13/08/2026
پاکستان میڈیکل اینڈ ڈینٹل کونسل نے نجی میڈیکل اور ڈینٹل کالجز کی ٹیوشن فیس میں اضافے سے متعلق نیا نوٹیفکیشن جاری کر دیا ہے۔ 4 اگست 2026 کے نوٹیفکیشن کے مطابق 16 اداروں کی درخواستوں اور آڈٹ شدہ مالیاتی بیانات کا جائزہ لینے کے بعد ان کے لیے نئی فیس کی حد مقرر کی گئی ہے۔
نئی منظور شدہ فیس کیپ میں اداروں کے لحاظ سے سالانہ ٹیوشن فیس تقریباً 18 لاکھ سے 21 لاکھ 60 ہزار روپے تک مقرر کی گئی ہے۔ نوٹیفکیشن میں واضح کیا گیا ہے کہ تمام متعلقہ میڈیکل و ڈینٹل ادارے اور داخلہ لینے والی جامعات اس فیصلے پر سختی سے عمل درآمد کریں۔ خلاف ورزی کی صورت میں PMDC کے آفیشل کمپلینٹ پورٹل پر شکایت درج کرائی جا سکتی ہے۔
゚
