24/03/2025
⭕ الحل النهائي للتخلص من حب الشباب والوقاية منه ✅👌
◀عندما يتعلق الموضوع بإزالة حب الشباب فمن المهم اتباع روتين للعناية بالبشرة يعتمد على اساليب فعالة ومثبتة بناء على نوع بشرتك…. و كونك تعرفي نوع بشرتك خطوة مهمة في الوقاية او علاج حب الشباب.
ولكن على العموم الوقاية خير من العلاج …وحتى لو عندك حب الشباب فإتباع النظام دا بيقلل منها وبيساعد على علاجها.
🔸 شرب كمية كاااافية من الماء لاتقل عن 2 ليتر في اليوم.
🔸 الإكثار من الخضار والفاكهة في غذائك.
🔸 استهلاك الكثيير من الدهون في الغذاء حاجة ما كويسة …حاولي قللي منها بقدر الامكان ..وقللي من المياه الغاذية والشوكولاته ومنتجات الالبان.
🔸لو بتعاني من الحبوب وبتستخدمي الزيوت للشعر ..اتجنبي انها تصل لوجهك ودي حاجه صعب التحكم فيها ..لذلك افضل تستبدليها بالكريمات الخاصة بالشعر.
♻ روتين البشرة 👏✅
ودي حاجة مفترض تعمليها بغض النظر عن انه في حبوب او لا
❇ الغسول:
يفضل استخدام الغسول مرتين ..واذا كانت بشرتك دهنية فأكثر من مرتين.
واذا كانت الحبوب اصلا موجودة فيفضل استخدام غسول طبي ولو م متاح ليك ممكن صابونة طبية.
ودائما بنفضل غسول عنده خصائص مرطبة.
❇ المقشر:
وافضل خيار ليك هو السكر والليمون والقهوة او السكر والليمون فقط ..ولو اتحسستي من الليمون جربي خيارات تانية.
الفكرة شنو من المقشر ⁉
بعد غسل الوجه بالغسول ..بنستخدم المقشر لانه المقشر بينضف لينا اعمق وبيزيل لينا خلايا الجلد الميتة .
نعمل المقشر يوميا او يوم بعد يوم حسب متطلبات البشرة.
❇ التونر
ودا بيقفل لينا المسامات بعد تنظيفها بالغسول والمقشر عشان ما تتراكم لينا اوساخ جديدة …وكمان بيعيد للبشرة نضارتها وطبيعتها.
اشهر وارخص تونر هو ماء الورد 🌸.
💹 استخدمي مرطبات طبية مناسبة لبشرتك
💹استخدمي واقي الشمس.
🔵 واصلي على النظام دا لمدة اسبوعين فلو خفت الحبوب دا مؤشر جييد … ولو ما خفت برضو واصلي على النظام دا لكن يبقى انتِ محتاجة تقابلي الطبيب 👍
📌 اعملي متابعة للصفحة و انتظرينا المرة الجاية عشان نناقش الادوية المفيدة في علاج حب الشباب 👋.
