28/07/2026
آج OPD میں ایک ایسا لمحہ آیا جس نے دل کو شکر سے بھر دیا۔
یہ وہ مریضہ ہیں جنہوں نے 18 سال کے طویل انتظار کے بعد ماں بننے کی خوشی دیکھی۔ عمر 42 سال، حمل کے دوران ذیابیطس، ہائی بلڈ پریشر، بار بار انفیکشنز اور اینٹینیٹل ڈپریشن جیسے کئی چیلنجز تھے۔ اللہ تعالیٰ کے کرم سے ہم نے ہر مرحلے پر ان کا ساتھ دیا، احتیاط سے حمل کی نگرانی کی، اور آخرکار ایک محفوظ سیزرین سیکشن کے ذریعے ایک صحت مند بیٹے کی ولادت ہوئی۔
اللہ نے اپنی رحمت سے انہیں ڈیڑھ سال بعد دوبارہ حمل کی نعمت بھی عطا فرمائی، اور آج وہ معمول کے چیک اپ کے لیے آئیں۔
کلینک سے جاتے ہوئے انہوں نے میرے ننھے بیٹے کو دیکھا، محبت سے اس کے ہاتھ میں کچھ رقم رکھی اور میرے اور میرے بچے کے لیے ڈھیروں دعائیں کیں۔ وہ لمحہ کسی تحفے سے کہیں زیادہ قیمتی تھا، کیونکہ وہ ایک ڈاکٹر کے لیے مریض کے اعتماد، محبت اور دعا کی صورت میں سب سے بڑا انعام تھا۔
ایسے لمحات یاد دلاتے ہیں کہ طب صرف علاج کا نام نہیں، بلکہ انسانیت، خلوص، اعتماد اور دعا کا بھی نام ہے۔
الحمدللہ ہر اس دعا پر جو کسی ماں کے دل سے نکل کر اللہ تک پہنچتی ہے۔ 🤍
For appointment contact 0300-5470075/0343-5079786
Online consultation via or
