17/07/2026
نصيحة لأي زول داخل المجال الطبي:
لو هدفك النجاح، ابعد من شِلليات الجامعة.
وأنا لو الزمن رجع بي، ما حأعمل أصحاب في الجامعة من الأساس.
ليه؟
لأنك مهما افتكرت إنك عرفت الناس، إنت ما بتعرف دواخلهم. ممكن تضحك مع زول سنين، وفي لحظة المنافسة يطلع منك حقد أو حسد أو شماتة ما كنت متوقعها.
الجامعة مكان منافسة قبل ما تكون مكان صداقات، وكل ما كبرت دائرتك، كل ما كترت المشاكل، والوجع، وضياع الزمن.
اعرف الناس، سلم عليهم، ساعدهم، وخليك محترم مع الجميع... لكن احتفظ بمسافة آمنة.
وبرضو ابعد من الاحتكاك الزائد بالدكاترة. اعمل المطلوب منك، احترمهم، واتعلم منهم، لكن خليك مهني. ما كل الناس بتتقبل التميز بنفس الطريقة، وأحيانًا كثرة الاحتكاك بتجيب ليك مشاكل إنت في غنى عنها.
ولو عايز تنجح فعلًا:
- ركز على مستواك العلمي أكثر من علاقاتك.
- اكتم أهدافك لحد ما تحققها.
- ما تدخل في قروبات ودراما الجامعة.
- خلي إنجازاتك هي البتتكلم عنك، ما كلام الناس.
دي قناعتي وتجربتي: كل ما كانت دائرتك أصغر، كان ذهنك أهدى، وتركيزك أكبر، وفرص نجاحك أفضل.
