22/06/2026
الوقاية خير من العلاج.
كلنا عندنا الصاحب البتكون ما متذكر آخر مرة هو مرض متين، لا رياضي شديد و لا متبع نظام معين بس ما بمرض إلا كل كم شهر أو ممكن لو مرض تكون نزلة عابرة و خلاص من دون أي علاج.. ممكن تكون دا أنت زاتك الصاحب دا
المميز في الصاحب دا أنه دايما في حاله و بتحس بيه ما مدي الدينا اهتمام و ما بتخلع و بشيل هم زي كل الناس في السخانة تلقاه عادي ما متضايق.
و دا أهم أسباب الحفاظ على الصحة التقليل من التوتر و القلق وديل حاجتين مسؤل منهم هرمون "الكرتزون"
Cortisol:
تأثر الهرمون دا كالآتي
عند التعرض للقلق أو الخطر:
يرفع مستوى السكر في الدم لتوفير الطاقة.
يزيد اليقظة والتركيز.
يرفع ضغط الدم ومعدل ضربات القلب.
و اشياء أخرى بس دي المهمة لأنه اتخيل عندك عربية ٢٤ ساعة مدورة و المكنة ما بتقيف أبدا!
العربية ح تبوظ و كل ما تصلحها و ترجع لطريقة الاستخدام الأولى ح تبوظ تاني و تالت و عاشر
دا البيحصل لم تكون عايش في توتر و فرط تفكير (over thinking)
إجهاد مستمر للجسد ف بتلقى المرض بيظهر بصورة مستمرة لأنه الجسم ما بيرتاح أبدا
و الحاجة دي زي ما في ارتفاع هرمونات الغدة و لو الإنسان بستخدم الكرتزول من برا زي مساحيق التجميل.. الخ
ف العايز أقوله أنه كونك تقلل من التوتر و القلق في حياتك ما شي ساهل بس لو نجحت فيه ح تعيش مرتاح نفسيا و بدنيا في خليها على الله يأتي بها كما يشاء ✨
تاقي صحبك الشايل هم الدنيا كله على كتفه عشان يهون عن نفسه شوية
و شارك البوست مع من تحب ✅
