مركز أنسام العافية الطبي

مركز أنسام العافية الطبي 💙 رعاية صحية متكاملة بأيدي نخبة الاستشاريين والأخصائيين.
📍 جميع التخصصات الطبية في مكان واحد.
📞 للحجز والاستفسار: 0962389108

كيف تكافح حمى الضنك في موسم الخريف بثلاثة خطوات بسيطة ؟💦☑️ 1. اقتل البعوض: غطي خزانات الموية + وغسل مواعين الموية وغ...
31/08/2026

كيف تكافح حمى الضنك في موسم الخريف بثلاثة خطوات بسيطة ؟💦

☑️ 1. اقتل البعوض:
غطي خزانات الموية + وغسل مواعين الموية وغير الموية كل 3 ايام البعوضة بتبيض في أي حته فيها موية حتى لو غطاء قارورة البارد.

☑️ 2. احمي نفسك:
البس كم طويل + استخدم الناموسية
رش البيت الصباح والعصر

☑️ 3. نظف الحلة:
ما تخلي موية راكدة قدام بيتك واردم الحفر ومكان توالد الباعوض اول بأول و طبق مبدأ الوقاية أرخص من العلاج

ولو شاكي عندك أعراض تعال نفحص ليك في مركز انسام العافيه 💉
الفيحاء مربع 1 شارع الحاج يوسف الرئيسي أمام أستوب شارع واحد

0962389108
0113894394

🍎 3 أخطاء بتضعف مناعة طفلك:1. العصائر المعلبة= سكر بس بدون فايدة البديل: فاكهة + موية2. الشيبس والشوكولاتة قبل الأكل ...
29/08/2026

🍎 3 أخطاء بتضعف مناعة طفلك:

1. العصائر المعلبة= سكر بس بدون فايدة
البديل: فاكهة + موية

2. الشيبس والشوكولاتة قبل الأكل
بتقفل شهيته للأكل المفيد

3. إجبار الطفل على الأكل
بيعمل عقدة وبيكره الأكل

الحل: صحن ملون فيه خضار + بروتين + نشويات
طفل قوي = مستقبل قوي ❤️

موقعنا :الفيحاء مربع 1 شارع الحاج يوسف الرئيسي أمام أستوب شارع واحد

لمقابله دكتور الأطفال التواصل في أرقام المركز
0962389108
0113894394

👁️ متين آخر مرة فحصت نظرك؟ 90% من الناس بتكتشف مشاكل النظر متأخر والسبب؟ "بشوف كويس" 😅في مركز انساام العافية الطبي وفرنا...
28/08/2026

👁️ متين آخر مرة فحصت نظرك؟

90% من الناس بتكتشف مشاكل النظر متأخر
والسبب؟ "بشوف كويس" 😅

في مركز انساام العافية الطبي
وفرنا ليك أفضل أخصائيين العيون في الخرطوم :

1️⃣ د. مآب طارق مغربي
أخصائي بصريات
• فحص شامل لمستوى النظر
• فحص عضلات العين والحول
• بأحدث الأجهزة والتقنيات البصرية

2️⃣ د. فريال عبدالله إبراهيم
أخصائي طب وجراحة العيون
• فحص شامل لأمراض العيون
• تشخيص بأحدث الأجهزة
• علاج ومتابعة الحساسية والجفاف والالتهابات

📍 العنوان: الفيحاء مربع 1 شارع الحاج يوسف الرئيسي
أمام أستوب شارع واحد

📞 احجزي الآن:
0962389108
0113894394

السؤال المهم:

شنو أكتر حاجة بتضايقك في نظرك؟
صداع؟ زغللة؟ دموع؟

اكتبي لينا في التعليقات و الدكاترة حيردوا عليك 👇

قسم جديد خبرات جديدة ✨ عيادة العيون 👀 من مركز أنسام العافية 🌸يسر مركز أنسام العافية الطبي ان يعلن عن استقبالكم في عيادة...
26/08/2026

قسم جديد خبرات جديدة ✨
عيادة العيون 👀 من مركز أنسام العافية 🌸

يسر مركز أنسام العافية الطبي ان يعلن عن استقبالكم في عيادة العيون والبصريات 🌸

مع اختصاصي طب وجراحة العيون
👩‍⚕️ د. فريال عبدالله إبراهيم

و أختصاصي البصريات
👩‍⚕️ د. مآب طارق مغربي

📅 ابتداءً من الخميس الموافق 28/8/2026
📞 للحجز والاستفسار :
0113894394
0962389108

وما تنسى تعمل متابعة عشان تعرف مواعيد العيادات وأحدث الخدمات😊 .

🚨 بتدخل الحمام كتير؟ التبول المتكرر مرات بنعتبره حاجة عادية، ومرات بكون من اوائل اعراض ارتفاع السكر .لما مستوى السكر في ...
24/08/2026

🚨 بتدخل الحمام كتير؟

التبول المتكرر مرات بنعتبره حاجة عادية، ومرات بكون من اوائل اعراض ارتفاع السكر .

لما مستوى السكر في الدم يعلى، الجسم بحاول يتخلص من السكر الزائد عن طريق البول، وده بخلّي كمية البول تزيد، وبالتالي بتحس إنك محتاج تدخل الحمام بصورة متكررة.

🩺 شنو الأعراض الممكن تجي مع ارتفاع السكر؟
• عطش شديد ومستمر
• تبول متكرر، خاصةً بالليل
• جوع أكتر من المعتاد
• تعب وإرهاق
• زغللة في النظر
• نقصان وزن بدون سبب واضح

⚠️ لكن مهم تعرف: التبول المتكرر ما معناتو بالضرورة إنك مصاب بالسكري، لأنو ممكن يحصل لأسباب تانية.

لو الأعراض دي متكررة أو ظهرت فجأة، الأفضل تعمل فحص للسكر وتستشير طبيب الباطنية بدل ما تعتمد على التخمين.

💙 صحتك ما بتستنى… لو في حاجة مقلقاك، الكشف المبكر بيفرق.

📍 راجع عيادة الباطنية في أنسام العافية مع أمهر الأطباء واحجز موعدك.

قسم النساء والتوليد في أنسام العافية 🤍🌷في قسم النساء والتوليد في أنسام العافية، بنوفر ليك متابعة ورعاية طبية مع نخبة من ...
22/08/2026

قسم النساء والتوليد في أنسام العافية 🤍🌷

في قسم النساء والتوليد في أنسام العافية، بنوفر ليك متابعة ورعاية طبية مع نخبة من الأطباء، بمواعيد مختلفة عشان نكون أقرب ليك:

🧑🏻‍⚕️ د. يحيى سالم ، إستشاري النساء والتوليد
📅 الأحد والأربعاء
⏰ 3 – 5 مساءً

👩‍⚕️ د. مهيرة أحمد، أختصاصي النساء والتوليد
📅 الأحد والخميس
⏰ 1 – 5 مساءً

👨‍⚕️ د. محمد ميرغني ، إستشاري النساء والتوليد
📅 الأحد والثلاثاء
⏰ 7 – 10 مساءً

👨‍⚕️ د. علي محمد علي، استشاري النساء والتوليد
📅 السبت والاثنين والأربعاء
⏰ 9 صباحًا – 2 ظهرًا

📍 موقعنا ىالفيحاء – مربع 1 – شارع الحاج يوسف الرئيسي – أمام أستوب شارع واحد.

📞 للحجز والاستفسار، تواصلي معانا الآن واحجزي موعدك.
0962389108 ، 0113894394

أنسام العافية… صحتك أولويتنا 🤍

بتعرف شنو عن المغص الكلوي؟ 👀🩺المغص الكلوي غالبًا بكون بسبب حصوة في المسالك البولية، ووجعو عندو علامات ممكن تميّزو عن آلا...
20/08/2026

بتعرف شنو عن المغص الكلوي؟ 👀🩺

المغص الكلوي غالبًا بكون بسبب حصوة في المسالك البولية، ووجعو عندو علامات ممكن تميّزو عن آلام البطن الناتجة من مشاكل الجهاز الهضمي.
والبميز المغص الكلوي انه الألم غالبًا بكون شديد، ويجي على شكل نوبات فجائية ، يبدأ من الجنب أو أسفل الظهر وممكن يمتد للبطن أو المنطقة السفلية.

وممكن يصاحبو:
• طمام واستفراغ
• حرقان أو وجع أثناء التبول
• دم في البول
• إحساس متكرر بالرغبة في التبول

الفرق بين المغص الكلوي و مغص البطن العادي:
المغص البطني ممكن يكون مرتبط بالغازات أو عسر الهضم ومشاكل الجهاز الهضمي، وغالبًا يصاحبو انتفاخ أو تغيّر في التبرز، حسب السبب.

⚠️ لكن ما كل وجع في الجنب بنقول عليه مغص كلوي، والتشخيص الصحيح محتاج كشف وفحوصات.

ولو الألم شديد ومعاه سخانة، استفراغ متواصل، دم في البول، أو صعوبة في التبول، ما تنتظر و أمشِ اكشف لانه الحصوات الكلوية كل ما كان اكتشافه ابدر كان أفضل وعلاجه أسهل و أيسر .

📍 ولو استفدت من البوست ما تنسى تعمل متابعة و شيرك بفيد غيرك.

🚨 عيادات الخميس… دكاترتنا في انتظارك احجز موعدك واطمن على صحتك !بكرة الخميس منتظرنكم في أنسام العافية في العيادات ال...
19/08/2026

🚨 عيادات الخميس… دكاترتنا في انتظارك
احجز موعدك واطمن على صحتك !

بكرة الخميس منتظرنكم في أنسام العافية في العيادات التالية: 🩺🤍

👶🏽 عيادة الأطفال
🩺 عيادة الكلى والمسالك البولية
👩🏽‍⚕️ عيادة النساء والتوليد
🧑🏻‍⚕️ عيادة الباطنية والغدد الصماء

📌 تفاصيل الأطباء ومواعيد كل عيادة موجودة في الصور المرفقة 👇🏽

📍 موقعنا: الفيحاء مربع 1 شارع الحاج يوسف الرئيسي أمام أستوب شارع واحد

📲 للحجز والاستفسار:
0962389108 | 0113894394

احجز موعدك وخلي صحتك أولية! 💙

نقص فيتامين د… بتعرف عنو شنو؟ 👀☀️ناس كتيرة بتسمع عن نقص فيتامين د، لكن هل بتعرف أعراضه؟ أسبابه؟ وكيف بيتعالج؟☀️ الأعراض ...
18/08/2026

نقص فيتامين د… بتعرف عنو شنو؟ 👀☀️

ناس كتيرة بتسمع عن نقص فيتامين د، لكن هل بتعرف أعراضه؟ أسبابه؟ وكيف بيتعالج؟

☀️ الأعراض المميزة ليه:
• تعب وإرهاق
• ضعف أو آلام في العضلات
• آلام في العظام
• ضعف المناعة وتكرار الإصابة بالأمراض

🔎 شنو ممكن يسبب نقص فيتامين د؟
• قلة التعرض للشمس
• عدم الحصول على كمية كافية من فيتامين د من الغذاء
• مشاكل في امتصاص الفيتامين
• بعض الحالات الصحية أو الأدوية

🩸 كيف نعرف عندنا نقص؟
الأعراض وحدها ما بتكفي. فحص مستوى فيتامين د في الدم بيساعد في تأكيد النقص وتحديد درجته.

💊 والعلاج؟

هنا ده المهم 👇🏽 علاج نقص فيتامين د ما زي باقي الفيتامينات والمكملات.
فيتامين د عنده جرعة وتركيز وطريقة استخدام ومدة محددة حسب مستوى النقص وحالة الشخص وعمره ووزنه عشان كده لازم تلتزم بالجرعة المقررة ليك وطريقة تعاطيها بدون اي زيادة او نقصان.

⚠️ و ما تبدأ جرعات عالية من نفسك؛ لأن زيادة فيتامين د ممكن تسبب مشاكل صحية.

الخلاصة:
📣 عندك نقص فيتامين د أو شاكك إنو عندك؟ ما تخمّ وما تاخد علاج من عندك، افحص اتأكد والتزم بالعلاج!
وما تنسى تعمل إعجاب و متابعة 😊.

💬 سؤال أخير هل كنت عارف إنو فيتامين د عندو جرعة وطريقة علاج محددة؟

بتلتزم بتفاصيل الدواء ولا انت من ناس 👀نسيت اخد الجرعة في زمنه … آخدها هسى؟ ✖️ ما ضروري اكمل الدواء اصلا حاسي بقيت كويس؟ ...
17/08/2026

بتلتزم بتفاصيل الدواء ولا انت من ناس 👀
نسيت اخد الجرعة في زمنه … آخدها هسى؟ ✖️
ما ضروري اكمل الدواء اصلا حاسي بقيت كويس؟ ✖️
نسيت حبة الصباح أخد حبتين مع بعض عشان أعوض! ✖️

التعامل مع الدواء بالطريقة الخطأ وبدون التزام بتنبيهات الصيدلي ممكن يعمل مشاكل أكتر مما تتوقع.

💊 بعض الأدوية لازم تتاخد في مواعيد محددة عشان تحقق أفضل فعالية، والأهم:

❌ ما تضاعف الجرعة من نفسك.
❌ ما توقف علاج موصوف ليك لمجرد إنك حسيت بتحسن.
❌ وما تعتمد على تجارب الناس في تحديد جرعتك.

📌 لأن كل دواء عنده تعليماته الخاصة، ولو نسيت جرعة أو محتار في طريقة استخدام الدواء، اسأل الطبيب أو الصيدلي بدل الاجتهاد.

💙 صيدلية أنسام العافية موجودة عشان تساعدك تفهم دواءك وتستخدمه بالطريقة الصحيحة.

📍 مرّ علينا في صيدلية أنسام العافية واستفسر من الصيدلي عن دوائك.

إنت أكتر حاجة بتخليك تنسى الدواء شنو؟
الزحمة؟ النوم؟ ولا بتفتكر بعد ما الوقت يعدي؟ 👇🏽

ً

Address

شرق النيل/الفيحاء مريع (١) أمام استوب شارع واحد
Khartoum

Website

Alerts

Be the first to know and let us send you an email when مركز أنسام العافية الطبي posts news and promotions. Your email address will not be used for any other purpose, and you can unsubscribe at any time.

Shortcuts

Share

Category