Respect Earned

Respect Earned Real Talk. Walang Iyakan.

13/06/2026

Bago mo husgahan ang ugali ko, siguruhin mo munang tama ang naging pagtrato mo sa akin.
Ang dali mong sabihing nagbago ako, naging matigas, naging palasagot, o naging masama ang ugali. Pero naisip mo ba kung bakit? Hindi mo pwedeng tingnan lang kung paano ako nagre-react ngayon habang binabalewala mo kung ano ang paulit-ulit kong pinagdaanan.
Hindi lahat ng mabait, mananatiling mabait kapag paulit-ulit nasasaktan, nadidisrespect, at hindi pinapakinggan. Minsan ang akala mong "attitude" ay resulta lang ng matagal na pagtitiis na napuno na.
Ang masakit kasi, ang bilis mong mapansin ang mali sa reaksyon ko, pero hindi mo makita ang mga ginawa mong dahilan kung bakit ako umabot sa puntong ito. Kapag tahimik ako, okay lang. Kapag nagsalita ako para ipagtanggol ang sarili ko, bigla akong masama. Kapag nagtitiis ako, walang nakakapansin. Pero kapag napagod na ako, doon mo lang nakikita ang ugali ko.
Respect goes both ways. Hindi mo pwedeng asahan na lagi kitang iintindihin kung hindi mo rin ako kayang intindihin. Hindi mo pwedeng hilingin ang lambing, paggalang, at kabutihan kung ang kapalit ay sakit, pambabale-wala, o kakulangan ng respeto.
Hindi ako lumalaban dahil bastos ako. Lumalaban ako dahil napagod na akong manahimik sa mga bagay na matagal nang masakit. At kung may ugali kang nakikita ngayon na hindi mo gusto, baka panahon na para tanungin mo rin ang sarili mo kung paano mo ako trinato para makarating tayo rito.
Treat me right before you complain about my attitude. Kasi minsan, the version of me that hurts you today was created by the way you treated me yesterday.

11/06/2026

Panginoon,
Lumalapit po ako sa Inyo ngayong umaga na may mabigat na damdamin sa aking puso. Nakararamdam po ako ng sakit, pagod, at pagkadismaya. Kayo po ang nakakaalam ng lahat ng aking pinagdaraanan at ng mga luha at hinaing na hindi ko masabi sa iba.
Bigyan Ninyo po ako ng mahabang pasensya, mahinahong isip, at pusong marunong magpatawad. Tulungan Ninyo po akong huwag manaig ang galit at sama ng loob sa aking mga salita at kilos.
Panginoon, gabayan Ninyo rin po ang aking asawa. Hipuin Ninyo ang kanyang puso upang mas makita niya ang aking halaga, ang aking pagod, at ang pagmamahal na ibinibigay ko sa aming pamilya. Turuan Ninyo po kaming magkaunawaan, mag-usap nang may paggalang, at magmahalan sa kabila ng aming mga pagkukulang.
Ipinagkakatiwala ko po sa Inyo ang aking pamilya. Kayo po ang maging lakas ko kapag ako'y napapagod, kapayapaan ko kapag ako'y nasasaktan, at pag-asa ko sa bawat bagong umaga.
Maraming salamat po sa Inyong walang hanggang pagmamahal at paggabay.
Sa pangalan ni Hesus.
Amen.🙏🏼

24/04/2026

Sa panahon ngayon, hirap nang paniwalaan ang biglaang pagyaman ng ilang politiko. Before sila maupo sa pwesto, simple lang ang buhay at yaman nila, pero after ilang years in public service, bigla na lang lumalaki, minsan umaabot pa sa bilyon. Kaya natural lang na magtanong ang taumbayan kung saan nanggagaling ang ganitong yaman.
Kung ikukumpara sa mga negosyante, hindi naman ganun kadali magpayaman. It takes years of hard work, diskarte, at risk bago mo maabot ang ganitong level. Kaya mas lalo lang nakakapagtaka kapag mabilis ang pagbabago sa yaman ng mga nasa gobyerno.
Dapat may mas strict at independent na system na nagche-check ng assets ng mga public officials, mula sa lowest position hanggang sa highest office, walang exempted. Lahat dapat transparent at accountable.
At sa mga taong natutulungan at nabubulag dahil dito, tandaan: yung “tulong” na galing sa politiko ay hindi galing sa sarili nilang bulsa. Galing ito sa buwis ng taumbayan, public money na dapat lang ibalik sa tamang serbisyo.
Bottom line: public office is public trust, not a shortcut to wealth. Ang serbisyo sa bayan dapat tapat, malinaw, at walang bahid ng abuso.

Lord, turuan Mo akong makita ang totoo sa paligid,Hindi yung nandyan lang kapag may pakinabang na kapalit.Kapag ako’y na...
02/04/2026

Lord, turuan Mo akong makita ang totoo sa paligid,
Hindi yung nandyan lang kapag may pakinabang na kapalit.
Kapag ako’y nawawalan at tila wala nang silbi,
Bigyan Mo ako ng lakas na manatiling buo at hindi masawi.
Ilayo Mo ako sa samahang may kondisyon at sukat,
Sa mga pusong nagmamahal lang kapag may kapalit na halaga at ambag.
Gabayan Mo ako sa mga taong totoo at tapat,
Yung pipili sa’kin, kahit wala akong maibalik na sapat.
At higit sa lahat, Lord, Ikaw ang piliin ko araw-araw,
Dahil sa’Yo, ang pagmamahal ay wagas, hindi kailanman nagbabago.

31/03/2026

Minsan talaga maiinis ka pa rin kahit sabihin mong ayaw mo na silang intindihin o wala ka nang pakialam, lalo na kung makakarinig ka hanggang ngayon na hindi pa rin tumitigil sa pagtsitsismis ang isang taong hindi marunong tumanaw ng utang na loob.
Panginoon, Ikaw po ang nakakakita ng lahat at ng mga salitang hindi ko na kayang ipagtanggol pa. Sa mga sandaling ito na ako’y napupuno ng galit at sama ng loob, hinihiling ko po ang Iyong kapayapaan. Turuan Mo po akong magpigil, magpatawad, at ipaubaya sa Iyo ang lahat ng bagay na hindi ko kontrolado.
Bigyan Mo po ako ng lakas na piliin ang katahimikan kaysa sa gulo, ang pag-unawa kaysa sa galit, at ang kabutihan kahit hindi ito nasusuklian. Ilayo Mo po ako sa masasakit na salita at tulungan Mo rin po ang taong nananakit na magbago at makakita ng tama.

Napakasarap at napakasayang pakiramdam na natupad ang isa sa pinakamalalim kong pangarap para sa aking mga anak…ang maki...
26/03/2026

Napakasarap at napakasayang pakiramdam na natupad ang isa sa pinakamalalim kong pangarap para sa aking mga anak…ang makita silang magtagumpay at maging Top 1 hanggang sa kanilang pagtatapos. Noon, ang tanging hiling ko lang ay makuha nila ang “Most Behaved,” dahil naniniwala ako na kapag mabuti at maayos ang ugali ng isang bata, kusa nang susunod ang iba pang biyaya.
At tunay nga…higit pa sa inaasahan ko ang ipinagkaloob. Hindi lamang sila naging mabuti, kundi nanguna pa sa kanilang klase.
Maraming salamat, Panginoon, sa napakalaking biyayang ito. Lahat ng papuri at pasasalamat ay sa Iyo. 🙏💖

21/03/2026

Panginoon, maraming salamat po sa panibagong umagang ipinagkaloob Mo sa amin. Salamat po sa buhay, kalakasan, at kapayapaan na aming natatanggap sa araw na ito.
Patawarin Mo po kami sa aming mga nagawang pagkukulang at kasalanan. Linisin Mo po ang aming puso at isipan, at tulungan Mo kaming magbago at maging mas mabuting tao.
Patnubayan Mo po kami sa aming paglalakbay ngayong araw. Ingatan Mo po kami sa lahat ng panganib at bigyan Mo kami ng karunungan sa bawat desisyon na gagawin namin.
Maraming salamat po sa lahat ng biyaya, malalaki man o maliliit. Sa Iyo po namin ipinagkakatiwala ang aming pamilya, aming buhay, at aming kinabukasan.
Sa pangalan Mo po, kami ay nagpapasalamat at nananalangin. Amen.

19/03/2026

Noon, kapag may nananakit sa akin, pinipili kong manahimik nalang, dinadala ko sa luha at panalangin. Sa mga sandaling hindi ko na kaya, bulong ko sa sarili ko…sana maramdaman din nila ang sakit na ipinadama nila sa akin. Hindi dahil gusto kong gumanti, kundi dahil gusto ko lang na maintindihan nila kung gaano kasakit ang maging api.
Alam kong mali ang maghangad ng masama para sa kapwa, lalo na kung sarili mong kadugo ang dahilan ng sugat mo. Pero may mga pagkakataon talagang nilalamon tayo ng emosyon. May mga salitang nabibitawan na hindi natin sinasadya, mga salitang galing sa pusong sugatan. At nakakapangilabot isipin na may mga pagkakataong parang nagkakatotoo ang mga iyon. Hindi man agad, pero dumarating. Kaya napapatanong ako…may kakaiba ba sa akin, o sadyang umiikot lang ang mundo sa paraang hindi ko pa lubos na nauunawaan?
Habang tumatagal, natutunan kong hindi lahat ng sakit ay kailangang gantihan. Ang buhay pala ay parang gulong, may pagkakataong nasa ibaba ka, pero darating din ang panahon na aangat ka. Unti-unti kong natutunan na mas piliin ang katahimikan kaysa galit, ang pag-unawa kaysa paghihiganti.
Ngayon, mas maingat na ako sa kilos, sa salita, at lalo na sa laman ng puso ko. Dahil naniniwala ako na ang bawat ginagawa natin, may kapalit. Hindi man agad, pero tiyak. Parang binhi, kung ano ang itinanim mo, siya ring aanihin mo. Kaya pinipili ko na lang magtanim ng kabutihan, kahit sa lupang minsang sumugat sa akin.
Dahil sa huli, ang tunay na lakas ay hindi nasusukat sa kakayahang gumanti, kundi sa kakayahang magpatawad, maghilom, at patuloy na magmahal kahit ilang beses nang nasaktan.

19/03/2026

Minsan, akala natin ang sagot sa panalangin ay dagdag bagong oportunidad, bagong tao, bagong biyaya. Pero may mga pagkakataon na ang tunay na sagot ng Diyos ay hindi pagdaragdag, kundi pag-aalis. At iyon ang mas mahirap tanggapin.
Masakit kapag may taong nawawala sa buhay natin, lalo na kung minahal natin sila, pinagkatiwalaan, o inasahan. Mapapatanong ka: “Bakit sila pa, Lord?” Pero sa likod ng sakit na iyon, may tahimik na proteksyon. May mga bagay na hindi natin nakikita, mga intensyon na hindi lantad, at mga sitwasyong maaring mas makasakit kung nagtagal pa.
Ang pag-alis ng isang tao ay hindi palaging parusa minsan, ito ay pagliligtas. Parang isang pintuang isinara ng Diyos hindi para ipagkait sa’yo ang saya, kundi para ilayo ka sa mas malaking sakit. Habang umiiyak ka sa pagkawala, ang Diyos ay gumagawa ng paraan para ingatan ang puso mo, kahit hindi mo pa ito lubos na nauunawaan.
May mga tao na dumadaan lang sa buhay natin para turuan tayo hindi para manatili. At kapag tapos na ang papel nila, kahit gaano pa natin gustong pigilan, unti-unti silang mawawala. Hindi dahil wala kang halaga, kundi dahil may mas angkop na plano ang Diyos para sa’yo mga taong tunay, mga ugnayang hindi ka sasaktan, at kapayapaang hindi mo kailangang ipaglaban.
Sa bawat taong inaalis Niya, may aral Siyang iniiwan. At sa bawat sakit na dulot nito, may proteksyon Siyang ibinibigay.
Kaya kapag may nawala, kahit masakit, subukan mong magtiwala: baka iyon na ang sagot sa panalangin mong hindi mo alam kung paano Niya sasagutin.

18/03/2026

Panginoon,
Sa gitna ng hirap at pagod ng buhay, lumalapit po ako sa Inyo nang buong puso. Alam ko pong hindi Ninyo ako pinababayaan, kahit sa mga sandaling pakiramdam ko’y nag-iisa ako. Kayo po ang aking lakas kapag ako’y nanghihina, ang aking ilaw sa tuwing ako’y naliligaw, at ang aking sandigan sa bawat unos na aking pinagdaraanan.
Patawarin Ninyo po ako sa aking mga pagkukulang at pagdududa. Palakasin Ninyo ang aking pananampalataya, upang sa kabila ng mga pagsubok, patuloy akong maniwala sa Inyong kabutihan at plano para sa akin.
Turuan Ninyo po akong magtiis nang may tapang, magsumikap nang may dedikasyon, at matutong makuntento sa mga biyayang aking natatanggap. Itanim Ninyo sa aking puso ang pag-asa at pangarap na hindi kailanman mawawala, kahit gaano pa kahirap ang landas na aking tinatahak.
Panginoon, hawakan Ninyo po ang aking kamay sa bawat hakbang. Huwag Ninyo po akong pabayaan. Sa Inyo ko po inilalagay ang lahat ng aking takot, pangamba, at pangarap. Naniniwala po ako na sa tamang panahon, ibibigay Ninyo ang lahat ng nararapat para sa akin.
Maraming salamat po sa walang sawang pagmamahal at paggabay. Kayo po ang aking sandigan, ngayon at magpakailanman.
Amen.

Address

Basco
3900

Website

Alerts

Be the first to know and let us send you an email when Respect Earned posts news and promotions. Your email address will not be used for any other purpose, and you can unsubscribe at any time.

Shortcuts

Share

Category