30/01/2026
السلام عليكم ورحمة الله،
جاينكم بإعلانين مهمين جداً
ونقطة تحوّل حقيقية في مسارنا بإذن الله.
لكن قبل أي إعلان،
خلوني أحكي ليكم قصتنا … باختصار.
________________________________________
قصة اكاديمية بوستقراديويت
PostGraduate Academy
الفكرة في البداية
ما كانت أكاديمية
ولا مشروع كبير يصل العدد دا من الناس
القصة بدأت من المستشفى.
مع الدكاترة الجديدين.
مجهودهم كبير
لكن دايماً تايهين في أول يوم.
الموضوع دايما ما كان ما أنهم ما فاهمين، او ما عارفين
لكن لأن في فجوة حقيقية بين الجامعة والواقع
والتوجيه في المرحلة دي ضعيف جداً
من هنا بدأت الرحلة.
بحكم حبي للتعليم والتعلُّم،
بدأت بمحتوى بسيط،
شرح عملي،
كلام من أرض المستشفى،
بدون تعقيد
ولا تنظير
وسمّيناها مبادرة بوستقراديويت
والاسم ذاته كان بيحكي الفكرة
________________________________________
كيف وصلت لأكاديمية؟
التفاعل كان أكبر من المتوقع،
وفهمنا إنو المشكلة حقيقية
والاحتياج أكبر مما كنا متخيلين
ومن هنا تحولت المبادرة إلى
PostGraduate Academy.
وأخذنا قرار واضح من البداية:
🔹 الأكاديمية تكون مجانية
عشان أي طبيب يقدر يتعلم ويتطور بدون عائق ، و ادينا فرص منح لاكتر من 5000 طبيب و طبيبة
________________________________________
التحدي الحقيقي
مع توسع المحتوى
وزيادة التكاليف
كان لازم نلقى طريقة نكمل
بدون ما نخالف المبدأ الأساسي
في البداية فكرنا في رسوم رمزية لدخول المنصة،
لكن لقينا إنو دا حيكسّر الفكرة من أساسها ، وقرارنا البدينا بيهو
حتى الرسوم الرمزية
في ناس ما حتقدر عليها،
وبالتالي ما حتشارك ولا تستفيد
وبعد اجتهاد وتفكير طويل ...
وصلنا للحل ...
________________________________________
🔔 الإعلان الأول
أكاديمية PostGraduate
ستظل مجانية دائماً بإذن الله تعالى.
أي محتوى
يساعدك تكون طبيب أفضل
وتتعامل مع المرضى بثقة
حيكون محدّث، متجدد، ومجاني بالكامل و دائما.
________________________________________
🔔 الإعلان الثاني (حل الاستمرارية)
لأن تكاليف الاستضافة والتطوير عالية،
حنخصص جزء صغير جداً داخل الأكاديمية:
للناس الدايرة تدريب أعمق
وصول أسرع للمعلومة
دعم مباشر وتفاعل أعلى
نقدر نسميه:
الجزء المتقدم أو الخطوة البعيدة. كدورة مدفوعة
وده حيكون بدون ما نحرم أي زول من التعليم وبتكون الفرصة متساوية للجميع و منح مجانية برضو زي ما دايما متعودين.
________________________________________
نحن شاكرين جداً لكل الدعم
ومستنينكم معانا في رحلتنا الطويلة
نحو النمو، التطوير، وسد الفجوة
في التعليم الطبي بعد التخرج
وزي ما دايما بنقول " خطوة خطوة بنمشي ميل
________________________________________
📌لمعرفة التفاصيل ادخل على قناتنا عبر الرابط التالي
https://whatsapp.com/channel/0029VaE8nb29cDDeq5FLDp09
________________________________________
Follow Ahmed Omer _ احمد عمر's WhatsApp channel. في انتظارك على الرابط التالي: https://linktr.ee/ahmed.omer.elrayah
طبيب باطني و محاضر جامعي | رائد في التعليم الطبي 🎓 | صانع محتوى وشغوف بريادة الأعمال. Join 12K followers for the latest updates.
