AL-Dahabi Vet /الذهبي البيطرية

AL-Dahabi Vet /الذهبي البيطرية Contact information, map and directions, contact form, opening hours, services, ratings, photos, videos and announcements from AL-Dahabi Vet /الذهبي البيطرية, Pharmacy / Drugstore, Kassla, Kassala.

للأدوية و الخدمات البيطرية

🏷️ نسعد في بخدمتكم و توفير إحتياجاتكم من الأدوية و الخدمات البيطرية المختلفة و توفير مختلف المستلزمات و المعدات الطبية البيطرية.
! 🤍

سؤال الليلة ..هل عدم الحيال حلو هرمون الحيال ⁉️⁉️كتار من مربي الحيوانات بجو يسألوني ..عندك ⁉️😓او بجيك يقول ليك بقرتي ل...
19/08/2026

سؤال الليلة ..
هل عدم الحيال حلو هرمون الحيال ⁉️⁉️

كتار من مربي الحيوانات بجو يسألوني ..عندك ⁉️😓

او بجيك يقول ليك بقرتي ليها زمن م حالت ..أديتها حقن حيال ..بس برضو الحال في حالو 😓

⭕️ طيب تعالو نتعرف على 💉💊

هو شنو ⁉️
وليه سموهو كدا ⁉️
وشغلو شنو ⁉️
ومتين ينفع ومتين م ينفع ⁉️

طيب✅

🔹 الليله معانا هرمون #بروستاغلاندين PGF2α — F2
النوع الصناعي الشائع في #السودان ( Cloprostenol) ☑️

شغل الهرمون دا ب الضبط بجي لكن الحيوآن يكون عندو في المبيض ( جسم اصفر Corpus luteum) ..وهو تكوين وظيفتو يحافظ على الحمل ب انو مدام هو موجود معناها بقفل باب ل كتير مو الهرمونات الممكن يحصل فقد للحمل ✅

طيب ب العربي الدارجي ..( عشان اختصر )

بقره دخلت في دورة #شبق ( حالت ) .. بتجي هرمونات تساعد في القصة دي …الرحلة من البداية ⬇️⬇️⬇️

⭕️ال Hypothalamus بفرز هرمون اسمو GNRH …⬅️ الهرمون دا بحفز الغدة النخامية عشان تفرز نوعين من الهرمونات FSH / LH ⬅️ ال FSH بمشي المبيض ينشط ال Follicular wave او نمو الجريبات ودي هي ( البوبيضات) ⬅️⬅️ اها البويضات دي بتنتج ليك هرمون اسمو #استروجين Estrogen ( ودا بظهر العلامات الثانويه للشبق ) ..تلقى البقره تكورك وتنط في البقر ومحنتها محنة 🌝 ( دا كلو ب سبب بويضه نشطة ) ⬅️⬅️⬅️ اها هنا بحصل حاجه اسمها ف بتم تحفيز هرمون ال LH تااااني ف بعمل انف*جار للجريب الفيهو البويضة عشان يحصل ( Ovulation) ⬅️⬅️ف بعد خروج البويضة بحصل تكوين للجسم الأصفر اللهو Corpus luteum — CL 💛 .. ف دا بنتج هرمون البروجسترون ( ف دا بمنع الشبق ويمنع تتكون بويضات تاني ) ف كدا ب اعتبار حصل تخصيب او حمل ⬅️⬅️ ف بحصل ب سبب زيادة تركيز هرمون البروجسترون ف بوقف انتاج LH جديد ☑️

دي الدورة حق الهرمونات حاولت ابسطها ليكم عشان م تسحروني 😅😅 …
المهم .. دي كل القصه البتحصل في الهرمونات أثناء وبعد الشبق ✅

⭕️ ف نرجع ل اخونا هرمون الحيال البروستاغلاندين .. شغلو بجي وين ⁉️⁉️

بعد يتكون الجسم الأصفر .. إذا حصل حمل بكون ما عندو شغل ومختفي ☑️
إذا م حصل حمل ..هنا #الرحم ( Uterus) بقوم يفرز هرمون ال PGF2α ( هرمون الحيال ) عشان يمشي يكسر الجسم الأصفر ويحللو ..
وب كدا يدي إشارة انو المبيض يكون #بويضات جديد وتبدا دورة شبق من جديد 🔄🩸

⭕️ دور هرمون الحيال ب اختصار :
- إذا فحصت وماف حمل ..ولقيت جسم اصفر في المبيض ..ممكن تديهو ✅
- في بعض حالات ال Pyometra او الوساخه في الرحم خاصه إذا كان عنق الرحم قافل ✅
- في حالة الحمل الكاذب إذا الأسباب الزكرتها ليك فوق
- في حالة تنظيم الشبق إذا شغال ب نظام Synchronization وعايز كل الأبقار يجيها الشبق او تدخل في الدوره في نفس الزمن ✅

⭕️ غير كدا ي عزيزي هرمون الحيال دا إذا في مشكله في الهرمونات او الغدد او المبيض ..هو م حل للمشكلة ❌❌

عشان كدا م تجيني وتقول لي ي دكتور داير هرمون حيال ..✅

افحص اول ..اعرف المشكله .. حتى أبدا البرتكول المناسب ✅



تاقي ناس ال endocrine الاندوكراين 😅💛
وشيرك مهم ✅


#هرمون #ابقار #اغنام #علاج

سؤال الليلة ..هل اي دواء مكتوب عليهو بعني انو ( #منشط ) ⁉️⁉️ولا وراء التركيبه الفيهو ادوار مهمه في العضلات ⁉️⁉️دا الح...
16/08/2026

سؤال الليلة ..
هل اي دواء مكتوب عليهو بعني انو ( #منشط ) ⁉️⁉️
ولا وراء التركيبه الفيهو ادوار مهمه في العضلات ⁉️⁉️

دا الح نتعرف عليهو في المنشور دا ✅

⭕️ قدامنا دواء 💉💊

هو دواء داعم #للطاقة / #العضلات /

شغلو الأساسي :
- في دعم العضلات
- فترة النقاهة بعد دورة المرض
- والإرهاق ( خاصه بعد النقل )
- في حالة ال ( دي حالة في الخيول ) ح اتكلم عنها ب اختصار في المنشور ⬇️ 🤝
-ضعف الصغار والمواليد

طيب الدواء دا مكون من كم مادة وتجميعه ممتازه من المواد الفعالة ✅✅

🔹ATP
🔹 Vitamin B12
🔹 Selenium- Sodium selenite
🔹 Potassium aspartate
🔹 Magnesium aspartate

طيب نمسكهم مادة مادة ونتعرف عليهم ☑️

🔹ATP — Adenosine Triphosphate :
دا ب اعتبارو (بيت الطاقة ) شغلو انو بزيد الطاقة داخل الخلية

العضلة بتحتاج ال طاقة عشان ( تنقبض ، تنبسط ،تحافظ على توازن الأيونات ، وعشان الخلية تقوم ب شغلها والعمليات الأيضية )

عشان كدا هي مادة مهمة في حالات الإجهاد والجهد المبذول على العضلات ( خيول والإبل البتستخدم في السباق ) وطبعا بعد النقاهة ☑️

🔹 Vitamin B12
مهم شديد في ..

- تكوين كريات الدم الحمراء RBCs
- بدخل في تصنيع ال DNA 🧬
- بخش في استقلاب الأحماض الدهنية والأحماض الأيونية ( م كلها )
- ليهو دور كبير في الوظائف العصبية

ف مهم شديد إذا في نقص وزيادة الحوجة ليهو في مشاكل الدم والمشاكل العصبية ☑️
لانو نقصو ممكن يعمل ( ) وإضراب عصبي ✅

🔹 Selenium — Sodium selenite السلينيوم ☑️

#السلينيوم هو مهم شديد لانو بدخل في تكوين إنزيمات مهمة زي Glutathione Peroxidase( ودا إنزيم مهم يشتغل ك نظام #دفاع و داخل الخلية ) ✅

لانو مع المجهود العضلي بحصل تكوين ل مواد مؤكسدة ( ودي تعمل حاجة بنسميها Oxidative stress اللهو الإجهاد التأكسدي )

الإجهاد دا بعمل تلف :
للأعصاب داخل الخلية / المايتوكندريا ( مصنع الطاقه ) والبروتينات داخل العضله

عشان كدا #السلينيوم بحمي العضلات من الحاجة دي وبصنع المواد مضادة للأكسدة ✅

بتلاحظ ليها في إذا في نقص سلينيوم بحصل مرض اسمو White Muscle Disease ف بتلقى الحيوان م قادر يقيف على رجلينه والعضلات زي الحاصل فيها ارتخاء ( في المواليد بتكون ظاهرة ) ☑️

🔹 Magnesium aspartate الماغنيسيوم
ودا مهم شديد في انتاج إنزيمات مرتبطه ارتباط مباشر مع ال ATP ( الطاقة )
ف بتلقى معظم ال ATP في شكل Mg-ATP ☑️

عشان كدا مهم شديد في :
- الضعف العضلي
- التشنجات
- الإجهاد
- إضرابات العضلات المرتبط ب نقص الماغنيسيوم ( بشبه اعراض نقص الكالسيوم)

🔹 Potassium aspartate البوتاسيوم

مهم جدا في :
- العضلات / الأعصاب / الغشاء الخلوي / عضلات القلب

لكن م تتعامل معاهو ك علاج في حالات hypokalemia( نقص البوتاسيوم ) ❌ الأفضل تعويض النقص ب جرعة من البوتاسيوم محسوبه

دي مكونات الدواء وشغلها ودورها ✅

⭕️ نجي ل ال حالة اسمها
هي حالة تلف وتحلل للعضلات بعد المجهود ☑️
وبنطلق عليها اسم Monday morning disease

بحصل شنو ؟؟

لمن تدي حصان عليقه مركزة وفيها طاقة عالية ⬅️وم حصل تمرين منتظم ⬅️ وبكون في مجهود⬅️ بحصل خروج ل myoglobin ( بروتين في العضلات ) بطلع في الدم والبول ⬅️ف بعمل ضرر للعضلات 🚷

بحصل تييبس في العضلة ☑️ الحصان يرفض انو يتحرك ☑️ بزيد معدل النبض والتنفس ☑️ الم في العضلات ☑️

⭕️ #الخلاصة

م نعتبر ال ATP علاج أساسي ل مرض محدد ✅

مثلا :

عجل ضعيف بعد إسهال شديد → الأولوية للسوائل وتصحيح acid-base/electrolytes ( الحمض والقاعدة / والأملاح ) وعلاج السبب، ثم يمكن استخدام VIME-ATP كداعم ✅

حمل ما قادر يقيف → ما تعطيه ATP فقط فكر في انو يكون في selenium/Vit E deficiency، hypocalcemia، hypoglycemia، trauma، sepsis وغيرها☑️

في الأخير الشرح حبيت يكون للفئتين ( دكاترة بيطرين ومربيين ) عشان ادمج الشرح في منشور واحد ✅

في بنوفر ليك المعلومة قبل العلاج ☑️💛

#الشير عشان كلنا نستفيد 🤝💛

#طبيب #بيطري #ادوية #حيوانات #ابقار #خيول #اغنام #مربيين #ماشية #كسلا #الخرطوم #القضارف

ثلاثة ادوية بقللو ليك #الألم و #الالتهاب ،ولكن ….الية العمل والمخاطر مختلفة ✅ #الدكساميثازون / #كيتبروفين / السؤال ...
09/08/2026

ثلاثة ادوية بقللو ليك #الألم و #الالتهاب ،ولكن ….
الية العمل والمخاطر مختلفة ✅

#الدكساميثازون / #كيتبروفين /

السؤال ..

متين استخدامها بكون صح ..ومتين استخدامها بكون مشكلة كبير ⁉️⁉️

قبل استخدام اي واحد فيهم لازم تسأل نفسك ..سبب الالم شنو ؟ والمرض العايز تعالجو ؟؟ والدواء الأقل خطورة للحيوان ؟؟

⛔️اولا نفهم الفرق بين #الكورتيكوستيرويد وال

▪️الكوتيكوستيرويد :
هو مضادات التهابات قوية جدا زي ( الدكسا ) ودا نوع من الادويه بشتغل ب سرعه واستجابة قويه في بداية الالتهاب ..ف بوقف وسائط التهابية كتيره ..عشان كدا تاثيره قوي وسريع ..بس مشكلتو (بثبط المناعة )

▪️ال NSAIDs
دي شغلها انها بتقلل من تاثير ال بروستاغلاندين وتثبط إنزيمات cox وب كدا شغلها الأساسي
- مسكن الم
- خافض حراره
- مضاد التهابات

🔹نمسك اي دواء براهو ✅

⭕️ #دكساميثازون Dexamethasone

طيب اولا تصنيفو انو هو #كورتيكوستيرويد قوي جدا ..
يعني مبدئيا كدا هو م NSAIDs

▪️ف شغلو الأساسي :
-الالتهابات والحساسيه الشديدة
-الوذمة والتهابات لمن تحتاج ل مضاد التهاب قوي
- بعض حالات الصدمة ( بعد التشخيص والبرتوكول )
- في حالات معينه في الإصابات المناعية

▪️نتحاشى استخدامه :
-إذا في عدوة فيروسية /بكتيرية / فطرية ..غير مسيطر عليها ( يعني منتشرة )
- إذا في جروح ( محتاجة التئام سريع )
- إذا الحيوان مصاب ب قرحة في المعدة
- ممنوع في الحمل في بعض الحالات حسب المرحلة

▪️ اهم مشاكل الدكسا :
بثبط المناعه ( يعني يوقف ليك مناعة الحيوان اتجاه العدوى ) / بآخر التئام الجروح
#بزيد نسبة #السكر في الدم ( عشان كدت مرات تستخدمو في حالة المجاعة
بزيد من خطر الإصابة ب القرحة

ومع الاستخدام الطويل بعمل حالة اسمها ( #كوشنغ ) ..زيادة الوزن والسوائل ( حبوب النجمه زي م بقولو النسوان )
وبعمل كبد للغدة الكظرية

يعني م نستخدمه ساااااي بدون م نعرف المشكله الأساسية ✅

⭕️ #كيتوبروفين Ketoprofen
هو NSAIDs مسكن الم + خافض حرارة + مضاد التهاب

▪️متين نستخدمه؟

* ألم والتهاب العضلات والمفاصل
* العرج والتهاب المفاصل
* الألم بعد العمليات الجراحية
* الحمى المصاحبة للالتهاب
* بعض حالات الألم الحاد

▪️متين نتحاشاه؟

* الجفاف الشديد أو نقص حجم الدم
* أمراض الكلى أو الكبد ( مهمة شديد )
* قرحة أو نزيف الجهاز الهضمي
* اضطرابات التخثر
* عند وجود خطر مرتفع للقرحة

▪️ف اكبر مشاكلو :

بعمل قرحة ونزيف معدي /ومعوي ..
إذا في جفاف بعمل مشاكل في الكلى /بعمل مشاكل في الكبد

بس هو عامة مستوى الأمان عندو احسن من الدكسا ✅

⭕️ #الفينايل Phenylbutazone
مشهور جدا خاصه في استخدامه #للخيول ..
هو مسكن الم ومضاد للالتهاب العضلي والهيكلي

▪️ متين نستخدمو ؟

* التهاب المفاصل
* العرج
* إصابات العضلات والأوتار والأربطة كجزء من العلاج
* الألم والالتهاب العضلي الهيكلي في الخيل

▪️متين تحاشاه؟

* الخيل المصاب بقرحة معدية أو تاريخ قوي للقرحة
* الجفاف
* أمراض الكلى
* أمراض الكبد
* وجود نزيف أو اضطرابات دموية
* الاستخدام الطويل بجرعات عالية

▪️مشاكلو

* قرح الجهاز الهضمي
* نزيف معوي
* بأذي الكلى
* نادرًا مشاكل دموية خطيرة مع الاستخدام المزمن
* عندو هامش أمان #أضيق عند الاستخدام المطول أو الجرعات العالية

⭕️ قاعدة ذهبية تفيدك :
م تجمع نهائيا بين = كيتبروفين + فينايل ❌

وم تجمع نهائيا بين = دكسا + فينايل او كيتبروفين ❌

انت كدا بتزيد من خطر الأصابة ب قرحة ونزيف في الجهاز الهضمي ومشاكل في الكلى 📛

ولو الحيوان اخد واحد فيهم .. م تستخدم التاني إلا بعد مراجعة فترة السحب ✅

في . بنوفر ليك المعلومة قبل العلاج ✅
والجودة بتحكي 🙏

#ادوية #علاج #بيطري #كسلا #بورتسودان #الخرطوم #القضارف #الجزيرة #عطبرة #مربيين #حيوانات

سؤال الليلة ⁉️نفترض جاك مربي ..وقال ليك افضل علاج #للديدان ياتو نوع ؟؟هل بتديهو اسم دواء مباشر ..ولا تحاول تسالو عشان ...
01/08/2026

سؤال الليلة ⁉️

نفترض جاك مربي ..وقال ليك افضل علاج #للديدان ياتو نوع ؟؟
هل بتديهو اسم دواء مباشر ..ولا تحاول تسالو عشان تديهو افضل نوع ل حالتو ⁉️⁉️⁉️
ولو أصر انو عايز نوع معين وهو أصلا م بشتغل في الحالة الشرحها ح تتصرف كيف ⁉️⁉️

طيب 👌

كلنا عارفين انو أنواعها كتيرة /وأشكالها مختلفة
و #استجابتها للادويه مختلفة 🤗

نشتغل ب #نفس العلاج ل كل الأنواع ❌

لانو اهم نقطة ..هي اختيار ✅

⭕️ طيب متين اختار علاج على حساب علاج تاني ⁉️

⭕️ #البندازول :
طبعا شغلو انو بمنع وصول #الجلكوز للطفيلي ف بمو*ت من الجوع ..

بتختاره لمن يكون :
- في خليط من الديدان
- برنامج التجريع الدوري
- لمن اشتبه في ديدان شريطيه

عيبه انو يشتغل على الديدان الكبدية #البالغة ( الصغيره م عندو تاثير عليها ❌)

م ينفع في حال في إصابة حديثه ب الفاشيولا / او الحيوان في الثلث الأول من الحمل ❌

⭕️ اليفاميزول :

بسبب شلل سريع للديدان ..ويطردها مع البراز
عشان كدا بتلاحظ تحسن سريع بعد العلاج بيهو

بتختاره :
- لمن تكون عايز تق*تل الديدان ب سرعة
- في حالة الإصابة الشديدة ب الديدان الأسطوانية
- في حالة وجود مقاومة للبنزيميدازولات

م ينفع يتخلط مع مركبات الفوسفات العضوية ❌
الجرعة الزايدة منو ممكن تعمل ( سيلان لعاب / ضيق تنفس / تشنجات / نفوق الحيوان )

⭕️ الاوكسيكلوزانايد :

تختارة :
- لمن تكون في اصابه ب الفاشيولا البالغة
- في حالة الإصابة ب البرافيستوما

لو كانت الفاشيولا عمرها اقل من 6 أسابيع ( العلاج م ح يدي نتيجة ) لانو م وصلت مرحلة انو تكون حساسة ل الدواء

⭕️ اليفبندازول :

من اكثر ادوية الطفيليات #امنا ✅
هو امن للحوامل / للصغار
فعال ضد الغارديا / الديدان الرئوية

عشان كدا بتستخدموا في كل الحيوانات ✅

⭕️ تريكلابندازول :

يعتبر

لانو يقضي على الفاشيولا ( كبيره / صغيره /متوسطة )

بتميز ب انو يقت*ل الفاشيولا الصغيرة قبل تصل ل القنوات الصفراوية ( ودي ميزه م متوفره في اي نوع تاني)

عشان كدا في موسم الأمطار ( هو افضل خيار ✅)

بتختاره : لمن تلاحظ أنيميا ونقص في الوزن / ووزمة اسفل الفك ( الفك الزجاجي )

#الخلاصة :

م كل ادوية #الفاشيولا تأثيرها واحد

- تريكلابندازول : يقتل الصغيرة والكبيرة.
- أوكسيكلوزانايد : يقتل الكبيرة فقط.
- ألبندازول : يقتل الكبيرة فقط وبكفاءة أقل من التريكلابندازو

#الامان :

- فينبندازول : الأعلى أمانًا.
- ألبندازول : جيد لكن أتجنب استخدامه في الثلث الأول من الحمل
- ليفاميزول : أقل هامش أمان ( م امن ) وواجب عليك الالتزام بالجرعة المظبوطه

- أوكسيكلوزانايد وتريكلابندازول : غالبًا الاتنين امنان في الجرعات الموصى بها



- إسهال مع هزال وشعر خشن : فكر أول شي في الديدان الأسطوانية → فينبندازول أو ليفاميزول أو ألبندازول

- أنيميا + وذمة تحت الفك + محل الرعي رطب او ممطر : فكر في الفاشيولا → تريكلابندازول (إذا كانت العدوى حديثة) أو أوكسيكلوزانايد (إذا كانت العدوى مزمنة)

- علاج موسمي للقطيع : استخدم برنامج يعتمد على تدوير المواد الفعالة (Rotation) لتقليل تطور مقاومة الطفيليات وما تكرر نفس المادة لسنوات متتالية ورا بعض

#اخيرا : ماف دواء واحد يعالج كل الطفيليات ( الديدان ) كلها ب فعالية 🤗✅

في بنوفر ليك المعلومة قبل العلاج ✅

#الذهبي #ادوية #ديدان #طفيليات #كسلا #الخرطوم #القضارف #بورتسودان #ابقار #ماعز #اغنام

سؤال الليلة ⁉️هل الفرق بين #البنسلين و #الاموكسسلين …فرق قوة / ولا فرق اختيار الأنسب ⁉️⁉️طبعا معروف #البنسلين ا...
30/07/2026

سؤال الليلة ⁉️

هل الفرق بين #البنسلين و #الاموكسسلين …فرق قوة / ولا فرق اختيار الأنسب ⁉️⁉️

طبعا معروف #البنسلين المكتشف قبل 90 عام من يومنا دا ..للان يتم استخدامه ب فعالية ✅

في حين انو تم صناعة انواع زات طيف أوسع زي ال #الاموكسسليين ✅

⭕️ البنسلين :
هو طبعا مضاد حيوي (ضيق ) الطيف / ونسميهو ( ملك البكتريا موجبة الغرام gram +)
هو بق*تل البكتيريا / اقل تاثير على الفلورة او البكتيريا النافعة

بس بتحلل ب سهولة في الأوساط الحمضية ( إذا اتاخد ب الفم )

⭕️ الاموكسسلين :
تم تطويره من عائلة البنسلينات / واسع الطيف
بصل ل عدد اكبر من الأنسجة
وفعال ضد عدد اكبر من البكتريا .. خاصة بعض ال سالبة للغرام gram -

الاموكسسلين قادر على اختراق أنسجة ( الرئة /الاذن /الجلد /البول /وبعض سوائل الجسم )

اما البنسلين يتركز اكتر في الدم والسوائل خارج الخلايا ..وبكون فعال جدا ادا البكتريا حساسة ليهو

مثلا إذا كان العدوى من بكتريا زي ( الستريبتوكوكس/ كلوستريديوم ) ..زي مرض ( التهابات الحافر / التيتانوس / الجروح الملوثه ب بكتريا لا هوائية / التهابات الرحم )

افضل نستخدم البنسلين ✅

لانو استخدامنا للاموكسسلين ( واسع الطيف ) ممكن تظهر مقاومة د انواع اخرى من البكتريا لانو مً محتاجين ليهو ✅

بس ممكن نستخدم الأموكسسلين في حالات ( الالتهابات التنفسية / المسالك البولية /التهابات الجلد والأنسجة الرخوة )

#معلومة

إذا البكتريا أصبحت مقاومة ل واحد فيهم .. التاني م ح يشتغل ❌
لانو هم بشتغلو ب نفس الآلية ( تثبيط تصنيع جدار الخلية )

⭕️ الخلاصة ..
م تسأل الأقوى ياتو … اعرف متين تستخدم ياتو واحد فيهم 🤗✅

في بنوفر ليك المعلومة قبل العلاج ✅

#الذهبي #كسلا #الخرطوم #ادوية #مربيين

نقص #الكالسيوم في الإضافات العلفية ..وإهمالك في تزويد المواشي بيهو ❌عارفين انو في بداية الولاده ..بحصل استهلاك ل الكال...
28/07/2026

نقص #الكالسيوم في الإضافات العلفية ..وإهمالك في تزويد المواشي بيهو ❌

عارفين انو في بداية الولاده ..بحصل استهلاك ل الكالسيوم بصل ل 30 غرام في اول دفعه من انتاج اللبن ⁉️
ودي كميه الجسم م بقدر يعوض الفقد دا

م بوقع الحيوان وبس 🚫
لا دا بعمل مشاكل اكبر ويمكن انت م بتلاحظ منها إلا سقوط الابقار بعد الولادة ب سبب حالة

لا في مشاكل بتحصل بس انت م بتكون ماخد بالك ..🚫

مثلا نقص الكالسيوم بعمل شنو تاني :
⭕️ احتباس المشيمة ( وغلط جدا انك تجرها ❌)
⭕️عسر في الولادة
⭕️ نفاخ الكرش
⭕️ إمساك
⭕️ ونقص إنتاجية اللبن
⭕️ والتهاب الضرع ( بصوره غير مباشره ب سبب انو الحلمه م بحصل ليها انقباض إذا في نقص كالسيوم )

السؤال 🤗

ليه م ينفع ندي الكالسيوم قبل الولادة مباشر ⁉️
وليه م بتحصل استجابه مرات لو الأبقار وقعت حتى لمن نعطي كالسيوم ⁉️

في بنوفر ليك المعلومه قبل العلاج ✅

زورنا وح نسعد ب خدمتكم 🙏

#الذهبي #كسلا #كالسيوم #علاج #حيوانات #مربين #ماشية #حلال #السودان #الخرطوم #القضارف #عطبره #اغنام

( #اوكسيتتراسيكلين ) ✅✅مهم جدا في حالات الجروح ( السطحية ) / وبعد الاخصاء /ازالة القرون / قطع الزيل / حالات ال Foot...
25/07/2026

( #اوكسيتتراسيكلين ) ✅✅

مهم جدا في حالات الجروح ( السطحية ) / وبعد الاخصاء /ازالة القرون / قطع الزيل / حالات ال Foot rot او تعفن الحافر / الجروح الناتجه من عض

السؤال ⁉️⁉️

ليه م بنستخدمو في الجروح العميقة ⁉️

وهل ينفع نستخدم البخاخ إذا كنت بستعمل بنسلين (حقن ) ⁉️
( لانو مادة الاوكسيتتراسيكلين بتقلل من فعالية البنسلين ) ⁉️

بتوفر ليك كل الادويه ب جودة عالية ✅

شاركونا رأيك ✅
واعملو شير عشان كلنا نستفيد ✅

#الذهبي #ادوية #علاج #ابقار #اغنام #حلال #ابل #كسلا #الخرطوم #القضارف #عطبرة

22/07/2026

مستعدين للخريف ⁉️

مجموعة #ادوية من المفترض تكون في اي #مزرعه او #صيدلية في فترة #الخريف ☔️💊

في بنوفر ليك كل الأدوية ب جودة وأسعار ممتازة ✅

#ادوية #الخريف #مربين #حيوانات ٪ #مزرعة #صيدلية #ابقار #اغنام #ماشية #حلال #كسلا #الخرطوم #السودان #القضارف

جمعة مباركة 🌙✨🔸️من سنن الجمعة: كثرة الدعاء فيه؛ فإنَّ فيه ساعة مستجابة، قال النبي -صلى الله عليه وسلم-: “إِنَّ فِي الْجُ...
17/07/2026

جمعة مباركة 🌙✨

🔸️من سنن الجمعة:
كثرة الدعاء فيه؛ فإنَّ فيه ساعة مستجابة،
قال النبي -صلى الله عليه وسلم-: “إِنَّ فِي الْجُمُعَةِ لَسَاعَةً، لَا يُوَافِقُهَا مُسْلِمٌ، يَسْأَلُ اللهَ فِيهَا خَيْرًا، إِلَّا أَعْطَاهُ إِيَّاهُ“ أخرجه مسلم

"اللهمَّ إنا نسألك فواتح الخير وخواتمه، وجوامعه، وأوله وآخره، وظاهره وباطنه، والدرجات العلى من الجنة"...... آمين


جمعة مباركة🌙✨

"""""""""""""""""""
✨✨

نحن في AL DAHABI VET نؤمن بأن #نجاح أي منتج يبدأ بوجود يفهم احتياجات السوق، ويعمل على تقديم المنتج بالطريقة الصحيحة...
16/07/2026

نحن في AL DAHABI VET نؤمن بأن #نجاح أي منتج يبدأ بوجود يفهم احتياجات السوق، ويعمل على تقديم المنتج بالطريقة الصحيحة ✅

ونؤكد أن السوق السوداني يمتلك فرصًا واعدة للنمو،مع احتياج مستمر لأدوية ولقاحات ومستلزمات بيطرية ذات جودة عالية👌✅

لذلك ندعو الشركات والمصانع البيطرية الإقليمية والعالمية إلى بناء شراكات حقيقية مع المؤسسات البيطرية السودانية، والمساهمة في إدخال منتجاتها إلى السوق السوداني من خلال وكلاء وشركاء موثوقين🤝✅

في AL DAHABI VET نرحب بالتعاون مع الشركات الراغبة في التوسع داخل السودان، ونسعى إلى بناء علاقات طويلة الأمد تقوم على الجودة، والثقة، وخدمة القطاع البيطري 📈✅

نفخر في AL DAHABI VET – مركز بانضمامنا إلى شبكة عملاء عبر وكيلها في السودان ، ونتطلع إلى توسيع آفاق التعاون مع المزيد من الشركات والمصانع البيطرية حول العالم

... 🤝

#عملاء #شركات #ادوية #بيطرية ٪ #السودان #كسلا

Address

Kassla
Kassala

Opening Hours

Monday 07:30 - 16:00
Tuesday 07:30 - 16:00
Wednesday 07:30 - 16:00
Thursday 07:30 - 16:00
Saturday 07:30 - 16:00
Sunday 07:30 - 16:00

Telephone

+249121507820

Website

Alerts

Be the first to know and let us send you an email when AL-Dahabi Vet /الذهبي البيطرية posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to AL-Dahabi Vet /الذهبي البيطرية:

Shortcuts

Share

Category