Wasarada Caafimaadka Gobolka Togdheer Buhodle

Wasarada Caafimaadka Gobolka Togdheer Buhodle � Waqooyi Bari State,
� Xog & Wacyigelin Caafimaad
� Caafimaad tayo leh oo qof walba gaaraa.

🩺 Tababarka Macallimiinta ee Xoojinta Adeegyada Talaalka.Isuduwaha Wasaaradda Caafimaadka Gobolka Togdheer Buhodle , Abd...
19/07/2026

🩺 Tababarka Macallimiinta ee Xoojinta Adeegyada Talaalka.

Isuduwaha Wasaaradda Caafimaadka Gobolka Togdheer Buhodle , Abdiqani Maxamud Shire ayaa ka qayb galey Barnaamijka Talaalka (EPI) ee Tababarka Macallimiinta (Training of Trainers - ToT) ee Integrated Training Package for Immunization in Practice, kaas oo lagu qabtay magaalada Muqdisho intii u dhaxaysay 19–23 July 2026.

Tababarkan oo ay iska kaashadeen Wasaaradda Caafimaadka Dowladda Federaalka Soomaaliya, Gavi, WHO, UNICEF, iyo Jaamacadda Jazeera, ayaa ujeeddadiisu ahayd xoojinta aqoonta iyo tayada adeegyada tallaalka, si loo horumariyo caafimaadka hooyada iyo dhallaanka.
Wasaaradda Caafimaadka Gobolka waxay ka go'an tahay inay sii xoojiso adeegyada tallaalka iyo tayeynta xirfadaha shaqaalaha caafimaadka si bulshada loo gaarsiiyo adeegyo tayo leh.

15/07/2026

WARBIXIN: SOO BANDHIGISTA WAXQABADKA WASAARADDA CAAFIMAADKA 2025–2026

Maanta waxaan si rasmi ah ula wadaagnay Wasiirka Caafimaadka iyo wafdigiisa warbixin ku saabsan waxqabadkii Wasaaradda Caafimaadka muddadii u dhexeysay 2025–2026.

Kulanka ayaa lagu soo bandhigay hawlihii muhiimka ahaa ee la qabtay, horumarradii laga sameeyay adeegyada caafimaadka, iyo shaqooyinkii muhiimka ahaa ee aan h**e bulshada uga qarsoonaa.

Waxaa si gaar ah diiradda loogu saaray:

- Horumarinta adeegyada caafimaadka ee xarumaha caafimaadka.
- Xoojinta barnaamijyada tallaalka iyo daryeelka hooyada iyo dhallaanka.
- Dadaallada lagu hagaajinayo tayada adeegyada caafimaadka.
- Guulaha iyo caqabadaha jira iyo qorshayaasha horumarineed ee mustaqbalka.

Waxaan uga mahadcelinaynaa Wasiirka iyo wafdigiisa booqashada iyo dhageysiga warbixinta, taas oo qayb ka ah dadaallada lagu xoojinayo wada shaqeynta iyo horumarinta caafimaadka bulshada.

Wasaaradda Caafimaadka — adeeg bulsho, horumar iyo caafimaad waara.

15/07/2026

WASIIRKA WASAARADDA CAAFIMAADKA OO XADHIGGA KA JARAY XARUNTA CAAFIMAADKA HOOYADA IYO DHALLAANKA (MCH) EE MAROODI-KA-DHAC

Wasiirka Wasaaradda Caafimaadka Dowladda Waqooyi Bari Soomaaliya, Dr. Aadam Jaamac muuse ayaa maanta si rasmi ah u xadhigga uga jaray Xarunta Caafimaadka Hooyada iyo Dhallaanka (MCH) ee deegaanka Maroodi-ka-Dhac, taas oo loogu talagalay in lagu xoojiyo adeegyada caafimaadka ee hooyada, dhallaanka iyo bulshada deegaanka.

Munaasabadda furitaanka waxaa ka qaybgalay masuuliyiin ka tirsan dowladda, maamulka deegaanka, odayaal dhaqameed iyo qaybaha kala duwan ee bulshada, kuwaas oo soo dhaweeyey hirgelinta xaruntan muhiimka ah.

Safarka Wasiirka waxaa ku weheliyey Dr. Aadan Jaamac Muuse, Wasiirka Dhallinyarada iyo Ciyaaraha ee Dowladda Waqooyi Bari Soomaaliya.

Wasaaradda Caafimaadka waxay sii wadi doontaa dadaallada lagu horumarinayo adeegyada caafimaadka iyo gaarsiinta adeegyo tayo leh dhammaan bulshada.

Wasaaradda Caafimaadka Dowladda Waqooyi Bari Soomaaliya

15/07/2026

WASIIRKA WASAARADDA CAAFIMAADKA OO DHAGAX-DHIGAY DHISMAHA XARUNTA CAAFIMAADKA HOOYADA IYO DHALLAANKA (MCH) EE DHALAAMO-CUNE

Wasiirka Wasaaradda Caafimaadka Dowladda Waqooyi Bari Soomaaliya, Dr. Aadam Jaamac Muuse ayaa maanta si rasmi ah u dhagax-dhigay dhismaha Xarunta Caafimaadka Hooyada iyo Dhallaanka (MCH) ee Deegaanka Dhalaamo-Cune.

Mashruucan ayaa ujeeddadiisu tahay in la xoojiyo adeegyada caafimaadka hooyada iyo dhallaanka, lana fududeeyo helitaanka daryeel caafimaad oo tayo leh oo ay bulshada deegaanku si joogto ah u heli karto.

Munaasabadda dhagax-dhigga waxaa ka qaybgalay masuuliyiin ka tirsan dowladda, maamulka deegaanka, odayaal dhaqameed, haween, dhallinyaro iyo qaybaha kala duwan ee bulshada, kuwaas oo soo dhaweeyey hirgelinta xaruntan muhiimka ah.

Wasaaraddu waxay xaqiijinaysaa inay sii wadi doonto dadaallada lagu ballaarinayo adeegyada caafimaadka iyo dhismaha xarumo cusub si loo daboolo baahiyaha bulshada.

Wasaaradda Caafimaadka Dowladda Waqooyi Bari Soomaaliya

15/07/2026

WASIIRKA WASAARADDA CAAFIMAADKA OO BOOQASHO SHAQO KU TEGAY DEGMADA WIDHWIDH

Wasiirka Wasaaradda Caafimaadka Dowladda Waqooyi Bari Soomaaliya, Dr. Aadam, ayaa maanta booqasho shaqo ku tegay Degmada Widhwidh ee Gobolka Togdheer.

Booqashada ayaa qayb ka ahayd kormeer lagu qiimeynayo xaaladda adeegyada caafimaadka, baahiyaha ka jira xarumaha caafimaadka, iyo sidii loo xoojin lahaa adeegyada caafimaad ee bulshada degmada Widhwidh.

Intii uu booqashada ku guda jiray, Wasiirka wuxuu la kulmay maamulka degmada, mas'uuliyiinta caafimaadka iyo shaqaalaha xarunta caafimaadka, isagoo warbixin ka dhegeystay adeegyada la bixiyo, caqabadaha jira iyo qorshayaasha horumarinta caafimaadka.

Wasiirku wuxuu adkeeyey muhiimadda ay leedahay in bulshada Widhwidh ay helaan adeegyo caafimaad oo tayo leh, isagoo ballanqaaday in Wasaaraddu sii wadi doonto dadaallada lagu horumarinayo adeegyada caafimaadka ee degmada.

Wasaaradda Caafimaadka Dowladda Waqooyi Bari Soomaaliya

15/07/2026

WASIIRKA CAAFIMAADKA OO BOOQASHO SHAQO KU TAGAY XARUNTA WASAARADDA CAAFIMAADKA GOBOLKA TOGDHEER – BUUHOODLE

Wasiirka Wasaaradda Caafimaadka Dowladda Waqooyi Bari, Dr. Aadam, ayaa maanta booqasho shaqo ku tagay xarunta Wasaaradda Caafimaadka ee Gobolka Togdheer, Buuhoodle.

Booqashada ayaa ujeeddadeedu ahayd kormeerka shaqooyinka wasaaradda, qiimeynta adeegyada caafimaadka, iyo la kulanka maamulka iyo shaqaalaha caafimaadka si loo xoojiyo tayada adeegyada la siiyo bulshada.

Mas'uuliyiinta gobolka ayaa Wasiirka ku soo dhoweeyey xarunta, iyagoo warbixin ka siiyey xaaladda guud ee adeegyada caafimaadka, guulaha la gaaray iyo baahiyaha jira. Wasiirku wuxuu bogaadiyey dadaalka shaqaalaha caafimaadka, wuxuuna ku adkeeyey in la sii xoojiyo adeegyada caafimaadka iyo daryeelka bulshada.

Wasaaradda Caafimaadka Gobolka Togdheer
Dowladda Waqooyi Bari Soomaaliya

Shangeed.
15/07/2026

Shangeed.

Maamulka Gobolka Togdheer, Wasaaradda Caafimaadka Gobolka , shaqaalaha caafimaadka iyo bulshada degmada Buuhoodle waxay ...
15/07/2026

Maamulka Gobolka Togdheer, Wasaaradda Caafimaadka Gobolka , shaqaalaha caafimaadka iyo bulshada degmada Buuhoodle waxay si weyn ugu faraxsan yihiin soo dhawaynta Wasiirka Caafimaadka Waqooyi Bari State Dr. Aadam oo booqasho shaqo ku yimid Buuhoodle.
Booqashadani waxay muujinaysaa sida ay Wasaaraddu uga go’an tahay horumarinta adeegyada caafimaadka, xoojinta barnaamijyada tallaalka, tayeynta xarumaha caafimaadka iyo daryeelka bulshada guud ahaan.
Waxaan Wasiirka uga mahadcelinaynaa dadaalka iyo hoggaaminta uu ku horumarinayo caafimaadka shacabka Waqooyi Bari State.

Address

Buuhoodle

Website

Alerts

Be the first to know and let us send you an email when Wasarada Caafimaadka Gobolka Togdheer Buhodle posts news and promotions. Your email address will not be used for any other purpose, and you can unsubscribe at any time.

Shortcuts

Share

Category