28/07/2026
#ကြားထဲက ငါတို့မြန်မာအလုပ်သမားတွေက ဆားညှပ်ခံရအုန်းမယ်
🚨 Breaking News | တာချီလိတ်တွင် ထိုင်းထီရောင်းချခဲ့သည့် ထိုင်းနိုင်ငံသား ၄ ဦး ဖမ်းဆီးခံရ
ဇူလိုင် ၂၈၊ ၂၀၂၆
မယ်ဆိုင်–တာချီလိတ် နယ်စပ်နှင့် ဆက်စပ်သည့် ဖြစ်စဉ်တစ်ခုတွင် မြန်မာနိုင်ငံ တာချီလိတ်မြို့အတွင်း ခွင့်ပြုချက်မရှိဘဲ ထိုင်းထီ ရောင်းချခဲ့သည်ဟုဆိုကာ ထိုင်းနိုင်ငံသား ၄ ဦးကို မြန်မာအာဏာပိုင်များက ဖမ်းဆီးအရေးယူထားကြောင်း သိရသည်။
သတင်းများအရ ယခုဖြစ်စဉ်မတိုင်မီ ဇူလိုင်လ ၂၀ ရက်နေ့တွင် ထိုင်းနိုင်ငံဘက်၌ ဆန်မလောမောင်းမှုနှင့် ဆက်စပ်သည်ဟုဆိုကာ မြန်မာနိုင်ငံသား ၅၀ ဦးကို ထိုင်းရဲတပ်ဖွဲ့က ဖမ်းဆီးခဲ့သည်။
ထို့နောက် ဇူလိုင်လ ၂၃ ရက်နေ့တွင် မြန်မာနှင့် ထိုင်း နှစ်နိုင်ငံမှ တာဝန်ရှိသူများ တွေ့ဆုံဆွေးနွေးခဲ့ကြောင်း သိရသော်လည်း ဆွေးနွေးခဲ့သည့် အကြောင်းအရာများကို တရားဝင် ထုတ်ပြန်ထားခြင်း မရှိသေးပေ။
ဆက်လက်၍ ဇူလိုင်လ ၂၇ ရက်နေ့တွင် ထိုင်းနိုင်ငံသား ၄ ဦးသည် တာချီလိတ်မြို့အတွင်းသို့ ဝင်ရောက်ကာ ထိုင်းထီ ရောင်းချခဲ့ကြောင်း သိရပြီး၊ ယင်းနောက် မြန်မာအာဏာပိုင်များက ခွင့်ပြုချက်မရှိသည့် ထီရောင်းချမှုဖြင့် ဖမ်းဆီးကာ အမှုဖွင့်ထားကြောင်း သိရသည်။
လက်ရှိတွင် ခွင့်ပြုချက်မရှိသော ထီရောင်းချမှုဖြင့် အရေးယူထားပြီး၊ ပြစ်မှုထင်ရှားပါက ထောင်ဒဏ် ၆ လမှ ၁ နှစ်အထိ သို့မဟုတ် ငွေဒဏ် မြန်မာကျပ် ၅ သောင်းမှ ၁ သိန်းအထိ ချမှတ်ခံရနိုင်ကြောင်း သိရသည်။
ထို့အပြင် ဖမ်းဆီးခံထားရသည့် ထိုင်းနိုင်ငံသား ၄ ဦး၏ မိတ်ဆွေတစ်ဦးက အဆိုပါအမှုနှင့်ပတ်သက်၍ ထိုင်းနိုင်ငံဘက်မှ တာဝန်ရှိသူများထံ အကူအညီ တောင်းခံထားကြောင်းလည်း သတင်းများတွင် ဖော်ပြထားသည်။
