https://www.facebook.com/MezanElTamrid, https://www.facebook.com/MezanElTamrid

ميزان التمريض, توعية مجتمعية, Omdurman (2026)

23/07/2026

تحية خاصة كبيرة لأحدث أبرز المعجبين لديّ! Misoon Muhajir, طبيبة حكيمة, Rafa Mohammad, ست النقاب مستورة, السستره الرقيقه, Tahani Abdalrahim

21/07/2026

مع ميزان التمريض – لقد أصبحتُ الآن ضمن قائمة التفاعلات الأسبوعية لديه كأحد أبرز المتفاعلين لديه!

20/07/2026

العلامات الحيوية ما بس أرقام على ورقة . . . دي حالة مريضك
بس هل بتقيسها صح ؟ و متين ؟ و كيف تقيس ب EBP ؟

ح نبدأ سلسلة جديدة
سلسلة

ا✳لعلامات الحيوية

📌الفكرة الأساسية EBP: ما الرقم بس... الترند أهم
المراجع الجديدة بتقول: ما تبلغ على رقم واحد بلغ على 3 حاجات:
1️⃣ الرقم خارج الرينج
2️⃣ في أعراض ضيق: تشنج، دوخة، شحوب
3️⃣ الترند : نازل أو طالع بسرعة

📌ما كل كم ساعة... حسب الخطورة

✳ أهم بحث: FOBS Study - بريطانيا 2024
دراسة على 400,000 مريض و 9 مليون قياس
📌النتيجة:
▫️المرضى منخفضي الخطورة ما في فرق في الخطورة بين القياس كل 4 ساعات وكل 24 ساعة
▫️القياسات بتتعمل أكتر من اللازم ممكن نقللها ونوجه الموارد للمرضى الخطرين.

✳البروتوكول الجديد المعتمد:
ال NEWS2 Score هو ال بحدد كل كم تقيس
يعني: مريض مستقر قياس أقل
مريض خطر قياس أكتر

✳كم دقيقة بتاخد القياسات؟
دراسة Time-and-Motion:
متوسط 5 دقايق و 1 ثانية للقياس الواحد شامل التجهيز والمشي والتوثيق
لو في مقاطعات 6 دقايق و 26 ثانية
و الزمن بقل كل ما الممرض اكتسب خبرة.

✳البروتوكول العملي الجديد للوردية - مبني على الدليل

متين أقيس؟ قاعدة الـ 3 عوامل

🔹️المريض مستقر :
كل 12-24 ساعة آمن وما في فرق
🔹️مريض عادي :
كل 8 ساعات ده الحد الأدنى المعتمد
🔹️مريض متوسط الخطورة :
كل 4-6 ساعات حسب البروتوكول الحالي.
🔹️مريض خطر / بعد عملية / طوارئ :
كل 1-4 ساعات المرضى الخطرين لازم يتقاسو أكتر.

✳متين أقيس فوراً خارج الجدول؟ RED FLAGS
بعد أي تدخل: دواء، سوائل، أكسجين
تغير في الحالة: ألم جديد، دوخة، شحوب.
تنبيه من المريض/الأهل : حاسي بي شي غلط.
أي علامة خارج المعدل: حتى لو مواعيدك لسه ما جات

📌نقطة مهمة :
البحث قال: تفاعل الممرض مع المريض أثناء القياس مهم شديد.
12% من التفاعلات أدت لاكتشاف مشكلة جديدة
يعني ما تقيس وانت ساكت. اسأل: حاسي بشنو؟ في ألم؟

✳المشاكل في المستشفيات قليلة الإمكانيات 2025
دراسة في سيراليون لقت:
▫️أكبر العوائق: نقص الأجهزة 76%، الحمل العالي 68%، نقص الكادر 68%
▫️الحل: تدريب متكرر على القياس ، توفر أجهزة ، بروتوكول واضح للشغل PEWS.

▪️القديم: قيس كل 4 ساعات للكل
▪️الجديد بحسب EBP: قيس حسب الخطر وفر زمنك للمحتاج

📌القاعدة الذهبية الجديدة:
قيس أقل للثابت. قيس أكتر للخطر. وما تفوت فرصة الكلام مع المريض

✳الجداول الطبيعية المعتمدة عالمياً 2024

للبالغين >18 سنة
النبض : 60 - 100 100
التنفس : 12 - 22 22
الضغط : 100-160 / 60-90 SBP 160
الأكسجين : >92%

19/07/2026

ي ممرض عارف لو في زول مد يدو عليك أثناء أداء شغلك عقابو شنو ؟؟؟

✳قانون الاعتداء على الكادر الطبي

الوضع في السودان - الأرقام بتتكلم
حسب منظمة الصحة العالمية WHO من بداية الصراع في أبريل 2023 لحد الآن:
🔹️ 285 هجوم موثق على الرعاية الصحية في السودان
🔹️ 1204 حالة وفاة و 400+ إصابة بين الكوادر والمرضى
🔹️ 15 هجوم خلال شهرين بس، معظمها اعتداء جسدي، عرقلة، تفتيش عنيف، تهديد نفسي
🔹️ 60 من 86 مستشفى في مناطق الحرب توقفت عن العمل

⭕منظمة الصحة العالمية WHO و اليونيسف UNICEF و الرابطة الطبية العالمية WMA كلهم وصفوها بـ انتهاك صارخ للقانون الدولي الإنساني.

✳القانون الدولي بحميك كيف؟
القانون الدولي الإنساني ، اتفاقيات جنيف بتقول:
الكوادر الطبية والمرضى والمستشفيات محميين وما مسموح باستهدافهم، الهجمات عليها تعتبر جرائم حرب وممكن يترفع الأمر للمحكمة الجنائية الدولية.

✳توصيات الأمم المتحدة للدول:
▪️تحقيق فوري وعادل في أي اعتداء.
▪️معاقبة المسؤولين وفق القانون المحلي والدولي.
▪️تعويض الضحايا وإصلاح الضرر.
▪️تدابير وقائية: قوانين بتشديد العقوبة، تدريب، تأمين المستشفيات.

✳طيب في السودان؟
في قانون محلي ، التصرف العملي
السودان ما عندو لحد الآن قانون خاص بحماية الكوادر
مفصل زي كندا Bill C-3، لكن بنعتمد على:

1️⃣القانون الجنائي السوداني 1991:
المادة 139: القتل / المادة 141: القتل شبه العمد.
المادة 142: الأذى الجسيم عقوبتها السجن ، الدية
المادة 159: الإشانة و المادة 160: الإساءة في حالة السب والشتم.
المادة 183: الإخلال بالنظام العام لو في فوضى داخل المستشفى.

2️⃣ قانون حماية الأطباء والعاملين بالمؤسسات العلاجية
في بعض الولايات طلعو قوانين محلية. العقوبة بتوصل لـ السجن 10 سنوات و غرامة.

✳بروتوكول التصرف عند الاعتداء

🔸️أمن نفسك أول ،اطلع من الموقف ، نادي الأمن/الشرطة ما تواجه براك حياتك أهم من أي إجراء.
🔸️وثق فوراً ، صور الإصابات ، جيب شهود اكتب التاريخ والزمن بالدقيقة ده دليلك القانوني.
🔸️افتح بلاغ ، امش أقرب قسم شرطة أو إدارة المستشفى البلاغ بكون إيذاء ، إتلاف ممتلكات عامة بدون بلاغ ما في محاسبة.
🔸️تقرير طبي، امش حوادث المستشفى طلع أورنيك 8 يثبت الإصابة أساس التعويض والقضية.
🔸️أخطر النقابة نقابة التمريض/الأطباء لازم يكون عندها علم بتقيف معاك قانونياً وإعلامياً.
🔸️دعم نفسي اطلب إجازة ، دعم من الزملاء ال WHO بتوصي بدعم نفسي للكوادر الاحتراق الوظيفي حقيقي.

✳قاعدة عالمية من WHO:
العاملين الصحيين لازم يعالجو الجرحى بدون خوف على سلامتهم.

✳أسباب الاعتداء حسب تقارير منظمة الصحة العالمية WHO والمجموعات المحلية:
▫️تأخر العلاج وعدم توفر الأدوات والمستشفيات واقعة.
▫️سوء الفهم: الأهل بفتكرو التأخير إهمال منك.
▫️الضغط والتوتر في الحوادث والطوارئ.
▫️غياب الأمن داخل بعض المستشفيات.
▫️عدم وعي بحقوق المريض وحقوق الكادر .

✳حقوقك الأساسية كـ ممرض عند الاعتداء
🔹️حق الحماية الجسدية من واجب المستشفى توفر أمن.
🔹️حق العلاج على نفقة المعتدي/المستشفى.
🔹️حق التعويض المادي والمعنوي.
🔹️حق عدم العمل في بيئة غير آمنة.
🔹️حق التبليغ بدون خوف من الفصل ، ده توصية عالمية .

📌ما تسكت عن حقك عشان التجاوزات تقيف عند حدها ، الممرض عندو حق زيو زي أي إنسان.

19/07/2026

هل من حق المريض يرفض الإجراء التمريضي أو الطبي . . . نعم من حقو يرفض . . . دور الممرض شنو في حالة الرفض ؟؟؟

الموافقة المستنيرة Informed Consent:
حجر الأساس في أخلاقيات التمريض والقانون

✳يعني شنو حسب القواعد العالمية والمحلية؟

تعريف المجلس التمريضي الدولي ICN و قانون الصحة السوداني 1997:

هي موافقة المريض الواعي على إجراء طبي/تمريضي بعد ما يفهم كل التفاصيل بإرادته الحرة وبدون ضغط.

✳لازم تتوفر 4 شروط:

1️⃣الأهلية Capacity:
المريض بالغ، واعي، ما تحت تأثير مخدر
2️⃣ المعلومات Disclosure:
لازم يعرف التشخيص ، الإجراء ، الفوائد ، المخاطر ، البدائل ، نتيجة الرفض.
3️⃣ الفهم Understanding:
المريض فهم باللغة البيعرفها.
4️⃣ الطوعية Voluntary:
بدون إكراه أو ضغط من الأهل أو الطبيب.

✳بتتم كيف؟ دور الممرض شنو؟

البروتوكول العالمي و السوداني:

1️⃣ الشرح الطبي بواسطة الطبيب الممرض يتأكد أن المريض فاهم.

2️⃣ التوقيع بواسطة المريض أو الوصي الممرض شاهد و يقوم بالتوثيق.

3️⃣ التثقيف بواسطة الممرض يقوم بتبسيط المعلومة، يجيب على الأسئلة، و يكلم المريض بالإيجابيات والسلبيات.

4️⃣ التوثيق بواسطة الممرض يوقع كشاهد ، يكتب الموافقة تمت بعد الشرح في الملف.

⭕مهم:
التوقيع براهو ما كفاية لو ما شرحنا الموافقة باطلة قانوناً

✳لو المريض رفض؟ تتصرف كيف؟

هنا مربط الفرس حسب ICN Code ، القانون السوداني

◼ احترم قراره فوراً
من حقه يرفض أي علاج حتى لو بينقذ حياته ده اسمو الحق في الرفض.
◼ ما تقنعو بالغصب
ممنوع تقول لو ما عملتها حتموت بأسلوب تهديد لأنو ده يعتبر إكراه ويبطل الموافقة.
◼ الواجب بتاعك:
▫️وضّح العواقب:
من حقك ترفض، بس لازم تعرف لو رفضت ممكن يحصل كده وكده
▫️أعرض البدائل:
في خيار تاني أقل خطورة
▫️استدعي الطبيب:
يجي يشرح تاني
▫️وثّق الرفض:
المريض رفض الإجراء بعد الشرح الكامل بتاريخ... الساعة... وخليه يوقع على إقرار رفض
◼ استمر في الرعاية
حتى لو رفض، لازم تقدم ليهو باقي الرعاية باحترام ما تعاقبو بالإهمال.

📌خلاصة
انت ما بتبيع علاج انت بتوفر معلومات
تقنعو؟ لا . . .
تشرح وتوثق وتحترم قراره؟ أيوا

ده الفرق بين الممرض المحترف والممرض العادي.

✳متين نقدر نشتغل بدون موافقة؟

🔹️المريض ما واعي وما في وصي
🔹️أمراض معدية بتهدد الصحة العامة
🔹️حالة طارئة و مهددة للحياة

⭕أصعب معضلة بتواجهنا في السودان

لما المريض يجي بحالة متأخرة و خطرة و يرفض الإجراء ... هنا القانون والأخلاق بيتعارضو مع قلبك

نتصرف كيف؟ خطوة بخطوة حسب القانون والأخلاق

📌فرِّق بين نوعين من الرفض
▪️رفض واعي :
المريض فاهم حالتو وواعي ومصر يرفض.
▪️رفض غير واعي:
بسبب خوف، جهل، ضغط الأهل، أو ما فاهم الخطورة.
90% من حالات الرفض المتأخرة عندنا بتكون رقم 2

✳بروتوكول التعامل مع الحالة المتأخرة الرافضة:

الخطوة 1:
🔸️الشرح المضاعف
ما تقول عندك فشل كلوي.
قول:
لو ما غسلنا الكلى الليلة، بكرة ممكن قلبك يقيف ده كلام الدكتور،
من حقك ترفض بس واجبي أوريك نتيجة رفضك.
استخدم أمثلة بسيطة وبي لغة دارجية.

الخطوة 2:
🔸️دخل صاحب القرار
القانون بديك الحق ده مادة 24(أ):
إذا كان لا يستطيع إعطاء الموافقة تؤخذ من شخص مخول.
جيب أكبر زول في الأهل، زول يقدر يقنعو ، مرات كلمة من زول كبير بتفرق.

الخطوة 3:
🔸️عرض البدائل
ما قادر على الغسيل؟
طيب في علاج دوائي مؤقت.
ما قادر على العملية؟
في تحويل لمستشفى حكومي ، يكلمو المدير الطبي عشان التخفيض.

الخطوة 4:
🔸️التوثيق ثم التوثيق
دي حمايتك القانونية ،اكتب مثلا:
بتاريخ 4/4/2026 الساعة 10ص تم شرح خطورة الحالة للمريض ومرافقيه المريض رفض التدخل رغم توضيح أن الرفض قد يؤدي للوفاة وقع المريض/المرافق على إقرار الرفض.

الخطوة 5:
🔸️ما تتخلى عنو:
حتى لو رفض، قدم ليهو مسكنات، رعاية تلطيفية، متابعة ده واجبك الأخلاقي بحسب معهد التمريض الدولي ICN.

📌الخلاصة اللي بتريح الضمير:
مهمتك ما إنك تجبرو يتعالج مهمتك إنك تتأكد انو رفضو كان مستنير ،
يعني فاهم 100% هو بيرفض شنو والنتيجة

18/07/2026

مريضك مسلم أو مسيحي . . . فقير أو غني؟
نفس الرعاية . . . بنفس الابتسامة
لأنك بدون أخلاقيات ما ممرض . . .

#الحلقة8

الأخلاقيات.. خطك الأحمر كممرض/ة

✳ميثاق أخلاقيات التمريض العالمي Code of Ethics
بحسب ICN - International Council of Nurses 2021

📌عندنا 4 مسؤوليات أساسية:

1️⃣تعزيز الصحة:
توعي، تقي، تمنع المرض
2️⃣الوقاية من المرض:
تدخل بدري وتحمي المجتمع
3️⃣ استعادة الصحة:
تعالج وتدعم الشفاء
4️⃣تخفيف المعاناة:
ألم جسدي + نفسي + روحي

📌جمعية التمريض الأمريكية (ANA) Code of Ethics 2015 زادت عليها:

الممرض ملتزم أخلاقياً بالمريض أولاً، حتى لو ضد رغبة المؤسسة.

✳ الخصوصية و كرامة المريض
بحسب WHO Patient Rights 1994 + ICN:
◾السرية Confidentialit:
ما تتكلم عن المريض برا، ما تصور، ما تنشر ، حتى بعد الوفاة السرية مستمرة.
◾ الكرامة Dignity:
غطي المريض، استأذن قبل الفحص، ناديه باسمه، احترم ثقافته.
◾الموافقة المستنيرة Informed Consent:
تشرح الإجراء باللغة البيفهمها قبل ما تعمله.

📌القاعدة: عامل المريض زي ما بتحب أهلك يعاملوهم.

✳ عدم التمييز Non-Discrimination:
ICN Code المادة 1.2 + ANA:
▫️الممرض بقدم الرعاية بدون تمييز بسبب:
الجنس ، الدين ، العرق ، اللون ، الأصل ، الإعاقة ، الحالة الاجتماعية ، التوجه السياسي.

يعني: مريض مسيحي ، مريض مسلم ، مريض من قبيلة مختلفة نفس الجودة، نفس الابتسامة.

📌ليه مهم؟
التمييز بيكسر الثقة وبيمنع الناس تمشي المستشفى.

✳ التبليغ عن الأخطاء - Reporting Errors
بحسب Joint Commission + WHO Patient Safety 2020:
🔹️ثقافة عدم اللوم Just Culture:
بلغ عن الخطأ عشان نصلحه، ما عشان نعاقبك.
🔹️الIncident Report:
لو حصل خطأ دواء، سقوط، أي ضرر وثق في الفورم الخاص خلال 24 ساعة.
🔹️ واجبك الأخلاقي:
السكوت مشاركة في الخطأ الجاي.

📌الهدف حماية المريض الجاي، ما جلد الممرض.

✳ قانون الصحة السوداني:
المادة 33 والمادة 45 من قانون الصحة القومي السوداني 2008

🔸️ التبليغ عن الأمراض المعدية إجباري
أي ممرض/طبيب يشخص حالة:
كوليرا، حصبة، حمى نزفية، كورونا، سل... لازم يبلغ إدارة الوبائيات بوزارة الصحة خلال 24 ساعة.
عدم التبليغ مخالفة قانونية
🔸️ سرية معلومات المريض
القانون يلزمك بالسرية، إلا في حالة الأمراض المعدية أو لو في أمر من المحكمة.
🔸️ احترام كرامة المريض
القانون السوداني أكد على حق المريض في الرعاية بدون تمييز.

✳ ليه ده كله مهم في شغل الممرض؟
▪️حماية قانونية:
ال Code of Ethics هو ال بيحميك قدام المجلس الطبي السوداني
▪️ثقة المجتمع:
الناس بتجيك لأنها واثقة فيك
▪️ جودة الرعاية:
لما المريض يحس بالاحترام بيتعاون وبيخف أسرع.
▪️ الصحة العامة:
تبليغك عن المرض المعدي أو الوبائي ممكن ينقذ أرواح كتيرة.

📌رسالة:
أنت ما يد بتدي حقنة أنت أمانة
أمانة الخصوصية، أمانة الكرامة، أمانة التبليغ.

المجلس التمريضي الدولي ICN :
بقول : التمريض مهنة إنسانية قبل ما تكون مهنة علمية.

📌معظم النقاط الفوق دي كتبت عنها بصورة منفردة في بوستات سابقة بخلي الروابط في التعليقات

17/07/2026

ي ممرض لو ما وثقت شغلت .... كأنك م عملتو⭕

#الحلقة7

✳تعريف التوثيق Documentation:

🔹️بحسب ANA - American Nurses Association 2021:

التوثيق التمريضي هو أي إدخال في ملف المريض يقوم به الممرض. وهو سجل دائم لرعاية التمريض يوفر دليل على الممارسة التمريضية.

Documentation is any entry into a patient record made by a nurse. It is a permanent record of nursing care that provides evidence of nursing practice"

🔹️ بحسب WHO - Patient Safety 2020:

Documentation is the Process of recording relevant patient information to support continuity of care, communication, and legal protection.
📍الخلاصة:
التوثيق = دليلك + صوتك + حمايتك القانونية

✳أنواع التوثيق التمريضي

1️⃣حسب طريقة الكتابة
في 4 أنواع :
◾SOAP :
الأشهر للتقارير
S ubjective
كلام المريض
I have pain 8/10

O bjective:
الل شفتو
Wound 3cm, red, no drainage

A ssessment:
تحليلك
Acute pain related to incision

P lan:
الخطة
Give analgesic, reassess in 30 min

◾DAR:
الأسرع للشفت
D ata: البيانات
A ction: التدخل
R esponse: استجابة المريض

◾PIE:
يركز على المشكلة
P roblem → I ntervention →E valuation

◾Charting by Exception:
توثقي بس الشي الغير طبيعي
الباقي كله مستخدم في النظام الإلكتروني Within normal limits

2️⃣حسب الوسيلة:
فيهو 2
◾الورقي التقليدي Paper Charting
لسه موجود في بعض المستشفيات

◾النظام الإلكتروني Electronic Health Record EHR:
ميزته:
Audit trail بيوثق منو دخل ومتين + تنبيهات للأدوية + ما فيهو شطب.

3️⃣حسب الهدف: فيهو 5 أنواع
◾تقييم أولي Initial Assessment: عند دخول المريض
◾ال Flow sheet
للعلامات الحيوية والسوائل كل ساعة
◾الProgress Notes:
متابعة الحالة كل شفت.
◾تقرير الحوادث Incident Report: ده براهو وما بدخل ملف المريض
◾ملخص الخروج والتعليماتDischarge Summary:

📌ملاحظة
التوثيق لازم يكون فيه:
▪️Factual:
حقائق فقط بدون رأي شخصي
▪️ Accurate:
أرقام وتواريخ وزمن 24 ساعة
▪️Complete:
لو ما كتبته = ما حصل

✳ليه التوثيق حماية قانونية؟
التوثيق هو الدليل الوحيد في المحكمة إنك عملت شغلك.

📌القاعدة الذهبية:
If it wasn't documented, it wasn't done

📌ANA Standards of Practice 2021:
التوثيق جزء من المسؤولية القانونية والأخلاقية للممرض. هو ال بيحميك في حالات الـ Malpractice و Negligence.
القانون ما بسأل :عملت شنو؟
بسأل : وين مكتوب إنك عملت؟

✳قواعد و بروتوكولات التوثيق العالمية:
🔸️الدقة Accuracy:
اكتب ال شفتو بالضبط ،أرقام، ألوان، كميات. ما تكتب المريض كويس أو تعبان بس
🔸️الموضوعية Objectivity:
وقائع فقط ما تكتبي المريض عنيد، اكتب المريض رفض الدواء الساعة 10ص.
🔸️التوقيت Timeliness:
وثق فوراً بعد الحدث لأن التأخير نسيان و النسيان خطأ قانوني.
🔸️الوضوح Clarity:
خط واضح، لا اختصارات ممنوعة، لا شطب الغلط تشطب عليه بسطر واحد وتوقع.
🔸️الشموليةCompleteness :
Assessment + Intervention + Response + Education.
🔸️السريةConfidentiality:
ما توثق معلومات في مكان عام
HIPAA / GDPR.

⭕الممنوعات:
فراغات فاضية، توثيق مسبق، توقيع لزول تاني، استخدام correction fluid

✳فوائد التوثيق الصحيح
🔹️استمرارية الرعاية:
الشفت البعدك يعرف الحصل شنو
🔹️التواصل:
بين الفريق الطبي كله.
🔹️جودة الرعاية:
بيساعد في تقييم الخطة العلاجية
🔹️البحث والجودة:
البيانات بتستخدم لتحسين المستشفى
🔹️الحماية القانونية: زي ما قلنا
🔹️الفوترة:
التأمين ما بيدفع بدون توثيق.

⭕عواقب عدم التوثيق أو التوثيق الخاطئ:
▪️قانونية: دعوى إهمال طبي، سحب الرخصة من NMC /Saudi Commission
▪️مهنية: إنذار، فصل، فقدان الثقة
▪️للمريض: تكرار فحوصات، أخطاء دواء، تدهور حالة.
▪️للمستشفى: غرامات، فقدان الاعتماد من Joint Commission

✳خطوات التوثيق التمريضي الصحيح
حسب
ANA Standards + Joint Commission + WHO Patient Safety

📌قبل ما تكتب أي كلمة - 7 خطوات

المرحلة 1️⃣ قبل التوثيق
▪️قيم المريض أول
كامل العلامات الحيوية، الألم، الجرح، الحالة النفسية.
القاعدة:
وثق ال شفته، ما ال سمعته.
▪️نفذ التدخل
اعطاء دواء، تغيير جرح، تعليق درب. ▪️وثق بعدها مباشرة .
▪️التوقيت Timeliness:
خلال 15-30 دقيقة حسب Joint Commission.

المرحلة 2️⃣ أثناء التوثيق
قاعدة الـ 5 W + 1 H
▪️منو؟ Who
اسم المريض كامل + رقم الملف + تاريخ الميلاد
▪️متين؟ When
التاريخ + الزمن بالضبط نظام 24 ساعة. مثال: 17/04/2026 14:30
▪️شنو ؟ What
شنو ال حصل استخدم أرقام:
BP 130/85, Pain 6/10, 500ml NS
▪️ليه ؟Why
سبب التدخل For fever , Post-op pain management
▪️كيف ؟How
كيف نفذت
IV via right forearm, Oral route, IM in right deltoid

المرحلة 3️⃣ بعد التوثيق
▪️الإستجابة Response
أهم خطوة المريض استجاب كيف بعد 30 دقيقة؟
مثال:
Pain decreased to 2/10 Patient resting comfortably
▪️ التثقيف Education:
علمت المريض شنو؟
Patient educated about wound care
▪️التوقيع Signature
اسمك الكامل + المسمى الوظيفي + رقمك الوظيفي + توقيعك

#الحلقة7
#التوثيق

15/07/2026

في الطواريء لو إتأخرت دقايق بس عشان تنادي الدكتور ...
و ما عملت CPR المريض حيموت دماغيًا⭕

سلسلة البقاء
Chain of Survival
التعرف المبكر و CPR بجودة عالية فرصة نجاة أعلى🚨

سلسلة البقاء الChain of Survival
هي زي السلسلة الحديدية لو حلقة واحده اتكسرت المريض حيقع
وهي 6 خطوات لازم تتعمل ورا بعض بسرعة عشان الزول ال قلبو وقف يشتغل بكفاءة من جديد و ينجو .

1️⃣التعرف المبكر وتنشيط الاستجابة:
شكيت انو المريض قلبو وقف
انده سريع فعِّل كود (حسب الحالة)
جيب جهاز الصدمات الكهربائيةAED انت أول زول حيشوف المريض
تأخير دقيقة معناه 10% نقص في فرص النجاة.

2️⃣ اعمل CPR عالي الجودة فورا و سريع:
100-120 ضغطة/دقيقة عمق 5-6 سم ،
راحة كاملة للصدر لمن يرجع تاني
لو الضغط سريع >120 الجودة بتقل والدم ما بوصل.

3️⃣إزالة الرجفان المبكر :
استخدم الصدمات بأسرع ما يمكن كل دقيقة تأخير في الصدمة يعني 10% نقص.

4️⃣دعم الحياة المتقدم ACLS
Advanced Cardiac Life Support :
دا شغل الدكاترة و ممرضين الطوارئ المدربين
فيهو شنو:
🔸️أدوية الادرينالين و الاميودارون
🔸️تركيب أنبوبة تنفس ET Tube
🔸️قراءة تخطيط القلب و إعطاء صدمات محددة
🔸️تركيب درب مركزي
دا شغل فريق الطواريء داخل المستشفى .

5️⃣الرعاية بعد توقف القلب:
تبريد ، متابعة بتمنع تلف الدماغ.

6️⃣التعافي:
تأهيل ودعم نفسي دور التمريض المجتمع

✴القواعد الذهبية للـ CPR - 2025 AHA Guidelines

◾للكبار والمراهقين:
▪️المعدل: 100-120 ضغطة في الدقيقة
▪️ليه؟ أسرع من 120 الجودة بتقل والعمق ما بكون كافي
▪️العمق: 2 بوصة = 5 سم كحد أدنى، 2.4 بوصة = 6 سم كحد أقصى
▪️ليه حد أعلى؟ عشان نمنع الإصابات
▪️النسبة: 30 ضغطة : 2 نفس
▪️راحة كاملة للصدر بين الضغطات
▪️ما توقف أكتر من 10 ثواني
▪️بدل مع زميلك كل دقيقتين

◾للأطفال والرضع:
▪️نفس المعدل 100-120
▪️عمق: رضيع 1.5 بوصة، طفل 2 بوصة

✳الوضع محليا - السودان

📌البروتوكول: أغلب مستشفياتنا الكبيرة شغالة بـ AHA 2020/2025.
📌 وزارة الصحة اعتمدتها في تدريب BLS للكوادر.
المشكلة:
🔹️قلة AED في العنابر و هنا ضرب مثال لي الأماكن المؤهلة لي عمل المسعفين الاوليين و كمان لو المريض اتعمل ليه إسعاف اولي و دخل المستشفى يبقى قطع شوط كبير و انقذو حياتو تقريبا.
🔹️مافي أجهزة تغذية راجعة Feedback Devices (الجهاز الصغير ال بتلصق في صدر المريض عشان يقيس الضغط) الأجهزة دي بتساعد في قياس الجودة.
▫️بوريك لو ضغطت سريع >120
▫️ بوريك لو ضغطك خفيف

14/07/2026

الإسعافات الأولية VS التمريض
الجزء 2

✳القواعد والبروتوكولات بتقول شنو؟

▪️منظمة الصحة العالمية WHO
و ICN المجلس التمريضي الدولي:
التمريض مهنة منظمة، الممارسة التمريضية تتطلب تعليم رسمي معتمد و ترخيص
Safe Patient Handling و Patient Safety
ما بتتعمل إلا بكادر مؤهل.
ممنوع منعاً باتاً شخص غير مرخص يدي دواء أو يركب درب أو يعمل تقييم.

✳محليًا السودان_ المجلس القومي للمهن الطبية:
القانون بقول:
▪️ممرض مسجل:
بكالوريوس 4 سنين ، امتياز ، امتحان مزاولة
▪️مساعد ممرض:
دبلوم 3 سنين
▪️كورس الإسعافات:
اسمه مسعف شغله في الإسعاف والطوارئ الميدانية فقط ما في عنابر ولا غرف عمليات.

المشكلة القانون موجود بس الرقابة ضعيفة

✳الحل شنو؟ دا الجد
للمستشفى:
صنف الوظائف:
مساعد تمريض براتب أقل للمهام البسيطة.
ممرض مسجل للمهام الخطرة.

🔹️للمجلس الطبي:
1. حملات تفتيش مفاجئة
2. رقم للتبليغ عن المستشفيات المخالفة

🔹️لينا نحنا:
ما تشتغل ببلاش لو قالو ليك تعال اتدرب قول انا جاي اشتغل بي ورقي.
وعي المريض من حق المريض يسأل انت ممرض مسجل؟
صوت عالي في السوشيال.

📌لو بقينا ضد المسعفين بنكون ظلمنا ناس كتار مجتهدين.
ولو سكتنا على الغلط بنكون ظلمنا المرضى والممرضين.

🔸️للمسعف:
مكانك محفوظ ومهم
في ناس بحبو مهنة التمريض و عاجبهم المجال الطبي لكن و لي ظروف م درسو جامعات،
ف م كان في قداهم غير الإسعافات لانه تقبل الفئات و الإسعافات
فعلا كويسة لأنها توعية و مفيدة للناس في كل مكان و كمان نقول عليها انو هي أول خطوة لإنقاذ الحياة
لما نلقى واحد كان نفسو يدخل مجال طبي بس م اتوفق لأي ظرف بتكون متفاني جدا و مقدر للمكان ال هو فيهو و لي شغلو لكن برضو بنقول ليهم عندو المكان المؤهل ليهو

🔸️للممرض
انت لما تقرأ كل العلوم دي و التخصصات تاخد أخلاقيات المهنة ،
و لما يجي وقت الشغل ما تشتغل بي ضمير يبقى تاني الغلط منك انت وبس
لانو الجامعة م قصرت معاك شيلتك العدة و العتاد و نزلتك الساحة جاهز اشتغل بي ضمير و خاف الله.

الإسعافات خط الدفاع الأول في الشارع، في البيت، في المدرسة.
بدونك المريض ما كان حيوصل المستشفى و هو مسعف يعني قلل ضرر كبير و لغاية المستشفى و العنبر شغلك خلص.

🔸️للمستشفى:
خت كل زول في محله
ما تشغل المسعف مكان الممرض عشان توفر.
وما تمنع الطالب عشان رخيص.
خت كل زول في المكان المؤهل ليه.

📌خلونا نكون منصفين:

▫️للمسعف:
انت بطل. انت أول زول بيصل.
انت البتوقف النزيف وبتنقذ في الشارع و بتقدم خدمة كبيرة.
شكراً مكانك الإسعاف والعيادات الخارجية.

▫️للممرض الجامعي:
انت شلت علم 4 سنين.
معاك أمانة مريض كاملة 24 ساعة.
لو ما اشتغلت بضمير... الحساب عليك.

▫️للمستشفى:
ما تخلط الأدوار.
الرخيص حيكلفك غالي.
والغلط حيجيب قضية.

📌المشكلة ما في الناس.
المشكلة في البشغلو الناس غلط

13/07/2026

التمريض VS الإسعافات الأولية

📌دي مقارنة بين 4 سنين دراسة و 3_6 شهور دراسة

✳الممرض الجامعي بدرس شنو؟
🔹️التشريح Anatomy:
تعرف وين العصب و وين الوريد قبل تضرب العضل عشان ما تشل المريض
🔹️علم وظائف الأعضاء Physiology:
تعرف ليه الضغط نزل؟ ليه النفس بقى سريع؟ الجسم شغال كيف؟
🔹️الكيمياء الحيوية Biochemistry:
تفهم تحليل السكر واليوريا والكرياتينين ما تحفظ أرقام بس.
🔹️علم الأدوية Pharmacology:
الدوا دا بشتغل كيف؟ بيتعارض مع شنو؟ جرعتو كم؟ الأعراض الجانبية؟
🔹️علم الأمراض Pathology:
دا فشل كلوي ولا جفاف؟ دا التهاب ولا جلطة؟
🔹️علم النفس Psychology:
كيف تتعامل مع مريض السرطان؟ مع الأهل المعصبين؟
🔹️علم الجينات Genetics:
ليه المرض دا وراثي؟ أوعي الأهل كيف؟

📌تمريض باطني + جراحي + أطفال + نساء + نفسي + مجتمع 6 تخصصات في 4 سنين
-يعني لما تجي تركب درب، انت ما مركبة موية
انت عارف:
-نوع الدرب، السرعة، التأثير على القلب والكلى، علامات الحساسية، ومتين توقفيه.

✳كورس الإسعافات الأولية بدرس شنو؟ 1-3 شهور

🔹️الإنعاش القلبي الرئوي CPR
🔹️ وقف النزيف ، ضغط مباشر ، رباط ضاغط.
🔹️الحروق والكسور ، تثبيت مبدئي.
🔹️الاختناق، مناورة هايمليخ
🔹️نقل المريض ، بأمان لحد ما الإسعاف يجي

📌الهدف: إنقاذ حياة مؤقتاً لحد ما توصل المستشفى.

شوف الفرق في موقف واحد:
مريض سكره نازل وفاقد الوعي
▫️بتاع الكورس:
حيديهو موية بسكر بالفم لو شرق؟ مات
▫️الممرض الجامعي:
حيقيس السكر أول، لو أقل من 50 حيركب درب جلوكوز 50% وريدي ببطء، وحيراقب العلامات الحيوية، وحيعرف السبب عشان ما يتكرر

📍الممرض لما يعلق الدرب بكون عارف
الدواء دا ماشي وين، بيعمل شنو،
وممكن يعمل شنو لو غلط.

⭕في مراكز ومستشفيات بقت تشغل ناس واخدين كورس شهر أو 3 شهور إسعافات أولية مكان طالب تمريض دارس 4 سنين + امتياز + تدريب.

✳النتيجة:
▪️ظلم للطالب الجامعي:
بيتخرج يلقى الوظيفة قفلها زول بكورس حتى لو هو رابع أو خامس بقولو ليه إلا تتخرج
▪️خطر على المريض:
▪️تقليل من المهنة:
بقينا نشوف الممرض أي زول لابس سكراب.

✳ليه المراكز بتعمل كدا؟
السبب واحد: القروش
زول الكورس راتبه 50-70 ألف
طالب الجامعة عايز 200+
فبشغلو الرخيص وبيقولو كلو ممرض.

✳دا مأثر على الطالب الجامعي كيف؟
▫️إحباط:
بتقرا 4 سنين وتجي تلقى زول بكورس شايل مكانك
▫️بطالة مقنعة:
مراكز كتيرة إلا خريج لكن تشغل الكورسات عادي
▫️ضغط في الشغل:
لما يحصل خطأ طبي، السمعة بتمشي على التمريض كلو حتى لو الغلطان ما ممرض جامعي.
▫️تدني الرواتب:
عشان في بديل رخيص

✳الحل شنو؟ دا دورنا كلنا
▪️للطالب:
ما تتنازل أرفض تشتغل تحت مسمى ممرض وانت لسه ما اتخرجت طالب بحقك.
▪️للمجلس الطبي:
لازم رقابة الشغل في العنابر والمستشفيات يكون بتصنيف مساعد ممرض ما ممرض
▪️لينا كصفحات:
نوعي الناس المريض من حقه يعرف منو البعالجه دا كورس ولا جامعة؟
▪️للكورسات:
يا ريت ترجع لهدفها إسعافات للبيت والشارع والمدارس... ما للعنبر

✳بأثر كيف على شغل المستشفى وصحة المريض؟
الفرق بين إسعافات أولية و تمريض
📍الممرض الجامعي
🔸️حساب الدرب
الممرض دارس حساب الدرب كيف بالقطرة و سرعته والزمن و العمر.
المسعف:ممكن يغلط في تنظيم القطرات. فارماكولوجي + 🔸️تأثير الدواء
أدوية
الممرض: عارف اسم الدواء دواعي الاستعمال ، الطريقة، الأعراض الجانبية ، التفاعلات
المسعف: عارف اسم الدواء و الطريقة بس.
🔸️تقييم المريض:
المريض :المريض ضغطه نازل ، سكر نازل ، عنده علامات صدمة، جفاف.
المسعف: المريض تعبان.
🔸️طواريء :
الممرض: تركيب درب وريدي ، إعطاء أدوية إنقاذ
المسعف: CPR بس.
🔸️توثيق:
الممرض: ملزم قانونياً ودارس توثيق تمريضي.
المسعف: ما بعرف يكتب تقرير.

📌النتيجة:
أخطاء طبية ، تأخر في التشخيص ، وفيات ممكن تتفادى

✳المستشفيات بتستفيد شنو؟ وبتضرر كيف؟
▪️الاستفادة القصيرة المدى:
راتب أقل زول الكورس 70 ألف، الخريج 250-400 ألف.
ما بيطالب بحقوق لا إجازات لا تأمين لا تدريب.
▪️الضرر الطويل المدى:
-قضايا وأخطاء طبية غلطة واحدة تعويض بالملايين ، سمعة المستشفى ممكن تضيع.
-تفتيش المجلس الطبي لو مسكوك مشغل ناس غير مؤهلين غرامة قفل لو مركز خاص.
-هروب المرضى المريض الواعي بقى بسأل منو الممرض المسؤل عني؟
-ضغط على الأطباء الدكتور ببقى شايل شغل التمريض كلو عشان ما واثق.

✳الأثر على الممرض الجامعي
التوظيف:
عندنا ناس شغالين حتى لو ما مؤهلين فبقولو ليك تعال متطوع
الراتب:
بنزل طالما في بديل رخيص، ليه أديك كتير؟
الإحباط المهني:
تحس ب 4 سنين راحت ساي ، Burnout
الهجرة:
90% من الخريجين بيفكرو يسافرو عشان هنا ما مقدرين

✳القواعد والبروتوكولات بتقول شنو؟
منظمة الصحة العالمية WHO
و ICN المجلس التمريضي الدولي:
التمريض مهنة منظمة، الممارسة التمريضية تتطلب تعليم رسمي معتمد و ترخيص
Safe Patient Handling و Patient Safety
ما بتتعمل إلا بكادر مؤهل.
ممنوع منعاً باتاً شخص غير مرخص يدي دواء أو يركب درب أو يعمل تقييم.
📍محليًا السودان_ المجلس القومي للمهن الطبية:
القانون بقول:
ممرض مسجل:
بكالوريوس 4 سنين ، امتياز ، امتحان مزاولة
مساعد ممرض:
دبلوم 3 سنين
كورس الإسعافات:
اسمه مسعف شغله في الإسعاف والطوارئ الميدانية فقط ما في عنابر ولا غرف عمليات.
المشكلة القانون موجود بس الرقابة ضعيفة

✳الحل شنو؟ دا الجد
للمستشفى:
صنف الوظائف:
مساعد تمريض براتب أقل للمهام البسيطة.
ممرض مسجل للمهام الخطرة.
افهم انو الرخيص حيكلفك غالي بعدين.

✳للمجلس الطبي:
1. حملات تفتيش مفاجئة
2. رقم للتبليغ عن المستشفيات المخالفة
لينا نحنا:
ما تشتغل ببلاش لو قالو ليك تعال اتدرب قول انا جاي اشتغل بي ورقي.
وعي المريض من حق المريض يسأل انت ممرض مسجل؟
3.صوت عالي في السوشيال.

ميزان التمريض

23/07/2026

21/07/2026

20/07/2026

19/07/2026

19/07/2026

18/07/2026

17/07/2026

15/07/2026

14/07/2026

13/07/2026

Address

Website

Alerts

Shortcuts

Share

Category

Listing takedown request