Esraa Ashmawy أخصائيه نفسيه وإستشاري علاقات زوجية وأسريه

  • Home
  • Saudi Arabia
  • Dammam
  • Esraa Ashmawy أخصائيه نفسيه وإستشاري علاقات زوجية وأسريه

Esraa Ashmawy أخصائيه نفسيه وإستشاري علاقات زوجية وأسريه أخصائيه نفسيه ، إستشاري علاقات زوجيه وأسريه

09/09/2026

اترك تعليقا علي الفيديو 🌷





28/08/2026

إنت مش بتتفرج على الجريمة وبس…
إنت بتعرّض مخك وجهازك العصبي لجرعة متكررة من «الخطر».

لما تشوف قتل، مطاردة، صراخ أو تهديد، عقلك الواعي عارف إنها تمثيل… لكن الجهاز العصبي مش دايمًا بيتعامل مع الصورة بنفس المنطق.

الـ Amygdala – اللوزة الدماغية ممكن تستجيب لمثيرات الخطر، ويبدأ Autonomic Arousal – الاستثارة العصبية، ويشتغل جزء من منظومة الضغط النفسي HPA Axis.

ومع التكرار، المخ بيتعلم.

وده جزء من آليات Fear Conditioning – الاشتراط الخوفي وThreat Bias – انحياز التهديد؛ فتبدأ تفاصيل كانت عادية بالنسبة لك ترتبط بالخطر، ويصبح عقلك أسرع في توقع أسوأ السيناريوهات.

لكن فيه جانب تاني:

Desensitization – التبلد أو إزالة التحسس.

المشهد اللي كان صادم أول مرة… ممكن مع التكرار يفقد جزءًا من تأثيره الانفعالي.

وده مش معناه إن مشاهدة الجريمة هتحولك لشخص عنيف، ولا إن كل شخص بيتفرج عليها هيتأثر بنفس الشكل.

لكن لو المحتوى بقى يوميًا، ولساعات، خصوصًا مع وجود Anxiety أو Hypervigilance، فأنت مش بس بتشوف قصة…

أنت بتكرر أمام مخك نموذجًا للعالم مليان تهديد، خيانة، موت، وغدر.

ومع الوقت، ممكن تتأثر Mental Schemas – المخططات المعرفية اللي بتبني تصورك عن الناس والأمان:

«محدش مأمون.»
«أي حاجة ممكن تحصل.»
«الخطر في كل مكان.»

عشان كده السؤال مش:

«أنا عارف إنها تمثيل؟»

السؤال الأهم:

«جهازي العصبي بيتعلم إيه من اللي بشوفه كل يوم؟»

لأن المخ لا يتأثر فقط بما نصدقه…

بل أيضًا بما نكرره أمامه.

فراقب نفسك بعد الحلقة:

هل أنت أهدى؟

ولا أكثر توترًا، حذرًا، شكًا، وتوقعًا للأسوأ؟

لأن أحيانًا المشكلة مش في المشهد اللي شوفته…
المشكلة في الأثر اللي أخدته معاك بعد ما الشاشة اتقفلت.




#مسلسلات

رحلة التعافي الحقيقية مش طريق مستقيم… ومش معناها إنك هتصحي يوم وتلاقي نفسك بقيت شخص مختلف تمامًا.في أيام هتحسي إنك بتتقد...
26/08/2026

رحلة التعافي الحقيقية مش طريق مستقيم… ومش معناها إنك هتصحي يوم وتلاقي نفسك بقيت شخص مختلف تمامًا.

في أيام هتحسي إنك بتتقدمي، وأيام تانية هترجعي لنفس المشاعر القديمة، وهتفتكري إنك رجعتي لنقطة الصفر… لكن الحقيقة إنك مش بترجعي، إنتِ بتتعلمي تشوفي نفسك من مكان أعمق.

التعافي مش إنك متتألميش تاني، لكن إن الألم مايبقاش هو اللي بيسوق حياتك.
إنك تفهمي نفسك بدل ما تلوميها، وتحتوي مشاعرك بدل ما تهربي منها، وتختاري نفسك حتى في الأيام اللي مش حاسة فيها إنك بخير.


#تعافي

25/08/2026

أحيانًا لا يكون السلام في أن تتخلص من صراعاتك… بل في أن تفهمها، وتفهم نفسك من خلالها.

أن تتوقف عن محاربة مشاعرك، وعن محاولة أن تكون نسخة ترضي الجميع، وتبدأ في احتضان نفسك كما هي؛ بضعفها، بقوتها، بأخطائها، وبكل ما مرّت به.

التقبّل لا يعني أن تتوقف عن التطور، بل أن تتطور دون أن تكره النسخة التي كنت عليها.



23/08/2026

بعض الجروح لا تجعلنا نبكي فقط…
بل تغيّر الطريقة التي نرى بها العالم.

بعد الخذلان، يصبح التأخير علامة رفض.
وبعد الفقد، يصبح التعلّق خوفًا من النهاية.
وبعد التجاهل، يصبح الصمت تهديدًا.

فنظن أننا نتعامل مع الواقع…
بينما نحن أحيانًا نتعامل مع ذاكرة الألم.

ولهذا لا يحتاج الإنسان دائمًا إلى تغيير ما حوله،
بل يحتاج أحيانًا إلى أن يطمئن الجزء الذي ما زال يعيش داخله وكأن الخطر لم ينتهِ.

فالشفاء ليس أن تنسى ما حدث…
بل أن تتوقف عن رؤية كل شيء بعين ما حدث




#علاقات
22/08/2026


#علاقات


12/08/2026

سيداتي العزيزات،

لا تنسين أن العالم :

سيلوم المرأة العزباء، والمرأة التي لم تُنجب والمرأة التي أنجبت كثيرًا
والمرأة التي أنجبت بناتٍ فقط، أو أولادًا فقط
سيلوم فتاةً في التاسعة عشرة لأنها صغيرة ويلوم فتاة في الثلاثين لأنها كبيرة
سيلوم من تزوجت مبكرًا ومن تأخرت في الزواج
سيلوم الموظفة، ويلوم من لم تتوظف
سيلوم المقبلة على الحياة، والمنعزلة
سيلوم من تتبع الموضة، وتلك التي تفضّل البساطة سيلوم من تضحك بصوتٍ عال، وتلك التي تلتزم الصمت
سيلوم من تنجح في عملها، وتلكَ التي تفضل البقاء في المنزل

باختصار،

النقد قادم لا محالة
فاجعلي رضاكِ عن نفسكٍ هو بوصلتكِ، ولا تجعلي أحكام الآخرين تؤثر في خطواتكِ

عيشي بسلام، واستمتعي بكل لحظة، واختاري لنفسكِ الحياة التي تشبهكِ، لا الحياة التي يرضى عنها الآخرون.




#تعافي

11/08/2026

أوقات بنتمسك بحاجه او ب شخص مش لأنه مناسب لينا…
لكن لأننا تعبنا في الوصول له وبقالنا كتير اوي جوة العلاقه دي .

فبنفتكر إن كل اللي استحملناه لازم يبقى له مقابل،
وإن كل الوقت اللي ضاع ماينفعش يروح هدر.

بس مش كل حاجة تعبنا عشانها لازم نكمّل فيها.

أحيانًا أكتر حاجة بتوجع…

إنك تكتشف إنك قاعد بتضيع عمرك اللي جاي

لمجرد إنك خايف علي عمرك اللي راح .




#تعافي

10/08/2026

مش كل حد فهمك غلط يبقى لازم تشرح نفسك أكتر.

في ناس بتسمعك من خلال تجاربها،
وتفسرك من خلال مخاوفها،
وتشوفك بالصورة اللي عقلها رسمها عنك.

فتفضل تشرح…
وتوضح…
وتدافع عن نيتك…

لحد ما تكتشف إنك مش مطالب تثبت حقيقتك لكل شخص شافك من زاوية غلط.




#تعافي

09/08/2026

المغادرة وإنت غضبان غالبًا بتكون قرار ناقص…
لأن الغضب بيهدى، وبعده بيبدأ التردد:
“يا ترى استعجلت؟”
“يمكن كان ممكن أستنى؟”
“يمكن الأمور كانت تتصلح؟”

عشان كده، ما تمشيش لمجرد إنك موجوع أو متعصب.

استنى…

استنى لحد ما تهدى، ولحد ما تبقى قادر تشوف الصورة كاملة من غير ما يكون الوجع هو اللي بيقرر عنك.

استنى لحد ما تستنفد كل محاولاتك، وكل أعذارك، وكل المرات اللي قلت فيها:
“يمكن المرة دي تتغير.”

لحد ما توصل للحظة اللي يبقى فيها وجود الشخص وغيابه واحد…
ما تستناش منه اعتذار، ولا تفسير، ولا حتى محاولة.

لما العتاب نفسه يفقد معناه…
ولما قلبك مايبقاش مستني حاجة من المكان ده…

ساعتها امشي .

مش عشان تعاقب حد بغيابك،
ولا عشان تخليه يحس بقيمتك،
ولا عشان تستنى يجري وراك.

امشي لأنك ببساطة… مبقتش عايز تبقى هناك.

أقوى رحيل مش اللي بيحصل وقت الغضب…
أقواه اللي بيحصل بعد ما يهدى كل شيء جواك،
وتكتشف إنك مش محتاج ترجع.

ساعتها بتمشي بهدوء…
من غير تهديد، من غير ضجيج، ومن غير رجعة.

لأنك مش بتمشي عشان تخليهم يحسوا بغيابك…
إنت بتمشي لأن وجودهم مبقاش له مكان جواك.





#تعافي

Address

Dammam

Website

Alerts

Be the first to know and let us send you an email when Esraa Ashmawy أخصائيه نفسيه وإستشاري علاقات زوجية وأسريه posts news and promotions. Your email address will not be used for any other purpose, and you can unsubscribe at any time.

Shortcuts

Share

Category