Cabinet Dr Hend kallel néphrologue عيادة امراض كلى

12/09/2026

حصى الكلى: لماذا تتكوّن؟ وما أعراضها وكيف نتخلص منها؟ 🫘💧فيديو مفصل و مبسط
#كلى #معلومة #تونس #الجزائر #ليبيا #مصر #السعودية

يمكن أن تكون حصوات الكلى أحد أسباب آلام الكلى الحادة. ما هي أسباب ذ...

09/09/2026

Happy kidney happy life 🌸❣️
خمس أشياء اتمنى ما تعملهاش 🙏
#صحة #كلى #تونس #مصر #الجزائر #ليبيا #السعودية #معلومة

09/09/2026

09/09/2026

القصور الكلوي: شنوّة هو؟ أسبابه، أعراضه وكيفاش نحميوا كلاوينا؟ 🩺🫘
القصور الكلوي: كيفاش نكتشفوه قبل فوات الاوان
#صحة #كلى #تونس #ليبيا #مصر #السعودية #الجزائر #معلومة

02/09/2026

#زلال #صحة #كلى #تونس #ليبيا #مصر #الجزائر #معلومة

01/09/2026

شنوة هو الزلال 🤔 شنوة هى البومينة 🧐 هل خطيرة يا دكتورة ⁉️:

🩺 الزلال في البول عند مريض السكري… شنوة معناه؟

إذا عندك سكري، الكلاوي متاعك يلزمنا نراقبوهم بصفة دورية، خاطر السكري مع الوقت ينجم يأثر عليهم.

🔹 شنوة هو الزلال؟
الزلال هو بروتين موجود عادةً في الدم. كي تبدأ الكلاوي تتأثر، كمية من البروتين هذا تنجم تتسرّب للبول. وظهور الزلال ينجم يكون من أول العلامات اللي تقول إنّ الكلاوي بدات تتأثر بالسكري.

🔹 كيفاش نكتشفوه؟
بتحليل بول بسيط اسمو UACR، يقيس نسبة الألبومين للكرياتينين في البول.

🔹 شنوة تعني النتيجة؟
أقل من 30 mg/g: طبيعي أو زيادة طفيفة.
من 30 إلى 300: زيادة متوسطة في الزلال.
أكثر من 300: زيادة شديدة وتستحق متابعة دقيقة.

⚠️ المهم: وجود نتيجة مرتفعة مرة واحدة موش بالضرورة يعني مرض كلوي مزمن، وعادةً يلزم تأكيدها وإعادة التحليل حسب الحالة.

💚 كيف نحافظو على الكلاوي؟
نضبطو السكري والضغط، نتابعو وظائف الكلى والزلال، وناخذو العلاج المناسب اللي يحددو الطبيب.

والأهم: الزلال في بدايتو عادةً ما يعمل حتى أعراض، لذلك التحليل الدوري مهم برشة.

د هند | استشارية أمراض الكلى
#كلى #صحة #معلومة #طب #زلال
#تونس #ليبيا #الجزائر

01/09/2026

الصمغ العربي والقصور الكلوي: علاج صحيح وإلا مجرد وصفة شعبية؟

شنوّة هو الصمغ العربي؟
الصمغ العربي مادّة طبيعية نباتية تتستخرج من شجرة الأكاسيا، واستُعملت من زمان في الطب الشعبي.

شنوّة يقول العلم؟
فمّا بعض الدراسات الصغيرة اللي لقات إنّو الصمغ العربي ينجم:

يزيد في طرح النيتروجين عن طريق الأمعاء.

ينقّص شوية من نسبة اليوريا.

ويمكن يكون عندو تأثير على بعض مؤشرات الالتهاب.

⚠️ أما إلى حدّ الآن، ما فماش دليل علمي قوي يثبت إنّو يرجّع وظائف الكلى أو يعالج القصور الكلوي المزمن.

حاجة مهمّة برشة:
نقصان اليوريا بعد استعمال الصمغ العربي موش بالضرورة معناه إنّ الكلى تحسّنت أو إنّ الـGFR طلع.

الصمغ العربي يمكن يكون عندو فايدة في بعض الحالات، أما ما يعوّضش العلاج ولا متابعة طبيب الكلى.

نصيحتي لمرضى الكلى: اتبع علاجك، اشرب كمية الماء اللي سامحلك بيها طبيبك، وما تستعمل حتى أعشاب أو مكمّلات قبل ما تستشيرو.

الخلاصة: الصمغ العربي موش علاج للقصور الكلوي. ما توقفش دواك وما تبدّلوش بوصفة شعبية من غير استشارة طبيبك.

مع د. هند – استشارية الكلى
#كلى #معلومة #طب #صحة