17/09/2026
๐๐๐ฌ๐๐๐ซ๐๐๐๐ ๐๐๐๐๐ข๐ฆ๐๐๐๐ค๐ ๐จ๐จ ๐๐ฎ๐ช๐๐ข๐ฌ๐ก๐จ ๐ค๐ฎ ๐ช๐๐๐๐ญ๐๐ฒ ๐๐ฎ๐ง๐๐๐ฌ๐๐๐๐๐๐ ๐๐๐๐ฅ๐ข๐ง๐ญ๐ ๐๐๐๐ฅ๐๐ฆ๐ข๐ ๐ ๐๐ก ๐๐ ๐๐๐๐ช๐๐๐ค๐ ๐๐ฎ๐ค๐๐๐ง๐ค๐ ๐๐๐๐.
Muqdisho, 17 Sebtembar 2026; Wasaaradda Caafimaadka iyo Daryeelka Bulshada ee Xukuumadda Federaalka Soomaaliya ayaa maanta magaalada Muqdisho ku qabatay munaasabadda Maalinta Caalamiga ah ee Badqabka Bukaanka 2026, oo sanadkan loo asteeyey halkudhigga โSafe Care for Life!โ Daryeel Badqab Leh, Nolosha oo Dhan.โ Munaasabadda oo diiradda lagu saaray xoojinta badqabka bukaanka iyo tayada adeegyada caafimaadka ayaa waxaa furay Agaasimaha Waaxda Adeegyada Caafimaadka, Dr. Mohamed Abdullahi, oo tilmaamey muhiimadda ay leedahay in la dhiso nidaam caafimaad oo bukaanka mudnaanta koowaad siinaya.
Madaxa Qeybta Tayada Adeegyada Caafimaadka iyo Badqabka Bukaanka, Xasan Cali, ayaa munaasabadda ka hadlay isagoo faahfaahiyey ujeeddooyinka Maalinta Caalamiga ah ee Badqabka Bukaanka 2026 iyo dadaallada Wasaaradda ee lagu horumarinayo tayada iyo badqabka adeegyada caafimaadka, waxa uu sidoo kale xusay muhiimadda ay leedahay in dhammaan bah-wadaagta caafimaadku ay si wadajir ah uga shaqeeyaan horumarinta adeegyo caafimaad oo tayo leh, ammaan ah, isla markaana bukaanka ku saleysan.
Intii ay munaasabadda socotay, waxaa lagu soo bandhigay daraasado iyo cilmi-baarisyo caafimaad oo kala duwan, kuwaas oo ay soo jeediyeen la-taliyeyaasha Wasaaradda Caafimaadka iyo Daryeelka Bulshada, khubaro ka tirsan hayโadaha Qaramada Midoobay iyo bah-wadaagta kale ee caafimaadka. Munaasabadda waxaa ka qaybgalay Agaasime-waaxeedyada iyo madax-qeybedyada Wasaaradda, shaqaalaha caafimaadka, hayโadaha Qaramada ka shaqeeya arrimaha Caafimaadk, Ururrada xirfadlayaasha caafimaadka, isbitaallada dowladda iyo kuwa gaarka loo leeyahay, jaamacadaha, ardayda caafimaadka iyo ururrada dadka la nool xanuunnada aan faafin (NCDs).
Agaasimaha Waaxda Siyaasadda iyo Qorsheynta ee Wasaaradda Caafimaadka iyo Daryeelka Bulshada, Dr. Abdirahman Awale, ayaa ugu dambeyn ku boorriyey dhammaan bah-wadaagta caafimaadka in la sii xoojiyo iskaashiga iyo dadaallada lagu horumarinayo tayada adeegyada caafimaadka iyo badqabka bukaanka. Maalinta Caalamiga ah ee Badqabka Bukaanka 2026 ayaa sidoo kale noqotay fursad lagu xoojiyey wacyiga bulshada iyo bahda caafimaadka, laguna dhiirrigeliyey wada-shaqeyn lagu xaqiijinayo adeegyo caafimaad oo tayo leh, ammaan ah isla markaana loo siman yahay.
----------------
๐๐๐๐๐๐๐๐
