22/07/2026
لمـا نسمـع كـلمة تـوتـر اول حاجـة بتـجي في بالـنا
زول قلـقان أو خـايف أو واضـح عليه عـلامات الانـزعاج
ودا ما دائما صاح لأنو مـرات التـوتر بظهـر بلغـة الجـسم
ممـكن تلـقى نفـسك:
▪️ بتصحى تـعبان مع إنك نمت ساعات كفاية
▪️ عضلات رقبـتك وكتوفك مشدودة طول الوقت
▪️ بتضغط على أسـنانك بـدون ما تنتبه
▪️ صـداع متـكرر بدون سبـب عضوي واضح
▪️ دقـات قـلبك بتـزيد مع مـواقف بسـيطة
▪️ ما قـادر ترتاح ولا تقعـد بـدون ما تكون مشغول.
و لـمن الضغط النفسي يسـتمر لفترة الجسم بكـون في حـالة استـعداد كـأنو في خطـر ، ويفـرز هرمونات الـتوتر
ومـع الـزمن
ممـكن يأثر عـلى النوم، والتركيز، والمزاج، وحتى الصحة الجسدية
لـو جسمك بـقى يرسل ليـك نفس الإشـارات كـل يـوم ، اسـأل نفـسك السـؤال دا المشـكلة في جـسمي ،، ولا في الضغـط النفـسي البمـر بيـه؟
لأنـو مـرات
الصـداع ، وشد العضـلات ، حتى قـلة النوم مـرات ما بتكون هي المشـكلة
كـلها ممكـن تكون رسائـل من جـسمك بـتقول إنو الضغط النفسي بقى أكبـر من قدرتك على التـحمل
وأنـو تفهـم السـبب الحـقيقي هـو أول خـطوة عشان تتعامل مع التوتر
لو وصلت لحد هنا، اكتب "مهتم" في التعليقات، وقول لينا شنو الموضوع النفسي البتتمنى نشرحو بطريقة بسيطة؟
