AlKhidmat Hospital Dabgari Peshawar

26/05/2026

28/04/2026

📌 پشاور — الخدمت ہسپتال ڈبگری

الخدمت ہسپتال پشاور میں جدید طبی سہولیات کے اضافے کا افتتاح کر دیا گیا۔ اس موقع پر صدر الخدمت فاؤنڈیشن خیبر پختونخوا خالد وقاص اور معروف سماجی شخصیت حاجی غلام علی نے نئے میڈیکل آلات کا باقاعدہ افتتاح کیا۔

افتتاحی تقریب میں ڈائریکٹر میڈیا الخدمت فاؤنڈیشن خیبر پختونخوا یوسف علی، ڈائریکٹر ہسپتال ڈاکٹر محمد اشفاق, منیجر میڈیا نور الواحد جدون اور دیگر معزز مہمان بھی موجود تھے۔

ہسپتال میں شامل کی جانے والی نئی سہولیات میں آپریشن تھیٹرز کے لیے جدید C-Arm امیجنگ مشین، CSSD یونٹ، لیپروسکوپی اور لیگا شور مشین، RO پلانٹ، مائیکروبائیولوجی لیب اور جدید بلڈ بینک کا قیام شامل ہے۔ جبکہ لیبارٹری میں مکمل آٹومیٹڈ بائیو کیمسٹری اینالائزر کی تنصیب سے اب اہم طبی ٹیسٹ تیز اور درست انداز میں ممکن ہوں گے۔
ڈاکٹر
سلمان عارف کلینیکل ہیماٹولوجی سروسز کا بھی آغاز کیا۔ گیا ہے، جو خیبر پختونخوا میں اپنی نوعیت کی منفرد سہولت ہے۔ یہ پرائیویٹ سطح پر قائم ہونے والا پہلا کلینک ہے جہاں خون کی بیماریوں کی تشخیص اور علاج جدید انداز میں کیا جائے گا۔

الخدمت ہسپتال معیاری، جدید اور سستی طبی سہولیات کی فراہمی کے مشن پر گامزن ہے۔ ان جدید آلات کے اضافے سے تشخیص اور علاج کے عمل میں مزید بہتری آئے گی اور مریضوں کو بہتر خدمات میسر آئیں گی۔