Dr. Obay Ajeeb

Dr. Obay Ajeeb ماجستير في التوليد وأمراض النساء وجراحتها
📍اللاذقية_ أوتستراد الثورة_ مفرق الجامع_قبل مدرسة غسان زوان ب100 متر
📞 0935640766
واتس 0945267757

#مَلَك ❤️من أحلى البنوتات يلي استقبلناهن هالأسبوع👶🏻والظاهر إنو عندها أُمنيات من أول يوم، وقررت تبلّش بالدعاء فوراً 🤲🏻❤️...
18/10/2026

#مَلَك ❤️
من أحلى البنوتات يلي استقبلناهن هالأسبوع👶🏻
والظاهر إنو عندها أُمنيات من أول يوم، وقررت تبلّش بالدعاء فوراً 🤲🏻❤️
ومتل ما غنّى الوسّوف:
🎶 يا مَلَك يا مَلَك.. سبحان ربي ما أجملك 🎶

Obay Salah Ajeeb



#قيصرية
ُبي_عجيب

15/10/2026

😂
مريضتنا جاية لتتأكد إذا معها صبي ولا بنت…🤰🏻👶🏻

لأنو في حدا قلها مبين معك صبي، وحدا تاني قلها معك بنت!

والقصة انو بحملها الماضي، طول فترة الحمل قالولها معك صبي… وبالأخير طلعت بنت! 😅😅
فطبيعي هالمرة تكون خايفة وبدها تتأكد من أكتر من حدا..

بس هالمرة البيبي كان متعاون زيادة عن اللزوم 😂💙 وما خلّى أي مجال للشك ابداً😎

فقلتلها: لا تخافي واطمّني عالآخر ... هالمرة البيبي عم يحضّر حالو، لأنو بعد الولادة رايح فوراً عالمدرسة🤣🤣🤣

Obay Salah Ajeeb

ُبي_عجيب


من قلب العاصفة والمطر… أشرقت الأميرة #شمس🌞لتضيء هذا اليوم، وتنشر فيه الدفء والفرح❤️الله يحميها ويخليها لأهلها، ويبعتلها...
06/10/2026

من قلب العاصفة والمطر… أشرقت الأميرة #شمس🌞
لتضيء هذا اليوم، وتنشر فيه الدفء والفرح❤️

الله يحميها ويخليها لأهلها، ويبعتلها احلى الأيام يا رب ❤️


ُبي_عجيب
#قيصرية

Obay Salah Ajeeb

03/10/2026

❤️

جنين بالشهر الرابع، عم يمص إصبعو داخل رحم أمو… مشهد بسيط، ولكن بيحمل معنى أعمق من مجرد حركة لطيفة. 👶🏻🤍

🩺 فمن الناحية الطبية ترتبط حركات المص عند الجنين بتطوّر الجهاز العصبي، والذي ينظّم وينسق حركات الفم واللسان والبلع. وتُعد هذه الحركات جزءاً من التطوّر الحركي المُبكّر الذي يبدأ قبل الولادة.

يمكن بالنسبة للبعض هيي مجرد صورة على الشاشة… ولكن بالنسبة لأهل ناطرين طفلهم، فكل حركة وتفصيل صغير هيي ذكرى بتضل بالقلب ❤️




ُبي_عجيب

🩺 هل تعني وجود مشكلة خطيرة؟ ومتى نحتاج فعلاً إلى تدخل جراحي؟كيسات المبيض شائعة جداً، خصوصاً خلال سنوات الخصوبة، ومعظمها...
27/09/2026

🩺
هل تعني وجود مشكلة خطيرة؟ ومتى نحتاج فعلاً إلى تدخل جراحي؟

كيسات المبيض شائعة جداً، خصوصاً خلال سنوات الخصوبة، ومعظمها كيسات وظيفية مرتبطة بالدورة الشهرية والإباضة، وقد تختفي تلقائياً مع الوقت دون أي علاج.

🔹 ما هي كيسة المبيض؟
هي تجمّع مملوء بالسائل يتوضع داخل المبيض أو على سطحه.
أغلب الكيسات خلال سنوات الخصوبة تكون وظيفية ومؤقتة وحميدة، ولكن بعضها قد يحتاج إلى متابعة أو تقييماً إضافياً.

🔹 هل كل كيسة تحتاج إلى جراحة؟
بالتأكيد لا.

فالقرار يعتمد على عدة عوامل، أهمها:
• حجم الكيسة وصفاتها على الإيكو (بسيطة أم معقدة/مختلطة)
• عمر السيدة وحالتها الهرمونية
• وجود أعراض من عدمه
• استمرار الكيسة أو تغيّر حجمها وصفاتها مع مرور الوقت

وبناءً على هذه المعطيات، قد يكون القرار:
🔸 المراقبة وإعادة الإيكو
🔸 إجراء فحوصات إضافية عند الحاجة
🔸 أو التدخل الجراحي في حالات مختارة، مثل بعض الكيسات الكبيرة أو المستمرة أو المختلطة أو المسببة لأعراض.

⚠️ متى تجب المراجعة العاجلة؟
🔸 ألم حاد ومفاجئ في أسفل البطن، خاصة إذا كان شديداً أو مستمراً
🔸 ألم مصحوب بغثيان أو إقياء
🔸 دوخة شديدة أو إغماء

لأن هذه الأعراض قد تشير إلى مضاعفات مثل انفتال المبيض أو تمزق الكيسة أو حدوث نزف، وتستدعي تقييماً طبياً سريعاً.

📌 الصور المرفقة توضّح أمثلة حقيقية لكيسات مبيض من عيادتنا، تم تشخيصها ومتابعتها بدقة، واتخاذ القرار المناسب لكل حالة بحسب معطياتها.

💬 لأي استفسار، اكتبولي بالتعليقات.
📞 للتواصل أو حجز موعد:
واتس: 0945267757
اتصال: 0935640766

مع التمنيات بالصحة والسلامة للجميع ❤️

"دكتور… والله أنا خايف عالبنوتة؛ إمتى بدنا نولدها؟!" 😅هاد السؤال تقريبًا كان يرافقني بكل زيارة من أبوها…من بداية الشهر ا...
20/09/2026

"دكتور… والله أنا خايف عالبنوتة؛ إمتى بدنا نولدها؟!" 😅

هاد السؤال تقريبًا كان يرافقني بكل زيارة من أبوها…

من بداية الشهر التامن كان في قلق عند الأهل، لأنو قالولهم إنو المي حول الجنين قليلة، وإنو وزن الجنين أقل من المتوقع.

بس لما تابعت الحمل، شفت إنو كمية السائل الأمنيوسي كانت ضمن الحد الأدنى المقبول، والدوبلر كان طبيعي ومطمئن، وما كان في أي علامة تستدعي الاستعجال بإنهاء الحمل.

فكنت كل مرة طمّنهن وقول:
"لا تخافوا… الأمور منيحة، والطفلة طبيعية، هيي بس صغيرة بالحجم وطالعة لإلكن. ❤️"

وفعلًا، قدرنا نكمل الحمل لحد 37 أسبوع ويومين، وبعدها تمت الولادة، وإجت الأميرة الصغيرة ❤️كايلا❤️ بوزن 2200 غرام.

صحيح إنو هالوزن أقل من الوزن المتوقع عادةً لطفلة بهالعمر الحملي، لكن بحالتها كانت المعطيات تدعم إنو صغر الحجم بنيوي (Constitutionally small)، وما كان في دلائل على تحدد نمو مرضي أو تأثر الجنين،

والحمد لله… ولدت كايلا بصحة ممتازة. ❤️

وبعدها إجت لعندي عالعيادة مع أمها وأبوها..
الأب اللي كان مستعجل عليها طول فترة الحمل، صار حاملها بين إيديه وهو متطمن وفرحان. ❤️

وهون الرسالة المهمة:

مو كل جنين وزنه أقل من المتوقع يعني إنو عندو مشكلة، ومو كل سائل أمنيوسي قليل يعني لازم نولّد فورًا.

المهم هو تقييم الصورة كاملة: نمو الجنين، كمية السائل الأمنيوسي، الدوبلر، وأخد القرار بناءً على مجموع المعطيات والمتابعة، مو على رقم واحد بس.

الحمد لله على سلامتها، والله يحميها ويخليها لأهلها، ويحمي أولاد الجميع يا رب. ❤️🤲🏻


#ولادة #قيصرية


Obay Salah Ajeeb

17/09/2026

❤️

وخلال رحلة البحث عن أسباب ، أظهرت التحاليل وجود ارتفاع في هرمون البرولاكتين «هرمون الحليب»، رغم عدم وجود أعراض واضحة مثل نزول الحليب من الثدي.

وبعد العلاج المناسب والمتابعة، حدث الحمل بفضل الله ❤️

واليوم… كانت واحدة من أجمل اللحظات التي يسعدنا أن نشاركها معكم ❤️

جنين بعمر 10 أسابيع… ونبض صغير يعلن بداية قصة جديدة 👶🏻❤️

الله يحمي الأم و البيبي، ويتمّم حملها على خير، وتشوفه بين إيديها بأتم صحة وعافية 🙏🏻❤️

#حمل #ولادة
#عقم

❤️إجت الأميرة #أبرار❤️ حتى تكون ولادتها عنا باللاذقيةوبسبب عدم معرفة الأم لتاريخ آخر دورة شهرية، ووجود اختلاف في تقدي...
13/09/2026

❤️
إجت الأميرة #أبرار❤️ حتى تكون ولادتها عنا باللاذقية

وبسبب عدم معرفة الأم لتاريخ آخر دورة شهرية، ووجود اختلاف في تقدير العمر الحملي، كانت المتابعة الدقيقة والدورية ضرورية لتحديد العمر الحملي بشكل دقيق، واختيار التوقيت الأنسب للولادة.

والحمد لله، إجت بخير وسلامة ❤️
وبعد أسبوع رجعت تزورنا بالعيادة وهيي بأجمل حال 🌸

أما اسمها، فما كان اختيار عابر...
بل تيمُّناً بقوله تعالى: ﴿إِنَّ الْأَبْرَارَ لَفِي نَعِيمٍ﴾

الله يحميها ويجعل أيامها كلها فرح ❤️🌸


#حمل #ولادة
#قيصرية
Obay Salah Ajeeb

06/09/2026

يُعتبر اللولب النحاسي من أكثر وسائل منع الحمل فعاليةً، ومن أهم ميزاته:

🟠 طويل الأمد، حيث قد تصل مدة فعاليته إلى 10 سنوات بحسب نوع اللولب المستخدم.

🟠 قابل للعكس، حيث تعود الخصوبة والقدرة على الإنجاب بعد إزالته.

🟠 لا يحتوي على هرمونات.

🟠 لا يحتاج إلى تذكّر حبة يومية أو جرعات متكررة من وسائل منع الحمل.

🟠 يمكن استخدامه أثناء الرضاعة الطبيعية لأنه لا يؤثر على إدرار الحليب.

🟠 يمكن استخدامه كوسيلة لمنع الحمل الإسعافي إذا تم وضعه خلال 5 أيام من الجماع غير المحمي.

🌸 ولكن هل اللولب النحاسي مناسب لكِ؟

ليس بالضرورة أن يكون الخيار الأفضل لكل سيدة؛ إذ يعتمد اختيار وسيلة منع الحمل المناسبة على حالتك الصحية، وطبيعة الدورة الشهرية، وفحص الرحم والحوض، والتأكد من عدم وجود موانع لتركيبه.

📌 اللولب النحاسي متوفر في العيادة، ويتم تركيبه بعد الاستشارة والتقييم الطبي.

للاستفسار يمكنكم التواصل معنا:

📞 0935640766
💬 WhatsApp: 0945267757






❤️ #محمد ❤️ هالطفل الحلو يلي كنت شاهد على أنفاسو الأولى من سنة؛واليوم حب ينوّرنا بالعيادة بضحكتو الحلوة❤️الله يحميه لأه...
27/08/2026

❤️
#محمد ❤️ هالطفل الحلو يلي كنت شاهد على أنفاسو الأولى من سنة؛
واليوم حب ينوّرنا بالعيادة بضحكتو الحلوة❤️
الله يحميه لأهلو ويبعتلو أيام حلوة يارب ❤️


#قيصرية
#عيادة
Obay Salah Ajeeb

Address

أوتستراد الثورة_ مفرق الجامع_ قبل مدرسة غسان زوان ب100 متر
Lattakia

Website

Alerts

Be the first to know and let us send you an email when Dr. Obay Ajeeb posts news and promotions. Your email address will not be used for any other purpose, and you can unsubscribe at any time.

Shortcuts

Share

Category