26/02/2026
Waxaa caawa si heer sare ah u qabsoomay afur wadareed ay isugu yimaadeen bahda qalin-jebiyayaasha dhakhaatiirta Soomaaliyeed ee wax ku soo bartay Jamhuuriyadda Masar.
Kulankan oo ujeeddadiisu ahayd xoojinta xiriirka iyo iskaashiga dhakhaatiirta kala duwan ee ku soo waxbaratay Masar, ayaa sidoo kale diiradda lagu saaray sidii loo mideyn lahaa aqoonta iyo waayo-aragnimada si bulshada Soomaaliyeed loogu adeego adeeg caafimaad oo tayo sare leh, una jaanqaadi kara heerarka caalamiga ah.
Kulanku wuxuu ku soo dhammaaday jawi isfahan, walaaltinimo iyo go’aan mideysan oo ku aaddan horumarinta adeegyada caafimaadka dalka.
