Dr Noor Zaman

Contact the practice

Dr Noor Zaman Managed by a Pharmacist, a Certified Fitness Trainer and Homeopathic Physician.

Sharing health, fitness, nutrition, and medicine awareness content for educational purposes.

15/06/2026

گرمیوں میں صرف پانی پینا کافی نہیں ہوتا!
بہت سے لوگ شدید گرمی میں لمبے وقت تک دھوپ میں کام کرتے ہیں یا طویل ورزش کرتے ہیں۔ وہ بار بار پانی بھی پیتے رہتے ہیں، لیکن پھر بھی بعض اوقات شدید کمزوری، چکر، پٹھوں میں کھچاؤ، گرمی سے نڈھال ہونے (Heat Exhaustion) یا حتیٰ کہ ہیٹ اسٹروک کا شکار ہو جاتے ہیں۔
اس کی ایک اہم وجہ یہ ہے کہ پسینے کے ساتھ جسم سے صرف پانی ہی نہیں بلکہ نمکیات (Electrolytes) خصوصاً سوڈیم (نمک) بھی خارج ہوتا ہے۔
اگر آپ گھنٹوں تک پسینہ بہا رہے ہیں اور صرف پانی پیتے جا رہے ہیں تو جسم میں نمکیات کی کمی پیدا ہو سکتی ہے، جس سے پانی کا توازن متاثر ہوتا ہے اور جسم کو ٹھنڈا رکھنے کا نظام بھی متاثر ہو سکتا ہے۔
لہٰذا طویل ورزش، سخت جسمانی مشقت یا دھوپ میں کئی گھنٹے کام کرنے والے افراد کے لیے صرف پانی ہی نہیں بلکہ نمکیات کی مناسب مقدار کا خیال رکھنا بھی ضروری ہے۔ اس مقصد کے لیے الیکٹرولائٹ ڈرنکس، او آر ایس, نمک اور لیموں کا شربت یا مناسب مقدار میں نمک والی غذائیں مددگار ثابت ہو سکتی ہیں۔

27/05/2026

عیدالاضحی ہیلتھ ٹپس
تیل یا گھی میں پکے ہوئے گوشت کے بجائے نرم ابلا ہوا گوشت کھائیں،
زیادہ چربی والا گوشت نہ کھائیں،
گوشت کے ساتھ کوئی فائبر والی غذا جیسے کھیرا، سلاد وغیرہ ضرور کھائیں،
ایک وقت میں بہت زیادہ گوشت ایک ساتھ نا کھائیں۔

اس سے آپ عید پہ گوشت کھانے سے ہونے والی بدہضمی سے کافی حد تک بچے رہینگے

25/05/2026

عیدالضحی ہیلتھ ٹپ۔
شوگر کے مریض بڑا یا چھوٹا ہر قسم کا گوشت کھا سکتے ہیں۔ اگر آپکو شوگر سے ساتھ ساتھ کوئی اور دل کا یا یوریک ایسیڈ وغیرہ کا مسلہ نہیں ہے، تو آپ دل کھول کر گوشت سے لطف اندوز ہوسکتے ہیں۔ صرف کولڈ ڈرنکس، جوسز اور دیگر میٹھے مشروبات سے پرھیز کریں۔

24/05/2026

مندرجہ ذیل چیزیں خوراک نہیں بلکہ شوگر یعنی ذیابیطس اور بلڈ پریشر کو جسم کی طرف کھینچنے والی ٹولز ہیں۔
1. میکرونی
2. نوڈلز
3. کیچپ
4. مایونیز
یہی کھا کھا کر اور اوپر سے شوگر بھری بوتلیں پی کر پاکستانیوں نے شوگر کی بیماری میں دنیا بھر میں پہلا نمبر حاصل کیا ہے۔ جی ہاں ابادی کے لحاظ سے شوگر کے مریضوں کی تعداد میں پاکستان دنیا میں 4 کروڑ مریضوں کے ساتھ پہلے نمبر پر اگیاہے۔ یعنی تقریبا ہر 6 میں سے ایک پاکستانی شوگر کے مرض میں مبتلہ ہے۔ شوگر، جسکو پہلے بوڑھے اور امیر لوگوں کی بیماری سمجھا جاتا تھا، اب بچوں اور بڑوں، امیر و غریب کو ایک جیسا متاثر کررہی ہے۔ اور اسکی سب سے بڑی وجہ خوراک کے نام پہ یہ الم غلم جسم میں ڈالنا اور ورزش، جم وغیرہ کو فضولیات سمجھنا ہے۔

اگر آپ مرگی کی یہ دوا استعمال کرتے ہیں، تو یہ پوسٹ ضرور پڑھ لیں۔ کاربامازیپین ایک مشہور دوا ہے، جو مرگی اور کچھ اعصابی ب...
20/05/2026

اگر آپ مرگی کی یہ دوا استعمال کرتے ہیں، تو یہ پوسٹ ضرور پڑھ لیں۔
کاربامازیپین ایک مشہور دوا ہے، جو مرگی اور کچھ اعصابی بیماریوں کیلئے استعمال ہوتی ہے۔ اور اکثر ڈاکٹرز اسکو لمبے عرصے کیلئے تجویز کرتے ہیں۔ اس دوا کا ایک اہم سائڈ ایفیکٹ یہ ہے کہ اسکے لمبے استعمال سے جسم میں وٹامن ڈی کی کمی ہوسکتی ہے۔ اکثر پاکستانیوں، حصوصآ بزرگ افراد میں الریڈی وٹامن ڈی کی کمی ہوتی ہے، تو اس دوا کے استعمال سے وٹامن ڈی کی کمی مزید بڑھ جاتی ہے۔ جس سے ہڈیوں کی شدید کمزوری سمیت مختلف مسائل پیدا ہو جاتے ہیں۔
اگر آپ یہ دوا استعمال کررہے ہیں، تو کئی ماہ کے وقفے سے وٹامن ڈی کے ٹیسٹ کرتے رہیں۔ اور اگر کمی ہو تو ڈاکٹر کے مشورے سے وٹامن ڈی کی مناسب ڈوز استعمال کرتے رہا کریں۔

وزن کم کرنے کے حوالے سے ہم اکثر لوگوں کو کہتے ہوئے سنتے ہیں کہ “صرف کھانا کم کرو وزن کم ہو جائیگا” یا “کسی جم یا ورزش ...
17/05/2026

وزن کم کرنے کے حوالے سے ہم اکثر لوگوں کو کہتے ہوئے سنتے ہیں کہ “صرف کھانا کم کرو وزن کم ہو جائیگا” یا “کسی جم یا ورزش کی ضرورت نہیں صرف روزانہ لمبی واک کیا کرو ، وزن کم کرنے کیلئے یہی کافی ہے”
لیکن کیا آپکو کسی نے بتایا ہے کہ وزن کم کرنے کا یہ طریقہ مناسب اور صحت مند نہیں ہوتا۔بلکہ کبھی تو فائدے سے زیادہ نقصان دیتا ہے؟

بات یہ ہے کہ جب آپ صرف خوراک بہت کم کر دیتے ہیں یا صرف واک پر انحصار کرتے ہیں تو جسم چربی کے ساتھ ساتھ مسلز یعنی پٹھے بھی کم کرنا شروع کر سکتا ہے۔ اور یہی سب سے بڑا مسئلہ بن جاتا ہے۔
دوسرا مسلہ یہ ہے کہ اس طریقے وزن کم کرنا مستقل نہیں ہوتا، جیسے ہی آپ کھانا شروع کر دیتے ہیں، وزن تیزی سے واپس بڑھ جاتا ہے، بلکہ پہلے سے بھی زیادہ بڑھ سکتا ہے،
یاد رکھیں !
پٹھے صرف جسم کی خوبصورتی کے لیے نہیں ہوتے، بلکہ یہ:
جسم کا میٹابالزم کا نظام بہتر رکھتے ہیں، یعنی چربی جمع ہونے سے روکتے ہیں،
بڑھاپا آنے سے روکتے ہیں اور بڑھاپے میں کمزوری سے بچاتے ہیں
شوگر اور انسولین سے متعلق مسائل کا خطرہ کم کرتے ہیں
جسم کو مضبوط اور فعال رکھتے ہیں.

کہنے کا مقصد یہ ہے کہ صرف وزن کم ہونا کامیابی نہیں ہے۔ اصل مقصد چربی کم کرنا اور پٹھوں کو محفوظ رکھنا یا مضبوط کرنا اور بڑھانا ہونا چاہیے۔
اس کے لیے جسم کو کسی نہ کسی شکل میں مزاحمتی ورزش اور کھانے میں مناسب پروٹین کی ضرورت ہوتی ہے۔ یہ یا تو جم میں وزن اٹھا کر کی جا سکتی ہے یا گھر پر سادہ ورزشوں جیسے پش اپ، پل اپ، اٹھک بیٹھک، وغیرہ سے بھی ممکن ہے۔
یعنی صرف کمزور اور ہلکا جسم صحت مند جسم نہیں ہوتا۔
مضبوط پٹھوں کے بغیر جسم اگر ہلکا بھی لگے پھر بھی مستقبل میں زیادہ مسائل پیدا ہوتے ہیں۔
اصل ہدف وزن کم کرنا نہیں، بلکہ چربی کم کرنا اور جسم کو مضبوط رکھنا ہے۔
ہم اپنے پیج پر صحت کے حوالے سے ایسی تحریریں شئیر کرتے رہتے ہیں، اگر آپکو صحت کے حوالے سے مستند معلومات جاننے کا شوق ہے تو ہمارا پیج فالو کیجیے

08/05/2026

آج میرے ایک دوست کے میڈیکل سٹور پر ایک شخص اپنے بچے کے لیے آئرن سیرپ لینے آیا۔
میں نے وجہ پوچھی تو بنوں کے ایک مشہور چلڈرن سپیشلسٹ کا نام لیکر کہنے لگا کہ
میں نے سوشل میڈیا پر انکی ویڈیو دیکھی تھی جس میں بتایا گیا تھا کہ بچے اگر مٹی، ریت یا دوسری غیر خوراکی چیزیں کھاتے ہیں تو یہ آئرن کی کمی کی وجہ سے ہوسکتا ہے، اس لیے میں سیرپ لینے آیا ہوں۔

یہی وہ جگہ ہے جہاں لوگ ایک خطرناک غلطی کر دیتے ہیں۔
صرف سوشل میڈیا ویڈیو دیکھ کر خود سے آئرن سپلیمنٹ شروع کر دینا درست نہیں۔
ہر وہ بچہ جو مٹی یا ریت کھاتا ہے، ضروری نہیں کہ اسے صرف آئرن کی کمی ہو۔
اس عادت کے پیچھے دوسری وجوہات بھی ہو سکتی ہیں، جیسے:
• زنک یا دیگر منرلز کی کمی
• غذائی مسائل
• نفسیاتی یا نشونما کے مسائل
• بعض اوقات صرف عادت بن جانے کی وجہ سے۔
اور اگر واقعی آئرن کی کمی ہو بھی، تب بھی بغیر ٹیسٹ یا مستند ہیلتھ پروفیشنل کے آئرن سپلیمنٹس شروع کرنا درست نہیں۔
کیونکہ پہلے یہ جاننا ضروری ہوتا ہے کہ:
• واقعی آئرن کی کمی موجود ہے یا نہیں؟
اگر ہے تو کتنی زیادہ ہے؟
• Hemoglobin اور ferritin level
کیا ہیں؟
• بچے کو کتنی مقدار میں دوا دینی چاہیے؟
• کتنے عرصے تک علاج جاری رکھنا ہے؟

آئرن سپلمنٹس کوئی عام ٹافی نہیں۔
غلط dose یا غیر ضروری استعمال بچے کے معدے، قبض، الٹی، اور بعض صورتوں میں toxicity کا سبب بھی بن سکتا ہے۔
سوشل میڈیا سے معلومات لیں،
لیکن تشخیص ہمیشہ ڈاکٹر کے معائنے، مریض کی ہسٹری اور lab tests سے ہی ہونی چاہیے۔

جمعہ مبارک
13/03/2026

جمعہ مبارک

27/02/2026

رمضان میں دوپہر تک آتے آتے اکثر لوگ سوچنے لگتے ہیں کہ سحری میں زیادہ کھا لینا چاہیے تھا۔
روزے میں بھوک محسوس ہونا ایک نارمل چیز ہے۔
البتہ بہت جلدی دن کے پہلے حصے میں زیادہ بھوک، سخت پیاس،یا اس کے ساتھ کمزوری اور چکر آنا اس بات کی علامت ہو سکتے ہیں کہ شوگر پہلے بہت ہائی ہوئی اور پھر اچانک لو ہو گئی۔
اس کی ایک بڑی وجہ سحری میں صرف کاربوہائیڈریٹ پر مشتمل چیزیں جیسے پراٹھا، میٹھی چاۓ وغیرہ اور پروٹین اور فائبر نہ لینا ہے۔
پروٹین اور فائبر خون میں شوگر کو آہستہ آہستہ ریلیز ہونے دیتے ہیں، جس سے شوگر اچانک ہائی اور پھر لو نہیں ہوتی، اور آپ زیادہ دیر تک توانا رہتے ہیں۔ بھوک زیادہ وقت تک محسوس نہیں ہوتی۔
اس لیے اگر اگلی بار آپ کو لگے کہ سحری میں زیادہ کھا لینا چاہیے تھا، تو روٹی، پراٹھے اور چاۓ کی مقدار بڑھانے کے بجائے اگلے دفعہ اپنی سحری میں پروٹین (انڈے، دال، چنے، لوبیا، چکن، گوشت، دہی، دودھ) اور فائبر ( کوئی پھل، سلاد یا اسپغول وغیرہ) کو مناسب مقدار میں شامل کریں۔
سحری میں صرف زیادہ کھانا بھوک لگنے کا حل نہیں، صحیح اور متوازن کھانا حل ہے۔

24/09/2024

اکثر مقامی غیرسندیافتہ پریکٹیشنرز، ڈسپنسرز یا میٹرک، مڈل پاس میڈیکل سٹور دکاندار طاقت کی ڈرپ یا جگر کی گرمی دور کرنے والی ڈرپ کے نام پہ لوگوں کو Bejectal، Basileri، Neurobian، Multibionta اور Decadran یا dexamethasone (سٹیرائیڈ) وغیرہ کے انجکشنز ڈرپس میں لگا دیتے ہیں، جو سیاہ، سرخ، یا پیلے ہو سکتے ہیں۔ اور تقریبا 2000، 2500 روپے وصول کرتے ہیں، یہ ایک غلط عمل ہے ان عطائیوں کے پاس دوائیوں کی ڈوز، سائیڈ ایفیکٹس اور استعمال کا علم ناکافی ہوتا ہے۔ اس سے اپ کے صحت پر مستقل مضر اثرات اور بعض اوقات انتہایئ شدید اور خطرناک اثرات مرتب ہو سکتے ہیں۔
اپنی صحت کا خیال رکھنا اپ کی اپنی ذمہ داری ہے۔
غلط لوگوں کو اپنی صحت اور زنگیوں سے نہ کھیلنے دیں۔

Address

Khyber Pakhtunkhwa
Bannu

Website

Alerts

Be the first to know and let us send you an email when Dr Noor Zaman posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Dr Noor Zaman:

Shortcuts

Share

Category