MTI- Hayatabad Medical Complex Peshawar

09/07/2026

Khyber Pakhtunkhwa Health Minister Khaliq ur Rehman inaugurated new medical facilities at MTI–Hayatabad Medical Complex, including a dialysis unit, outpatient department, and wards at the Institute of Kidney Diseases.

Addressing the inaugural ceremony, the minister reaffirmed the provincial government's commitment to strengthening public-sector healthcare and improving medical services. He appreciated the leadership and efforts of HMC's management, doctors, nurses, and healthcare staff for enhancing patient care.

The Health Minister said the Burns and Plastic Surgery Centre had significantly improved treatment facilities for burn patients, allowing them to receive specialised care within the province. He also highlighted the Sehat Card programme, stating that Rs 50 billion had been allocated in the current financial year to support quality healthcare services.

During the visit, the minister inspected various hospital departments, met patients undergoing treatment, and praised the performance of the Institute of Kidney Diseases and the Burns and Plastic Surgery Centre for their continued commitment to quality healthcare.

09/07/2026

صوبائی وزیر صحت خلیق الرحمان نے ایم ٹی آئی حیات آباد میڈیکل کمپلیکس میں برنز اینڈ پلاسٹک سرجری سینٹر اور انسٹی ٹیوٹ آف کڈنی ڈیزیز میں نئی طبی سہولیات، ڈائیلاسز یونٹ، او پی ڈی اور وارڈز کا افتتاح کیا۔

افتتاحی تقریب سے خطاب کرتے ہوئے وزیر صحت نے کہا کہ حکومت عوام کو معیاری اور جدید طبی سہولیات کی فراہمی کے لیے سرکاری ہسپتالوں کو مزید مضبوط بنا رہی ہے۔ انہوں نے حیات آباد میڈیکل کمپلیکس کی انتظامیہ، ڈاکٹرز، نرسز اور دیگر عملے کی خدمات کو سراہتے ہوئے کہا کہ ان کی محنت اور ٹیم ورک سے طبی خدمات میں نمایاں بہتری آئی ہے۔

وزیر صحت نے کہا کہ برن سینٹر کے قیام سے جھلسنے والے مریضوں کو صوبے کے اندر ہی جدید علاج کی سہولت میسر آئی ہے، جبکہ صحت کارڈ پروگرام کے لیے رواں مالی سال میں پچاس ارب روپے مختص کیے گئے ہیں۔ انہوں نے برن مریضوں کو بھی صحت کارڈ کے تحت علاج کی سہولت فراہم کرنے کے امکانات پر غور کرنے کا اعلان کیا۔

اس موقع پر ڈائریکٹر برنز اینڈ پلاسٹک سرجری سینٹر ڈاکٹر تمہید اللہ نے بتایا کہ دو ہزار اٹھارہ میں قائم ہونے والا یہ مرکز اب ایک سو بیس بستروں، جدید طبی سہولیات، تحقیق، تربیت اور ریکنسٹرکٹیو سرجری کی خدمات کے ساتھ صوبے کا اہم ترین برن سینٹر بن چکا ہے۔

09/07/2026

ایم ٹی آئی حیات آباد میڈیکل کمپلیکس میں نئے ہاؤس آفیسرز کے لیے تعارفی سیشن

ایم ٹی آئی–حیات آباد میڈیکل کمپلیکس (ایچ ایم سی) پشاور کے ہیومن ریسورسز ڈیپارٹمنٹ نے نئے ہاؤس آفیسرز کے لیے تعارفی سیشن کا انعقاد کیا۔ اس موقع پر ادارے کی قیادت نے پیشہ ورانہ اخلاقیات، نظم و ضبط، ٹیم ورک اور معیاری طبی خدمات کی اہمیت پر زور دیا۔ ہاؤس آفیسرز کو ہسپتال کی پالیسیوں، قواعد و ضوابط اور انتظامی طریقہ کار سے بھی آگاہ کیا گیا، جبکہ آخر میں سوال و جواب کی نشست کا انعقاد کیا گیا۔

09/07/2026

ایم ٹی آئی حیات آباد میڈیکل کمپلیکس میں نئے تعینات ہاؤس آفیسرز کے لیے تعارفی سیشن کا انعقاد

حیات آباد میڈیکل کمپلیکس (ایچ ایم سی) پشاور کے ہیومن ریسورسز ڈیپارٹمنٹ نے نئے تعینات ہونے والے ہاؤس آفیسرز کے لیے ایک کامیاب تعارفی سیشن کا انعقاد کیا، جس کا مقصد انہیں ادارے کی پالیسیوں، طریقہ کار اور پیشہ ورانہ معیارات سے آگاہ کرنا تھا۔
اس موقع پر ڈین/چیف ایگزیکٹو آفیسر پروفیسر ڈاکٹر شہزاد اکبر، میڈیکل ڈائریکٹر پروفیسر ڈاکٹر خالد خان، چیئرمین سرجری اینڈ الائیڈ اور ایسوسی ایٹ پروفیسر آف سرجری ڈاکٹر محمد شاہ نے خصوصی شرکت کی۔
نئے تعینات ہاؤس آفیسرز سے خطاب کرتے ہوئے ادارے کی سینئر قیادت نے ان کا خیرمقدم کیا اور پیشہ ورانہ رویے، اخلاقی اقدار، نظم و ضبط، ٹیم ورک اور مریضوں کو معیاری طبی سہولیات کی فراہمی کے عزم کی اہمیت پر زور دیا۔
تعارفی سیشن کے دوران ہاؤس آفیسرز کو ہسپتال کی پالیسیوں، قواعد و ضوابط، ضابطۂ اخلاق، حاضری کے طریقہ کار، انتظامی امور اور دیگر اہم رہنما اصولوں کے بارے میں تفصیلی آگاہی فراہم کی گئی تاکہ وہ اپنی طبی ذمہ داریوں کو بہتر انداز میں انجام دے سکیں۔
سیشن کے اختتام پر سوال و جواب کی ایک نشست بھی منعقد ہوئی، جس میں شرکاء کو ہاؤس جاب پروگرام، ہسپتال کے طریقہ کار اور اپنی پیشہ ورانہ ذمہ داریوں سے متعلق سوالات کے جوابات حاصل کرنے کا موقع ملا۔

09/07/2026

حیات آباد میڈیکل کمپلیکس میں چوتھی ای۔کھلی کچہری شہریوں اور ملازمین کے سوالات کے مفصل جوابات، تعمیری تجاویز کو سراہا گیا

حیات آباد میڈیکل کمپلیکس میں عوامی رابطے، شفافیت اور جوابدہی کے فروغ کے لیے چوتھی ای۔کھلی کچہری منعقد کی گئی، جس میں ہسپتال ڈائریکٹر ڈاکٹر گلزار احمد خان، ڈائریکٹر نرسنگ برکت اللہ خان اور شعبۂ ہنگامی طبی امداد کے سربراہ ڈاکٹر محمد شاہ نے شرکت کی۔ اس دوران شہریوں، مریضوں، ملازمین اور مختلف سماجی رابطوں کے ذرائع سے موصول ہونے والے سوالات کے تفصیلی جوابات دیے گئے۔

کھلی کچہری میں ادارے کی طبی سہولیات، انتظامی امور، بھرتیوں، الاؤنسز اور ہنگامی طبی خدمات سمیت دیگر اہم معاملات سے متعلق متعدد سوالات پیش کیے گئے، جن کے تفصیلی جوابات متعلقہ حکام نے دیے۔

انتہائی نگہداشت الاؤنس سے متعلق ایک سوال کے جواب میں انتظامیہ نے واضح کیا کہ یہ الاؤنس بند نہیں کیا گیا۔ اگر کسی ملازم کو اس ضمن میں کوئی مخصوص مسئلہ درپیش ہو تو وہ متعلقہ انتظامیہ، میڈیکل ڈائریکٹر یا شعبۂ مالیات سے رابطہ کرے تاکہ قواعد و ضوابط کے مطابق جائزہ لے کر مناسب کارروائی کی جا سکے۔

ہنگامی طبی امداد کے شعبے میں کم تجربہ کار ڈاکٹروں کی تعیناتی سے متعلق سوال پر شعبے کے سربراہ ڈاکٹر محمد شاہ نے بتایا کہ مریضوں کی دیکھ بھال سینئر ماہر ڈاکٹروں کی نگرانی میں کی جاتی ہے۔ مختلف شعبوں کے ماہرین اپنے اپنے وارڈز میں موجود ہوتے ہیں اور ضرورت پڑنے پر ابتدائی معائنے کے بعد متعلقہ شعبے کے سینئر ڈاکٹر کو فوری طلب کیا جاتا ہے تاکہ بروقت اور معیاری طبی سہولیات یقینی بنائی جا سکیں۔

امراضِ قلب کے شعبے میں جونیئر تربیتی آسامیوں سے متعلق سوال پر نشاندہی کی گئی کہ ان آسامیوں کا اعلان ایک سال سے زائد عرصہ قبل ہوا تھا، تاہم تاحال نہ تحریری امتحان منعقد ہوا اور نہ ہی انٹرویوز لیے گئے۔ ہسپتال انتظامیہ نے یقین دہانی کرائی کہ معاملے کا جائزہ لے کر متعلقہ شعبے سے رپورٹ طلب کی جائے گی اور ضروری کارروائی عمل میں لائی جائے گی۔

حالیہ تخصصی اور تربیتی آسامیوں کے اشتہار سے متعلق ایک اور سوال میں قبل ازیں ہونے والے انٹرویوز اور موجودہ بھرتی کے عمل سے متعلق وضاحت طلب کی گئی، جس پر انتظامیہ نے بتایا کہ بھرتیوں سے متعلق تمام معاملات کا جائزہ لیا جا رہا ہے اور ادارہ قواعد و ضوابط اور میرٹ کے مطابق مناسب فیصلہ کرے گا۔

اس موقع پر ایک شہری نے ہسپتال میں طبی فضلے کی محفوظ منتقلی سے متعلق جامع تجویز پیش کی اور نشاندہی کی کہ موجودہ ٹرالیاں پرانی، کھلی اور جدید ویسٹ مینجمنٹ کے تقاضوں سے ہم آہنگ نہیں۔ ان کے مطابق گنجائش سے زائد بھرنے کی صورت میں رساؤ، بدبو اور جراثیم کے پھیلاؤ کا خدشہ پیدا ہو سکتا ہے، جو مریضوں، تیمارداروں، عملے اور ماحول کے لیے خطرے کا باعث بن سکتا ہے۔ انہوں نے تجویز دی کہ موجودہ ٹرالیوں کی جگہ بند، محفوظ، رساؤ سے پاک اور آسانی سے صاف ہونے والی جدید ٹرالیاں فراہم کی جائیں تاکہ انفیکشن سے بچاؤ، ماحولیاتی صفائی اور ورک پلیس سیفٹی کے معیار کو مزید بہتر بنایا جا سکے۔

ہسپتال انتظامیہ نے تجویز کو نہایت مفید اور قابلِ عمل قرار دیتے ہوئے سراہا اور کہا کہ شہریوں اور ملازمین کی مثبت آراء ادارے کی بہتری میں اہم کردار ادا کرتی ہیں، جنہیں سنجیدگی سے زیر غور لا کر مرحلہ وار عمل درآمد کیا جائے گا۔

اختتام پر انتظامیہ نے اعادہ کیا کہ شہریوں اور ملازمین کی شکایات، آراء اور تجاویز کو ترجیحی بنیادوں پر سنا اور متعلقہ شعبوں کو کارروائی کے لیے بھجوایا جاتا ہے، تاکہ عوام اور ادارے کے مابین براہِ راست رابطہ مزید مؤثر ہو، شفافیت اور جوابدہی کو فروغ ملے اور صحت کی سہولیات کے معیار میں مسلسل بہتری آئے۔ بتایا گیا کہ آئندہ بھی باقاعدگی سے ای۔کھلی کچہریوں کا انعقاد کیا جائے گا تاکہ شہریوں اور ملازمین کو اپنے مسائل اور تجاویز پیش کرنے کا مؤثر پلیٹ فارم میسر رہے

07/07/2026

حیات آباد میڈیکل کمپلیکس میں تمام بھرتیاں ایم ٹی آئی ایکٹ، متعلقہ قواعد و ضوابط اور منظور شدہ پالیسیوں کے مطابق مکمل شفافیت اور میرٹ کی بنیاد پر کی جاتی ہیں۔ ہر امیدوار کے ساتھ مساوی سلوک اور قانونی طریقہ کار پر عمل یقینی بنایا جاتا ہے۔ انتظامیہ عوام سے اپیل کرتی ہے کہ افواہوں اور غیر مصدقہ اطلاعات پر یقین نہ کریں اور صرف مستند ذرائع پر اعتماد کریں۔

07/07/2026

MTI-Hayatabad Medical Complex

07/07/2026

Khuli Kachehri | Today at 1:00 PM

Have a question or concern?
Please inbox your questions before the session.

MTI HMC Media Cell

07/07/2026

MTI-HMC is inviting you to a scheduled Zoom meeting.

Topic: Khuli Kachehri 07-JUL-2026
Time: Jul 7, 2026 11:59 AM Islamabad, Karachi, Tashkent
Join Zoom Meeting
https://us06web.zoom.us/j/84938330437

Meeting chat link
https://us06web.zoom.us/launch/jc/84938330437

Meeting ID: 849 3833 0437

05/07/2026