14/06/2026
လူသားတစ်ယောက်ဖြစ်ရခြင်းရဲ့ အခက်ခဲဆုံးအပိုင်းကတော့ ကိုယ့်ကိုယ်ကိုယ် အမုန်းရဆုံးအရာတွေဟာ လျစ်လျူရှုထားရုံနဲ့ ပျောက်ကွယ်မသွားဘူးဆိုတာကို သတိပြုမိလာခြင်းပါပဲ။
စိတ်ပညာရှင် Carl Jung ကတော့ ကျမတို့ ဖုံးကွယ်ထားတဲ့ ဒီလိုစိတ်အခြေအနေတွေကို "Shadow" (အရိပ်မည်း) လို့ ခေါ်ခဲ့ပါတယ်။ ထုတ်မပြခဲ့တဲ့ ဒေါသတွေ၊ မရှိသလို ဟန်ဆောင်ထားတဲ့ ကြောက်ရွံ့မှုတွေ၊ ပြီးတော့ "လူကောင်းဆိုတာ ဒီလိုမျိုးမခံစားရဘူး" ဆိုပြီး ဖွင့်ဟတိုင်ပင်ဖို့အကူညီရယူခြင်းနဲ့ဝေးရာဆီကို တွန်းပို့ထားခဲ့တဲ့ အရာတွေလည်းဖြစ်တယ်။ မနာလိုမှု၊ မလုံခြုံမှု၊ ဝမ်းနည်းမှုနဲ့ နာကျင်မှုတွေလည်း ဖြစ်ပါတယ်။
ဒါပေမဲ့ အဲဒီစိတ်ပိုင်းတွေ မရှိသလို ဟန်ဆောင်လေလေ၊ သူတို့က ပိုပြီး ကျယ်လောင်လေလေပါပဲ။ ဒါကြောင့်မို့လည်း ဒီပုံက အဓိပ္ပာယ်ရှိနေရတာပါ။ အလယ်ကလူဟာ စိတ်ထဲက "မိစ္ဆာ" တွေကို တိုက်ခိုက်မနေသလို၊ ထွက်ပြေးနေတာလည်း မဟုတ်ပါဘူး။ သူက အဲဒီအရာတွေနဲ့အတူ အေးအေးဆေးဆေး အတူတူထိုင်နေရုံသက်သက်ပါပဲ။ ဘာလို့လဲဆိုတော့ ကုစားခြင်း (Healing) ဆိုတာ စိတ်အမှောင်ထုတွေ ဒါမှမဟုတ် နာကျင်စရာခံစားချက်တွေကို အမြစ်ပြတ်ဖျောက်ဖျက်ပစ်ဖို့ ရည်စူးထားတာ မဟုတ်လို့ပါ။
တစ်ခါတရံမှာ ကုစားခြင်းဆိုတာ ဒါမျိုးပြောတတ်လာတာကို ဆိုလိုပါတယ် -"မင်းတို့ရှိနေတာကို ငါသိတယ်။ မင်းတို့ဘာလို့ရှိနေရလဲဆိုတာကိုလည်း ငါနားလည်တယ်။ ဒါပေမဲ့ မင်းတို့က ငါ့ဘဝကို လာပြီးတော့ ထိန်းချုပ်လို့မရဘူး။" ဆိုတာမျိုးပေါ့။
စိတ်ပိုင်းဆိုင်ရာ ကျန်းမာကြံ့ခိုင်တယ်ဆိုတာ ဒေါသ၊ ကြောက်ရွံ့မှု ဒါမှမဟုတ် ဝမ်းနည်းမှုကို ဘယ်တော့မှမခံစားရတော့တာကို မဆိုလိုပါဘူး။ အဲဒီခံစားချက်တွေကို ကိုယ့်ရဲ့ဖြစ်တည်မှုအပေါ် လွှမ်းမိုးခွင့်မပေးဘဲ၊ ဘယ်လိုရင်ဆိုင်ရမလဲဆိုတာကို သင်ယူတတ်မြောက်သွားခြင်းကိုသာ ဆိုလိုတာပါ။
ကျမတို့ရဲ့ ပန်းတိုင်ဟာ အရိပ်မည်းတွေ လုံးဝမရှိတဲ့သူတစ်ယောက် ဖြစ်လာဖို့ မဟုတ်ပါဘူး။ ကိုယ့်ရဲ့အရိပ်မည်းတွေကို ကောင်းကောင်းကြီး သိနားလည်သွားလို့၊ အဲဒါတွေကို နောက်ထပ်ကြောက်ရွံ့စရာမလိုတော့တဲ့ သူတစ်ယောက်ဖြစ်လာဖို့ပဲ ဖြစ်ပါလိမ့်မယ်။
တကယ်တော့ သင်ဖုံးကွယ်ထားချင်တဲ့ ကိုယ့်ရဲ့အစိတ်အပိုင်းလေးတွေကတောင် အရာတစ်ခုတည်းကိုပဲ တောင်းဆိုနေကြတာပါ...အဲဒါကတော့ အသိအမှတ်ပြုခံရဖို့၊ နားလည်ပေးခံရဖို့နဲ့ ကုစားခွင့်ရရှိဖို့ပါပဲ။
ဒီရက်ပိုင်းတွေထဲမှာ ကိုယ့်ရဲ့ ဘယ် shadow တွေကို ရှောင်ပြေးနေမိပါသလဲ။ ။
Ref: Cognitive Corner
