Suha Ali

Suha Ali المسنجر معطل ⛔

تضخم اللوزة الثالثة ما بس شخير ونوم!ممكن يغيّر ملامح وجه طفلكالمشكلة بتبدأ لما اللوزة الثالثة تتضخم وتسد مجرى التنفس من ...
31/10/2026

تضخم اللوزة الثالثة ما بس شخير ونوم!
ممكن يغيّر ملامح وجه طفلك

المشكلة بتبدأ لما اللوزة الثالثة تتضخم وتسد مجرى التنفس من الأنف، فيضطر الطفل يتنفس من فمه طول الوقت، ومع الزمن ده بيأثر على نمو عظام الوجه والفكين والعضلات.

العلامات اللي ممكن تظهر على وجه طفلك:

• الفم مفتوح أغلب الوقت • وجه أطول من الطبيعي مع الزمن • بروز الأسنان الأمامية • هالات حول العين ومظهر تعب وإرهاق • شفايف ناشفة وما بتتقفل بسهولة • صوت مخنّف وكأنه عنده زكام دائم

رسالة الوعي لكل اب وأم مني :

كلما اتشخصت الحالة واتعالجت بدري، قلت احتمالية حدوث هذه التغيرات أو استمرارها. راقب تنفس طفلك ونومه، والكشف المبكر بيحميه
وربي يحفظكم ويحفظ اطفالكم .

ولو عايزين فيديو مخصص اكتبوا لي في تعليق اجهزو ليكم

من
الجزء السادس ✅

#اللحمية

مريم قلقانة علي أحمد ❓ عايزة تعرف من حقها، وبالمرة كل الاباء والامهات المعانا يتنور قريباً بإذن الله في السلسلة  طبعاً ت...
27/10/2026

مريم قلقانة علي أحمد ❓ عايزة تعرف من حقها، وبالمرة كل الاباء والامهات المعانا يتنور قريباً بإذن الله في السلسلة
طبعاً تجهيز المحتوى ده مرهق ومتعب دعمكم بلو بتعليق لوف مشاركة بيسعدني جدا
والاهم بخلي يصل العايزين يتنوروا ويعرفوا البيهم والعليهم ويستفيدوا
وانت :-
لو عندك سؤال في مجال الاذن والأنف والحنجرة خلي في تعليق،وينزل ليك جوابو باذن الله
و قولوا معاي يا مسهل تسهل

أضانك لا سلطة أسود و لا ملوخية  ؟ 😅🧄بصراحة كده وبدون لف ودوران..البخت التوم في أضانو منو؟حركة بنشوفها كتير  وباستمرار.. ...
24/10/2026

أضانك لا سلطة أسود و لا ملوخية ؟ 😅🧄

بصراحة كده وبدون لف ودوران..

البخت التوم في أضانو منو؟

حركة بنشوفها كتير وباستمرار.. أول ما الأضان توجع، فص توم ويتحشر جوا!
قصتكم شنو يخواااانا ❓

يا جماعة الأضان ما مطبخ ولا حلة ، والتوم حار ممكن يحرق القناة وتتحسس ويمتد مادة التوم الحارقة للالتهابات وقد يخرم الطبلة اويقفل الأضان زيادة!

أنا دايرة أعمل ليكم فيديو كااامل ضمن السلسلة أشرح فيه:

ليه الحركة دي خطرة؟ وشنو نعمل بدلها؟

بس قبل ما أجهزو .. دايرة آخد رأيكم:

📊 استفتاء سريع - صوتو في التعليقات :

أ - أيوا عايزين الفيديو، أنا ذاتي بعمل الحركة دي ودار أعرف الصح للوجع!

ب - لا ما جربتها لكن بعرف زول بعملها وعايز أرسل ليه البوست

ج - عايزين الفيديو + تركزي لينا عن الضرر اكتر كيف بيضر الأضان

أكتر حرف حيتكرر في الكومنتات ناسوا حيفوزوا ، وحأعمل عنو المحتوى !

يلا صوتو هسي 👇
أ ، ب ، ولا ج ؟

ما تنسو الشير، تنقذو بيهو أضان زول ما تبقي ملاح كمان 😂👂

د. سها علي
اختصاصية أذن أنف وحنجرة


#الجزء-التاني

يا دكتورة الفرق شنو اها ع  #السريع كده نقولهم الفرق التهاب الأذن الوسطى والأذن الخارجية ❓كتير من الناس بتلخبط بينهم، لكن...
21/10/2026

يا دكتورة الفرق شنو اها ع #السريع كده نقولهم الفرق التهاب الأذن الوسطى والأذن الخارجية ❓
كتير من الناس بتلخبط بينهم، لكن الفرق كبير والعلاج مختلف تماماً!

أولاً: التهاب الأذن الخارجية
📍 المكان: بصيب القناة السمعية الخارجية (برة طبلة الأذن)
🦠 الأسباب: الرطوبة والسباحة، تنظيف الأذن بعودان قطنية، أو تهيج الجلد
🤒 ابرز الأعراض: ألم وحكة جوا الأذن، احمرار، تورم، وممكن يطلع إفرازات
💊 العلاج: قطرات مضادة حيوية ومضادة للالتهاب، ونحافظ على جفاف الأذن
وطبعاً يختلف العلاج من حاجة للتانية في أحيان كثيرة

ثانياً: التهاب الأذن الوسطى
📍 المكان: بصيب الأذن الوسطى جوا، خلف طبلة الأذن
🦠 الأسباب: عدوى بكتيرية أو فيروسية، غالباً بعد نزلات البرد أو التهابات الجيوب الأنفية
🤒 ابرز الأعراض: ألم شديد في الأذن، حمى، نقص في السمع، إحساس بامتلاء الأذن، وممكن يخرج سائل من الأذن
💊 العلاج: مضادات حيوية (عند الحاجة)، مسكنات للألم، قطرات أذن حسب الحالة
كذلك يختلف العلاج من حاجة للتانية

الخلاصة والوعي:
يا جماعة ما أي وجع أضان بتعالج بقطرة ساي من الصيدلية! كل نوع عندو علاجو، والتشخيص الغلط ممكن يزيد المشكلة والطين بلة .
لو حسيت بي ألم، حكة، أو نقص سمع، طوالي قابل أخصائي أنف وأذن وحنجرة أو المستشفى عشان نحدد نوع الالتهاب ونديك العلاج الصاح.

صحتكم أمانة، وما تستهينو بي وجع الأضان ولا بعافيتكم👩‍⚕️
الله يديمها نعمة قولوا آمين

اها ولو سؤال بحاجة عايز تعرف الفرق اكتبوا في تعليق ونعزك بفضل الله
د. سها علي
طبيبة اختصاصية أذن أنف وحنجرة

🚨 البخاخ البيريّحك الليلة … هل ممكن يكون سبب المشكلة البتتكرر بكرة؟!بتعاني من انسداد الأنف، وبتلقى راحتك في قطرات وبخاخا...
18/10/2026

🚨 البخاخ البيريّحك الليلة … هل ممكن يكون سبب المشكلة البتتكرر بكرة؟!
بتعاني من انسداد الأنف، وبتلقى راحتك في قطرات وبخاخات الاحتقان، لكن المشكلة بترجع تاني؟ 😣
⚠️ قبل ما تستخدمها مرة تانية، قِف واسأل نفسك: هل أنا بستخدمها بالطريقة الصحيحة؟ وهل عارف مخاطرها؟
🎥 الريلز القادم مهم ليك ولأي شخص في أسرتك بيعاني من انسداد الأنف!
👈 شاهد الريلز للجاي ، وخلّيك واعي قبل ما تكرر الاستخدام.
📌 احفظ المنشور عشان ما يفوتك الريلز، وشاركه مع شخص محتاج يعرف المعلومة دي.

فعل ذر المتابعة … لأن الوعي الصحي ممكن يغيّر طريقة تعاملنا مع صحتنا.
مع #سلسلة عادات بتضرنا كيف ❓ كل اثنين مع د. سها علي
موعدنا بكره بإذن الله

Address

Khartoum
SUHAALI

Website

Alerts

Be the first to know and let us send you an email when Suha Ali posts news and promotions. Your email address will not be used for any other purpose, and you can unsubscribe at any time.

Shortcuts

Share