24/05/2026
By Dr. Anne Meredith Garcia Trinidad:
Maraming pasyente ang nagtatanong:
“Doc, cancer-free na ba ako?”
❓ Ano ba ang ibig sabihin ng “cancer-free”?
Karaniwan, ibig sabihin nito ay:
✅ Walang nakikitang ebidensya ng cancer sa physical examination at mga tests (blood, imaging, histopathology)
✅ Pero mahalagang maintindihan na:
🔘 Hindi ito laging nangangahulugan na 💯% wala nang cancer cells sa katawan
🔘 May mga cancer na pwedeng sobrang liit pa para makita sa scans at iba pang tests
⚠️ Sa kasalukuyan, wala pang test na kayang magpatunay nang may 💯% kasiguraduhan na wala nang natitirang kahit isang cancer cell sa katawan.
Kaya sa oncology, mas madalas at mas tamang gamitin ang terms na:
✅ "No evidence of disease (NED)"
✅ "Complete remission" o "in remission"
✅ "Complete response (CR)"
❓ Pwede bang bumalik ang cancer?
Oo, posible pa rin sa ilang pasyente.
Kaya mahalaga ang:
✅ Regular follow-up
✅ Surveillance labs/scans
✅ Pagpapatuloy ng maintenance treatment kung may inirekomenda ang inyong oncologist
✅ Healthy lifestyle
✅ Pag-monitor ng mga sintomas
❓ Ibig sabihin ba nito hopeless?
HINDI.
Maraming pasyente ang nananatiling walang ebidensya ng cancer sa loob ng maraming taon at marami rin ang tunay na gumagaling. 🙏
🎗️ Ang goal ng treatment ay hindi lang pahabain ang buhay, kundi mapabuti rin ang kalidad nito.
✅ Mahalaga ring tandaan:
Hindi lahat ng pasyente ay pare-pareho.
Ang kahulugan ng “cancer-free” ay maaaring iba depende sa:
✅ Uri ng cancer
✅ Stage
✅ Treatment response
✅ Haba ng panahon mula sa paggamot
🎀 Kaya pinakamabuti pa rin na itanong sa inyong oncologist kung ano ang ibig sabihin nito sa inyong partikular na sitwasyon.
