الدكتورة يمنى محمد بسيم أشقر

الدكتورة يمنى محمد بسيم أشقر الدكتورة يمنى محمد بسيم أشقر أخصائية التوليد والأمراض النسائية وجراحتها

06/07/2026

🚨لكل صبية حامل أول حمل لالها🤰🏼ضروري تسمعي هالكلام
🚫ليش مالازم تختاري القيصرية قبل ما تخوضي تجربة المخاض ؟؟
birth

28/06/2026

نقص فيتامين D ومخزون الحديد 🤷🏼‍♀️

15/06/2026

🚨شو أهم شي لازم تعرفيه اذا خبروكي انه مية الراس قليلة او في نقص بالسائل حول الجنين؟

23/05/2026

🌸 التفهم الوجداني للمريضة لا يقل أهمية عن التشخيص والعلاج الصح👌
شاركونا آرائكن وتجاربكن
care

20/05/2026

🚨 جرثومة القطة ( toxoplasma ) او ال CMV او الحصبة الألمانية أو غيرن ما بتعمل لا اسقاطات متكررة ولا تشوهات متكررة 🚫
💡الخطورة بتكون اذا ما كان عندك اصابة سابقة وصارت الاصابة لأول مرة أثناء الحمل
هي الممارسات القديمة الخاطئة لازم نتركا ورا ضهرنا بقا 🚫

08/05/2026

موت الفجأة هو من أصعب الابتلاءات اللي ممكن يمر فيها الانسان .. مر معي فيديو من كم يوم لحادث سير … موتور عميسوقو رجال ووراه امرأة شابة وماشي عمهلو … بمرو جنب سيارة .. صاحبا بيفتح بابه بنفس اللحظة الي هنن مارين جنبه فيا … وقعت المرا بالشارع وعدت فوقا شاحنة بنفس اللحظة وماتت … ثواني كانت كل القصة .. لحظة سهو تحولت لفاجعة
تذكرت هاد المشهد كتير لما سمعت قصة الصبية اللي توفت وهيي فايتة تعمل عملية منخفضة الخطورة وماكان حدا مستعد نفسيا ولا واحد بالمية يسمع هيك خبر … القصتين أثرو فينا كتير … الله يرحم الصبيتين ويصبر قلب محبينن يارب …
في شي دايماً أكبر مننا وأكبر من كل احتياطاتنا … الله لا يجعل سهواتنا فيا مُصاب لغيرنا …
ولأنه اللي صار أكبر من قدرة الانسان عإدراكه دايما بيلجأ ليلاقي تبريرات يرمي عليها القصة … وهو معذور
بس لأنه نحن في عنا أزمة ثقة بالمجتمع ولأنه القصة صدمة النا كلياتنا … الكل ببلش يرمي التهم يمين وشمال بدون ما يكون عندو ادنى معرفة عن هي القصص … وببلش يعاقب قبل ما يحاكم وبسهولة بتتحول لعقاب جماعي لاحقاً … فجأة بتلاقي حالك طرف ضد الناس بقصة ما الك علاقة فيا … وكأنه في حقد تجاه الأطباء ووقعو وما حدا سمّ عليهن … الواقع مختلف والفيسبوك والتريندات ما بتعكس الحقيقة … كلياتنا عمنشوف اديه عميجي مغتربين يتعالجو هون وهنن ممنونين من مهارة الطبيب السوري وبالتالي ماوصلنا لمرحلة انعدام الثقة بين الطبيب والمحتمع … بس المشكلة هيي بالتواصل الصح بين الطبيب والمريض …نثقفن صح .. نحطن بالصورة صح .. نشرحلن كلشي ممكن يصير .. نبني وعي صحي مجتمعي بعيد عن التقديس لحكي فلان وعلان مرجعيته هيي العلم فقط … نعلم المريض حتى كيف يبحث عن معلومة صحيحة ….لحتى نخفف هي الفجوة وما نزيدا …. الطبيب مالازم ينجر ليتحول لطرف مواجهة مع الناس لأنه هو منن وفين … نحن كمان منمرض ومنروح عدكاترة ومنخاف متل ما بتخافو … ونحن منعرف انه اكتر ناس بيثقو فينا هنن اهلينا اللي شافو بعينن اديش تعبنا واجتهدنا وبسلمونا حالن وهنن مغمضين …
بالنهاية كلياتنا تحت أمر رب العالمين …

07/05/2026

🚩 #مريضة حامل 36 أسبوع راجعتني بالمستوصف لزيارة حمل روتينية
🚨شو ممكن تكون أسباب استسقاء البطينات الدماغية وانعدام السائل مع ضخامة كبدية عند هاد الجنين ؟

05/05/2026

صباح الخير ❤️
🚨 هام جداً لكل مريضات المبيض متعدد الكيسات 🌸
مو كل المريضات متل بعض ✋.. التشخيص الصح هو الأساس … والعلاج بيختلف حسب كل حالة وحسب الرغبة بالانجاب او لا
⚠️والاهم هو المراقبة الدورية مو بس للشعرانية والحب وانما لمستويات السكر والشحوم وضغط الدم
السلامة والرضى لقلوبكن جميعاً يارب ❤️

📞 +963935985067

30/04/2026

⚠️صبية لطيفة جداً ما اجتها دورة أبدا🚫.. تعاينت كتير وقالولا رحمك طفلي 👶🏻 .. تزوجت واكتشفت انه ماعندها لا رحم ولا مهبل ‼️
هي الصبية اجت لعندي من يومين وقالتلي يا دكتورة انا قصتي طويلة … بلشت بأنه صارت بعمر البلوغ .. صار في تطور طبيعي للثديين واشعار العانة والابط بس ما صار طمث ‼️
🚨هون بلشت تروح .. يشوفوها عالايكو يقولولا في رحم بس طفلي 😕.. تزوجت واكتشفت انه هيي عندا متلازمة اسمها ماير روكتانسكي Mayer Rokitansky Kuster hauser … هي المتلازمة بصير فيا فشل بتطور الأعضاء التناسلية الأنثوية … والشكل الاشيع هو غياب الرحم مع مهبل اعور ( عبارة عن جيب صغير لا يصلح للجماع ) المبيضين بكونو طبيعيين تماما والهرمونات عندا طبيعية .. ولكن غير قادرة على الحمل .
العلاج الاساسي بهي الحالة هو لتوسيع المهبل سواء بالموسعات او بالتكنيك الجراحي لتقدر تعيش حياة جنسية طبيعية .
سألتا طيب عندك مشاكل بالكليتين … قالتلي بعدين اكتشفت انه عندي الكلية اليسار ضامرة ☹️( طبعا هالمشكلتين بيترافقو مع بعض بنسبة منيحة ) .
لهيك لازم نحط مية اشارة استفهام ⁉️ لما تجي مريضة فوق ال 15 سنة وماصار عندا طمث . فحص شامل .. اذا الايكو غير مشخص منلجأ لل MRI … تحاليل هرمونية وصيغة صبغية . لأنه هدول المريضات بيستحقو منا كل الرعاية والاهتمام ❤️

يارا الجدايلها شقر❤️فيهن بيتمرجح عمر❤️ اسمها لحاله قصة وشعر .. مليان معنى وحب ودفا .. متل الأميرات 🌸🌸نورتي الدنيا يا يار...
30/04/2026

يارا الجدايلها شقر❤️فيهن بيتمرجح عمر❤️
اسمها لحاله قصة وشعر .. مليان معنى وحب ودفا .. متل الأميرات 🌸🌸
نورتي الدنيا يا يارا ❤️❤️
الف الحمدلله عسلامتك يا ماما سارة الغالية 🌸🌸

Address

حلب الجديدة … مفرق الشمالي (خط الباص)
Aleppo

Website

Alerts

Be the first to know and let us send you an email when الدكتورة يمنى محمد بسيم أشقر posts news and promotions. Your email address will not be used for any other purpose, and you can unsubscribe at any time.

Shortcuts

Share

Category