Parfwa, enn sinp zes kapav sov enn lavi ✨

Si sa post-la interpel twa,
👉 like, 👉 partaze

15/01/2026

Enn Moman

To ansint ? Bravo mama ! Felisitasion.
Mo osi impatian pou trouv sa ti bout baba ki pe grandi dan to vant.
Depi ki to’nn anons sa gran nouvel la, to’nn tann “bravo” mil fwa…
Me parmi tou sa la, to pe viv enn melanz : to kontan, to exsite, to per, to angwase.

Ek sak zour to ormonn pe fer makarena dan to lekor.
To gagn so.
To gagn fin.
To anvi p**i sak 5 minit.
To fatige, to toufe, to irite.
To lipie anfle kuma bann ti balon.
Ena zour to santi twa kuma enn kasalo (nou tou fi’nn pas-la 😅).

Bienveni dan maternite mama.

Tou sa ki to pe resanti la… li NORMAL.
To pe port lavi, pa enn ti zafer sa.
To gagn drwa fatige. To gagn drwa agase. To gagn drwa pa ok.
To pe viv pou de… ou trwa… ou kat si to extra-chanceuse.

Isi, “À tes côtés”, to pou gagn enn plas kot to kapav:
💗 exprim twa san okenn zizman
💗 poz to kestion lor to groses, to l’akousma ou to post-partum
💗 gagn enn ti konsey
💗 ek sirtou… gagn enn zorey ki ekout twa vre-vre

To pa pou bizin fer sanblan.
To pa pou bizin fer for.
To ena drwa vinn kouma to ete.
Sa plas-la li pou twa mama. 🌸