Rural Health Unit of Mallig

28/08/2026

𝗙𝗮𝗺𝗶𝗹𝘆 𝗣𝗹𝗮𝗻𝗻𝗶𝗻𝗴 𝗠𝗼𝗻𝘁𝗵 𝟮𝟬𝟮𝟲

Ngayong Family Planning Month 2026, matagumpay na isinagawa ang isang makabuluhang aktibidad na naglalayong mailapit sa ating mga kababayan ang de-kalidad at libreng serbisyong pangkalusugan—ang Free Progestin-Only Subdermal Implant.

Lubos ang aming pasasalamat sa OB-GYN Department ng Southern Isabela Medical Center, Dr. Florentino R. Somera III MHO, RHU staffs, Midwifes, Mallig BUCAS Center, POGS–North Eastern Luzon, Western Isabela Medical Society, Marciano Martin Caronan, DOH-DMO, gayundin sa ating mga Barangay Officials at Barangay Health Workers sa kanilang mahalagang suporta, serbisyo, at pakikiisa upang maging matagumpay ang gawaing ito.

Taos-puso rin ang aming pasasalamat kay Mayor Jose Philip F. Calderon sa kanyang patuloy na suporta at malasakit sa kalusugan at kapakanan ng ating mga mamamayan.

Sa sama-samang pagkilos ng ating mga health workers, partners, local leaders, at komunidad, mas napapalakas natin ang responsableng pagpaplano ng pamilya, reproductive health, at isang mas malusog na kinabukasan para sa bawat pamilya.

Serbisyong pangkalusugan, para sa bawat pamilya—ngayon at sa hinaharap!

27/08/2026

𝗠𝗮𝘁𝗮𝗴𝘂𝗺𝗽𝗮𝘆 𝗻𝗮 𝗠𝗥-𝗦𝗜𝗔 𝗥𝗮𝗽𝗶𝗱 𝗖𝗼𝗻𝘃𝗲𝗻𝗶𝗲𝗻𝗰𝗲 𝗠𝗼𝗻𝗶𝘁𝗼𝗿𝗶𝗻𝗴, 𝗜𝘀𝗶𝗻𝗮𝗴𝗮𝘄𝗮 𝘀𝗮 𝗠𝗮𝗹𝗹𝗶𝗴

𝗔𝗴𝗼𝘀𝘁𝗼 𝟮𝟰, 𝟮𝟬𝟮𝟲 | Isinagawa sa Bayan ng Mallig ang Rapid Convenience Monitoring (RCM) bilang bahagi ng Measles-Rubella Supplemental Immunization Activity o MR-SIA. Layunin ng aktibidad na masubaybayan ang progreso ng pagbabakuna, matukoy ang mga batang maaaring hindi pa nabakunahan, at matiyak na ang mga batang kwalipikado ay mabigyan ng proteksiyon laban sa measles at rubella.

Bilang bahagi ng aktibidad, isinagawa ang courtesy call sa Office of the Municipal Administrator kung saan tinalakay ang kasalukuyang kalagayan at progreso ng MR-SIA sa Mallig. Dumalo rito ang DMO IV Marciano Martin Caronan, mga staff ng DOH-CVCHD, Municipal Health Officer Dr. Florentino R. Somera III, at Municipal Administrator Engr. Jose P. Calderon.

Samantala, isinagawa rin ang field monitoring kasama ang mga DOH-HRH, mga midwife, RHU Staffs, at mga Barangay Health Workers. Sa pamamagitan ng kanilang pagtutulungan, masusing minonitor ang mga lugar at mga batang sakop ng aktibidad upang matukoy kung mayroon pang mga batang hindi naaabot ng pagbabakuna.

Ang aktibidad ay naglalayong palakasin ang koordinasyon ng lokal na pamahalaan, DOH, at mga barangay health workers upang makamit ang target na vaccination coverage at maisulong ang Walang Batang Maiiwan na layunin at bawat kwalipikadong bata ay mabigyan ng kinakailangang libre at ligtas na proteksiyon laban sa measles at rubella.

Muling ipinapaalala sa mga magulang at tagapag-alaga na huwag hayaang manaig ang pangamba o maling impormasyon tungkol sa bakunang Measles-Rubella (MR). Ang pagbabakuna ay isang mahalagang hakbang upang maprotektahan ang mga bata laban sa measles at rubella. Para sa anumang katanungan o pag-aalinlangan, hinihikayat ang mga magulang na kumonsulta sa mga health worker at kumuha ng tamang impormasyon mula sa mga mapagkakatiwalaang sanggunian.

18/08/2026

Maligayang kaarawan po mayor
Pagpalain po kayo lagi

12/08/2026

11/08/2026

𝗜𝗡 𝗣𝗛𝗢𝗧𝗢𝗦📸| 𝗠𝗥-𝗦𝗜𝗔 𝗜𝗺𝗽𝗹𝗲𝗺𝗲𝗻𝘁𝗮𝘁𝗶𝗼𝗻 𝘀𝗮 𝗕𝗮𝗿𝗮𝗻𝗴𝗮𝘆 𝗠𝗮𝗹𝗶𝗴𝗮𝘆𝗮

Matagumpay na naisagawa ngayong araw ang MR-SIA (Measles-Rubella Supplemental Immunization Activity) Implementation sa Barangay Maligaya, sa pangunguna at pakikiisa ng ating mga health partners at stakeholders. Dumalo rin sina DOH Undersecretary Dr. Glenn Matthew G. Baggao at DOH CVCHD Regional Director Dr. Ferdinand M. Benbenen bilang suporta sa mahalagang gawaing pangkalusugan na ito.

Ang pagbabakuna ay isang mahalagang hakbang upang maprotektahan ang mga bata laban sa tigdas at rubella at makatulong na maiwasan ang pagkalat ng mga sakit na maaaring magdulot ng seryosong komplikasyon.

Taos-pusong pasasalamat Mayor Jose Philip F. Calderon, Dr. Florentino R. Somera III, RHU Staff, BHWs, Barangay Officials, Midwives, at Nurses Rotary Club of Roxas, Western Isabela Medical Society, University of Perpetual Help System Isabela Campus – College of Nursing, sa kanilang walang-sawang suporta at pakikiisa.

Patuloy nating suportahan ang pagbabakuna at sama-sama nating pangalagaan ang kalusugan ng bawat bata at bawat pamilya.

Bakuna para sa proteksyon. Kalusugan para sa kinabukasan! Walang batang maiiwan, protektado ang bawat batang Malligueño!

09/08/2026

Sight Saving Month 2026
Liwanag ng Paningin, Handog sa Mamamayan
Matagumpay na isinagawa ngayong Agosto 7, 2026 ang pagdiriwang ng Sight Saving Month, kung saan mahigit 500 na mamamayan ang nabigyan ng libreng konsultasyon sa mata at libreng salamin sa pangunguna ng mga kinatawan mula sa Ifugao State University Eye Center.
Taos-pusong pasasalamat, Hon. Jose Philip "JP" Calderon, CPA Mun. Mayor, Ifugao State University Eye Center; Western Isabela Medical Society, Dr. Florentino Somera III, MHO at sa mga RHU Staff, HRH, at BHWs, BNs, UPHS NursingSstudentssa kanilang dedikasyon at pakikiisa upang maisakatuparan ang makabuluhang programang ito para sa kalusugan ng ating komunidad.
Mas malinaw na paningin, mas maliwanag na kinabukasan.

06/08/2026

𝗠𝗥 𝗦𝗜𝗔 2026 | 𝗟𝗶𝗴𝘁𝗮𝘀 𝗮𝗻𝗴 𝗕𝗮𝗸𝘂𝗻𝗮.
Alamin ang mga Karaniwang Reaksyon Pagkatapos Mabakunahan.
Alamin ang mga karaniwang reaksyon pagkatapos ng pagbabakuna, ang mga senyales na dapat bantayan, at ang mga hakbang na makatutulong upang mapanatiling ligtas ang inyong anak.
📖 Basahin ang mga paalala sa ibaba at ibahagi ang tamang impormasyon sa inyong pamilya at komunidad.
Protektado kapag bakunado.
Ligtas kapag alerto at may tamang kaalaman.

31/07/2026

Malabo na ba ang paningin? Huwag nang ipagpaliban ang pagpapatingin!

Ang malinaw na paningin ay mahalaga sa pag-aaral, pagtatrabaho, at pang-araw-araw na pamumuhay. Ngayong Sight Saving Month 2026, samahan kami sa isang araw ng libreng serbisyong pangangalaga sa mata!

FREE Eye Check-up with FREE Eyeglasses
📅 August 7, 2026 (Friday)
🕘 9:00 AM – 3:00 PM
📍 Mallig Sports Complex

Ang aktibidad na ito ay bukas para sa mga bata, kabataan, matatanda, at senior citizens na may:
✅ Malabong paningin
✅ Hirap magbasa o makakita
✅ Pananakit ng mata o ulo dahil sa paningin
✅ Katarata at iba pang suliranin sa mata

✨ Alagaan ang iyong mga mata ngayon para sa mas maliwanag na bukas.

🤝 In partnership with the Local Government Unit of Mallig, Department of Health (DOH), Mallig BUCAS Center, Ifugao State University Eye Center, Western Isabela Medical Society, and our valued partner organizations, we are committed to bringing quality eye care closer to every Juan.

📢 Healthy Eyes, Bright Future!

30/07/2026

𝗦𝗮𝗺𝗮-𝘀𝗮𝗺𝗮𝗻𝗴 𝗛𝗮𝗸𝗯𝗮𝗻𝗴 𝗧𝘂𝗻𝗴𝗼 𝘀𝗮 𝗟𝗶𝗴𝘁𝗮𝘀 𝗮𝘁 𝗠𝗮𝗹𝘂𝘀𝗼𝗴 𝗻𝗮 𝗞𝗶𝗻𝗮𝗯𝘂𝗸𝗮𝘀𝗮𝗻! 𝗕𝗮𝗸𝘂𝗻𝗮𝗱𝗼𝗻𝗴 𝗠𝗮𝗹𝗶𝗴𝘂𝗲ñ𝗼, 𝗣𝗿𝗼𝘁𝗲𝗸𝗧𝗢𝗗𝗢!

𝗛𝘂𝗹𝘆𝗼 𝟯𝟬, 𝟮𝟬𝟮𝟲 | Bilang paghahanda sa Measles-Rubella Supplemental Immunization Activity (MR SIA), matagumpay na isinagawa ngayong araw ang 𝗠𝗥-𝗦𝗜𝗔 𝗞𝗶𝗰𝗸-𝗢𝗳𝗳 𝗔𝗰𝘁𝗶𝘃𝗶𝘁𝘆 sa pamamagitan ng isang Motorcade and Bandillo sa iba't ibang barangay ng Bayan ng Mallig bilang bahagi ng pagpapalawak ng kaalaman ng komunidad tungkol sa kahalagahan ng pagbabakuna laban sa tigdas at rubella.

Layunin ng aktibidad na ito na hikayatin ang bawat magulang at tagapag-alaga na mapabakunahan ang kanilang mga anak upang mapanatiling ligtas ang ating komunidad laban sa mga sakit na maaaring maiwasan sa pamamagitan ng bakuna. Ang maagang pagbabakuna ay isang mahalagang hakbang upang maprotektahan ang kalusugan ng ating mga kabataan at maiwasan ang pagkalat ng mga nakahahawang sakit.

Taos-pusong pasasalamat ang ipinaaabot ng Rural Health Unit of Mallig sa ating Municipal Mayor, Hon. Jose Philip F. Calderon, sa kanyang patuloy na suporta sa mga programang pangkalusugan ng ating bayan. Gayundin, kay Dr. Florentino R. Somera III, Municipal Health Officer, sa kanyang pamumuno at paggabay upang maging matagumpay ang paghahandang ito.

Lubos din naming kinikilala ang mahalagang ambag ng ating mga HRH, Midwife, RHU Staff, Barangay Captains, BHWs, BNS, Barangay Tanod, at iba pang mga opisyal at kawani ng barangay na nakiisa at naglaan ng kanilang oras at serbisyo upang maiparating ang mahalagang mensahe ng pagbabakuna sa bawat sulok ng ating komunidad.

📢 𝗣𝗔𝗔𝗟𝗔𝗟𝗔 𝗦𝗔 𝗠𝗚𝗔 𝗠𝗔𝗚𝗨𝗟𝗔𝗡𝗚 𝗔𝗧 𝗧𝗔𝗚𝗔𝗣𝗔𝗚-𝗔𝗟𝗔𝗚𝗔

Inaanyayahan ang lahat ng magulang na may mga anak na edad 6 hanggang 59 buwan na dalhin sila sa itinalagang Fixed Site o Barangay Health Station (BHS) sa inyong barangay upang mabigyan ng Measles-Rubella (MR) vaccine.

Bakuna ang pinakamabisang proteksyon laban sa tigdas at rubella. Sama-sama nating tiyakin na bawat batang Malligueño ay ligtas, malusog, at may proteksyon para sa mas maayos na kinabukasan.
Protektahan ang mga bata. Magpabakuna. Magkaisa para sa isang ligtas at malusog na Mallig! Dahil Bida ang Bakunadong Malligueño!

-SIA2026