15/07/2026
شو يعني أوميغا 3 ؟ وعنجد بيفيد بتحسين الذاكرة ؟ 🐟
Omega 3 هو مجموعة من الأحماض الدهنية الأساسية (DHA ,EPA ) اللي بيحتاجها جسمنا ليقوم بالعمليات الحيوية الأساسية 🧬
بس للأسف مانه قادر يصنعها بكميات كافية 🥹
لهيك بيستنى نمده فيه من غذائنا متل السمك والجوز مثلاً
وكونه غذائنا ما كتير غني فيه ف صيدلانياً عنا متمم الأوميغا 3 اللي بيساعدنا نغطي حاجتنا منه 🙆🏻♀️
طيب شو بيفيد ؟! عدوا معي 💁🏻♀️
🧠 1. يدعم صحة الدماغ
لأنه بيدخل بتركيب أغشية الخلايا العصبية ( تحديداً DHA) وبيسهل وبيسرع من نقل السيالات العصبية هالشي بيعني استذكار أسرع للمعلومات وتحسين القدرة الإدراكية والذاكرة 🤓
وكونه مضاد للالتهاب كمان رح يقلل من التلف التأكسدي للخلايا العصبية يعني منبعد عن الزهايمر اللي بيصير مع تقدم العمر 👵🏻
❤️ 2. بيدعم صحة القلب
كونه يخفض الدهون الثلاثية (Triglycerides) بشكل واضح فبيقلل من خطر المشاكل القلبية
👁️ 3. بيدعم صحة العين
🤰 4. مهم أثناء الحمل والرضاعة وبيساهم بنمو دماغ وعيني الجنين.
🦴 5. يدعم صحة المفاصل
غير تقليل الالتهاب بيساعد بتخفيف الألم والتيبس الصباحي عند بعض مرضى التهاب المفاصل وبيدعم النمو عند الأطفال
😊 6. بيدعم الصحة النفسية 🧘🏻♀️
بعض الدراسات بتقول أنه EPA بيفيد كمساعد ببعض حالات الاكتئاب
🧬 7. بيساهم بتقليل الالتهاب
كونه بيشارك بإنتاج مركبات بتساعد على تنظيم الاستجابة الالتهابية
باختصار :
🐟 EPA: يرتبط أكثر بدعم صحة القلب واله دور بالصحة النفسية.
🧠 DHA: مهم جدًا للدماغ والعينين.
🌱 ALA: يوجد في المصادر النباتية مثل بذور الكتان والجوز، لكن تحويله في الجسم إلى EPA وDHA محدود.
كيييف مناخده ؟! حبة يومياً بعد الغداء عوجبة دسمة ( كونه مادة دهنية بيحتاج وسط دهني لينحل فيه ويمتص ) ✨
هلا خبروني عم تاخدوه ؟ وشو عندكن أسئلة عنه ؟
إعداد : الصيدلانية زٰينٰب معتز ميّا
#أوميغاـ3 #صيدلة. #متممات.
