05/07/2026
حديقة الجلاء بالنسبة إلنا ما كانت مجرد حديقة..
في أماكن بتترك أثر، وبتصير جزء من الذكريات والبدايات. وحديقة الجلاء كانت بالنسبة إلنا هيك.
منها كانت أول انطلاقة لفريقنا، ومنها اجتمع الشباب على مبادرات وأفكار وأيام حلوة رح تبقى بذاكرتنا.
وبكل أمانة، بآخر فترة شفنا اهتمام واضح بالنظافة، واحترام بالتعامل، وتنظيم خلّى كتير من العائلات تعتبرها المتنفس الأقرب والأجمل إلها، مو بس لأهل دوما، حتى لناس كانت تجيها من مناطق الريف والمحافظات القريبة لتقضي فيها وقت جميل.
لذلك، خبر إغلاقها زعلنا فعلًا ك فريق .
ومن باب الإنصاف، كلمة حق لازم تنقال: ما شفنا من العم أبو شاكر إلا كل احترام وتعب وحرص، وسنين طويلة وهو يحاول يوفّر مكان آمن ونظيف يليق بالأطفال والعائلات.
الاختلاف بالرأي حق، لكن ما بصير ننسى تعب الناس ولا نحكم بكلمة تمحي سنوات من الجهد.
من القلب... نتمنى ترجع الحديقة تفتح أبوابها، لأن وجود مكان محترم وآمن ونظيف للعائلات هو حاجة لكل المنطقة، ومو خسارة لدوما وحدها، بل لكل الريف.
الله يكتب الخير للجميع. 🌿🤍
#حديقة الجلاء
#دوما
#فريق
