26/05/2026
عيد الأضحى ديما يجمعنا على الفرحة و اللمة الحلوة 🐑✨
أما زادة مهمّ نحافظو على توازننا الغذائي باش نستمتعو بالعيد بصحة وراحة.
اللحم الأحمر يعتبر مصدر مهم للبروتينات عالية الجودة، خاطر يحتوي على الأحماض الأمينية الأساسية اللي الجسم ما ينجمش يصنعها وحدو.
كما يتميّز باحتوائه على الحديد الهيمي (Fer héminique) المعروف بسرعة امتصاصه واستفادة الجسم منه، إضافة إلى فيتامينات مجموعة B المهمّة للطاقة، تكوين الدم ودعم الجهاز العصبي.
رغم الفوائد الغذائية للحم العلوش، فإنّ الإفراط في تناولو أو اختيار القطع الدسمة بكثرة ينجم تكون عندو بعض الأضرار الصحية، خاصة مع العادات الغذائية في العيد 🐑
◀️بعض النصائح الغذائية في العيد:
☑️ اعتماد طرق طهي صحية كيف الشوي أو الطهي في الفرن بدل القلي.
☑️الاعتدال في استهلاك لحم والابتعاد عن الإفراط في الشحم والدهون.
☑️ما نبدوش النهار بكميات كبيرة من اللحم خاصة على الريق، الأحسن فطور صباح صحي ومتوازن.
☑️مع اللحم نحاولو ناكلو برشا سلاطة وخضرة النية خاطر تساعد على الهضم و تقلل من امتصاص الدهون.
☑️ شرب الماء طوال اليوم + ماء ديتوكس طيلة ايام العيد .
☑️التقليل من المشروبات الغازية و إبدالها بالعصائر الطبيعية دون اضافة السكر
☑️مرضى السكري و ضغط الدم والكوليستيرول و الدهون الثلاثية لازم ينتبهو أكثر للكميات.
☑️المشي والحركة الخفيفة بعد أكل يساعدو على تحسين الهضم، التقليل من الثقل والخمول، وتنظيم مستوى السكر والدهون في الجسم.
وفي النهاية، التوازن يبقى أهم قاعدة ✨
عيد أضحى مبارك و ينعاد عليكم بالصحة و السلامة 💙
