Limera Ettounsia - المرا التونسية

25/08/2026

25/08/2026

برج الميزان

29/07/2026

يسألوني ساعات: قدّاش عمرك؟
نضحك... ونقلهم: عمري يتبدّل على قدّ الناس اللي نلقاهم في حياتي.
كي نلقى شكون يحنّ عليّا، نولّي بنت العشرين... نضحك من قلبي، ونحسّ الدنيا مازالت بخير.
وكي تحتويني الأيام بحنان كيما حنان امي و طيبتها، نرجع طفلة صغيرة... ما تعرف من العمر كان الأمان.
وكي يدقّ الحب باب قلبي، نولّي صبيّة في عزّ شبابها... نحلم، ونفرح، ونعيش.
أما كي تقسى عليا الدنيا، وتكثر الخيبات، ويتبدّل الاحتواء بالخذلان... نفيق على روح تاعبة، وبدن هازز عمر ما عاشوش... ونحسّ روحي وصلِت للثمانين.
افهموها...
عمر المرأة موش المكتوب في بطاقة التعريف.
عمرها في قلبها.
في الضحكة اللي يضحكهالها واحد يحبها،
في الدمعة اللي يمسحهالها واحد يخاف عليها،
في الكلمة الباهية اللي تقولهلها في الوقت اللي هي طايحة فيه.
ما عادش تسألو المرأة قدّاش عمرك...
اسألوها: شكون محتويك؟ شكون واقف معاك؟ شكون مطبّبلك جرحك؟ و شكون احبك كيما انت بالخايب الي فيك قبل الباهي...
راهي المرأة ما تنساش...
ما تنساش شكون شرى خاطرها كي الناس الكل باعتها،
ما تنساش اليد اللي شدّتها كي كانت باش تطيح،
وما تنساش الكلمة اللي رجّعتلها الروح كي كانت مستحقة باش تسمعها
الاحتواء راهو رزق... نعمة كبيرة.
اللي يلقاه، زاد في عمرو عمرين.