Bolalar onkologiyasi, gematologiyasi va immunologiyasi markazi

Bolalar onkologiyasi, gematologiyasi va immunologiyasi markazi Contact information, map and directions, contact form, opening hours, services, ratings, photos, videos and announcements from Bolalar onkologiyasi, gematologiyasi va immunologiyasi markazi, Medical and health, Чиланзарский район, Улица Арнасой, 2/катта Чилонзор МСГ, дом 17, Tashkent.

Prezident Shavkat Mirziyoyev Qoraqalpogʻiston ilmiy-amaliy tibbiyot akademiyasi faoliyati bilan tanishdi.—Президент Шавк...
18/09/2026

Prezident Shavkat Mirziyoyev Qoraqalpogʻiston ilmiy-amaliy tibbiyot akademiyasi faoliyati bilan tanishdi.
—
Президент Шавкат Мирзиёев ознакомился с деятельностью Каракалпакской научно-практической медицинской академии.

#ДаримЖизньМечте

SIOP 2026: Markaz jamoasining amaliy ishtiroki16-sentabr58-Xalqaro bolalar onkologiyasi jamiyati kongressi — Internation...
17/09/2026

SIOP 2026: Markaz jamoasining amaliy ishtiroki

16-sentabr

58-Xalqaro bolalar onkologiyasi jamiyati kongressi — International Society of Paediatric Oncology (SIOP) doirasida Markazimiz jamoasi nafaqat ilmiy sessiyalarda, balki O‘zbekistonda bolalar onkologiyasini rivojlantirish bilan bevosita bog‘liq bo‘lgan muhim ishchi muhokamalarda ham faol ishtirok etmoqda.

Shunday muhim tadbirlardan biri Osiyo qit’asida suyak ko‘migi transplantatsiyasini rivojlantirishga bag‘ishlangan “Osiyoda gematopoetik o‘zak hujayralar transplantatsiyasi: SIOP Asia / APHOG so‘rovi” ishchi sessiyasi bo‘ldi. Uchrashuv Jahon sog‘liqni saqlash tashkiloti (JSST) homiyligida o‘tkazildi.

Sessiyada Osiyo mamlakatlarida gematopoetik o‘zak hujayralar transplantatsiyasi (GOSHHT) imkoniyatlarini rivojlantirish va uning ommabopligini oshirish bo‘yicha qo‘shma loyihaning joriy holati muhokama qilindi. Markazimiz vakillari GOSHHT bo‘yicha yagona Osiyo reyestrini yaratish hamda O‘zbekistonning suyak ko‘migi transplantatsiyasi yo‘nalishidagi xalqaro tashabbuslarda ishtirok etish istiqbollari yuzasidan faol munozarada qatnashdi.

Shuningdek, Markaz jamoasi Jahon sog‘liqni saqlash tashkiloti va Childhood Cancer International (CCI)ning “Yevroosiyo mintaqasida pediatrik onkologiyada innovatsiyalar” mavzusidagi qo‘shma ishchi guruhida ham ishtirok etdi. Unda O‘zbekiston muvaffaqiyatli tajriba sifatida taqdim etildi.

Bu biz uchun alohida ahamiyatga ega. Bugun biz nafaqat xalqaro tajribani o‘rganmoqdamiz, balki o‘zimiz erishgan natijalarni ham xalqaro professional hamjamiyatga taqdim etmoqdamiz. Bu O‘zbekistonda bolalar onkologiyasi va gematologiyasi sohasida kuchli professional maktab shakllanayotganini namoyon etadi.

Oldimizda hali kadrlar, tashkiliy va tizimli masalalar bo‘yicha muhim vazifalar turibdi. Eng muhimi — biz oldinga intilmoqdamiz, rivojlanmoqdamiz va xalqaro professional hamjamiyatning faol qismiga aylanmoqdamiz.

#ДаримЖизньМечте

SIOP 2026: O‘zbekiston bolalar onkologiyasi bo‘yicha xalqaro professional maydonda16-sentabr | SIOP 2026SIOP — Internati...
17/09/2026

SIOP 2026: O‘zbekiston bolalar onkologiyasi bo‘yicha xalqaro professional maydonda

16-sentabr | SIOP 2026

SIOP — International Society of Paediatric Oncology / Société Internationale d’Oncologie Pédiatrique, ya’ni Xalqaro bolalar onkologiyasi jamiyati — bolalar va o‘smirlar saratoni yo‘nalishida faoliyat yurituvchi shifokorlar, tadqiqotchilar, tibbiyot hamshiralari, ekspertlar, bemorlar hamjamiyatlari va xalqaro hamkorlarni birlashtiruvchi dunyodagi yetakchi professional maydonlardan biridir.

Bugungi k***a SIOP butun dunyo mutaxassislarini oltita qit’aviy yo‘nalish orqali birlashtiradi: SIOP Africa, SIOP Asia, SIOP Europe / SIOPE, SIOP Latin America / SLAOP, SIOP North America va SIOP Oceania.

Markazimiz uchun SIOP 2026 kongressida ishtirok etish — shunchaki xalqaro kongressda qatnashish emas. Bu O‘zbekiston bolalar saratoniga qarshi kurash sohasidagi global professional hamjamiyatning faol ishtirokchisiga aylanayotganini namoyish etish uchun muhim imkoniyatdir.

Bunday xalqaro professional maydonlarda nafaqat zamonaviy davolash yondashuvlari, balki erta tashxis, tibbiy yordam sifati, mutaxassislarni tayyorlash, tibbiyot hamshiralarining roli, ilmiy tadqiqotlar, xalqaro hamkorlik va kelgusidagi strategik rejalar kabi tizimni rivojlantirishning muhim yo‘nalishlari ham muhokama qilinadi.

Biz uchun bu muhim qadam. Biz yangi bilim va tajribalarni o‘zlashtirmoqdamiz, xalqaro hamkorlikni mustahkamlamoqdamiz va shu bilan birga O‘zbekiston bolalar onkologiyasining yutuqlarini xalqaro miqyosda namoyish etmoqdamiz.

Biz bu yerda o‘rganish, tajriba almashish va O‘zbekistonning rivojlanayotganini, oldinga intilayotganini hamda bolalar hayoti va salomatligini himoya qilishga qaratilgan global harakatning faol ishtirokchisiga aylanayotganini namoyish etish uchunmiz.

#ДаримЖизньМечте

SIOP 2026: O‘zbekiston bolalar onkologiyasi bo‘yicha xalqaro professional maydonda16-sentabr | SIOP 2026SIOP — Internati...
17/09/2026

SIOP 2026: O‘zbekiston bolalar onkologiyasi bo‘yicha xalqaro professional maydonda

16-sentabr | SIOP 2026

SIOP — International Society of Paediatric Oncology / Société Internationale d’Oncologie Pédiatrique, ya’ni Xalqaro bolalar onkologiyasi jamiyati — bolalar va o‘smirlar saratoni yo‘nalishida faoliyat yurituvchi shifokorlar, tadqiqotchilar, tibbiyot hamshiralari, ekspertlar, bemorlar hamjamiyatlari va xalqaro hamkorlarni birlashtiruvchi dunyodagi yetakchi professional maydonlardan biridir.

Bugungi k***a SIOP butun dunyo mutaxassislarini oltita qit’aviy yo‘nalish orqali birlashtiradi: SIOP Africa, SIOP Asia, SIOP Europe / SIOPE, SIOP Latin America / SLAOP, SIOP North America va SIOP Oceania.

Markazimiz uchun SIOP 2026 kongressida ishtirok etish — shunchaki xalqaro kongressda qatnashish emas. Bu O‘zbekiston bolalar saratoniga qarshi kurash sohasidagi global professional hamjamiyatning faol ishtirokchisiga aylanayotganini namoyish etish uchun muhim imkoniyatdir.

Bunday xalqaro professional maydonlarda nafaqat zamonaviy davolash yondashuvlari, balki erta tashxis, tibbiy yordam sifati, mutaxassislarni tayyorlash, tibbiyot hamshiralarining roli, ilmiy tadqiqotlar, xalqaro hamkorlik va kelgusidagi strategik rejalar kabi tizimni rivojlantirishning muhim yo‘nalishlari ham muhokama qilinadi.

Biz uchun bu muhim qadam. Biz yangi bilim va tajribalarni o‘zlashtirmoqdamiz, xalqaro hamkorlikni mustahkamlamoqdamiz va shu bilan birga O‘zbekiston bolalar onkologiyasining yutuqlarini xalqaro miqyosda namoyish etmoqdamiz.

Biz bu yerda o‘rganish, tajriba almashish va O‘zbekistonning rivojlanayotganini, oldinga intilayotganini hamda bolalar hayoti va salomatligini himoya qilishga qaratilgan global harakatning faol ishtirokchisiga aylanayotganini namoyish etish uchunmiz.

#ДаримЖизньМечте

SIOP 2026: Markaz delegatsiyasi xalqaro sessiyada ishtirok etdi2026-yil 16-sentabr kuni AQShda 58-Xalqaro bolalar onkolo...
17/09/2026

SIOP 2026: Markaz delegatsiyasi xalqaro sessiyada ishtirok etdi

2026-yil 16-sentabr kuni AQShda 58-Xalqaro bolalar onkologiyasi kongressi — SIOP 2026 doirasida WHO–SIOP Asia–POEM–ESHDOG Meeting “Innovating Pediatric Cancer Care in Eurasia: Novel Interventions and Training Technologies for a Resilient Workforce” mavzusida xalqaro sessiya bo‘lib o‘tdi.

Sessiyada Bolalar gematologiyasi, onkologiyasi va klinik immunologiyasi ilmiy-amaliy tibbiyot markazi direktori, professor Jamila Shag‘ayratovna Polatova boshchiligidagi O‘zbekiston delegatsiyasi ishtirok etdi.

Sessiya doirasida Jamila Shag‘ayratovna Polatova “Uzbekistan’s Journey: Uniting National Commitments and Global Partnerships to Transform Care for Children with Cancer” mavzusida ma’ruza qilib, O‘zbekistonda bolalar onkologik kasalliklariga ixtisoslashtirilgan tibbiy yordamni rivojlantirish, milliy majburiyatlar va xalqaro hamkorlikni uyg‘unlashtirish borasidagi tajriba hamda amalga oshirilayotgan ishlar haqida ma’lumot berdi.

Shuningdek, Garik Sagoyan Rossiya vakili Kirill Kirgizov bilan hammualliflikda ESHDOG raqamli platformasi tajribasi va natijalari haqida taqdimot qildi.

Sessiyada bolalar onkologiyasi sohasida kadrlar salohiyatini rivojlantirish, raqamli texnologiyalardan foydalanish, mintaqalararo hamkorlikni kuchaytirish hamda Yevrosiyoda bolalar onkologiyasi va gematologiyasi bo‘yicha yagona professional makonni shakllantirish masalalari muhokama qilindi.

Mazkur xalqaro ishtirok O‘zbekistonning bolalar onkologiyasi sohasida xalqaro hamkorlikni kengaytirish va ilg‘or tajribalarni milliy tibbiyot amaliyotiga joriy etish yo‘lidagi muhim qadamlaridan biridir.

Eslatib o‘tamiz: SIOP 2027 kongressiga O‘zbekiston mezbonlik qiladi. Bu nufuzli xalqaro tadbir O‘zbekistonda bolalar onkologiyasi va gematologiyasi sohasidagi xalqaro ilmiy hamkorlikni yanada rivojlantirish uchun muhim platformaga aylanadi.

#ДаримЖизньМечте

SIOP 2026: Kongressning birinchi kuniAQShda 15–18-sentabr kunlari International Society of Paediatric Oncology (SIOP) to...
17/09/2026

SIOP 2026: Kongressning birinchi kuni

AQShda 15–18-sentabr kunlari International Society of Paediatric Oncology (SIOP) tomonidan tashkil etilayotgan 58-Xalqaro kongress — SIOP 2026 bo‘lib o‘tmoqda.

Kongressning birinchi kunida bolalar onkologiyasi va gematologiyasi sohasidagi dolzarb masalalarga bag‘ishlangan ilmiy sessiyalar, professional uchrashuvlar va muhokamalar tashkil etildi.

Bolalar gematologiyasi, onkologiyasi va immunologiyasi ilmiy-amaliy tibbiyot markazi direktori, professor Jamila Shag’ayratovna Polatova boshchiligidagi Markaz delegatsiyasi SIOP 2026 Kongressining birinchi kunida ishtirok etdi.
Kun davomida Markaz vakillari ilmiy sessiyalarda qatnashib, bolalar onkologiyasi va gematologiyasi yo‘nalishidagi zamonaviy ilmiy va amaliy yondashuvlar, ilg‘or tajribalar hamda xalqaro amaliyot bilan tanishdilar.

Shuningdek, Kongress doirasidagi professional uchrashuvlar xalqaro hamkorlikni rivojlantirish, xorijiy mutaxassislar bilan tajriba almashish va sohadagi zamonaviy yondashuvlarni muhokama qilish uchun imkoniyat yaratdi.

SIOP 2026 Kongressi o‘z ishini davom ettirmoqda.

#ДаримЖизньМечте

ADIOR yig‘ilishida Markaz ishtiroki2026-yil 15-sentabr kuni Moskva shahrida IX Xalqaro onkologiya va radioterapiya forum...
17/09/2026

ADIOR yig‘ilishida Markaz ishtiroki

2026-yil 15-sentabr kuni Moskva shahrida IX Xalqaro onkologiya va radioterapiya forumi — «Ради Жизни — FOR LIFE» doirasida ADIOR Boshqaruv kengashi yig‘ilishi bo‘lib o‘tdi.

Unda Bolalar gematologiyasi, onkologiyasi va immunologiyasi ilmiy-amaliy tibbiyot markazi ham ishtirok etdi.

Markaz direktori, professor Jamila Shag‘ayratovna Polatova nomidan ilmiy ishlar bo‘yicha direktor o‘rinbosari Guzal Bakirovna Mamedova tabrik so‘zi bilan chiqish qildi.

Yig‘ilishda xalqaro hamkorlik, tajriba almashish va bolalar onkologiyasi sohasida professional aloqalarni rivojlantirish masalalari muhokama qilindi.

──────────────

Участие Центра в заседании АДИОР

15 сентября 2026 года в Москве в рамках форума «Ради Жизни — FOR LIFE» состоялось заседание Правления АДИОР.

В заседании принял участие Научно-практический медицинский центр детской гематологии, онкологии и иммунологии.

От имени директора Центра, профессора Джамили Шагайратовны Полатовой, выступила заместитель директора по научной работе Гузаль Бакировна Мамедова.

В центре внимания — международное сотрудничество, обмен опытом и развитие профессиональных связей в сфере детской онкологии и гематологии.

#ДаримЖизньМечте

Samarqand viloyatida bolalar onkologiyasi va gematologiyasi yo‘nalishida amaliy ishlar olib borildiO‘zbekiston Respublik...
17/09/2026

Samarqand viloyatida bolalar onkologiyasi va gematologiyasi yo‘nalishida amaliy ishlar olib borildi

O‘zbekiston Respublikasi Prezidentining 186-sonli qarori ijrosini ta’minlash maqsadida Samarqand viloyatida tibbiy xizmat sifatini oshirish, bemorlarni chuqur ko‘rikdan o‘tkazish hamda zamonaviy davolash yondashuvlarini amaliyotga tatbiq etish bo‘yicha ishlar davom ettirilmoqda.

Mazkur ishlar doirasida Bolalar gematologiyasi, onkologiyasi va klinik immunologiyasi ilmiy-amaliy tibbiyot markazi mutaxassisi Xo‘jaev Shohruxbek Qahorbek o‘g‘li ishchi guruh tarkibida Samarqand viloyatida bo‘lib, bolalar onkologiyasi yo‘nalishidagi bemorlarni ko‘rikdan o‘tkazdi.

Tashrif davomida bemorlarning klinik holati baholanib, ularga zarur tibbiy tavsiyalar berildi hamda davolashning zamonaviy usullari bo‘yicha tegishli tushuntirishlar taqdim etildi.

Shuningdek, Markaz mutaxassisi 2 nafar bemorning jarrohlik amaliyotlarida ishtirok etdi. Operatsiyalar jarayonida zamonaviy yondashuvlar va amaliy tajriba almashinuvi amalga oshirildi.
Bundan tashqari, 3 nafar bemorning klinik holati mahalliy tumor-bord yig‘ilishida muhokama qilindi. Muhokama davomida har bir bemor bo‘yicha diagnostika va davolash taktikasini belgilashga qaratilgan mutaxassislararo fikr almashinuvi o‘tkazildi.

Bunday amaliy tashriflar hududlardagi tibbiyot mutaxassislarining malakasini oshirish, murakkab klinik holatlarni markaziy va hududiy mutaxassislar ishtirokida muhokama qilish hamda bolalar onkologiyasi va gematologiyasi sohasida zamonaviy tibbiy yondashuvlarni keng joriy etishga xizmat qiladi.

#ДаримЖизньМечте

17/09/2026

Markazda murakkab jarrohlik amaliyotlari davom etmoqda

Bugun Markazimizda bolalar onkologiyasi va gematologiyasi yo‘nalishida navbatdagi murakkab jarrohlik amaliyoti muvaffaqiyatli amalga oshirildi.

Jarrohlik amaliyotini Bolalar gematologiyasi, onkologiyasi va immunologiyasi ilmiy-amaliy tibbiyot markazi 2-jarrohlik bo‘limi mudiri Fazilat Kamolova olib bordi.

Bunday murakkab jarrohlik amaliyotlarining muvaffaqiyatli bajarilishi Markaz mutaxassislarining yuqori malakasi, zamonaviy tibbiy yondashuvlar va bolalarga ixtisoslashtirilgan tibbiy yordam ko‘rsatish borasidagi izchil ishlarning natijasidir.
Jarrohlik amaliyotining borishi va uning tafsilotlarini videolavhada batafsil kuzatishingiz mumkin.

──────────────

В Центре продолжаются сложные хирургические операции

Сегодня в нашем Центре успешно проведено очередное сложное хирургическое вмешательство в области детской онкологии и гематологии.

Операцию провела заведующая 2-м хирургическим отделением Научно-практического медицинского центра детской гематологии, онкологии и иммунологии Фазилат Камолова.

Успешное проведение сложных хирургических вмешательств является результатом высокой квалификации специалистов Центра, применения современных медицинских подходов и последовательной работы по совершенствованию специализированной медицинской помощи детям.

Подробности хирургического вмешательства и ход операции смотрите в видеоматериале.

#ДаримЖизньМечте

17/09/2026

Samarqandda yangi tibbiy obyekt qurilishi o‘rganildi

Samarqand viloyatida amalga oshirilayotgan xalqaro amaliy tashrif doirasida bolalar onkologiyasi, gematologiyasi va immunologiyasi yo‘nalishida faoliyat yurituvchi yangi tibbiy obyektning qurilish jarayoni o‘rganildi.

Tashrif davomida Bolalar gematologiyasi, onkologiyasi va immunologiyasi ilmiy-amaliy tibbiyot markazi mutaxassislari hamda Dmitriy Rogachev nomidagi Milliy tibbiy tadqiqot markazi ekspertlari obyektning ichki infratuzilmasi, xonalar joylashuvi, funksional zonalar hamda kelgusida o‘rnatilishi rejalashtirilgan tibbiy jihozlar bilan bog‘liq masalalarni ko‘rib chiqdilar.

Mutaxassislar tomonidan obyektni zamonaviy tibbiy standartlar va amaliy talablar asosida tashkil etish, qurilish jarayonini jadallashtirish hamda mavjud masalalarni o‘z vaqtida bartaraf etish yuzasidan fikr va takliflar bildirildi.

Mazkur ishlar bolalar onkologiyasi va gematologiyasi sohasida hududiy tibbiy xizmat imkoniyatlarini kengaytirish, zamonaviy diagnostika va davolash sharoitlarini yaratishga qaratilgan.

Qurilish jarayoni, obyektning infratuzilmasi va mutaxassislar fikri — videomizda.

#ДаримЖизньМечте

Address

Чиланзарский район, Улица Арнасой, 2/катта Чилонзор МСГ, дом 17
Tashkent

Website

Alerts

Be the first to know and let us send you an email when Bolalar onkologiyasi, gematologiyasi va immunologiyasi markazi posts news and promotions. Your email address will not be used for any other purpose, and you can unsubscribe at any time.

Shortcuts

Share

Category