علم الاوفاق و طلسمات

11/09/2026

السلام علیکم ورحمۃ ﷲ وبرکاتہ

قائدِاعظم محمد علی جناحؒ کی برسی کے موقع پر بانیٔ پاکستان کو خراجِ عقیدت پیش کرتے ہوئے سب سے پہلے ان کی غیر معمولی بصیرت، عزم، نظم و ضبط اور مقصد سے وابستگی یاد آتی ہے۔ قومیں صرف وسائل سے نہیں بنتیں، بلکہ واضح سمت، مضبوط کردار اور اصولوں پر قائم رہنے سے بنتی ہیں اور قائداعظم کی پوری زندگی اسی حقیقت کی عملی مثال تھی۔

آج ہمیں بھی اپنے اپنے دائرۂ کار میں یہی سوچ اپنانے کی ضرورت ہے کہ ہم پاکستان کے لیے کیا بہتر کر سکتے ہیں۔ علم ہو یا ہنر، تحقیق ہو یا صنعت، نظم و نسق ہو یا کردار سازی, جب کام خلوص، دیانت، مسلسل محنت اور قومی مفاد کو سامنے رکھ کر کیا جائے تو یہی حقیقی خدمت بن جاتا ہے۔

میری نظر میں قائداعظم کو بہترین خراجِ عقیدت محض الفاظ نہیں، بلکہ ایسا عمل ہے جو پاکستان کو زیادہ باوقار، خودکفیل، منظم اور مضبوط بنائے۔ اللہ رب العزت ہمیں ان کے اصول ایمان، اتحاد اور تنظیم کو اپنی عملی زندگی کا حصہ بنانے کی توفیق عطا فرمائیں۔ آمین ثم آمین یا رب العالمین۔

اجازت دیجیئے۔
دعاؤں میں یاد رکھئے گا۔
شکریہ و ﷲ حافظ
عᷟلـــᷞــــᷝــم ᷞالاᷰوفـᷭــᷧـــᷫــⷰـــⷣــاق ⷪوطⷮـلــــᷧــــᷟـــᷤسـᷝـᷞماتⷣــⷮـــ

#قائداعظم #پاکستان

01/09/2026

لوحِ شرفِ عطارد برائے علم و فہم، حسنِ بیان، تدبیر، فتحِ امور و رزقِ تجارت

السلام علیکم ورحمۃ ﷲ وبرکاتہ

لیجیئے احباب! ایک نہایت خاص لوحِ شرفِ عطارد پیشِ خدمت ہے۔

یہ لوح خصوصاً ان احباب کے لیے ترتیب دی گئی ہے جو اپنی زندگی میں علم و فہم میں اضافہ، ذہنی کشادگی، حسنِ بیان، گفتگو میں اثر، معاملات کو سمجھنے اور سلجھانے کی صلاحیت، کاروباری تدبیر، تجارت میں وسعت، مذاکرات میں کامیابی، جائز معاملات میں کشائش، تعلیم و تحقیق، حساب و کتاب، تحریر، communication اور فیصلہ سازی میں بہتری چاہتے ہوں۔

اس لوح کا مرکزی مقصد اس آیت مبارکہ سے لیا گیا ھے
رَبِّ اشْرَحْ لِي صَدْرِي، وَيَسِّرْ لِي أَمْرِي، وَاحْلُلْ عُقْدَةً مِنْ لِسَانِي، يَفْقَهُوا قَوْلِي

اور بقیہ حصہ اس دعا سے:

اللهم ارزقني العلم والفهم وحسن البيان والتدبير والرزق من التجارة، وافتح لي أبواب الخير والنجاح والتوفيق

اس لوح کے لیے ایک خصوصی ابجد استعمال کرکے میزان الوفق حاصل کیا گیا ھے۔ اور لوح کو مربع وفق میں وضع کیا گیا ھےجو کہ علماء مشرقہ کے مطابق عطارد سے منسوب ھے۔ الحمدللہ یہ ایک مکمل نقش ھے بنا کسی کسر کے۔ علماء مغربہ کے مطابق عدد 8 عطارد سے منسوب ھے اور اسی عدد کے فرق سے مربع کے تمام خانے وضع کیئے گئے ہیں۔ اور اب سب سے کمال کی بات ھے اس نقش کی رفتار۔ بہت سے عاملین و جفار وفق مربع کی حد 30-40 رفتاریں جانتے ھونگے جبکہ اس خاکسار کو الحمدللہ مربع کی تمام 7040 رفتاروں پر عبور حاصل ھے۔ سو اس مربع کے لئے حضرت کاش البرنی رح کے بیان کردہ قوانین کے مطابق مربع کا ساتواں خانہ جو کہ فتح و نصرت زیادتی مال و دولت و علم فہم سے منسوب ھے سے شروع ہونے والی ایک خاص رفتار منتخب کی ھے۔ اس رفتار کی ایک اور خصوصیت اس کے ہر چار خانوں مطلب کوئی بھی 2x2 کا میزان بھی وفق کے ٹوٹل میزان جتنا ھے۔

اب کچھ بات کرتے ھیں کہ یہ شرف ھے کیسا؟
دیکھئے بدھ، 2 ستمبر 2026 کو عطارد برجِ سنبلہ میں نہایت قوی حالت میں ہوگا۔ اس وقت:عطارد کا اپنا دن میں ہوگا، اپنی ہی ساعت میں ہوگا، اپنے برج سنبلہ میں ہوگا، شرف کی قوت میں ہوگا، اور جو وقت منتخب کیا اس وقت کے قریب طلوعی قوت یعنی Ascendant کے قریب بھی ہوگا۔ غایت الحکیم اور قدیم electional astrology کے عمومی اصول کے مطابق کسی سیارے سے متعلق عمل کے لیے اس سیارے کی قوتِ ذاتی، ساعت اور زاویاتی قوتیں جمع ہو جائیں تو ایسا وقت نسبتاً زیادہ موزوں تصور کیا جاتا ہے۔

لکھنے کا وقت
بدھ، 2 ستمبر 2026 ۔ صبح سورج نکلنے کے فورا بعد دوران ساعتِ عطارد تقریباً 5:42 AM سے 6:46 AM بمطابق راولپنڈی (دوسرے شہروں کے کے لوگ اپنے مقامی وقت کو دیکھ لیں۔ چگوڈیا حساب بہترین ایپ ھے)

لکھنے کا طریقہ
بہتر تو ھے آج رات کی ساعت عطارد ورنہ شام کو کسی بھی وقت مور والے طلسم کا پرنٹ نکلوا لیں۔ اگر تو کلر پرنٹر ہو تو بہترین پھر اسے سبز رنگ میں ہی نکلوائیے۔ ورنہ نارمل سیاہ بھی درست۔ جن احباب کے پاس پرنٹر نہیں موجود یا وہ نہیں بنا سکتے تو خیر ھے۔ وہ بنا طلسم کے صرف نقش بنالیں۔

اگلی صبح سورج نکلنے کے فورا بعد باوضو ہو کر قبلہ رخ بیٹھیں۔اور اسی پرنٹڈ کاغذ کے دوسری طرف سب سے پہلے سبز رنگ کے قلم یا پوائنٹر سے:

بِسْمِ اللَّهِ الرَّحْمَٰنِ الرَّحِيمِ لکھیں۔
اس کے بعد تھوڑی جگہ چھوڑ کر 4×4 مربع بنائیں۔

مربع میں مذکورہ اعداد بالکل دی گئی رفتار یا ترتیب سے وضع کریں۔ کسی عدد کو تبدیل، آگے پیچھے یا دوبارہ نہ لکھیں۔

اس کے بعد دائیں طرف کھیعص لکھئے اور بائیں طرف حمعسق۔ لوح مکمل کرنے کے بعد اس کے نیچے لکھیں:

اللهم ارزقني العلم والفهم وحسن البيان والتدبير والرزق من التجارة، وافتح لي أبواب الخير والنجاح والتوفيق بحق رَبِّ اشْرَحْ لِي صَدْرِي، وَيَسِّرْ لِي أَمْرِي، وَاحْلُلْ عُقْدَةً مِنْ لِسَانِي، يَفْقَهُوا قَوْلِي

لوح لکھتے ہوئے دل میں اپنی جائز حاجات کر دہراتے رہیں۔

لوح مکمل ہونے کے بعد نہایت عاجزی سے اللہ تعالیٰ سے اپنی جائز حاجات کے لیے دعا کریں۔ خصوصاً یہی دعا اول آہر طاق اعداد میں درود پاک کے بعد 7 یا 11 دفعہ پڑھئے۔
اللهم ارزقني العلم والفهم وحسن البيان والتدبير والرزق من التجارة، وافتح لي أبواب الخير والنجاح والتوفيق بحق رَبِّ اشْرَحْ لِي صَدْرِي، وَيَسِّرْ لِي أَمْرِي، وَاحْلُلْ عُقْدَةً مِنْ لِسَانِي، يَفْقَهُوا قَوْلِي

پھر لوح کو ایک سبز کپڑے میں لپیٹ کر محفوظ کر لیں۔ اسے اپنے پاس، کام کی جگہ، مطالعہ گاہ یا تجارتی کاغذات کے ساتھ بھی رکھا جا سکتا ہے۔ بعد میں دن کو حسبِ استطاعت کچھ صدقہ دیں۔

ان شاءﷲ کچھ عرصہ میں ہی آپ بفضل ﷲ رب العزت اس لوح مبارکہ کی تاثیرات خود دیکھ لیں گے بشرطیکہ کوشش و نیت درست ہو۔

اجازت دیجیئے۔
دعاؤں میں یاد رکھئے گا۔
شکریہ و ﷲ حافظ
عᷟلـــᷞــــᷝــم ᷞالاᷰوفـᷭــᷧـــᷫــⷰـــⷣــاق ⷪوطⷮـلــــᷧــــᷟـــᷤسـᷝـᷞماتⷣــⷮـــ

30/08/2026

السلام علیکم ورحمتہ ﷲ وبرکاتہ

شرف عطارد ستمبر 2026

آج کل عموماً کچھ لکھنے کو دل نہیں کرتا۔ لیکن آج فیس بک پر شرف عطارد سے متعلق پوسٹس دیکھیں تو سوچا چلیں اپنے محترم فالوؤرز کے لئے کچھ لکھنے کی کوشش کی جائے۔

تو کیا خیال ھے احباب لکھوں پوسٹ؟

اگر تو اگلے ایک گھنٹے میں مجھے اتنے کمینٹس مل گئے جو مجھے مجبور کر سکیں تو ایک نہایت خاص اور شاید ہی کسی اوفاق کی کسی بھی زبان میں لکھی گئی کتاب میں یہ خاص نقش و طلسم آپ کو مل سکے۔ تو ان شاءﷲ مخنت کر کے پوسٹ لکھوں گا۔

نقش لکھنے کا ایک سٹیپ پرنٹر سے پرنٹ ھے۔ تو جن احباب کے پاس پرنٹر موجود ھے۔ ان کے لئے تو %50 کام ہوگیا۔ باقی جن کے پاس خود کا پرنٹر موجود نہیں وہ اگر یکم ستمبر کو رات 10 بجے سے 12 بجے تک پرنٹ لینے کا بندوبست کرلیں تو بہترین۔
اس کے علاوہ صرف سبز مارکر پوائنٹر اور سفید کاغذ اور ذرا سا سبز رنگ کا کپڑا درکار۔

تو چلئے جی دیکھتے ھیں ایک گھنٹے میں کتنے لوگ متمنی اس نقش و طلسم کے.

اجازت دیجیئے۔
دعاؤں میں یاد رکھئے گا۔
شکریہ و ﷲ حافظ
عᷟلـــᷞــــᷝــم ᷞالاᷰوفـᷭــᷧـــᷫــⷰـــⷣــاق ⷪوطⷮـلــــᷧــــᷟـــᷤسـᷝـᷞماتⷣــⷮـــ

25/08/2026

السلام علیکم ورحمتہ ﷲ وبرکاتہ

وَمَا أَرْسَلْنَاكَ إِلَّا رَحْمَةً لِّلْعَالَمِينَ

تمام اہلِ اسلام اور خاص طور پر میرے تمام فالوؤرز کو جشنِ عید میلاد النبی ﷺ مبارک ہو۔

یاد رکھئے یہ دن محض خوشی کا نہیں، بلکہ اپنے دل، کردار اور عمل کو اُس رحمتِ کاملہ ﷺ کے نور سے جوڑنے کا دن ہے۔

اللہ رب العزت ہمیں محبتِ رسول ﷺ میں اخلاص، ادب اور اتباع نصیب فرمائیں، اور ہمارے گھروں، دلوں اور زندگیوں کو درود و سلام کی برکتوں سے منور فرمائیں۔ آمین ثم آمین یا رب العالمین۔

اجازت دیجیئے
دعاؤں میں یاد رکھئے گا
شکریہ و ﷲ حافظ
عᷟلـــᷞــــᷝــم ᷞالاᷰوفـᷭــᷧـــᷫــⷰـــⷣــاق ⷪوطⷮـلــــᷧــــᷟـــᷤسـᷝـᷞماتⷣــⷮـــ

19/08/2026

لوح تالیف و فتوح القلوب و اعانت اکابر و ترقی

السلام علیکم ورحمتہ ﷲ وبرکاتہ

سب سے پہلے تو تمام احباب کا دلی شکرگزار ہوں جنہوں نے میرے سسر کے انتقال پر انہیں اپنی دعاؤں میں یاد رکھا۔ اس کی جزاء تو ﷲ رب العزت ہی عطا کر سکتے ہیں بہرحال میری طرف سے بھی آپ سب کے لئے دعاؤں کا تحفہ۔ ﷲ رب العزت آپ سب کے احباب جو اس دنیا سے رخصت ہوچکے ان سب کو جنت الفردوس میں اعلی مقام عطا فرمائیں اور آپ کی سب حاجات کو قبول و منظور فرمائیں۔ آمین ثم آمین یا رب العالمین بجاہ سیدالکریم صلی ﷲ علیہ والہ وسلم۔

بہت سے احباب نے لوح تالیف و فتوح القلوب و اعانت اکابر و ترقی کے لئے کسی دوسرے وقت کا پوچھا تھا۔ وقت تو خیر میں نے بہت پہلے ہی کیلکیولیٹ کر لیا تھا لیکن پوسٹ نا کر سکا۔ آج اچانک یاد آیا تو شیئر کر رہا ہوں۔

یہ لوح عزت و وقار, منصب و شہرت اور بلند مرتبہ و ترقی, اعلی حکام کے سامنے پسندیدگی و قبولیت, آپ کی بات میں وزن, باہمی نرمی, کسی بھی قسم کی ناراضگی کے۔خاتمہ, کسی جائز درخواست, سفارش یا منظوری کے لئے اکسیر ھے۔

غایت الحکیم/Picatrix کے اصولوں کے لحاظ سے مقصد، سیاروں کی قوت، قمر، ساعت، سیاروں کی آپس کی نظرات اور نحس اثرات سے اجتناب کو مد نظر رکھتے ہوئے پرسوں بروز جمعہ، 21 اگست 2026 کو صبح 9:58 سے 11:04 بجے راولپنڈی میں ساعت مشتری ہوگی۔
اس وقت تقریباً:
• شمس: 28° اسد
• مشتری: 11° اسد
• قمر: 10° قوس
• زہرہ: 13° میزان
• مشتری اور شمس دسویں گھر میں
• قمر دوسرے گھر میں
• قمر مشتری کے ساتھ تثلیث کی طرف بڑھ رہا ہوگا اور قمر–مشتری کا exact trine تقریباً 12:26 PM پر ہوگا
اس کے بعد قمر زہرہ سے تسدیس کی طرف بڑھے گا۔ یہ combination خاص طور پر اہم ہے کیونکہ یہ وقت اس لوح کے مقصد سے بہت اچھی مطابقت رکھتا ہے۔

لکھنے کا وقت
جمعہ کو صبح بمطابق راولپنڈی 9:58 سے 11:04 منٹ تک۔

باوضو ہو کر قبلہ رخ ہو کر ایک سفید یا زیادہ بہتر ایک گولڈن کاغذ پر سرخ قلم سے سب سے پہلے:-

1- بسم ﷲ لکھئے
2- دو لائنوں کی جگہ چھوڑ کر لوح کے اضلاع بنائیں۔ مطلب یہ نو خانے
3- پھر نیلے رنگ میں دئے گئے۔نمبروں کی ترتیب سے سرخ رنگ والے اعداد لکھئے۔ نیلے اعداد نہیں لکھنے۔
4- سب سے اوپر والا عددی طلسم 18873787799 لکھئے
5- اب حرفی طلسم ح ل ش ز ل ش د ن ر ج ف ث لکھئے
6- اب لوح کے نیچے والا عددی طلسم 22 88 11 7 88 11 لکھئے
7- اب لوح کے دائیں پہلے کھیعص لکھیں پھر اس کے نیچے عددی طلسم 15884 لکھئے۔
8- اب لوح کے بائیں پہلے حمعسق لکھیں پھر اس کے نیچے عددی طلسم 15884 لکھئے۔
9- اب اس ترتیب سے طلسمات شمس لکھئے۔ ابرثا صبرثا صارثا صورثا۔

اب اس لوح کی دوسری طرف عزیمت لکھئے۔
لیجیئے جی لوح مکمل ہو گئی۔

لوح مبارکہ لکھنے کے بعد کچھ صدقہ دیجیئے پھر نہایت عاجزی سے دعا مانگئے۔ اپنی تمام حاجات کے مکمل ہونے کی بوسیلہ سرکار دو عالم حضرت محمد صلی اللہ علیہ والہ وسلم ۔ دعا کے بعد لوح مبارکہ پر تیز خوشبو لگا کر فولڈ کر لیں اور گولڈن کپڑے میں لپیٹ کر تعویز بنوالیں اور چند دن گلے میں پہنیں یا بازو پر باندھ لیں۔ ان شاءاللہ چند دن میں بفضل رب العزت آپ اس لوح مبارکہ کی تاثیرات ملاحظہ فرمائیں گے۔

اجازت دیجیئے
دعاؤں میں یاد رکھئے گا
شکریہ و ﷲ حافظ
عᷟلـــᷞــــᷝــم ᷞالاᷰوفـᷭــᷧـــᷫــⷰـــⷣــاق ⷪوطⷮـلــــᷧــــᷟـــᷤسـᷝـᷞماتⷣــⷮـــ

14/08/2026

14/08/2026

تمام احباب کو جشن آزادی مبارک ہو

30/07/2026

السلام علیکم ورحمتہ ﷲ وبرکاتہ

جو احباب کل لوح تالیف قلوب و اعانت اکابر نہیں لکھ سکے۔ ان کے لئے میں چند دن میں ان شاءﷲ دوبارہ وقت بتا دوں گا۔ کل اسی پوسٹ پر مجھ سے ایک نہایت عمدہ سوال پوچھا گیا. سوال تھا:-

"جب آپ یہ لوح ڈیزائن کررہے ہونگے تو ظاہر ہے کمبسٹ پوزیشن اس وقت بھی ہوگی، اور یہ جنرل لوح ہے تو آٹو میٹک آپ کے لیے ڈیزائن ہوگئی ہوگی۔ تو آپ نے کیسے اس انرجی کو نیوٹرل کیا؟ یا اس کا اثر آپ پر نہیں ہوسکا؟"

اس کا مختصر جواب تو ھے کہ نہیں۔ لیکن جس لیول کا یہ سوال تھا تو صرف نہیں کہنا زیادتی ھے۔ اس لئے تفصیلاً جواب پیش خدمت ھے۔

درحقیقت یہ ایک بہت ہی عمدہ سوال ہے، اور میرے خیال میں یہ سوال علمِ عملیات اور علمِ النجوم کے باہمی تعلق کو سمجھنے کی ایک بنیاد بھی ہے۔

میری ناقص رائے میں اس کا جواب تین باتوں میں پوشیدہ ہے:-

اول: کسی لوح یا نقش کا ڈیزائن،اس سے متعلق تحریر اور اور اسکی تفعیل یا وضع کرنا تینوں الگ الگ مراحل ہیں۔

عملیات کی قدیم کتب، خصوصاً غایۃ الحکیم اور شمس المعارف کے مطابق اصل توجہ ہمیشہ وقتِ عمل، نیت، طہارت، روحانی آداب، مناسب ساعت اور تفعیل پر دی گئی ہے۔ دراصل یہی وہ خاص سٹیپ یا جگہ ہے جہاں فلکی مناسبات و سیاروی قوتوں اور اوفاق و طلسمات سے استفادہ یا اجتناب کی بحث آتی ہے۔

یاد رہے کہ کسی وفق یا لوح کی علمی ترتیب، تحقیق، حساب یا ڈیزائننگ کو ان کتب میں مستقل "عمل" یا "تفعیل" قرار نہیں دیا گیا ھے۔ یعنی کسی نقش کا حساب کرنا اسے ترتیب دینا اور پھر اس نقش کو مخصوص شرائط کے ساتھ فعال کرنا دونوں الگ الگ کام ہیں۔

دوم: علم النجوم کے احکامات و شرائط کے مطابق کبھی بھی ایک ہی واقعہ یا کسی مخصوص سیارے کی انرجیز, اس کا طلوع غروب یا فلک پر اس کی پوزیشن فیصلہ کن نہیں ہوسکتی ھے۔

علم النجوم کے مطابق کسی سیارے کی کمبسٹ (احتراق) یا پھر کازیمی (قلب شمس) یقیناً معتبر حرکات ہیں, لیکن کلاسیکی احکامِ نجوم اور غایۃ الحکیم بھی کسی ایک حکم پر کبھی فیصلہ کن نہیں ہوتے ہیں۔ تمام سیارگان کی قوت، ان کا شرف یا ہبوط، سعد و نحس سیاروں کی آپس کی نظرات، قمر کی کیفیات، ساعت، مقصدِ عمل، اور دیگر تمام عوامل ان سب کو مجموعی طور پر دیکھ کر ہی کسی بات کا فیصلہ کیا جاتا ہے۔

اسی لیے قدیم اہلِ فن, آج کل کے فیس بکی علماء النجوم کی طرح صرف کسی ایک قران یا شرف و ہبوط نہیں بلکہ مکمل فلکی صورتحال کو مد نظر رکھ کر ہی کسی کام کا فیصلہ کرتے تھے نا کہ صرف سالوں بعد کسی ممکنہ سیاروی پوزیشن یا کیفیت پر

سوم: کسی بھی لوح, وفق و طلسم کے اثر کا تعلق فاعل یعنی عامل کی نیت اور تفعیل سے ہے، محض اس کے ڈیزائن یا ساخت یا ترتیب سے نہیں۔

امام بونی رح نے شمس المعارف میں بار بار اسی بات پر زور دیا ہے کہ اسماء، اوفاق اور عزائم کی تاثیر کے لیے صدقِ نیت، حضورِ قلب، طہارت، ریاضت اور اجازت بنیادی حیثیت رکھتے ہیں۔ اسی طرح سے غایۃ الحکیم بھی ہر روحانی عمل کے لیے مناسب اوقات، بخورات، ادعیہ اور عملی آداب بیان کرتی ہے۔

اگر صرف کسی نقش کو ڈیزائن کرنے سے ہی وہ اپنے مصنف پر خودبخود اثر انداز ہونے لگے تو پھر سوچئے صدیوں سے اوفاق نقل کرنے والے کاتبین، ناسخین اور مصنفین تو ہر نقش و طلسم کے اثرات سے لازماً متاثر ہوتے۔ لیکن اب تک کی معلوم تاریخ خصوصاً کلاسیکی عملیاتی روایات ایسا کچھ بھی بیان نہیں کرتی ہیں۔

اس لیے میری رائے میں کسی لوح کی حقیقی تاثیر صرف اسی وقت ہی شروع ہوتی ہے جب اسے مقصد، نیت، مناسب وقت اور روحانی آداب کے ساتھ تحریر یا تفعیل کیا جائے۔ صرف کمپوزنگ یا ڈیزائننگ کو اسی درجے میں رکھنا درست نہیں ہے۔

البتہ اگر کوئی عامل کسی مخصوص لوح کو اپنے لیے بھی مناسب ساعت میں، باقاعدہ قصد و نیت کے ساتھ تیار کر رہا ہو، تو پھر یقیناً اسے تمام شرائط پر مکمل عمل کرنا لازم ہوگا تاکہ تاثیر مل سکے۔

اب آپ کے سوال کا جواب کہ میرے نزدیک اس لوح کی تیاری کے وقت کمبسٹ کی موجودگی اس معنی میں مؤثر نہیں تھی کیونکہ میں صرف اس کا ڈیزائن اور علمی ترتیب مرتب کر رہا تھا، نہ کہ اس کی ذاتی تفعیل کر رہا تھا۔ مجھ پر بھی اس لوح کا اصل اثر تو اسی وقت ہی ہوتا جب میں اسے اپنے مقصد کے لیے مقررہ اصولوں کے مطابق تحریر اور فعال کرتا ویسے آپس کی بات ھے تب بھی اس لوح کی انرجیز مجھے شاید متاثر نا کرتیں (اب اسے جو مرضی سمجھ لیجیئے :) )۔ اسی بات سے یاد آیا بسا اوقات دوسروں کے لئے الواح و نقوش تیار کرتے وقت ان کی انرجیز اگر بہت نیگیٹو ہوں تو وہ کبھی کبھار ضرور کچھ دیر تک اثر انداز ہوتی ہیں۔ لیکن وہ کیا کہتے جو اونٹ رکھتے ہیں وہ پھر دروازے بھی اونچے رکھتے ھیں۔ :)

امید ھے سمجھ آگیا ہوگا۔

اجازت دیجیئے
دعاؤں میں یاد رکھئے گا
شکریہ و ﷲ حافظ
عᷟلـــᷞــــᷝــم ᷞالاᷰوفـᷭــᷧـــᷫــⷰـــⷣــاق ⷪوطⷮـلــــᷧــــᷟـــᷤسـᷝـᷞماتⷣــⷮـــ

29/07/2026

لوح تالیف و فتوح القلوب و اعانت اکابر و ترقی

السلام علیکم ورحمتہ ﷲ وبرکاتہ

لیجیئے احباب لوح تالیف و فتوح القلوب و اعانت اکابر و ترقی پیش خدمت ھے۔

یہ لوح عزت و وقار, منصب و شہرت اور بلند مرتبہ و ترقی, اعلی حکام کے سامنے پسندیدگی و قبولیت, آپ کی بات میں وزن, باہمی نرمی, کسی بھی قسم کی ناراضگی کے۔خاتمہ, کسی جائز درخواست, سفارش یا منظوری کے لئے اکسیر ھے۔

غایت الحکیم کے مطابق آج مشتری قلب شمس میں ہوگا تو سب سے طاقتور ساعت بھی مشتری کی ہی ہوگی کیونکہ یہ قران کا بھی وقت ہوگا اور مشتری بھی اس وقت قلب شمس میں ہوگا۔

لکھنے کا وقت
آج شام مورخہ 29 جولائی 2026 کو ساعت مشتری بمطابق راولپنڈی 4:52 سے 6:01 منٹ تک (باقی احباب اپنے مقامی وقت کو دیکھ لیں۔ چگوڈیا حساب ایپ انسٹال کر لیں۔ تو ساعت مشتری کا درست وقت مل جائےگا۔

لکھنے کا طریقہ
باوضو ہو کر قبلہ رخ ہو کر ایک سفید یا زیادہ بہتر ایک گولڈن کاغذ پر سرخ قلم سے سب سے پہلے:-
1- بسم ﷲ لکھئے
2- دو لائنو کی جگہ چھوڑ کر لوح کے اضلاع بنائیں۔ مطلب یہ نو خانے
3- پھر نیلے رنگ میں دئے گئے۔نمبروں کی ترتیب سے سرخ رنگ والے اعداد لکھئے۔ نیلے اعداد نہیں لکھنے۔
4- سب سے اوپر والا عددی طلسم 18873787799 لکھئے
5- اب حرفی طلسم ح ل ش ز ل ش د ن ر ج ف ث لکھئے
6- اب لوح کے نیچے والا عددی طلسم 22 88 11 7 88 11 لکھئے
7- اب لوح کے دائیں پہلے کھیعص لکھیں پھر اس کے نیچے عددی طلسم 15884 لکھئے۔
8- اب لوح کے بائیں پہلے حمعسق لکھیں پھر اس کے نیچے عددی طلسم 15884 لکھئے۔
9- اب اس ترتیب سے طلسمات شمس لکھئے۔ ابرثا صبرثا صارثا صورثا۔

اب اس لوح کی دوسری طرف عزیمت لکھئے۔
لیجیئے جی لوح مکمل ہو گئی۔

لوح مبارکہ لکھنے کے بعد کچھ صدقہ دیجیئے پھر نہایت عاجزی سے دعا مانگئے۔ اپنی تمام حاجات کے مکمل ہونے کی بوسیلہ سرکار دو عالم حضرت محمد صلی اللہ علیہ والہ وسلم ۔ دعا کے بعد لوح مبارکہ پر تیز خوشبو لگا کر فولڈ کر لیں اور گولڈن کپڑے میں لپیٹ کر تعویز بنوالیں اور چند دن گلے میں پہنیں یا بازو پر باندھ لیں۔ ان شاءاللہ چند دن میں بفضل رب العزت آپ اس لوح مبارکہ کی تاثیرات ملاحظہ فرمائیں گے۔

اجازت دیجیئے
دعاؤں میں یاد رکھئے گا
شکریہ و ﷲ حافظ
عᷟلـــᷞــــᷝــم ᷞالاᷰوفـᷭــᷧـــᷫــⷰـــⷣــاق ⷪوطⷮـلــــᷧــــᷟـــᷤسـᷝـᷞماتⷣــⷮـــ