25/02/2025
😱到呢一刻我仍然唔相信我跑完左一個全馬 42.195K
話說我人生都只係跑過三隻半馬
2017 台北渣半馬
2023 台北長榮半馬
2025 Unicef 半馬
真心，從無諗過挑戰全馬。。。
21K都夠長，點跑42K?
誰知，諗住陪老公報名，結果就一齊抽中😱
咁，唯有踏上訓練列車罷。。
下刪3000字比賽前既低落，anyway就係
腳傷反覆
花了一大堆治療費
長距離只練到26K (很多文章話至少練到30K或更多)
比賽前一個月暫停訓練休腳
等
目標由最初
👉🏻5小時完成
👉🏻到完賽就好了
👉🏻最後係盡力跑得幾多得幾多啦 (跑完個20K功課腳趾就痛到行路都有問題。。)
Crazy 1 - 馬拉松式的累
我哋星期六完成左馬拉松式教會堂慶大project，就火速到機場搭凌晨機，落機後去大阪馬博覽會買買買，第二日就比賽，真心crazy!
Crazy 2 - 天氣補給喜出望外
不過，今年大阪馬仲crazy! 一時落雪❄️，一時凍😵，一時有天朗氣清☀️，係裝備上已經要臨急配搭！不過由起點到終點，我經驗既5個幾鐘，基本上時時刻刻都有人出曬力同你打氣，大會補給密到食唔切 (朱古力、炸雞、酸蕎頭、饅頭、糖。。。。) (仲要食自己預備既gel、糖)，仲有最感動係市民既私補，有可樂、噴撒隆巴斯、糖。。。一家大細一齊吶喊助威，好感受到佢哋當呢一個係一個盛事！所以一路走來都唔悶。
Crazy 3 - 心理狀態是關鍵
頭幾K一開始就腳趾傷患同前掌痛，心諗咁快黎料？不過跑到就照去啦。。
等起步又想再去廁所😑，但唔係行好遠、就勁多人排、或廁所指示都見唔到。揾廁所遊戲去到14K，終於要放低幾両啦！去排15分鐘廁所！呢15分鐘同香港跑友傾下計，拍下落雪片，又繼續上路！
到左32K，美食街，望黎望去無咩野食啱，加上勁多人，遠處見到有人派緊兩粒好似提子既野，原來係酸蕎頭！又爽，又酸，個人立即醒一醒阿！
去到34K左右，真係開始雙腳只有抬起同放低，慢住咁跑，真係每1K都好慢。。😭但當估計自己應該會跑完全程，就只會向前移動，不會停步！
最後見到42K個牌 (即係仲有195米)，由9分披立刻上返7分披全力衝埋佢！
總結:總算順利無傷完賽，已經最大的感恩與感動！
連環浸温泉後，今日仲可以行街shopping，所以我懷疑自己無跑過全馬😂😂
