02/07/2026
"لسّه بكير... رح يحكي لحاله!"
من أكثر الجمل اللي بسمعها من الأهل.
صحيح إن الأطفال بتختلف في سرعة تطور الكلام، لكن في أوقات التأخير بيكون إشارة لازم ننتبه إلها، وما نستنى أشهر أو سنوات.
إذا كان طفلك:
🔹 ما بنطق أي كلمات واضحة بعمر سنة ونصف.
🔹 بعمر سنتين ولسّه ما بكون جمل بسيطة من كلمتين.
🔹 ما بستجيب لاسمه أو ما بحاول يتواصل مع اللي حواليه.
🔹 أو كان يحكي كلمات وبعدين بطل يحكيها.
هون الأفضل مراجعة طبيب الأطفال لتقييم الحالة، وإذا لزم الأمر تحويله لاختصاصي سمع أو نطق.
وفي المقابل، في شغلات بسيطة بتساعد كثير على تطور اللغة: 📖 اقرأوا لطفلكم كل يوم، حتى لو لدقائق. 🗣️ احكوا معه كثير خلال اللعب والأكل والمشاوير. 📱 وحاولوا قدر الإمكان تقللوا وقت الشاشات، خاصة في أول سنتين من العمر ممنوعة بشكل نهائي .
التقييم المبكر بعطينا فرصة نتدخل إذا كان بحاجة للمساعدة، وهذا دائمًا أفضل من الانتظار.
د. محمد هرش
طبيب أطفال
