YDA KCD

08/06/2026

ینگ ڈاکٹرز ایسوسی ایشن (YDA) خیبر کالج آف ڈینٹسٹری (KCD) — پریس ریلیز
آج وائی ڈی اے (YDA) کے سی ڈی نے ینگ ڈاکٹرز ایسوسی ایشن کے پی کے (KPK) کے زیرِ اہتمام منعقدہ گرینڈ پروٹیسٹ (عظیم الشان احتجاج) میں بھرپور اور فعال شرکت کی۔ اس موقع پر ڈاکٹرز برادری نے حکومت کی ظالمانہ اور غریب مکش پالیسیوں کے خلاف بھرپور آواز بلند کی۔
موجودہ ہوش رُبا مہنگائی کے اس دور میں ڈاکٹرز کی تنخواہوں میں اضافہ (Salary Payraise) ناگزیر ہو چکا ہے۔ وائی ڈی اے کے سی ڈی کے قائدین کا کہنا ہے کہ جب تک ینگ ڈاکٹرز کے تمام جائز مطالبات تسلیم نہیں کیے جاتے، تب تک ہم اس احتجاجی تحریک سے ایک قدم بھی پیچھے نہیں ہٹیں گے۔ وائی ڈی اے کے سی ڈی اس جدوجہد میں صفِ اول میں رہے گی اور مطالبات کی منظوری تک احتجاج کا یہ سلسلہ ہر سطح پر جاری رہے گا۔

06/06/2026

ینگ ڈاکٹرز ایسوسی ایشن خیبر پختونخوا سول ہسپتال کوئٹہ میں ایک خاتون ڈاکٹر (TMO) پر ہونے والے بزدلانہ اور وحشیانہ تیزاب حملے کی سخت ترین الفاظ میں مذمت کرتی ہے۔ مخلص اور بے لوث خدمات سرانجام دینے والے معالجین پر اس طرح کے حملے معاشرے کے ماتھے پر کلنک کا ٹیکہ ہیں۔
ہمارے مطالبات:
• حکومتِ بلوچستان سے پرزور مطالبہ ہے کہ اس گھناؤنے جرم میں ملوث درندے کو فوری طور پر گرفتار کر کے عبرت ناک سزا دی جائے۔
• صوبے بھر کے ہسپتالوں میں ڈاکٹرز اور طبی عملے کے تحفظ
کے لیے فوری اور جامع سیکیورٹی اقدامات یقینی بنائے جائیں۔

وائی ڈی اے کے پی کے (YDA KPK) اس مشکل گھڑی میں وائی ڈی اے بلوچستان (YDA Balochistan) کے ہر فیصلے کی غیر مشروط اور مکمل حمایت کا اعلان کرتی ہے۔ ہم ڈاکٹرز پر تشدد کے خلاف ہر فورم پر آواز بلند کرتے رہیں گے۔

04/06/2026

Long live resistance 🚩

04/06/2026

پریس ریلیز: ینگ ڈاکٹرز ایسوسی ایشن (YDA) خیبر کالج آف ڈینٹسٹری (KCD).
ینگ ڈاکٹرز ایسوسی ایشن (YDA) خیبر پختونخوا کی مرکزی قیادت کی ہدایات پر، آج YDA کے سی ڈی (KCD) کی جانب سے تنخواہوں میں اضافے (Pay Raise) کے حوالے سے مختلف وارڈز اور شعبہ جات کا تفصیلی دورہ کیا گیا اور ینگ ڈاکٹرز کو متحرک (Sensitize) کیا گیا۔

اس مہم کے دوران آئندہ کی ہڑتال کی حکمتِ عملی اور ڈاکٹرز کے مطالبات پر تفصیلی گفتگو ہوئی۔ ینگ ڈاکٹرز نے حکومت کی جانب سے حالیہ 15% اضافے کی ناکافی پیشکش کو یکسر مسترد کرتے ہوئے اپنے اصولی موقف کو دہرایا، جو کہ موجودہ مہنگائی کے تناسب سے کم از کم 50% اضافہ ہے۔
اہم نکات و اعلانات:

• 15% اضافہ مسترد: حکومت کا موجودہ پیکیج ڈاکٹرز کی خدمات کے ساتھ مذاق ہے، جسے کسی صورت قبول نہیں کیا جائے گا۔
• 50% اضافے کا مطالبہ: ڈاکٹرز برادری اپنے 50 فیصد اضافے کے جائز اور اصولی موقف پر سختی سے قائم ہے۔
• 8 جون کی ہڑتال: انشاء اللہ، YDA کے سی ڈی (KCD) 8 جون کو ہونے والی صوبائی ہڑتال میں بھرپور اور فعال شرکت کرے گی۔
ینگ ڈاکٹرز اپنے جائز حقوق کے حصول اور اپنے مروجہ مطالبات سے ایک انچ بھی پیچھے نہیں ہٹیں گے۔ یکجہتی اور اتحاد ہی ہماری کامیابی کی ضمانت ہے!
منجانب: ینگ ڈاکٹرز ایسوسی ایشن (YDA)
خیبر کالج آف ڈینٹسٹری (KCD)، پشاور

23/04/2026

پریس ریلیز ینگ ڈاکٹرز ایسوسی ایشن خیبر ڈینٹسٹری کالج پشاور۔۔۔

آج ہمارا لائحہ عمل کے مطابق احتجاج جاری رہا۔ گزشتہ پلان کے مطابق آج کلاسز اور او پی ڈی بند رکھی گئیں۔ کچھ دیر بعد کالج انتظامیہ کی جانب سے ڈین صاحب کا پیغام موصول ہوا کہ وہ ینگ ڈاکٹرز ایسوسی ایشن کیساتھ مذاکرات کرنا چاہتے ہیں۔

اس پر ینگ ڈاکٹرز ایسوسی ایشن نے کالج کمیٹی سے ملاقات کی، جس میں ایسوسی ایٹ ڈین ڈاکٹر شافیع اللہ، انڈرگریجویٹ ڈین ڈاکٹر سمرینہ مہمند، اور چیئرپرسن اورل اینڈ میکسیلوفیشل سرجری ڈاکٹر بشیر الرحمان اور ایس پی مجیب الرحمان صاحب موجود تھے۔

ملاقات کے دوران ینگ ڈاکٹرز ایسوسی ایشن نے اپنے جائز مطالبات تفصیل کے ساتھ پیش کیے جس میں ورکنگ آورز کے مسئلے سمیت تمام مسائل کو زیر غور لایا گیا، جس پر کالج انتظامیہ کے ساتھ ہمارے مذاکرات کامیاب ہوئے اور انہوں نے یقین دہانی کروائی کہ تمام مسائل کو سنجیدگی سے حل کیا جائے گا۔ اس حوالے سے ایک ورکنگ گروپ بنانے کی بھی بات کی گئی جس میں باقاعدہ فالو اپ میٹنگز ہوں گی تاکہ صرف زبانی وعدوں کی بجائے عملی اقدامات کیے جا سکیں۔

ینگ ڈاکٹرز نے واضح کیا کہ اگر ہم آج احتجاج کر سکتے ہیں تو کل اس سے بڑا بھی کر سکتے ہیں، کیونکہ ہم اپنے جائز مطالبات سے پیچھے ہٹنے والے نہیں ہیں۔ اس پر کالج انتظامیہ نے یقین دہانی کروائی کہ ان شاء اللہ اس کی نوبت نہیں آئے گی۔

ینگ ڈاکٹرز ایسوسی ایشن اپنے احتجاج کو ایک ہفتے کے لیے موخر کرتی ہے اور کل سے ہر قسم کی سروسز شروع ہو جائیں گی۔ ینگ ڈاکٹرز ایسوسی ایشن ہمیشہ ڈاکٹرز کے حقوق کے خاطر فرنٹ لائن پر رہے گی۔

متحد رہیں۔۔۔
مضبوط رہیں۔۔۔

ترجمان:
ینگ ڈاکٹرز ایسوسی ایشن (YDA) KTH/KCD

22/04/2026

🚩

22/04/2026

22/04/2026

Press release
ینگ ڈاکٹرز ایسوسی ایشن خیبر کالج اف ڈینٹسٹری پشاور کا پرامن اختجاج اج چوتھے دن بھی جاری۔۔۔۔

اس دوران او پی ڈیز کا بائیکاٹ بھی جاری رہا لیکن ایس پی کیمپس مجیب الرحمن صاحب کے درخواست پر کل سے او پی ڈی سروسز شروع کی گئی تھی کہ شاید ڈین صاحب اپنے انا کو چھوڑ کر خوش اصلوبی کے ساتھ یہ مسئلہ حل کرلیں۔ اس سلسلے میں باقاعدہ طور پر ایس پی کیمپس مجیب الرحمن اور ایسوسی ایٹ ڈین شفیع اللہ صاحب کے موجودگی میں انتظامیہ سے ملاقات ہوئی لیکن ڈین ٹھس سے مس نہیں ہورہے جس کے بعد ینگ ڈاکٹرز ایسوسی ایشن کا ہنگامی اجلاس خیبر ٹیچنگ ہسپتال پشاور میں منعقد ہوا جس میں یہ فیصلہ ہوا کہ کل سے او پی ڈیز کے ساتھ ساتھ خیبر ڈینٹسٹری کالج کے کلاسس کا بھی بائیکاٹ ہوگا۔

اجلاس میں یہ بھی فیصلہ کیا گیا کہ خیبر ڈینٹسٹری کالج میں انے والے کانفرنس کا بائیکاٹ کیساتھ ساتھ وہاں بھرپور اختجاج ریکارڈ کیا جائے گا۔ ینگ ڈاکٹرز ایسوسی ایشن مطالبات کے منظوری تک اختجاج جارہی رکھے گی اور اگر مسئلہ سنجیدگی سے نہیں لیا گیا تو اختجاج کا دائرہ ہسپتال کی طرف بڑھائے گے۔۔۔

21/04/2026

ینگ ڈاکٹرز ایسوسی ایشن (YDA) KTH/KCD
پریس ریلیز

آج احتجاج کے تیسرے روز بھی ہمارا پرامن احتجاج اپنے طے شدہ لائحۂ عمل کے مطابق جاری رہا۔ اس دوران علامتی طور پر مین او پی ڈی اور سلپ کاؤنٹر بند کیے گئے، تاہم ایمرجنسی سروسز میں کسی قسم کی تاخیر نہیں ہوئی اور وہ بدستور جاری رہیں، جس سے یہ واضح پیغام دیا گیا کہ ہم اپنے جائز مطالبات سے کسی صورت پیچھے ہٹنے والے نہیں۔

احتجاج کے دوران ایس پی پشاور یونیورسٹی کیمپس کالج تشریف لائے اور انہوں نے ینگ ڈاکٹرز ایسوسی ایشن KCD/KTH کے نمائندوں سے ملاقات کی۔ اس ملاقات میں ہمارے تمام مطالبات تفصیل کے ساتھ پیش کیے گئے، جس کے بعد ایس پی صاحب نے ڈین صاحب سے ملنے کی کوشش کی تاکہ اس مسئلے پر براہِ راست بات ہو سکے۔

تاہم، کالج انتظامیہ کی جانب سے ایڈمن آفیسر نے آگاہ کیا کہ ڈین صاحب آج چھٹی پر ہیں۔ اس صورتحال پر ایس پی صاحب نے افسوس کا اظہار کیا کہ ایک طرف پورا ادارہ بند ہے جبکہ دوسری طرف ڈین کی غیر موجودگی انتظامی سنجیدگی پر سوالیہ نشان ہے۔

ایس پی صاحب کی درخواست پر اور پشتون روایات کو مدنظر رکھتے ہوئے، ہم نے عارضی طور پر او پی ڈی کھولنے پر رضامندی ظاہر کی۔ مزید برآں، ایس پی صاحب نے یقین دہانی کرائی کہ کل ان کی موجودگی میں ینگ ڈاکٹرز ایسوسی ایشن KTH/KCD کے سینئر نمائندگان کے ساتھ ڈین صاحب سے باضابطہ مذاکرات ہوں گے اور ہر صورت میں مسئلے کے حل کی کوشش کی جائے گی۔

ہم واضح کرنا چاہتے ہیں کہ اگر کل کی میٹنگ میں کوئی مثبت پیش رفت نہ ہوئی تو مین او پی ڈی کے ساتھ ساتھ خیبر ٹیچنگ ہسپتال (KTH) کی سروسز بھی بند کی جا سکتی ہیں۔ اس کے علاوہ احتجاج کا دائرہ کار صرف ڈیوٹی آورز تک محدود نہیں رہے گا بلکہ ڈین کی مبینہ غیر قانونی توسیع کے خلاف بھی بھرپور آواز اٹھائی جائے گی۔

مزید برآں، اگر کسی بھی ہاؤس آفیسر (HO) یا ٹرینی میڈیکل آفیسر (TMO) کو نشانہ بنایا گیا تو پورے صوبے کے ہسپتالوں میں الیکٹو سروسز کے مکمل بائیکاٹ کا اعلان کیا جائے گا۔

آخر میں، ہم اپنے تمام ساتھیوں سے اپیل کرتے ہیں کہ وہ اپنی صفوں میں اتحاد برقرار رکھیں اور احتجاج میں اپنی بھرپور شرکت کو یقینی بنائیں تاکہ انتظامیہ پر واضح ہو کہ ہم اپنے حقوق کے حصول کے لیے پرعزم ہیں۔

ینگ ڈاکٹرز ایسوسی ایشن ( KTH/KCD)YDA

20/04/2026

Protest is still on and we are firm in our stance✌