Alcala Municipal Health Office

29/04/2026

🌞 IWAS SA INIT, LIGTAS SA SAKIT!

Habang patuloy ang mataas na temperatura, huwag nating hayaang malagay sa panganib ang ating kalusugan. Ang matinding init ay maaaring magdulot ng heat cramps, heat exhaustion, at heat stroke, na maaaring maging delikado kung mapapabayaan.

Kapag ikaw ay nakaramdam ng pagkahilo, lagnat, pangangalay, mainit na balat, o pagkawala ng malay, agad na kumilos at magpatingin.

Simpleng paraan para makaiwas:
✔️ Uminom ng sapat na tubig
✔️ Iwasan ang matinding sikat ng araw
✔️ Gumamit ng payong o sumbrero
✔️ Magpahinga at limitahan ang mabibigat na gawain

Para sa konsultasyon, bumisita sa Alcala Municipal Health Office.

28/04/2026

Narito ang listahan ng PHILHEALTH GAMOT at mga ACCREDITED GAMOT FACILITIES 💊

Alamin kung anu-anong mga gamot ang maaari mong makuha at kung saan ito makukuha gamit ang iyong PhilHealth YAKAP benefit!

Tandaan!
Upang ma-avail ang hanggang ₱20,000 halaga ng gamot sa isang taon, kinakailangan ng GAMOT prescription mula sa YAKAP accredited physician.

Kaya’t pumunta na sa Alcala Municipal Health Office!
✔️ Magpakonsulta nang LIBRE
✔️ Kumuha ng tamang reseta
✔️ I-avail ang gamot sa accredited facilities

Simulan ang proseso sa tamang YAKAP provider!
Piliin ang Alcala Municipal Health Office para siguradong guided ka sa bawat hakbang.

28/04/2026

Libre ang gamot na hanggang ₱20,000 kada taon! Naka-avail ka na ba?

Sa PhilHealth YAKAP, mas madali na ang pagkuha ng gamot para sa iyong kalusugan!
✔️ Piliin ang Alcala Municipal Health Office bilang YAKAP provider
✔️ Magpakonsulta sa aming 2 accredited YAKAP doctors
✔️ Kumuha ng GAMOT prescription
✔️ I-claim ang iyong benepisyo sa pinakamalapit na accredited GAMOT facility

Pumunta na sa Alcala MHO at i-avail ang benepisyong para sa iyo!

Abangan ang susunod naming post sa listahan ng GAMOT FACILITIES sa Cagayan at sa listahan ng mga GAMOT na puwedeng makuha.

27/04/2026

Panahon na upang wakasan ang stigma sa usaping mental health. 💚

Sa bawat laban na hindi nakikita, mahalaga ang may karamay.
Maging bahagi tayo ng komunidad na nakikinig at umuunawa.

📞 Makipag-ugnayan sa:
Alcala MHO Hotline: 0995-100-5899
CVMC 24/7 Mental Health Crisis Hotline: 0967-125-7906

Sama-sama, aalagaan natin ang isa’t isa.

23/04/2026

Matagumpay na naisagawa ang programang “Bagas para Bara: Anges ti Biyag, Bukel ti Namnama” noong ika-21 ng Abril 2026 sa Brgy. Agani, Alcala, Cagayan. 🌾🫁

Sa pangunguna ng Alcala Municipal Health Office, umabot sa 209 na indibidwal ang nabigyan ng libreng Chest X-ray at rice packs, bilang bahagi ng ating patuloy na laban kontra tuberculosis at pagsusulong ng kalusugan sa komunidad.

Taos-pusong pasasalamat sa mga Barangay Officials at mga miyembro ng Brgy. Agani, sa pangunguna ni Brgy. Captain Sonny Pavo, sa kanilang walang sawang suporta at pakikiisa sa programa. Lubos din ang aming pasasalamat sa CVCHD Region 2 para sa paglalaan ng Mobile XRay bus na naging mahalaga sa matagumpay na implementasyon ng aktibidad na ito.

Ang programang ito ay naisakatuparan sa ilalim ng mahusay na pamumuno ni Dr. Karen Ana Narag, Municipal Health Officer, at ng ating Municipal Mayor na si Atty. Tin Antonio.

Sama-sama nating ipagpatuloy ang adbokasiya para sa isang mas malusog at ligtas na Alcala. 💚🩻

21/04/2026

Kasalukuyan po ang ating TB caravan dito sa Agani Brgy. Hall. Inaanyayahan po namin kayong lahat na dumalo sa ating caravan. Layunin ng programang ito ang makapagbigay ng libreng Chest Xray para mapaigting ang ating laban kontra tuberculosis.

Ang unang 200 na indibidwal na makakapag Chest Xray ay mabibigyan po ng Rice Packs.

Samantalahin ang pagkakataon upang maalagaan ang kaslusugan. Suportahan po natin ang ating programang “Bagas para Bara: Anges ti Biag, Bukel ti Namnama”, para sa mas malusog na Alcala. 🌾🫁🩻

16/04/2026

🌾 BAGAS PARA BARA 🌾
Anges ti Biag, Bukel ti Nammnama

Inaanyayahan ng Alcala Municipal Health Office ang lahat na makiisa sa ating TB Caravan sa darating na April 21, 2026 sa Agani Brgy. Hall, 8:00 ng umaga.

Mayroon po tayong Libreng Chest X-Ray para sa maagang pagtuklas ng TB at may libreng bigas para sa unang 200 katao na magpapa-X-ray.

Huwag palampasin ang pagkakataon na mapangalagaan ang inyong kalusugan. Sama-sama tayo sa isang TB-free na komunidad!

19/03/2026

MAGANDANG BALITA!!

Ang Alcala Municipal Health Office ay isang accredited at verified PhilHealth YAKAP Primary Care Provider (P*P).

Mayroon din kaming dalawang accredited PhilHealth physicians na maaaring magbigay ng konsultasyon, pagsusuri, at pamamahala ng inyong kalusugan.

Mahalagang Paalala sa mga Miyembro:
• Kinakailangang magparehistro at pumili ng inyong YAKAP Primary Care Provider (P*P) upang magamit ang benepisyo.
• Ang reseta para sa GAMOT benefit ay dapat manggaling lamang sa inyong napiling YAKAP P*P.
• Ang mga iniresetang gamot ay maaaring makuha sa mga accredited GAMOT providers (botika o pharmacy) sa loob ng Cagayan.

Inaanyayahan ang lahat na piliin at bumisita sa Alcala Municipal Health Office bilang inyong YAKAP Provider para sa maayos, tuloy-tuloy, at dekalidad na serbisyong pangkalusugan.

20/02/2026

Kasalukuyan po ang ating Blood Donation Program: “Butil ng Palay, Sasagip ng Buhay”. Inaanyayahan po ang lahat sa Teresita I. Antonio Memorial Gymnasium sa Brgy. Centro Norte, Alcala para makapagbigay ng dugo at makapagligtas ng buhay.

Ang unang 200 na successful donors ay mabibigyan po ng bigas. Halina’t tumulong, magbigay, at magligtas. 🌾🩸❤️

19/02/2026

Magkita kita po tayong lahat bukas at sabay sabay tayong mag ligtas ng buhay. Mabibigyan po ng bigas ang unang 200 na makapagdonate ng dugo.🩸🌾❤️

BUTIL NG PALAY, SASAGIP SA BUHAY! 🌾🩸

Inaanyayahan ang lahat na makiisa sa Blood Donation Drive ng Alcala Municipal Health Office ngayong:
📅 Pebrero 20, 2026
⏰ 8:00 AM
📍 Teresita I. Antonio Memorial Gymnasium, Centro Norte, Alcala

Ang bawat patak ng dugo ay maaaring magligtas ng buhay. Bukod sa pagtulong sa kapwa, may mga benepisyo rin ang pagdo-donate ng dugo:

✅ Nakakatulong sa pagligtas ng buhay ng mga pasyenteng nangangailangan ng agarang dugo
✅ Nakakatanggap ng libreng basic health screening bago mag-donate
✅ Nakakatulong sa maayos na sirkulasyon ng dugo
✅ Maaaring makatulong sa pagbawas ng sobrang iron sa katawan

May nakahandang rice packs para sa unang 200 donors bilang munting pasasalamat.

Tumulong. Magbigay. Magligtas ng Buhay.
Sama-sama nating ipakita ang tunay na diwa ng bayanihan! 💪✨