Dr. Kiran Thapa

21/06/2026

स्वास्थ्यका कार्यक्रममा छुट्याइएको बजेट साच्चिकै उपलब्धीमुलक कार्यक्रममा खर्च हुन्छ होला कि औपचारिकता पुरा गरेर कागज मिलाएर बजेट सक्ने मै सिमित हुन्छ होला ? कागजमा त यो देश धेरै अघि संवृद्ध भैसक्या हो । अनि यस्ता कार्यक्रमको वार्षिक समीक्षा नि औपचारिकतामा सीमित हुनु अझ दुखद् छ । त्यो भन्दा दुखद् कुरा यसलाई सामान्यीकरण गरिनु र कसैको ध्यान नजानु रहेको छ ।

16/05/2026

मैले सिक्न सुरु नगरेको एक सीप ।

02/05/2026

Tried Something new

Watch, follow, and discover more trending content.

01/05/2026

01/05/2026

पेशाले म डाक्टर हु दुर्गम बाजुराको बुढिगंगा नगरपालिकामा कार्यरत छु । यो मेरो डाक्टर हुनु अघिदेखिको फेसबुक प्रोफ़ाइल थियो पछि फेसबुक पेज बनाए । यसमा म आफ्नो सामान्य जीवनशैली विताउँदा देखे सुनेका र बुजेका विचार राख्छु र किसानको छोरो भएकाले कहिलेकाहिँ आमालाइ सघाउदा आफूले काम गर्ने सिलसिलामा गरेका कर्मको कहिले काहिँ भिडियो नि हाल्छु । मलाइ डाक्टर भएर नि पोर्सो बोक्न धान कुट्नु मिलबाट धान कुटेर ल्याउनु पिठो पिसेर ल्याउनु खेत खन्नु आली लाउनु वा कृषिसँग सम्बन्धित कुनै कर्म गर्नुमा कुनै ग्लानि लाग्दैन । लागोस् पनि किन म त्यहि परिवेशमा हुर्केको मान्छे मलाइ श्रमप्रतिको आस्था छ । मैले मेरो आफ्नो जरा चिनेको छु त्यही भएर बलियो पनि छु ।
यस्तै पोष्ट गर्दै जाँदा एउटा चिनजानको दाजुले भन्नु भयो डाक्टर भएर डाक्टरको पोष्ट गर्नुपर्यो घाँस काटेको पोर्सो बोकेको पोष्टमा हाम्रो एकाधिकार छ । त्यही भएर आज हामीले दिनदिनै फेस गर्नुपर्ने महत्वपूर्ण तर सबैभन्दा कम महत्व दिइएको सन्दर्भको पोष्ट गर्न गइरहेको छु । भिडियो खिच्न जनशक्ति अभाव वा भनौ बिरामीको गोपनियताको कारणले बार्तालाप मात्र प्रस्तुत गर्दैछु ।
म : हजुर भन्नुहोस् के समस्या छ ?
बिरामी : हात खुट्टा पोल्लिदा झन्झन्याउदा कोठारम्बो ठड्डिदो मुटु पोल्दो टाउको दुख्तो ।
म : अरू क्या हुँदो छ ? पिसाब पोल्लिदो छ के नाइँ ?
बिरामी : औ हजुर खराइ लाग्दि पिसाब पन पोल्लिदो छ ।ओठमुख भुरुक्क सुक्या जन हुँदा छन् ।
म : अरू क्या हुँदो छ चक्कर आउँदा छन् के ?
बिरामी : औ हजुर रिगाउँटा पन आउदा धकेल्याइ लाग्दी । सलाइन हाल्नु हर्याको छ पानी सकिया जस्तो छ सलाइन चढाइ दिन पर्यो ।
म : पानी कति खानी छओ ?
बिरामी : खादों छु न हजुर । टिसै लाग्दैन टिस लाग्याका तक खाइहेल्दो छु ।
म : कति खानी छओ पानी ?
बिरामी : २/३ गिलास खाइहेल्दो छु । टिसै लाग्दैन कैल २/३ कहणी पन खाँदा ।
म : (विपी चेक गर्छु ९०/६०) पानी खायाको पुगेन । पानी झिक्क खानु पड्यो । एक पिसाबको जाँच लेखिदियाको छु पिसाब जाँच गराइ आओ ।
बिरामी : रिपार्टमा क्या धेकायो डाक्टर साब ?
मः पिसाबको ख़राबी छ पानी खायाको पुग्यैन । झिक्क पानी खानु पड्यो । दिनभरि तकतक हरि ६/७ चुटी २/२ गिलास पानी खानु पर्यो । एक चुटीमा २ गिलास पानी खानु त्या भन्दा झिक्क सकिदैन सक्या पन पिसाब फेर्नाको बबाल मात्र हो । यसरी ३/४ लिटर पानी खायापछि बल्ल प्रेसर पनि ठीक ठाउँमा आउँछ पिसाब पोल्लिनु नि रोकिन्छ । अर्को तरिका भन्या पिसाब फेर्न्या बेला पिसाब पेलो छ भन्या पानी पुग्यैन भनी थाहा पाउनु पड्यो अनि पानी खाइहेल्नु पर्यो ।
बिरामीः पानी टिसै लाग्दैन कसरी खानु ?
मः पानी टिस नलाग्या पन हामीले बनाएका हौ । बानी पाड्नु पर्यो । पानी टिस नलाग्यापन तक तक पानी खाइराख्नु पर्यो । सुरू सुरूमा बानी पार्न नुनपानी चिनीपानी बनाएर खानु पर्यो । एक दुई हप्ता दिनको ३/४ लिटर पानी खाया बल्ल सुधार हुन्छ । पिसाबको खराबीको लागि यो औषधी लेखिदिएको छु पुरा औषधी खानुहोला पछिकी लागि नसाच्नुहोला । पानी खाया मात्र चक्कर लाग्नु सुधार हुन्या हो ।
बिरामीः हस् डाक्टर साब । औषधी कॅा पाइदो छ ?
मः बाहिर १० नम्बरमा जानुहोला ।
पुरा बार्तालाप पढ्नु हुनेलाई धन्यवाद र कमेन्ट गरेर जानुहोला ताकी यत्रो वार्तालाप पढ्ने मान्छे नि चिन्न सजिलो होस् । धन्यवाद कमेन्टको लागि र सेयरको लागि कोहि यस्तै बिरामी छन् भने ।