21/05/2026
انصاف ڈاکٹرز فورم گومل میڈیکل کالج کا اہم اجلاس؛ عمران خان کے وژن کے تحت مضبوط سٹوڈنٹ وینگ کی تشکیل پر اتفاق
انصاف ڈاکٹرز فورم گومل میڈیکل کالج کے نو منتخب اراکین کا اہم اجلاس منعقد ہوا جس میں نئے سٹوڈنٹ وینگ کابینہ کے قیام، تنظیمی امور اور طلباء کے مسائل کے حل کے حوالے سے تفصیلی مشاورت کی گئی۔
اجلاس کی مشترکہ صدارت سابقہ ایڈیشنل سیکرٹری جنرل انصاف ڈاکٹرز فورم ڈیرہ اسماعیل خان ڈاکٹر احسان ناصر اور سابقہ صدر انصاف ڈاکٹرز فورم کوہاٹ و سابقہ فوکل پرسن برائے ہاؤس آفیسرز ڈاکٹر نظام علی یوسفزئی نے کی۔
اجلاس میں گومل میڈیکل کالج میں تنظیم سازی، طلباء و طالبات کو درپیش تعلیمی و انتظامی مسائل، ہاسٹل، تدریسی ماحول، اور طلباء کی فلاح و بہبود سے متعلق امور پر تفصیلی گفتگو کی گئی۔ شرکاء نے اس امر پر زور دیا کہ طلباء کی حقیقی نمائندگی اور ان کے مسائل کے مؤثر حل کے لیے ایک فعال، باصلاحیت اور منظم سٹوڈنٹ وینگ وقت کی اہم ضرورت ہے۔
اجلاس میں اس عزم کا اعادہ کیا گیا کہ انصاف ڈاکٹرز فورم گومل میڈیکل کالج میں میرٹ، شفافیت، نظریاتی وابستگی اور طلباء کی خدمت کو بنیاد بنا کر ایک مضبوط سٹوڈنٹ وینگ تشکیل دی جائے گی جو نوجوان ڈاکٹرز اور طلباء کی بہترین قیادت سامنے لانے میں اہم کردار ادا کرے گی۔
شرکاء نے اس بات پر زور دیا کیا کہ سٹوڈنٹ وینگ تعلیمی، فلاحی، سماجی، تنظیمی اور اکیڈمک سرگرمیوں میں متحرک کردار ادا کرے گی تاکہ طلباء کے لیے ایک مثبت، تعمیری اور معاون ماحول فراہم کیا جاسکے۔
اجلاس میں بانی چیئرمین و پیٹرن انچیف انصاف ڈاکٹرز فورم عمران خان کے وژن کے مطابق نوجوانوں کو قیادت، میرٹ، خدمتِ انسانیت اور مثبت تبدیلی کا مرکز و محور قرار دیا گیا ہے۔
شرکاء نے اس عزم کا اظہار کیا کہ انصاف ڈاکٹرز فورم پیٹرن انچیف انصاف ڈاکٹرز فورم عمران خان کے وژن کے مطابق گومل میڈیکل کالج میں نوجوان ڈاکٹرز اور میڈیکل طلباء کو ایک مؤثر پلیٹ فارم فراہم کرے گا، جہاں وہ اپنی صلاحیتوں کو بروئے کار لاتے ہوئے صحت اور تعلیم کے شعبوں میں حقیقی اور مثبت تبدیلی کا پیش خیمہ بن سکیں۔
اجلاس کے اختتام پر تنظیمی استحکام، باہمی اتحاد، نظم و ضبط، اور طلباء کے حقوق کے تحفظ کے لیے مشترکہ جدوجہد جاری رکھنے کے عزم کا اظہار کیا گیا۔
انصاف ڈاکٹرز فورم خیبرپختونخوا
میڈیا سیل
