Oral Cancer Initiative-Sudan

Oral Cancer Initiative-Sudan Contact information, map and directions, contact form, opening hours, services, ratings, photos, videos and announcements from Oral Cancer Initiative-Sudan, Medical and health, Khartoum.

مبادرة سرطان الفم – السودان هي مبادرة صحية غير ربحية تهدف إلى تحسين نتائج مرضى سرطان الفم في السودان من خلال تعزيز الوعي، والكشف المبكر، ودعم البحث العلمي، وبناء قدرات الكوادر الصحية.

ورا المراية.. ليه زيارة دكتور الأسنان ممكن تكون الخط الفاصل بين الحياة والموت؟ 🦷🕵️‍♂️في الأسبوع الفات اتكلمنا عن "فحص ال...
17/07/2026

ورا المراية.. ليه زيارة دكتور الأسنان ممكن تكون الخط الفاصل بين الحياة والموت؟ 🦷🕵️‍♂️

في الأسبوع الفات اتكلمنا عن "فحص الجمعة" وعرفنا كيف نفتش خشمنا في البيت. الخطوة دي ممتازة ومهمة شديد، لكن الحقيقة العلمية بتقول: العين المجردة قدام مراية الحمام ما كفاية براها!

ليه؟ لأنو سرطان الفم بيمارس أبشع أنواع الخداع البصري. في بداياته الأولى، ممكن يظهر في شكل تغيّر مرضي صغيروني شديد، أو بقعة ناعمة ما بتوجع نهائي، وقاعدة في حتات ورا جوة الحلق أو تحت اللسان، مستحيل تقدر تشوفها بوضوح براك مهما فتحت خشمك.

🔍 أهم 3 أسباب علمية بتخلّي زيارتك الدورية للدكتور ضرورية وما بتتعوض:

1️⃣ صيد الأورام الصامتة (الما بتوجع): سرطان الفم والتغيرات المرضية في بداياتها بتكون صامتة تماماً وما فيها أي نوع من الألم. انتظارك للوجع عشان تمشي للدكتور هو أكبر فخ! الفحص الدوري بيلقط المشاكل دي وهي لسة مجهرية وفي أولها.

2️⃣ كشف الحتات الميتة (الخارج نطاق الرؤية): في حتات خطيرة جوة خشمك مستحيل تقدر تشوفها بوضوح قدام مراية البيت، زي حواف اللسان الخلفية، قاع الفم تحت اللسان، وعمق الحلق. الدكتور بيمتلك الإضاءة، المرايات التخصصية، والأدوات البتكشف الحتات الضلمة دي كلها.

3️⃣ الأشعة واللمس الطبي (كشف المستخبّي تحت الجلد): في أورام بتبدأ تحت الغشاء المخاطي من غير ما تعمل قرحة واضحة، وفي أورام بتاكل العظم حول جذور الأسنان (ذوبان العظم الخبيث). الدكتور بيفحص خشمك باللمس الطبي الدقيق وبيعمل أشعة (X-ray) عشان يتأكد إنو الأسنان المخلخلة ما وراها مصيبة تانية تحت العظم قبل ما يستعجل ويخلعها.

🚨 تنبيه خطير ومهم من كتاب البروفيسور أحمد محمد سليمان: البروفيسور بيكد على نقطة في غاية الأهمية بتخص الدكاترة والعيانين سوا:

"المماطلة والتأخير في تحويل المريض العنده تغيّر مرضي مشتبه فيه لغاية ما يخلص علاج الأسنان الترميمي (زي الحشوات وتنظيف اللثة)، هو سلوك غير أخلاقي تماماً من طبيب الأسنان".

يعني لو مشيت للدكتور وعندك قرحة كملت 3 أسابيع، والدكتور انشغل بإنو يعمل ليك حشوة أو تنظيف لثة وقال ليك "بعدين نشوف القرحة دي"، اقطع الشك طوالي واطلب منو يحولك لأخصائي وجه وفكين! خروج المرض برة الفم لوصوله لغدة واحدة بس في الرقبة بيقلل فرص الشفاء بنسبة 50%.

💡 الخلاصة: فحصك لروحك في البيت كل جمعة هو خط دفاعك الأول، لكن زيارتك الدورية لدكتور الأسنان مرتين في السنة هي صمام الأمان البيكشف المستخبّي ويحميك بجد.

📢 مهم جدًا: لو لاحظت قرحة أو تورم أو بقعة داخل الفم وما اختفت خلال 3 أسابيع (21 يوم) ← لازم تمشي طبيب الأسنان فوراً.

انتبه للعلامات دي: • قرح ما بتلتئم • تورم أو كتل في الفم أو الرقبة •بقع بيضاء أو حمراء • تنميل أو ألم بدون سبب واضح • صعوبة في البلع أو مضغ الطعام • تغيّر مستمر في الصوت

#السودان

خشمك ما بس بيساعدك تاكل وتتكلم.. خشمك ده هو نظام الإنذار المبكر المدمج في جسمك! 🚨على عكس سرطانات الأعضاء الداخلية البتتخ...
10/07/2026

خشمك ما بس بيساعدك تاكل وتتكلم.. خشمك ده هو نظام الإنذار المبكر المدمج في جسمك! 🚨

على عكس سرطانات الأعضاء الداخلية البتتخسّس وتكبر جوة الجسم من غير ما زول يشوفها، سرطان الفم ميزته الكبرى إنو مرئي ومكشوف للعين، وممكن تلاحظ أي تغير فيهو بنفسك وبكل سهولة قدام المراية.

وزي ما بيبّين البروفيسور أحمد محمد سليمان في كتاباته وأبحاثه:
"من بين كل الخطوات الطبية والمجتمعية لمحاربة سرطان الفم، ما في حاجة بتنقذ الأرواح وتزيد نسب الشفاء زي الاكتشاف المبكر".

المشكلة الكبيرة وين؟ إنو سرطان الفم في بداياته بكون ما فيه أي وجع تماماً! وبيظهر بشكل خداع كأنه قرحة عادية أو تخريش بسيط. عشان كده، لازم نغلب الخداع ده بالوعي، ونحول الفحص الذاتي لعادة ثابتة في حياتنا.

⏱️ جمعتك مباركة.. وفحصك دوري:
عشان ما تنسى وتلخبط الأيام، خلي كل يوم جمعة قبل الصلاة هو موعدك الثابت والروتيني لفحص فمك. 5 دقائق بس من وقتك كل جمعة ممكن تحمي صحتك وصحة أهل بيتك وتغير واقع المرض في السودان.
🔍 خطوات الفحص الذاتي في 5 دقائق (اعملها كل جمعة):

اقيف قدام المراية في حتة إضاءتها قوية، غسل يدينك كويس وابدأ بالترتيب ده:

1️⃣ الشفايف: جر شفتك التحت على تحت، والفوق على فوق. عاين والمس، فتش عن أي قرحة، بقعة، أو حتة ناشفة وتخينة.
2️⃣ الخدود من جوة: افتح الخد بيدك وعاين للبطانة من الجهتين، اتأكد إنها ناعمة ووردية وما فيها بقع بيضاء ليدّية أو حمراء قطيفية.
3️⃣ اللثة: عاين لخط اللثة الفوق والتحت، مرر إصبعك عليها وفتش عن أي ورم، تغير مرضي في الشكل، أو خلخلة فجائية في ضرس واحد.
4️⃣ اللسان (المكان الأكثر خطورة): طلع لسانك لبرة. امسك طرفه بمنديل نظيف وجرّه براحة لأقصى اليمين عشان تشوف الحافة الجانبية كاملة لغاية جوة، وبعدها جره للشمال. (حواف اللسان هي أكتر الحتات المعرضة للإصابة بالسرطان).
5️⃣ قاع الفم: ارفع لسانك فوق لسقف الحنك وعاين للمنطقة التحت اللسان، والمسها بإصبعك اتأكد إنها لينة وما محجرة ولا فيها أي كتلة.
6️⃣ سقف الحنك وعمق الحلق: رجّع راسك وراك وعاين لسقف الفم، وافتح خشمك كبير واعمل صوت (آآآه) عشان تشوف عمق الحلق واللهاة بوضوح.
7️⃣ الرقبة وتحت الفك: مرر أصابعك واضغط براحة بحركة دائرية على جوانب الرقبة وتحت الفك، فتش عن أي غدة ليمفاوية كبرت أو كتلة جديدة ناشفة بتتحرك بدون وجع.

📢 مهم جدًا :
لو لاحظت قرحة أو تورم أو بقعة داخل الفم وما اختفت خلال 3 أسابيع (21 يوم) ← لازم تمشي طبيب الأسنان فوراً.
انتبه للعلامات دي:
• قرح ما بتلتئم
• تورم أو كتل في الفم أو الرقبة
• بقع بيضاء أو حمراء
• تنميل أو ألم بدون سبب واضح
• صعوبة في البلع أو مضغ الطعام
• تغيّر مستمر في الصوت

#السودان

قانون الـ 21 يوم.. ليه دقيقة واحدة زيادة ممكن تغيّر مجرى حياتك بالكامل؟ ⏱️🛑 الحقيقة العلمية وراء أهم وقت في تشخيص سرطان ...
03/07/2026

قانون الـ 21 يوم.. ليه دقيقة واحدة زيادة ممكن تغيّر مجرى حياتك بالكامل؟ ⏱️🛑 الحقيقة العلمية وراء أهم وقت في تشخيص سرطان الفم.

في الأسابيع الفاتت، اتكلمنا عن مسببات الخطر وعلامات المرض الصامتة. الليلة وصلنا للمحطة الأهم في دليلنا التوعوي كله، وهي: عامل الزمن وقاعدة الـ 3 أسابيع (21 يوم).

لو سألنا أي زول: بتستنى كم لو ظهرت ليك قرحة أو تتغيّر في خشمك؟ الأغلبية حتقول ليك: "بستناها شهر، شهرين، أو لغاية ما توجعني بعدين أمشي الدكتور!" علمياً وطبياً، الكلام ده هو السبب الأساسي المخلّي 94% من أهلنا في السودان يصلوا مستشفيات جراحة الوجه والفكين متأخرين شديد وفي المرحلة الرابعة!

🧬 البيولوجيا بتقول شنو؟ ليه 3 أسابيع بالظبط؟
ربنا خلق خلايا الغشاء المخاطي المبطن للخشم عندها قدرة رهيبة وسريعة على التجدد والالتئام. لو اتجرحت بسبس أكل حار، أو سن حادة، أو حتى قرحة عادية، الخلايا بتبدأ تبني نفسها طوالي وبتقفل الجرح تماماً في فترة أقصاها أسبوعين لـ 28 يوم.

لما تمر 3 أسابيع كاملة (21 يوم) والقرحة، أو التورم، أو البقعة الحمراء أو البيضاء لسة قاعدة في مكانها وما اتغيرت ولا بدأت تقفل.. هنا المنبّه البيولوجي بيضرب طوالي! ده معناهو الخلايا دي فقدت السيطرة الطبيعية، وما قادرة ترمم نفسها، وفي تحور جيني داخلي بيحصل ببطء جوة النواة.

⚠️ تحذير شديد وخطير لزملاء المهنة (أطباء الأسنان):
البروفيسور أحمد محمد سليمان ذكر في كتابه نصاً إنو "المماطلة والانتظار لإجراء تحويل مريض يعاني من تغيّر مرضي مشتبه به حتى يكتمل العلاج الترميمي، كما يفعل بعض أطباء الأسنان، يعد أمراً غير أخلاقي.".

ما تضيع زمن العيان بمضامض عشوائية ومراهم ومضادات حيوية لأكتر من أسبوع لو مافي تحسن.

خروج الورم برة الخشم ووصوله لغدة واحدة بس في الرقبة، بيقلل فرص الشفاء بنسبة 50%! الاكتشاف البدري هو صمام الأمان الوحيد.

💡 الرسالة الواضحة الليلة: الوجع ما مقياس نهائي. المقياس الحقيقي هو الزمن. احسب 21 يوم من تاريخ ملاحظتك لأي تغير، لو ما اختفى.. اقطع الشك بالفحص التخصصي فوراً.

📢 مهم جدًا):
لو لاحظت قرحة أو تورم أو بقعة داخل الفم وما اختفت خلال 3 أسابيع (21 يوم) ← لازم تمشي طبيب الأسنان فوراً.
انتبه للعلامات دي:
• قرح ما بتلتئم
• تورم أو كتل في الفم أو الرقبة
• بقع بيضاء أو حمراء
• تنميل أو ألم بدون سبب واضح
• صعوبة في البلع أو مضغ الطعام
• تغيّر مستمر في الصوت

#السودان

📢 APPLICATION DEADLINE EXTENDED!Good news! join the Oral Cancer Initiative Sudan team. If you missed the first window, t...
29/06/2026

📢 APPLICATION DEADLINE EXTENDED!
Good news! join the Oral Cancer Initiative Sudan team. If you missed the first window, this is your chance to use your skills for a vital cause.
We are looking for passionate individuals to join our Awareness & Social Media Office for the following volunteer roles:

Social Media Coordinator
Social Media Content Designers (2 Positions)
Content Writer
Website Coordinator / Developer

If you are ready to make a real impact and help us save lives through awareness, we want to hear from you!

🔗 How to apply: Click the link in our bio to submit your application.

العدو الصامت جوّة خشمك 🛑 ليه 94% من مرضى سرطان الفم في السودان بيصلوا الدكتور متأخرين؟ الحقيقة الما بتمُر في بال زول!الأ...
26/06/2026

العدو الصامت جوّة خشمك 🛑 ليه 94% من مرضى سرطان الفم في السودان بيصلوا الدكتور متأخرين؟ الحقيقة الما بتمُر في بال زول!

الأرقام الطبية في مستشفياتنا بتقول حقيقة صادمة وموجعة شديد: 94% من الحالات بتصل مستشفيات جراحة الوجه والفكين التحويلية وهم خلاص في المرحلة الرابعة (Stage 4)!

السؤال الكبير هنا: ليه الناس بتأجل الجية للدكتور لغاية ما الوضع يصل مرحلة متقدمة؟ الموضوع ببساطة لأنو سرطان الفم في بداياته بيمارس أبشع أنواع الخداع.. بكون "صامت تماماً وما فيهو أي نوع من أنواع الوجع"! بيبدأ في شكل بقعة صغيرة أو قرحة بتشبه أي قرحة عادية و بنقول بتمر وتفوت، والزول بيفتكرها مجرد "خرشه" من أكل أو سفّة ويقول بكرة بتبرأ.

عشان تحمي نفسك وأهلك، لازم تفكك علامات الخطر دي وتعرف خشمك بيحاول يقول ليك شنو:

1️⃣ البقع داخل الفم (الليكوبلاكيا):
البقع البيضاء ليدّية: بقعة بيضاء بيضاء كأنها قطن، ملمسها خشن زي الجلد، وما بتتمسح لو حاولت تحكها.
البقع المخلوطة (حمراء وبيضاء): دي الأخطر طوالي (السبِكلد)! ظهور لون أحمر قطيفي مع الأبيض علامة شينة شديد بتوري إنو الخلايا في حالة تحور سريع ونشاط ورمي خبيث.
2️⃣ القرح المزمنة:
قرحة حوافها مرتفعة أو مقلوبة، وأرضيتها بتموع وتنزف دم بأقل لمسة. الخدعة وين؟ بتكون ما بتوجعك في الأول، والناس بتمشي تشتري ليها مضامض ومراهم من الصيدلية وتضيع الزمن.
3️⃣ الحتة المحجّرة (اللسان المربوط):
لما تلمس لسانك أو خدك من جوة بيدك وتلقى في حتة "ناشفة ومحجّرة" (Induration) تحت الغشاء المخاطي. ولو الورم مشى جوة عضلات اللسان، اللسان بيبقى تقيل ومربوط، والزول بيجد صعوبة واضحة في الكلام والبلع وعموم حركة خشمو.
4️⃣ العُقد اللمفاوية في الرقبة:
أكتر من نص المرضى في السودان (51%) بيصلوا العيادة وهم عندهم ورم واضح في الرقبة. غدة لمفاوية كبرت، ناشفة، وما بتوجعك لما تضغط عليها. للأسف، ظهور غدة واحدة بس في الرقبة بيقلل فرص الشفاء للوجع بنسبة 50%، عشان كده لازم ننتبه بدري!
5️⃣ علامات تانية منسية تماماً:
الخلخلة ومكان السن الما بيبرأ: ضرس كان مخلخل شديد في حتة بتسف فيها، خلعته والخلع كان ساهل، لكن مرّ شهر كامل ومكان القلع فاتح، بينزف، وما داير يقفل.
التنميل او الالم الفجائي: تحس بتنميل أو خدران غريب ومستمر في شفتك التحت أو دقنك بدون أي سبب. ده معناه الخلايا السرطانية بدأت تضغط وتضرب عصب الفك التحت.

💡 الخلاصة: سرطان الفم ما نصيب ساكت، والوجع ما هو المقياس الوحيد للخطر. وعيك الليلة وملاحظتك لأي تغير صغير في خشمك ممكن ينقذ حياتك بكرة.
🦷 نصيحة ذهبية: الطبيب في العيادة مدرب يفحص خشمك ورقبتك بطريقة علمية دقيقة، ويقدر يلقط التغيرات دي وهي لسة في بداياتها قبل ما تظهر في شكل أورام كبيرة وتشيل نص الفك. الاكتشاف البدري بيعني شفاء تام بيصل لـ 90%!

📢 مهم جدًا:
لو لاحظت قرحة أو تورم أو بقعة داخل الفم وما اختفت خلال 3 أسابيع (21 يوم) ← لازم تمشي طبيب الأسنان فوراً.
انتبه للعلامات دي:
• قرح ما بتبرأ
• تورم أو كتل في الفم أو الرقبة
• بقع بيضاء أو حمراء
• تنميل أو ألم بدون سبب واضح
• صعوبة في البلع أو مضغ الطعام
• تغيّر مستمر في الصوت

#السودان

ليه سرطان الفم بيظهر؟ 🛑 وراء كل "سفّة" أو سيجارة، حكاية خطيرة في خلايا خشمك مافي زول حكاها ليك قبل كده!في البوست الفات، ...
19/06/2026

ليه سرطان الفم بيظهر؟ 🛑 وراء كل "سفّة" أو سيجارة، حكاية خطيرة في خلايا خشمك مافي زول حكاها ليك قبل كده!

في البوست الفات، اتكلمنا بالأرقام الصادمة عن انتشار سرطان الفم في السودان ووقوعه في المرتبة التانية في سجلات المعامل التخصصية بالخرطوم. الليلة دايرين نقيف في حتة مهمة شديد: ليه العوامل دي بالذات هي البتولّع نار المرض؟ وكيف العادات اليومية بتتحول لتهديد مباشر لحياتنا؟

الموضوع يا جماعة ما مجرد "تخريش" أو "حرقان لثة" ساكت، الموضوع إنو الخلايا بتقع تحت ضغط كيميائي وجيني بيجبرها تتحور لسرطان. تعالوا نفكك الأسباب دي حتة حتة:

1️⃣ التومباك (المتهم الأول والأساسي): السفّة دي ما تبغ عادي ساكت؛ دي خليط من تبغ نوعه قوي ومخلوط مع بيكربونات الصوديوم البنعرفها بـ (العطرون). وظيفة العطرون الكيميائية بتهيج الأغشية وبترفع قلوية الخشم عشان النيكوتين يمتص سريع وبتركيز عالي جداً. الصدمة وين؟ التومباك بيحتوي على مادتين اسمهم (النتروزامينات) بتركيزات عالية وخيالية مقارنة بأي تبغ تاني في العالم. المواد دي بتضرب الـ DNA بتاع الخلايا طوالي في الحتة البتخت فيها السفّة (الشفة، الخد، أو تحت اللسان)، وبتزيد خطر السرطان لأكتر من 7 أضعاف!

2️⃣ التدخين (السجائر والشيشة): هنا الخشم بيتعرض لضربتين في وقت واحد: ضربة السموم الكيميائية، وضغطة الدخان الساخن البيمر طوالي ويحرق خطوط الدفاع المخاطية في اللسان والحلق.

3️⃣ الخلطة الكارثية المدمرة (تبغ + كحول): الدراسات العلمية أثبتت إنو الزول البيسف أو بيدخن وبيشرب كحول في نفس الوقت، خطر إصابته بيتضاعف لأكتر من 30 ضعف! ليه؟ لأنو الكحول بيشتغل كـ "مذيب كيميائي" بيفتح مسامات الأغشية المخاطية وبيدوّب دهونها، فتقوم سموم التومباك أو السجائر تدخل جوة الخلايا بعمق وسرعة رهيبة، وبتعمل ورم خبيث وواسع الانتشار وصعب السيطرة عليه.

4️⃣ فيروس HPV الفيروسي: ده فيروس الورم الحليمي، عامل خطر صامت وعالمي، بيستهدف بالذات عمق الحلق وقاعدة اللسان. والفحوصات في السودان أكدت إنو الالتهابات الفيروسية دي لما تتجمع جوة الخشم بتضعف سلامة الأنسجة تماماً.

5️⃣ عوامل تانية بيناتنا ومستهينين بيها شديد:
التركيبات والأسنان الحادة: السن المكسورة الحافة أو مشبك الطقم الرديء البجرح خدك أو لسانك يومي لسنوات، بيعمل التهاب مزمن بيجبر الخلايا تنقسم بغلطات جينية وتتحول لسرطان ميكانيكي.

إهمال نظافة الفم: خشم مشحون بالبكتيريا والالتهابات باستمرار يعني بيئة جاهزة ومحفزة للأورام.
شمسنا الحارقة وعمال العراء: التعرض المستمر لجلد الشفايف للشمس القوية بدون وقاية هو المتهم الأول لسرطان الشفة السفلى.

سوء التغذية: نقص الفيتامينات (زي فيتامين A) بيخلي خلايا فمك ضعيفة وما قادرة ترمم أي تلف بيحصل فيها.
💡 الرسالة الواضحة: سرطان الفم ما "نصيب وجانا ساكت"، ده تراكم لعادات في يدنا نغيرها ونقيف في وجهها بقرار واعي وقوي.

🦷 نصيحة من القلب: ما تستنى الوجع نهائي! الأورام دي في بداياتها بتكون ما بتوجع تماماً كأنها قرحة عادية. زيارتك الدورية لطبيب الأسنان مرتين في السنة هي حيطة صدك؛ لأنو الدكتور مدرب يشوف علامات دقيقة جداً بالعين واللمس. الاكتشاف البدري جوة العيادة بيرفع نسب النجاة لـ 90% ويحميك من جراحات استئصال معقدة.

📢 مهم جدًا: لو لاحظت قرحة أو تورم أو بقعة داخل الفم وما اختفت خلال 3 أسابيع (21 يوم) ← لازم تمشي طبيب الأسنان فوراً.

انتبه للعلامات دي: • قرح ما بتبرأ • تورم • بقع بيضاء أو حمراء • تنميل أو ألم بدون سبب واضح • صعوبة في البلع • تغيّر في الصوت

The Science of Writing Reviews: From Concept to Publication 📑🔬Are you looking to elevate your medical research skills an...
12/06/2026

The Science of Writing Reviews: From Concept to Publication 📑🔬

Are you looking to elevate your medical research skills and turn clinical observations into high-impact, publishable papers?

The Capacity Building Office at the Oral Cancer Initiative Sudan invites you to a specialized, structured educational session designed to demystify the process of conducting and writing Narrative Reviews.

Whether you are a dental student, practicing clinician, or an academic researcher, understanding how to structure a narrative review scientifically is a cornerstone of modern medical methodology.

🎯 Key Session Topics:
Types of Narrative Reviews & Key Differences: Navigating methodologies.

Definition, Structure & Components: Building a strong, scientific framework.

Step-by-Step Writing Guide: Practical tips from choosing a topic to final publication.

🎙️ Featured Speakers:
Guest Speaker: Dr. Tayseer Yahya Mohammed Elshaikh (BDS • MFD RCSI • MPH • CPHQ • ISQua Fellow). Dr. Tayseer is a dentist and academic researcher specializing in public health, healthcare quality, and scientific methodology. She holds an MPH from the London School of Business and Finance (UK) and brings valuable experience from contributing to national health strategies.

Moderator: Dr. Tasneem ElRashied, Dental Student and dedicated Capacity Building Office Member.

🗓️ Session Logistics:
📅 Date: Monday — 15th of June

7:30 PM Sudan Time

💻 Platform: Google Meet

Don’t miss this opportunity to refine your academic writing and contribute meaningfully to the medical literature.

🔗 How to Join: https://forms.gle/4VrtnhtjmWqSEkKm7

Make sure to save this post and tag a colleague or research partner in the comments who needs to see this!

سرطان الفم ده شنو بالظبط؟ وليه بنعتبره "العدو الصامت" الفرض علينا نكون واعين ليه؟كتير مننا ما بيمر في باله المرض ده، لكن...
12/06/2026

سرطان الفم ده شنو بالظبط؟ وليه بنعتبره "العدو الصامت" الفرض علينا نكون واعين ليه؟

كتير مننا ما بيمر في باله المرض ده، لكن الحقائق الطبية والأرقام الأخيرة بتخلينا نقيف مسؤوليين عشان ننشر الوعي. سرطان الفم ما مجرد "قرحة عادية" بتمر وتفوت، ده قضية صحية حقيقية ومحتاجين نعرف خطوط دفاعنا الأولى عشان نحمي أنفسنا وأهلنا.

🔴 بيبدأ وين بالظبط؟
المرض ده بيبدأ في الغشاء المخاطي المبطن للتجويف الفموي؛ يعني ممكن يصيب اللسان (وبالذات حوافّه الجانبية)، الشفايف، اللثة، سقف الحنك، قاع الفم، أو عمق الحلق.

تنبيه خاص لناس التمباك ":
بالنسبة للناس البيستعملوا التومباك، الخلايا السرطانية الخبيثة (النوع الأكثر شيوعاً بنسبة فوق الـ 90%) بتتحور وتظهر طوالي في المكان الدقيق الملامس لـ السفّة وبالذات في المواضع دي:
1️⃣ بين اللثة والشفة (الغشاء المخاطي اللثوي الشفوي).
2️⃣ بين اللثة والخد من جوة (الغشاء المخاطي اللثوي الخدي).
3️⃣ قاع الفم.

الأرقام في السودان: الواقع بيقول شنو؟

حسب الإستراتيجية الوطنية لمكافحة السرطان:سرطان الفم مصنف رسمياً في المرتبة التاسعة بين أكتر السرطانات المنتشرة في البلد عموماً.
لكن في غرف المعامل والمستشفيات التخصصية:مراجعة سجلات العينات في ولاية الخرطوم كشفت إنو سرطان الفم بيمثل 9.4% من إجمالي حالات السرطان المسجلة (يعني قاعد في المرتبة الثانية بعد سرطان الثدي عند النساء وسرطان البروستاتا عند الرجال)، وده بيورينا الضغط الكبير والعبء الثقيل الشايلاه مستشفيات جراحة الفم والوجه والفكين التحويلية.

الاكتشاف البدري.. مسألة حياة أو موت
الخبر المهم واللازم كلنا نعرفه: لما نكشف سرطان الفم في مراحله الأولى، نسب الشفاء والنجاة بتصل لـ 80% إلى 90%! لكن الصدمة وين؟ الدراسات المحلية بتقول إنو 94% من المرضى بيصلوا المستشفيات التخصصية وهم خلاص في المرحلة الرابعة (Stage 4). والسبب الأساسي؟ إنو سرطان الفم في بداياته بيكون ما فيه أي وجع تماماً، والناس بتأجل الجية للدكتور لغاية ما الخلايا تتحرك وتمشي للغدد الليمفاوية في الرقبة، وهنا نسب النجاة بتقل لـ 50%.

🛡️ طيب الحماية كيف؟
الوعي هو أول خطوة. إنك تبعد عن التبغ بكل أشكاله (وعلى رأسها التومباك)، وتهتم بالفحص الذاتي الدوري في البيت.. ده هو الأمان.

مهم جدًا:
اذا لاحظت قرحة أو تورم أو بقعة داخل الفم وما اختفت خلال 3 أسابيع (21 يوم) → لازم تمشي طبيب الأسنان فوراً.
انتبه لي العلامات دي:
* قرح ما بتلتئم
* ⁠تورم
* بقع بيضاء أو حمراء
* ⁠تنميل أو ألم بدون سبب واضح
* صعوبة في البلع
* تغيّر في الصوت

في الأسابيع الجاية، حنمشي معاكم خطوة بخطوة في دليل توعوي كامل، مستند على الأبحاث .

📌 عليك الله ما تقيف عندك: احفظ المنشور ده، وشيروا في صفحتك أو في الجروبات عشان الفائدة تعم. وعيك الليلة ممكن ينقذ حياة إنسان بكرة.

---

#السودان

🚨 We’re recruiting volunteers!Join OCI-Sudan and help make a difference in oral cancer awareness, research, and educatio...
09/06/2026

🚨 We’re recruiting volunteers!

Join OCI-Sudan and help make a difference in oral cancer awareness, research, and education.

Open positions:
📱 Social Media & Content Creation
📊 Data Analyst
🎓 Capacity Building Officer

✨ Remote | Voluntary
✨ Mentorship & Professional Development
✨ Certificate of Contribution

Apply now and be part of the impact!
Application deadline: 20th of June

CapacityBuilding

Application form : https://forms.gle/3FNfifQ7stboY4QG9

✨ Meet the Offices Behind OCI–Sudan ✨From research and capacity building to partnerships and awareness campaigns, our te...
08/06/2026

✨ Meet the Offices Behind OCI–Sudan ✨

From research and capacity building to partnerships and awareness campaigns, our teams work together to drive meaningful change in oral cancer prevention and early detection across Sudan.

💡 Building knowledge
📊 Generating evidence
🤝 Creating partnerships
📣 Raising awareness

Together, we’re working toward a future with better oral health for all.

Address

Khartoum

Website

Alerts

Be the first to know and let us send you an email when Oral Cancer Initiative-Sudan posts news and promotions. Your email address will not be used for any other purpose, and you can unsubscribe at any time.

Shortcuts

Share

Category