РЦЗНТ

28/06/2026

26/06/2026

26/06/2026

Ба ифтихори Рӯзи Ваҳдати миллӣ
Ба муносибати Рӯзи Ваҳдати миллӣ роҳбарияти МД «Маркази ҷумҳуриявии ҳимояи аҳолӣ аз бемории сил» кормандони муассисаро самимона табрик намуда, барои фаъолияти содиқона, саҳми арзанда дар ҳифзи саломатии аҳолӣ ва иҷрои масъулиятҳои касбӣ онҳоро бо Ифтихорномаҳо сарфароз гардонид.
Ин иқдом нишонаи қадршиносӣ аз меҳнати софдилона ва ҳавасмандгардонии кормандон дар роҳи расидан ба ҳадафҳои соҳаи тандурустӣ мебошад.
Бигзор Ваҳдати миллӣ ҳамеша пойдор, сулҳу оромӣ ҷовидон ва барои ҳар яки мо сарчашмаи пешрафту комёбиҳои нав бошад!

Рӯзи Ваҳдати миллӣ муборак!

24/06/2026

24/06/2026

https://www.facebook.com/share/1FtR8CoZ58/

19/06/2026

Семинари омӯзишӣ барои ваксинаторони таваллудхонаҳои шаҳри Душанбе баргузор гардид.

Дар асоси фармоиши Раёсати тандурустии шаҳри Душанбе ва дар доираи татбиқи Барномаҳои давлатии «Ҳимояи аҳолӣ аз бемории сил» ва «Иммунопрофилактика» дар Ҷумҳурии Тоҷикистон барои солҳои 2026–2030 семинари омӯзишӣ барои ваксинаторони таваллудхонаҳои дар шаҳри Душанбе фаъолияткунанда баргузор карда шуд.
Ҳадафи асосии семинар баланд бардоштани сатҳи дониш ва малакаҳои касбии кормандони тиб дар самти гузаронидани иммунизатсияи навзодон, риояи талаботи санитарӣ-гигиенӣ ҳангоми нигоҳдорӣ ва истифодаи ваксинаҳо, инчунин тақвияти чораҳои пешгирии бемориҳои сироятӣ, аз ҷумла бемории сил, мебошад.
Дар ҷараёни семинар мутахассисон масъалаҳои марбут ба тақвими миллии эмгузаронӣ, тартиби гузаронидани ваксинаи БСЖ ба навзодон, нигоҳдории занҷираи сард (холодовая цепь), бақайдгирӣ ва ҳисоботи эмгузаронӣ, зидинишондодҳо барои ваксинаи БСЖ ва оризаҳои он, инчунин роҳҳои баланд бардоштани сифати хизматрасонии зиддисилӣ ва иммунопрофилактикиро баррасӣ намуданд.
Иштирокчиён доир ба санадҳои меъёрӣ, тавсияҳои нав ва таҷрибаҳои беҳтарини амалии соҳаи иммунопрофилактика ва силшиносӣ маълумоти муфид гирифта, ба саволҳои худ посухҳои мушаххас дарёфт намуданд.
Баргузории чунин чорабиниҳои омӯзишӣ ба баланд гардидани сатҳи касбияти кормандони тиб ва таъмини ҳифзи саломатии кӯдакон мусоидат намуда, дар пешгирии бемориҳои сироятӣ нақши муҳим мебозад.

18/06/2026

Омӯзиши забони англисӣ – қадаме ба сӯи рушди касбӣ
Мутахассисони Маркази шаҳрии ҳимояи аҳолӣ аз бемории сил на танҳо барои такмили дониш ва маҳорати касбии худ пайваста фаъолият менамоянд, балки бо ҷиддият ба омӯзиши забони англисӣ низ машғуланд.
Аз худ кардани забони англисӣ ба мутахассисон имконият медиҳад, ки аз дастовардҳои нави илмӣ, дастурамалҳои байналмилалӣ ва таҷрибаи пешқадами ҷаҳонӣ дар самти пешгирӣ, ташхис ва табобати бемории сил бештар истифода баранд.
Тавре мегӯянд: «Забон донӣ – ҷаҳон донӣ». Аз ин рӯ, омӯзиши забонҳои хориҷӣ яке аз роҳҳои муҳимми баланд бардоштани сатҳи дониш, рушди касбӣ ва беҳтар намудани сифати хизматрасонии тиббӣ ба аҳолӣ ба ҳисоб меравад. Мутахассисони марказ бо дарки ин масъулият барои такмили донишу малакаҳои худ пайваста кӯшиш менамоянд.

18/06/2026