29/08/2026
🚨 مریضوں کی زندگی سے کھیلنے کا سلسلہ آخر کب تک؟
ڈاکٹر نور ناصر خٹک کے حوالے سے یہ انتہائی سنگین سوال اٹھتا ہے کہ اگر رہائشی عمارت میں کلینک چلایا جا رہا ہے اور وہاں باقاعدہ آپریشن بھی کیے جا رہے ہیں، تو کیا وہاں ایک مکمل اور مقررہ معیار کے مطابق Operation Theatre (OT) موجود ہے؟
آپریشن کوئی معمولی طبی عمل نہیں۔ اس کے لیے مکمل OT، جراثیم سے پاک ماحول، مناسب مانیٹرنگ، ایمرجنسی آلات، آکسیجن، ضروری ادویات، تربیت یافتہ OT اسٹاف اور سب سے بڑھ کر ماہر اینستھیزیا اسٹاف کی موجودگی ضروری ہے۔
اگر واقعی وہاں باقاعدہ اینستھیزیا اسٹاف موجود نہیں اور مبینہ طور پر اینستھیزیا کا انتظام بھی خود ڈاکٹر کرتی ہیں، تو یہ ایک انتہائی سنجیدہ معاملہ ہے جس کی فوری اور غیرجانبدارانہ تحقیقات ہونی چاہئیں۔
آخر سوال یہ ہے کہ مریضوں کے آپریشن کیے جا رہے ہیں تو کیا ان کی جان بچانے کے لیے مکمل سہولیات بھی موجود ہیں، یا صرف آپریشن کرنے پر توجہ دی جا رہی ہے؟
مریض اپنی زندگی اور صحت پر اعتماد کرکے علاج کے لیے آتا ہے۔ اسے ایسے مقام پر آپریشن کا سامنا نہیں ہونا چاہیے جہاں ضروری حفاظتی انتظامات نامکمل ہوں۔ معمولی سی پیچیدگی بھی ایسے کیس میں انتہائی خطرناک ثابت ہو سکتی ہے۔
متعلقہ محکمہ صحت اور ذمہ دار حکام سے ہمارا دوٹوک مطالبہ ہے کہ مذکورہ کلینک اور OT کا فوری معائنہ، سہولیات اور اسٹاف کی تصدیق، اور قانونی و طبی معیار کے مطابق مکمل انکوائری کی جائے۔
مریض کی جان کوئی تجربہ گاہ نہیں۔
آپریشن کوئی معمولی کام نہیں۔
اور طبی سہولیات کے بغیر آپریشن کی اجازت کسی صورت نہیں ہونی چاہیے۔
