30/03/2026
وہاڑی: پاکستان میڈیکل ایسوسی ایشن (PMA) وہاڑی کے نومنتخب عہدیداران کی پروقار تقریبِ حلف برداری کمال مارکی وہاڑی میں منعقد ہوئی، جس میں ڈاکٹرز برادری، سیاسی و سماجی شخصیات، سول سوسائٹی اور صحافیوں کی بڑی تعداد نے شرکت کی۔
تقریب میں PMA ساؤتھ پنجاب کے صدر ڈاکٹر مسعود الرؤف ہیراج نے نومنتخب عہدیداران سے حلف لیا۔
نومنتخب قیادت میں چیئرمین ڈاکٹر غلام حسین آصف، صدر ڈاکٹر محسن ممتاز، جنرل سیکرٹری ڈاکٹر زین العابدین، فنانس سیکرٹری ڈاکٹر وقار، ڈاکٹر شیزا احسن، میڈیا کوآرڈینیٹر ڈاکٹر سعیدانور بھٹی، ڈاکٹر تنویر گجر، ڈاکٹر عثمان ہاشم اور ڈاکٹر احمد مصطفیٰ شامل ہیں، جنہوں نے اپنے عہدوں کا حلف اٹھایا۔
تقریب سے خطاب کرتے ہوئے مقررین کا کہنا تھا کہ PMA ڈاکٹرز کے حقوق کے تحفظ اور شعبہ صحت کی بہتری کے لیے ایک مؤثر پلیٹ فارم ہے۔ انہوں نے امید ظاہر کی کہ نومنتخب قیادت اپنی ذمہ داریاں احسن انداز میں نبھاتے ہوئے عوام کو بہتر طبی سہولیات کی فراہمی میں اہم کردار ادا کرے گی۔
