Akbar Institute of Medical Sciences and Nursing College

20/08/2026

19/08/2026

سو فیصد رزلٹ، جشنِ آزادی پاکستان، اعزازی شیلڈز، شاندار ثقافتی پروگرام اور نئی قیادت کا استقبال — یہ سب ایک ہی چھت تلے
اکبر انسٹیٹیوٹ آف میڈیکل سائنسز اینڈ فارمیسی کالج مانسہرہ میں منعقدہ یہ یادگار تقریب ہمارے طلبہ و طالبات، اساتذہ کرام اور انتظامیہ کی مشترکہ محنت کا ثمر ہے۔ تمام کامیاب طلبہ و طالبات کو مبارکباد اور ڈاکٹر سیرت مہدی کو ادارے میں خوش آمدید۔
تعلیم، خدمت اور کامیابی کا یہ سفر ان شاء اللہ اسی جذبے کے ساتھ جاری رہے گا۔

19/08/2026

اکبر انسٹیٹیوٹ آف میڈیکل سائنسز اینڈ فارمیسی کالج مانسہرہ میں نئی تعلیمی قیادت کا آغاز

ادارہ ہذا میں بطور پرنسپل ڈاکٹر سیرت مہدی کی شمولیت پر ان کا پرتپاک استقبال کیا گیا۔ اس موقع پر ادارے کی شاندار تعلیمی کارکردگی، سو فیصد رزلٹ اور مستقبل کے اہداف پر تفصیلی گفتگو کی گئی۔

طلبہ و طالبات اور اساتذہ کرام نے ڈاکٹر سیرت مہدی کو خوش آمدید کہا اور ان کی قیادت میں ادارے کی مزید ترقی و کامیابی کے لیے نیک تمناؤں کا اظہار کیا۔

ہم دعاگو ہیں کہ ان کی علمی و انتظامی صلاحیتیں ادارے کو نئی بلندیوں تک لے جائیں گی۔

19/08/2026

الحمدللہ

اکبر انسٹیٹیوٹ آف میڈیکل سائنسز اینڈ فارمیسی کالج مانسہرہ میں شاندار 100% رزلٹ حاصل کرنے پر ایک پروقار تقریب کا انعقاد کیا گیا۔ اس موقع پر ہونہار طلبہ و طالبات میں اعزازی شیلڈز اور اسناد تقسیم کی گئیں اور ان کی محنت، لگن اور کامیابیوں کو بھرپور انداز میں سراہا گیا۔
تقریب کو جشنِ آزادی پاکستان کے رنگوں سے بھی مزین کیا گیا، جہاں طلبہ و طالبات نے خوبصورت ٹیبلوز، ثقافتی پروگرام اور مختلف پرفارمنسز پیش کرکے حاضرین کے دل جیت لیے۔
سی ای او اکبر گروپ آف کالجز، پرنسپل، اساتذہ کرام، والدین اور طلبہ و طالبات کو اس تاریخی کامیابی پر دلی مبارکباد۔ ہمارا عزم ہے کہ اکبر انسٹیٹیوٹ آف میڈیکل سائنسز اینڈ فارمیسی کالج مانسہرہ مستقبل میں بھی قوم کو بہترین، باصلاحیت اور پیشہ ور فارماسسٹ فراہم کرتا رہے گا۔

19/08/2026

الحمدللہ 🌿

کسی بھی ادارے کی کامیابی عمارتوں، وسائل یا سہولیات سے نہیں بلکہ ان لوگوں سے وابستہ ہوتی ہے جو اپنے اخلاص، محنت، لگن اور عزم سے اسے کامیابی کی منزل تک پہنچاتے ہیں۔

اکبر انسٹیٹیوٹ آف میڈیکل سائنسز اینڈ نرسنگ کالج کی معزز فیکلٹی، ایڈمنسٹریٹرز، کوآرڈینیٹرز، لیڈرز، سٹاف ممبران اور ہمارے قابل فخر طلبا و طالبات ہماری کامیابی کی اصل طاقت ہیں۔ آپ سب کی انتھک محنت، پیشہ ورانہ مہارت اور ادارے کے لیے بے لوث جذبے نے آج ہمیں اس مقام تک پہنچایا ہے جہاں اللہ تعالیٰ کے فضل و کرم سے اکبر گروپ آف کالجز ایک مضبوط، باوقار اور قابلِ اعتماد تعلیمی و ہیلتھ کیئر ادارے کے طور پر اپنی پہچان بنا چکا ہے۔

ہماری ہر کامیابی میں آپ سب کا حصہ شامل ہے، اور یہی باصلاحیت افراد ہمارے روشن مستقبل کی ضمانت ہیں۔ اللہ تعالیٰ ہم سب کو مزید کامیابیاں، ترقی اور انسانیت کی خدمت کی توفیق عطا فرمائے۔

آپ سب ہماری طاقت ہیں، ہمارا فخر ہیں، اور ہماری کامیابی کی حقیقی داستان ہیں۔
نذیر احمد
CEO, Akbar Group of Colleges

19/08/2026

عوامی آگاہی پیغام

سیف مائگریشن پروجیکٹ

کیا آپ بیرونِ ملک دھوکہ دہی، ملازمت کے خاتمے، کاروباری نقصان یا کسی اور مشکل صورتحال کا شکار ہوئے ہیں؟

اگر آپ یا آپ کا کوئی عزیز کسی بھی ملک میں امیگریشن فراڈ، روزگار کے خاتمے، کاروباری نقصان یا دیگر مسائل کی وجہ سے متاثر ہوا ہے اور اب اپنی زندگی کو دوبارہ منظم کرنے، روزگار کے نئے مواقع تلاش کرنے یا مستقبل کی بہتر منصوبہ بندی کے لیے رہنمائی چاہتا ہے، تو اس اہم آگاہی سیشن میں ضرور شرکت کریں۔

امیگریشن بیورو پاکستان کے تعاون سے جاری "سیف مائگریشن پروجیکٹ" کے تحت ماہرین متاثرہ افراد کو قانونی رہنمائی، بحالی، روزگار اور مستقبل کی منصوبہ بندی کے حوالے سے مفید معلومات فراہم کریں گے۔

خصوصی آگاہی سیشن

تاریخ: 21 اگست 2026 (بروز جمعہ)
مقام
اکبر انسٹیٹیوٹ آف میڈیکل سائنسز اینڈ فارمیسی کالج
نیئر ایل آر بی ٹی ہسپتال، بالاکوٹ روڈ، ریڑھ مانسہرہ
باہمی اشتراک
اکبر لائف لائن فاؤنڈیشن
Needy Poor Peoples Pakistan Foundation
آئیں، محفوظ ہجرت، باوقار روزگار اور روشن مستقبل کے لیے درست معلومات حاصل کریں۔
آپ کی رہنمائی، آپ کا حق محفوظ ہجرت، محفوظ مستقبل

18/08/2026

🌹 خیبر میڈیکل یونیورسٹی کی معزز انسپکشن ٹیم کا اکبر انسٹیٹیوٹ آف میڈیکل سائنسز اینڈ نرسنگ کالج مانسہرہ کا دورہ 🌹
اکبر انسٹیٹیوٹ آف میڈیکل سائنسز اینڈ نرسنگ کالج مانسہرہ میں خیبر میڈیکل یونیورسٹی کی ماہرین پر مشتمل معزز ٹیم نے ادارے کا تفصیلی دورہ کیا۔ اس موقع پر ٹیم نے فیکلٹی، انفراسٹرکچر، تدریسی سہولیات، اسٹوڈنٹ ڈویلپمنٹ پروگرامز اور مختلف شعبہ جات کا جائزہ لیا۔
معزز ٹیم نے ادارے میں جاری تعلیمی سرگرمیوں، طلبہ کے لیے فراہم کی جانے والی سہولیات اور مستقبل کے ترقیاتی منصوبوں کو سراہتے ہوئے مزید بہتری اور طلبہ کی ہمہ جہت تربیت کے لیے اپنی قیمتی آراء اور سفارشات پیش کیں۔ ان کی رہنمائی اور تجربات ادارے کے لیے ایک قیمتی سرمایہ ہیں جو تعلیمی معیار کو مزید بلند کرنے میں معاون ثابت ہوں گے۔
اس موقع پر سی ای او اکبر گروپ آف کالجز جناب نذیر احمد نے خیبر میڈیکل یونیورسٹی کی معزز انسپکشن ٹیم کا تہہ دل سے شکریہ ادا کرتے ہوئے کہا کہ ہماری کامیابیوں کا سفر باہمی تعاون، تعلیمی معیار اور مسلسل رہنمائی کے ساتھ جاری رہے گا۔ انہوں نے اس عزم کا اعادہ کیا کہ ادارہ طلبہ کی بہترین تعلیم، کردار سازی، پیشہ ورانہ تربیت اور روشن مستقبل کی تعمیر کے لیے اپنی کوششیں مزید تیز کرے گا۔
ہمیں یقین ہے کہ خیبر میڈیکل یونیورسٹی کی رہنمائی، اعتماد اور تعاون کے ساتھ ہم نئی کامیابیوں کی منازل طے کرتے ہوئے معیاری تعلیم کے فروغ اور نوجوان نسل کی بہتر تربیت کے مشن کو مزید مؤثر انداز میں آگے بڑھائیں گے۔
اکبر گروپ آف کالجز — علم، خدمت اور بہترین مستقبل کی جانب ایک مضبوط قدم۔

18/08/2026

🌹 پاکستان ایجوکیشن انڈومنٹ فنڈ (PEEF) انسپکشن کا کامیاب انعقاد 🌹
اکبر انسٹیٹیوٹ آف میڈیکل سائنسز اینڈ نرسنگ کالج مانسہرہ میں پاکستان ایجوکیشن انڈومنٹ فنڈ کی معزز انسپکشن ٹیم نے ادارے کا تفصیلی جائزہ لیا۔ اس موقع پر محترم جناب کاشف صاحب نے پاکستان ایجوکیشن انڈومنٹ فنڈ کی نمائندگی کرتے ہوئے ادارے کی تعلیمی، انتظامی اور طلبہ دوست کارکردگی کو سراہا۔
سی ای او اکبر گروپ آف کالجز اور ادارے کی انتظامیہ نے معزز مہمانوں کا پرتپاک استقبال کیا اور پھولوں کے گلدستے پیش کیے۔ بعد ازاں انسپکشن ٹیم نے طلبہ و طالبات سے خصوصی ملاقات کی، ان کے تعلیمی مسائل، ضروریات اور مستقبل کے امکانات پر تبادلہ خیال کیا۔
اس موقع پر تعلیم کے فروغ، مستحق طلبہ کی معاونت اور باہمی تعاون کے ذریعے روشن مستقبل کی تعمیر کے عزم کا اعادہ کیا گیا۔ اکبر گروپ آف کالجز معزز انسپکشن ٹیم، خصوصاً محترم جناب کاشف صاحب کا تشریف آوری، رہنمائی اور قیمتی وقت دینے پر دل کی گہرائیوں سے شکریہ ادا کرتا ہے۔

17/08/2026

الائیڈ بینک لمیٹڈ کے منیجر، نہایت باوقار، خوش اخلاق اور اعلیٰ اوصاف کے مالک بڑے بھائی جناب امجد صاحب کی صاحبزادی کی تقریبِ نکاح و ولیمہ میں شرکت کا شرف حاصل ہوا۔ اس خوشی کے موقع پر ڈاکٹر محمد ادریس (انچارج پولیو پروگرام، ضلع مانسہرہ) کے ساتھ لی گئی یادگار تصاویر بھی کیمرے کی آنکھ میں محفوظ ہوئیں۔
اللہ تعالیٰ سے دعا ہے کہ نوبیاہتا جوڑے کی زندگی محبت، خوشیوں، کامیابیوں اور برکتوں سے بھر دے، ان کے درمیان ہمیشہ پیار و احترام قائم رکھے اور دونوں خاندانوں کو دائمی خوشیوں اور مسرتوں سے نوازے۔ آمین۔